Jerimaya 10:15 - FỊAFỊA BAỊBỤLỤ

¹⁵ In kẹ mịẹ-mịẹ ye ofori, tẹ kịnị in ḍiki iderima ḅa; KỊNỊNYANAḄỌ ḅe ḅo ọ̀ kẹ ịn mịẹ ḅẹ ye kẹ ịn mịẹ sakị in gulugulu ḅa

Jerimaya 10:15 Iomraidhean Croise

Devidi-Anume 115:9

Ọmịnị Izirẹlịapụ, Ọ̀ KỊNỊNYANAḄỌ ḅe kẹ ḅiokpọma. Ori mie ḅarasụa ọ̀ pịrị tẹ ọ̀ gbaịn-arị.

Ayịzaya 41:24

Ọmịnị na ọ́ mịẹarị aị mamgba na papaa aị; sunsin ọ́ pịrịarị apụ ma ịn kịnị ḅụụ sịẹarị!

Ayịzaya 41:29

Ma oru-atamụnọ mamgba in ye ḅụ sọ-a; gbala-gbala ini inetẹ mịẹ-mịẹ gberie-sọ ofori ma mḅudu ma ini ịnyọ na kụrọ na nyana-a.

Ayịzaya 57:12

Ó kuromarị ọ́ mịẹarị aị ma kura-aị, kụma à mịẹ tẹ kịnị ọmịna ye-mịẹ-ḅara mẹ nimi ḅa, anịsakị ọmịna oru-afụḅara ma inetẹ ḅarasụa ọ́ pịrị ḅịa.

Jerimaya 10:11

(Ọmịnị tomi, ó ḍuko ịn pịrị nyanam, mịnẹ tomikiri mẹ na So-tọrụ mẹ na tẹmẹ-a atamụnọ ma ini arị guluguluma ḅa. Ịn ḅarị jen kẹ tomikiri mẹ ḅẹ gbọrụ pakịrị anga ḅụ sọ sime ḅịa.)

Jerimaya 10:8

Inimgba oḅori atomi famam. Sịn kẹ kara oru-afụḅara ḅụ ịn ḍawọ ḅo ḅẹ ye tiye?

Jerimaya 14:22

Tomikiri ḅẹ asịẹ ma oru-afụḅara ma ḅẹ gberie tẹ inetẹ eene koroma ḅẹ ye ofori; so tọrụ mẹ ḅioju sọ inetẹ nwẹịn-nwẹịn eene sọ koroma ḅịa. Ị́yẹrị mie wa kẹ ḅiokpọmarị ḅọ, yei KỊNỊNYANAḄỌ, wamịna Tamụnọ, ị́yẹrị anie mịna aị ma mịẹ-mịẹ ḅọ ẹrẹsị.

Jerimaya 18:15

Anịsọ ị̀ atomi ị̀ kẹ ḅioḅọrọma tẹẹ; ịn kụnụaị dọkịma-dọkịma oru-afụḅara pịrịarị. Ịn mẹnjị ḅii etela mẹ ḅụ ịn pụmbụ tẹ; elemu etela ma ḅụ ịn ḅarị mẹnjị-a; elekima ofori mẹnjị-ḅọrọ-anga ma mie ịn mẹnjịarị.

Jerimaya 43:12

Arị Ijiputi ḅẹ atamụnọ-awarị ma dọkịma ḅa, tẹ Babịlonịya ḅẹ amadaḅọ ḅe ịna atamụnọ ma dọkịma-a so-so ori arị tan so Babịlonịya mu ḅa. Anana-ḍikiḍikiḅọ amịna akapa ḅụ iku kpọmbị siin fama ḅara mie Babịlonịya ḅẹ amadaḅọ ḅe kẹ Ijiputi ḅẹ amakiri mẹ kpọmbị fịafịama ḅarị ḅara, anịtẹso ori owu-ḅara-iḅiḅọ sọ ḅa.

Jerimaya 50:2

Oku mẹ ḍuko sịẹ-sịẹ ma pịrịị; anị ḍuko wasamaa! elekima pịrị tẹ kịnị mamgba naa ḅẹ ḅara kẹ oku mẹ ḍukoo! Anị kẹ ḅọị ma! Babịlọnị ḅịkị tẹẹ! Árị ẹkẹkẹ-tamụnọ Madọkụ ḅe ini ò puu kọsịma tẹẹ! Babịlọnị ḅẹ oru-afụḅara ma ḅụụ-jịrị tẹẹ. Á sịḅị-ngụngụnma ḍụẹịn-afụḅara ma kaan-sara tẹẹ!

Jerimaya 51:18

Arị yela-a tẹ kịnị pịkị arị ḍiki-simarị; KỊNỊNYANAḄỌ ḅe ini na mịẹ ḅẹ sakị in gulugulu ḅa.

Jerimaya 8:12

Ị̀ atomi, ọ́ ḅụụ-jịrịm aro, ọ́ mịna kịnị-ḅụụ-siarị aị ma mịẹ ye ẹrẹsị? Ẹn-ẹn, gbala-gbala ọ́ ḅụụ-jịrị-a, tọrụ-fụrụma kịngẹ sọ ọ́ mịẹ-a! Tẹ anie ḅụ ọmịnị osi apụ ma ḅịkị ḅara ḅịkị ḅa; à fomu-ḅara kẹ ọ́ pịrị sakị anie ọmịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 8:19

Pokii! Bebe amakiri mẹ ikelema-koro à naarị ì atomi owu pakamarị, KỊNỊNYANAḄỌ ḅe ọ̀ ḅarị jen kẹ Zayọnị ḅụ ofori? Zayọnị amadaḅọ ḅe ọ̀ ḅarị jen kẹ anị anga ofori? KỊNỊNYANAḄỌ, ịna amadaḅọ ḅe, pakịrịarị, “Ó tiegotẹ ị̀ ịganịma, anie sunsin ọmịna oru-afụḅara ma pịrị, pịkị iḅo ọmịna ofori-ofori ja asịẹ ḅẹ atamụnọ ma pịrị ḅụ?”

Hosiya 9:7

Fomu-ḅara sakị ḅo tẹẹ, tomi sime ịn pịrị gbẹẹ-ye ọkị ḅẹ sakị mẹ. Anie mẹ pakarị sakị, Izirẹlị anị nimi ḅa! Ọ́ ḅẹẹarị, “Ḅị ịkịankoroḅọ ḅe oḅori ḅọ. Ḅie tẹmẹ-jikematẹ tomḅọ ḅe ọ̀ sịḅịḅio-kuḅua.” Ọmịna si ḍụḅa ḅaka ḅara ẹrẹsị ọmịnị tomi ma ì ḍiki-ḅioḅuarị.

Jona 2:8

Sunsin gberie-sọ ḅụ ofori oru-afụḅara pịrịarị apụ ma ini ị́ sịkị tẹẹ, ị́yẹrị ọkụrụkụrụ nyana in pịrị ḅọ ḅe.

Zẹkaraya 13:2

Anị ene mẹ ḅụ, àrị amakiri mẹ ḅụ oru-afụḅara ẹrẹ ma saakị siin ḅa, tẹ gbọrụḅọ-sọ ḅarị jen kẹ ịn kẹ ḅiokoroma ḅịa. Ịkịankoroḅọ kẹ amịna ḅụụ ọkịarị ḅọ goḅọ-goḅọ, arị mḅọ na mịẹ ye nyana ḅịa, tẹ oru-afụḅara tẹkẹ ḅioḅẹngbọ mẹ ọkị so ḅa.

Fịrịmẹnjịapụ 14:15

“Ó tiegotẹ nwẹn sime ye mịẹarị? Wamịnị kọkọ ọmịna pembema tomi! Wa gotẹ mịanga ḅo ye Iḅi Oku mẹ ḍuko ọ́ pịrị tẹ ọ́ mịna papaa aị ma ḅụ pịkị ḍumo wararị tẹ So na Kiri na, tọrụ na, arị ḅio sime aị mamgba tẹmẹ Tamụnọ ḅe da ḅẹ ḅara.

Ditẹrọnọmị 32:21

In ì jikema tẹ arị aniemẹ tẹ tamụnọ-a ye na afana sọ tẹ, ini ịna akpokobịa ma kẹ ị̀ ịganịma tẹẹ. Anị ḅara mie à kẹ ịn jikema tẹ ini inima tẹ tomi-a tomi ma na afana sọ ḅarị ḅara; à ye-nimia gbọrụ opu sịẹ ḅụụ sọ tẹ ini ịganịma ḅa.

1 Samụẹlị 12:21

tẹ tọrụ pịkị akaka ḅio papaa aị ma tẹ sọye mịẹ ọ́ pịrị, anịanịa ọ́ ḅọrọma ḅịa aị ma ḍiki ma, kẹ gotẹ ọkọ ḅẹẹarị, arị aị ma anie papaa aị.

1 Samụẹlị 5:4

Kụma jen ene ḅaa ḅụ dede-ḅio, dede-ḅio ịn saakị sakị, ḍikii, Degọnị pịkị ḅịkị tẹ, tẹ tọrụkuḅu kẹ KỊNỊNYANAḄỌ ḅe Ọḅọkụ-Igbe mẹ tọrọkọ kiri-ḅio iḅo tẹẹ, tẹ Degọnị sịḅị-o, ori aḅara-o, pẹlẹ-so tẹ mẹnjị warị mẹ sọarị ḅọkọ suku ḅụ emi, Degọnị ḅiri mẹ ngẹrị mie ọ̀ ḅụụ kọn wararị ye.