Jerimaya 10:16 - FỊAFỊA BAỊBỤLỤ

¹⁶ Jekọbụ Tamụnọ ḅe ori ịn kịka-a; Ori anie ḅẹẹye-ḅẹẹye tẹmẹḅọọ, tẹ Izirẹlị sẹlẹ ọkị tẹ ini ò soku-ḅẹ atomi sọm. Kụrọmamgba nyana KỊNỊNYANAḄỌ anie ori ẹrẹ.

Jerimaya 10:16 Iomraidhean Croise

Devidi-Anume 119:57

Yei KỊNỊNYANAḄỌ, í ḅioju mie à nyana ḅẹ-ḅiiarị; à mininim àrị í oloko ma poki tẹ mị.

Devidi-Anume 135:4

Ori Jekọbụ sẹlẹ ọ̀ ḅụụ pịrịm, Izirẹlịapụ ma ori ịn kẹ ori atomi sọmam.

Devidi-Anume 142:5

KỊNỊNYANAḄỌ, à ḅarasụa gotẹ owu ị́ pịrịarị; KỊNỊNYANAḄỌ, mie ị̀ gbaịn ḅọrọmarị ḅẹ; mịẹ ḍumo mẹ ḅụ í sikima à jen ḅii-a.

Devidi-Anume 33:6

KỊNỊNYANAḄỌ ḅe tọn tẹ So ma tẹmẹm: ịrụa mẹ na akalụ mẹ na, lolia ma na sọ ori ẹkwẹn ḅụ tẹmẹm.

Devidi-Anume 73:26

Ịnyọ ị̀ kuroma na ị̀ meni-oju mẹ na ta ḅa; kụma Tamụnọ anie ị̀ ịnyọ à nyana tẹ ḅii ḅẹ ye mamgba, ḅẹẹ-sakị ḅẹẹ-sakị ḅụ, anie ori.

Devidi-Anume 74:2

Ị́ atomi ma kẹ ḅiokoroma, iḅere-iḅerea kụra-ḅio ị́ sẹlẹ ọkị apụ ma, omoni ḅara-ḅio ị́ pakama-ḅo tẹ kẹ sime ị́ pịrị furo-ḅẹ-apụ sọma tẹ apụ ma. Zayọnị Tụndụ kẹ ḅiokoroma-a, sakị ḅẹ gbọrụ sakị ḅụ ị́ anga yọ mẹ.

Paka-so 19:5

Anịẹrẹsị mịọkụ ọmịnị ị̀ pọkọ poki tẹ ị̀ ọḅọkụ koko, koko, tomi-kụlọkụlọ mamgba ogboku ḅụ ọmịnị ì soku ḅụ à nyana apụ sọ ḅa; kẹ gotẹ ọkọ ḅẹẹarị, bebe tomikiri mẹmgba ì nye,

Paka-so 34:9

tẹ ọ̀ nwẹnị ḅẹẹ, “Yei KỊNỊNYANAḄỌ à nwẹnị mịọkụ í ḍiki-tọrụ ḅụ ị́ ḅụụ-ḅẹlẹarị ḅẹḅẹ, yee KỊNỊNYANAḄỌ ḅe wamịna ogbo ḅio sọ-mu, arị ị́ tẹkẹm, wamịnị kọngọ-kụrọtẹ atomi ḅẹsọ; tẹ wamịna mịẹ-irima na, wamịna si na wẹrịsoo, tẹ wa ọkị ị́yẹrị nyana apụ sọmaa.”

Egberima-Ẹkwẹn 16:4

KỊNỊNYANAḄỌ ḅe ọ̀ tẹmẹ ye goyegoye kẹ kunoma ḅẹ ye tọn wararị; tẹ si-sịḅịḅio-sụa apụ ma kunoma anie fịị gulugulu.

Ayịzaya 19:25

Kụrọmamgba nyana KỊNỊNYANAḄỌ ḅe in boma tẹ ḅẹẹ ḅa, “Ijiputi, arị ì boma ḅa, ọmịnị ị̀ atomii; Asiriya, yẹrị ị́ tẹmẹm; anịsakị Izirẹlị, anie à sẹlẹ-ọkị apụ.”

Ayịzaya 45:7

Yẹrị bele na kanakana na pakamarị; Yẹrị boma na opu ḅụụ-fụka na ọkị-ḅoarị. Yẹrị, KỊNỊNYANAḄỌ ḅe, ma mamgba mịẹarị.

Ayịzaya 47:4

Izirẹlị tẹkẹarị Fịafịa Ḅọ ḅe wa kẹ wamịna asịḅị nyana atomi mịẹ ḅa; ori ẹrẹ anie Kụrọmamgba nyana KỊNỊNYANAḄỌ ḅe.

Ayịzaya 47:6

Àrị ịganị ị̀ atomi pịrịm, à kẹ ịn mịẹ ḅara ịn ḅarị sime ị̀ pịrị-a ye ọkụ; àrị ịn kẹ ị̀ kụrọ suku-ḅio suum, tẹ ị́ ọkụrụkụrụ nyana ịn pịrị-a; omongitẹ apụ ma kịngẹ sọ ị́ guda-guda ḅara kẹ ịn mịẹm.

Ayịzaya 51:15

Yẹrị anie KỊNỊNYANAḄỌ ị́ Tamụnọ ḅe; àrị abajị mẹ jikema tẹ anị ḅẹ ọnụngọ ma ḍụrụkụarị. Ị̀ ẹrẹ anie Kụrọmamgba nyana KỊNỊNYANAḄỌ!

Ayịzaya 54:5

Ị́ Tẹmẹḅọ ḅe diḅọ ḅara sime ị́ pịrị ḅa Kụrọmamgba nyana KỊNỊNYANAḄỌ ḅe anie ori ẹrẹ. Izirẹlị tẹkẹarị Fịafịa Ḅọ ḅe ị́ ḅọrọma ḅa ori anie bebe tomikiri mẹ ḅẹ ḅẹrẹtọnḅọ.

Jerimaya 10:12

KỊNỊNYANAḄỌ ḅe kiri mẹ tẹmẹm ọ̀ kụrọ ḅụ; Ò nimi ḅụ ò tomikiri mẹ tẹmẹ tẹ So ma nụnụ finjimam.

Jerimaya 10:6

KỊNỊNYANAḄỌ, ị́ kịka gbọrụḅọ-sọ ofori; ị́ opu kụrọ nyana wararị, tẹ ị́ ẹrẹ opu na kụrọ na ẹrẹ.

Jerimaya 31:35

KỊNỊNYANAḄỌ ḅe ịrụa mịẹ tẹ anị bele pịrịarị eneḅaka ḅụ, akalụ na lolia ma na nwẹnị ḍin ḅụ ḅịyarị. Ọ̀ tọrụ-minji mẹ jikema tẹ anị ḍụrụkụarị; Kụrọmamgba nyana KỊNỊNYANAḄỌ ḅe anie ori ẹrẹ.

Jerimaya 32:18

Í kuno-kuno-a ḅẹlẹma nyana kịnị ẹndẹ-ẹndẹ pịrịarị, kụma ị́ pịkị fomu-ḅara kẹ tomi pịrịarị ịna ḍapụ-na-iyingiapụ-na asi gotẹ. Ị́yẹrị anie opu na kụrọ na nyana Tamụnọ; ị́yẹrị anie Kụrọmamgba nyana KỊNỊNYANAḄỌ ḅee.

Jerimaya 33:2

KỊNỊNYANAḄỌ ḅe, Kiri mẹ tẹmẹ tẹ anị kẹ anị sime yọ ḅụ wẹrị ḅọ ḅe, ẹkwẹn ị̀ pịrịm. KỊNỊNYANAḄỌ kẹ ẹrẹ fị ḅọ ḅe ḅẹẹm,

Jerimaya 46:18

Yẹrị, Kụrọmamgba nyana KỊNỊNYANAḄỌ ḅee, amadaḅọọ. Yẹrị anie Ḍumo wararị Tamụnọ ḅe. Tabọ Tụndụ gele fatẹ tụndụ ma saḅa ḅọrọ ḅara tẹ Kamẹlị Tụndụ mẹ sịẹ gele iwo abajị mẹ ḅọrọ ḅara, anị ḅara mie owu kẹ ị́ pakarị ḅọ ḅe kụrọ sime ḅarị ḅara.

Jerimaya 50:34

Kụma ịn pụkọ-pakamaḅo ḅarị ḅọ ḅe kụrọ ḅọ — ori ẹrẹ anie Kụrọmamgba nyana KỊNỊNYANAḄỌ ḅe. Ò ḅioju ịna ḅẹrẹ saakị ọkị tẹ kẹ amịna nye sọma ḅa, pịkị dein ọkị-ḅo ḅa tomikiri ḅụ, kụma ọ̀ ḅụụ-fụka kẹ Babịlonịya ḅẹ apụ pịrị ḅa.”

Jerimaya 51:19

Jekọbụ Tamụnọ ḅe ori ịn kịka-a; ori anie ye goyegoye mịẹ ḅọ ḅe, tẹ ori Izirẹlị sẹlẹ-ọkị tẹ ịn karakara mịẹ tẹ sime ọ́ pịrị apụ sọọ. Kụrọmamgba nyana KỊNỊNYANAḄỌ ḅe anie ori ẹrẹ.

Kururu Owu-apọkọ 3:24

Ị̀ tẹmẹ mẹẹ, “KỊNỊNYANAḄỌ ḅe anie ì ḍiekiri anịẹrẹsị arị ị̀ ḅiokpọ kẹ ọ̀ ḅụụ wẹrị ḅa.”

Emọsị 4:13

Tamụnọ anie tụndụ ma mịẹ ḅọ ḅe ori pịkị fẹrụ ma tẹmẹm. Ọ̀ mịẹ tẹ tomḅọ ori akụrọ ma nimiarị; ori eneḅaka ḍima ḅo ḍin sọmarị. Kiri mẹ ọgọnọ-jụ ma ḅụ mie ọ́ mẹnjịarị. Mịẹ ori ẹrẹ: KỊNỊNYANA-TAMỤNỌ, Kụrọmamgba Nyanaḅọ!

Zẹkaraya 2:12

Jen gbọrụ sakị ḅụ Juda karakara ḅara kẹ sime KỊNỊNYANAḄỌ ḅe pịrị apụ sọ ḅa fịafịa amakiri mẹ ḅụ, tẹ Jeruselemu arịmgba ḅụ ori ḅẹlẹma tẹịn opu ama sọ ḅa.

Ditẹrọnọmị 32:9

Gbala KỊNỊNYANAḄỌ ḅe ḍiekiri, anie ori atomi, Jekọbụ anie ò ḍie ọkị ḍuu.