Jerimaya 10:11 - FỊAFỊA BAỊBỤLỤ

¹¹ (Ọmịnị tomi, ó ḍuko ịn pịrị nyanam, mịnẹ tomikiri mẹ na So-tọrụ mẹ na tẹmẹ-a atamụnọ ma ini arị guluguluma ḅa. Ịn ḅarị jen kẹ tomikiri mẹ ḅẹ gbọrụ pakịrị anga ḅụ sọ sime ḅịa.)

Jerimaya 10:11 Iomraidhean Croise

Devidi-Anume 96:5

Osi asịẹ ma ḅẹ atamụnọ mamgba papaa oru-afụḅara famam, kụma KỊNỊNYANAḄỌ ḅe So ma tẹmẹm.

Ayịzaya 2:18

tẹ oru-afụḅara mamgba kịnị ḅarị arị ẹrị ḅịa.

Ayịzaya 57:12

Ó kuromarị ọ́ mịẹarị aị ma kura-aị, kụma à mịẹ tẹ kịnị ọmịna ye-mịẹ-ḅara mẹ nimi ḅa, anịsakị ọmịna oru-afụḅara ma inetẹ ḅarasụa ọ́ pịrị ḅịa.

Jerimaya 10:15

In kẹ mịẹ-mịẹ ye ofori, tẹ kịnị in ḍiki iderima ḅa; KỊNỊNYANAḄỌ ḅe ḅo ọ̀ kẹ ịn mịẹ ḅẹ ye kẹ ịn mịẹ sakị in gulugulu ḅa

Jerimaya 43:12

Arị Ijiputi ḅẹ atamụnọ-awarị ma dọkịma ḅa, tẹ Babịlonịya ḅẹ amadaḅọ ḅe ịna atamụnọ ma dọkịma-a so-so ori arị tan so Babịlonịya mu ḅa. Anana-ḍikiḍikiḅọ amịna akapa ḅụ iku kpọmbị siin fama ḅara mie Babịlonịya ḅẹ amadaḅọ ḅe kẹ Ijiputi ḅẹ amakiri mẹ kpọmbị fịafịama ḅarị ḅara, anịtẹso ori owu-ḅara-iḅiḅọ sọ ḅa.

Jerimaya 43:13

Ijiputi ḅẹ Hẹlịyopolisi ḅụ simearị tẹ ịn kẹ tọn-tọn ḅara wẹrị wararị kịnị kẹ ḅiokoroma aḍụḅarị mamgba ò guluguluma ḅa, tẹ Ijiputi ḅẹ atamụnọ-awarị ma dọkịma kiri lama ḅa.”

Jerimaya 50:2

Oku mẹ ḍuko sịẹ-sịẹ ma pịrịị; anị ḍuko wasamaa! elekima pịrị tẹ kịnị mamgba naa ḅẹ ḅara kẹ oku mẹ ḍukoo! Anị kẹ ḅọị ma! Babịlọnị ḅịkị tẹẹ! Árị ẹkẹkẹ-tamụnọ Madọkụ ḅe ini ò puu kọsịma tẹẹ! Babịlọnị ḅẹ oru-afụḅara ma ḅụụ-jịrị tẹẹ. Á sịḅị-ngụngụnma ḍụẹịn-afụḅara ma kaan-sara tẹẹ!

Jerimaya 51:18

Arị yela-a tẹ kịnị pịkị arị ḍiki-simarị; KỊNỊNYANAḄỌ ḅe ini na mịẹ ḅẹ sakị in gulugulu ḅa.

Kururu Owu-apọkọ 3:66

Yei KỊNỊNYANAḄỌ, í so mẹ suku-ḅio ḅụ ịganị ḅụ in ḍuka tẹ ịn ḅaa ḅa.

Izikẹlị 30:13

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị, “Arị oru-afụḅara ma na tamụnọ-a atamụnọ ma na guluguluma ḅa Mẹmụfịsị ḅụ. Ijiputi da ḅẹ ḅọ paka ḅịa, tẹ à tomi ma tẹmẹ-naịn-naịnma ḅa.

Zẹfanaya 2:11

KỊNỊNYANAḄỌ ḅe ịna tẹmẹ-naịn-naịnma ḅa. Ò tomikiri ḅẹ atamụnọ ma iderima-ḅo papaa aị sọ ḅa, anị tẹso, sịẹ goyegoye sunsin ọ̀ pịrị ḅa, ọrụ-na-ọrụ-na amịna amakiri ḅụ.

Zẹkaraya 13:2

Anị ene mẹ ḅụ, àrị amakiri mẹ ḅụ oru-afụḅara ẹrẹ ma saakị siin ḅa, tẹ gbọrụḅọ-sọ ḅarị jen kẹ ịn kẹ ḅiokoroma ḅịa. Ịkịankoroḅọ kẹ amịna ḅụụ ọkịarị ḅọ goḅọ-goḅọ, arị mḅọ na mịẹ ye nyana ḅịa, tẹ oru-afụḅara tẹkẹ ḅioḅẹngbọ mẹ ọkị so ḅa.

Mịẹfinji 20:2

Ọ̀ nwẹnị gịẹsịma anị mamataḅaye ologboingboin opu nama, tẹ ịn kẹ daragọnị sịn ye ḅe kun koroma, anie elemu sakị ḅẹ ododo ḅe tẹ ịn kẹ Si-ḅọ, anịanịa Ekwesu sịn ḅọ ḅe, tẹ ọ̀ nwẹnị ikoli mẹ kẹ ori ịkasị koroma, mịnẹ ori ọkọ sime nwenii kụra maa ẹndẹ oyia asi finji la.

1 Samụẹlị 5:4

Kụma jen ene ḅaa ḅụ dede-ḅio, dede-ḅio ịn saakị sakị, ḍikii, Degọnị pịkị ḅịkị tẹ, tẹ tọrụkuḅu kẹ KỊNỊNYANAḄỌ ḅe Ọḅọkụ-Igbe mẹ tọrọkọ kiri-ḅio iḅo tẹẹ, tẹ Degọnị sịḅị-o, ori aḅara-o, pẹlẹ-so tẹ mẹnjị warị mẹ sọarị ḅọkọ suku ḅụ emi, Degọnị ḅiri mẹ ngẹrị mie ọ̀ ḅụụ kọn wararị ye.