Jerimaya 10:18 - FỊAFỊA BAỊBỤLỤ

¹⁸ KỊNỊNYANAḄỌ mị amakiri mẹ ḅio ọ́ kẹ gbin pakama ḅẹ-ḅiiarị; ori ọ́ mịẹ nwenii tẹ ọmịna ḅụ gbọrụḅọ-sọ kiri kọn ḅịa. KỊNỊNYANAḄỌ ḅe ọkọ ḅẹẹm.

Jerimaya 10:18 Iomraidhean Croise

Ayịzaya 22:17

Ẹbịsịya tomi ị́ kẹ ye-sịn-arị, kụma KỊNỊNYANAḄỌ ḅe ị́ saakị ọkị tẹ ị́ kẹ gbin nguma ḅa.

Jerimaya 16:13

Anịtẹso, mie ḅụ, arị ó sukuruma pakama ḅa mị amakiri mẹ ḅụ, tẹ ó mu ọmịnị-o, ọmịna elemu aḍapụ ma-o, amụ nimi-a anga mu ḅa. Tẹ anịanga ọ́ fịrịmẹnjị oru-atamụnọ pịrị ḅa eneḅaka na ḍin na ḅụ, tẹ àrị ọkụrụkụrụ nyana ọ́ pịrị ḅịa.’ ”

Jerimaya 22:26

À kụrọ-ḅara kẹ ị́yẹrị na í iyingi na kun-so ḅa. Ó mu ḅarị sịẹ mẹ ọmịna ḅụ ḅẹ gbọrụḅọ-sọ anịjụ iyi-a, tẹ ọmịnị maa apụ anịjụ fịị ḅa.

Jerimaya 23:20

tẹ anị fie pẹlẹ ḅịa nwenii ò ḅiotọn-arị ọ̀ mịẹ ḅa nwẹn ḅẹẹ ye goyegoye mịẹ fama ḅa. Ḅo ḅarị ene ma ḅụ ori atomi giregire ḅara kẹ miemẹ fiearị ye naa ḅa.”

Izikẹlị 6:10

In nimi ḅa mịnẹ yẹrị anie KỊNỊNYANAḄỌ ḅe, tẹ à kẹ ịna aḅeri nụnụ sime aị ma ye-ḅụ-ofori papaa ẹrẹma-a.”

Zẹfanaya 1:17

KỊNỊNYANAḄỌ ḅe ḅẹẹarị, “Àrị ọkị-ḅo tomina ọgọnọ gbana ḅarị opu ḅụụ-fụka ḅụ, ọrụḅọ-ọrụḅọ tọrụngbọ-pụụntẹḅọ kịka ḅara kẹ ye ḅii ma mẹnjị ḅa. In si kẹ ị̀ mịẹ tẹẹ, mịọkụ ịna ọmbie minji sara ḅara sara ḅa, tẹ ịna oju-akpakpa ma kiri ọgọnọ sara sime tẹ ḅụrụ ḅa.”

Zẹkaraya 1:6

Ị̀ afịrịmẹnjịapụ ịkịankoroapụ ma ḅụ à ḅọrọ tẹ oloko sụa-sụa ịn pịrị tẹ ịna aḅeri nụnụm, kụma ini arị kẹ ye-sịn-a tẹ anị dogi-ḅo ḅụụ-fụka dam. Anịtẹso in si-ḅụ-pịkị tẹ nimim mịnẹ yẹrị Kụrọmamgba nyana KỊNỊNYANAḄỌ ḅe mie in fomu ye ịn da na-iḅi ḅara ḅụ, à pịkị tọn pẹlẹm à mịẹ ḅẹ ḅara.’ ”

Ditẹrọnọmị 28:52

Ọmịna ama mamgba ḅụ ini ọmịnị ikelema-koro tẹ owu kẹ ọ́ paka ḅa, nwenii ọmịnị ọmụ gotẹ mịẹ kụrọma geletẹ onu ma tẹ ó ḅioḅẹngbọ kẹ gbana aị ma ịn nwẹn kan sara fama ḅa ọmịna ama mamgba ikelema-koro ḅụ; tẹ ọmịna ama mamgba tẹ KỊNỊNYANAḄỌ ọmịna Tamụnọ ḅe kẹ ọ́ pịrị tẹ ama mamgba ḅụ ini ọmịnị ikelema-koro tẹ owu kẹ ọ́ paka ḅa.

1 Samụẹlị 25:29

Tomi nwẹnị í ḍuka ḅẹ saakị, tẹ í ḍumo ḍọkị-ḍọkị, KỊNỊNYANAḄỌ ị́ Tamụnọ ḅe ḍikiḍiki ḅụ simearị ḍumo wararị apụ ma ogbo-ḅio mie ini ị̀ nyanaḅọ ḅe ḍumo mẹ ḍọkị-ẹrị ḅarị ye; anịsakị ị́ na fịya-a apụ ma aḍumo ma ọ̀ kẹ ịn kẹ ye gbin pakamarị ḍigi mẹ ḅẹ iseleḅa mẹ ḅụ sụa tẹ arị gbin nguma ḅa.