Jerimaya 10:10 - FỊAFỊA BAỊBỤLỤ

¹⁰ Kụma ị́yẹrị KỊNỊNYANAḄỌ, anie karakara Tamụnọ ḅee, anie ḍumo wararị Tamụnọ ḅee pịkị sime gbamaso amadaḅọ ḅee. Ị́ ịganịarị sakị tomikiri mẹ jikearị; tomikiri ḅẹ asịẹ ma inetẹ ị́ ịganị mẹ da alama ḅịa.

Jerimaya 10:10 Iomraidhean Croise

Suku-saakị 21:33

Ebira-amụ nwẹnị Biyasẹba — Hiburu ḅịḅị ḅụ ịn kẹ Ẹsịyẹlị sịn ama mẹ — ḅụ opu asịn ḍiḅi, tẹ nwẹnị anịjụ KỊNỊNYANAḄỌ ḅe ẹrẹ sịn, “Sime-gbamaso Tamụnọ.”

1 Amadapụ 18:39

Tomi mamgba anị ẹrị tẹso, ịn nwẹnị ịna tọrụkuḅu kẹ ḅịkị kiri ḅio koro tẹ ḅẹẹ, “KỊNỊNYANAḄỌ ḅe ori ḅe anie Tamụnọ ḅẹẹ, KỊNỊNYANAḄỌ ḅe ori ḅe anie Tamụnọ ḅẹẹ.”

1 Amadapụ 8:60

Anịsakị mị-ḅara ḅụ mie tomikiri ḅẹ opu asịẹ mamgba nimi ḅarịye mịnẹ KỊNỊNYANAḄỌ ḅe ngẹrị anie Tamụnọ — jen tamụnọ ofori.

1 Paka-aị 29:11

Yei KỊNỊNYANAḄỌ gburo-gburo mẹ na, kụrọ mẹ na, ebube mẹ na, owu-ḅara-iḅi mẹ na, opu mẹ na í nyee; So ma ḅio na Kiri mẹ ḅio na simearị aị mamgba ị́ aị; ama-da mẹ í nyee, Yei KỊNỊNYANAḄỌ, anịsakị ị́yẹrị anie sịḅịdaḅọ tẹ saakị gele inweni-mgba nẹngị wararị ḅọ.

2 Paka-aị 15:3

Kẹ gotẹ ọkọ ḅẹẹarị, anị nangwọ sakị ọkị tẹ, Izirẹlị karakara Tamụnọ ḅe ḅụụ ofori, tẹ ye-toluma agbamịẹḅọ ofori, in pịkị oloko nyana-a.

Jobu 9:6

Ori ḅe tẹ kiri mẹ jike, anị nwẹnị anị sime-kiri ḅụ igbema; tẹ anị ḅẹ ḅeriaị ma nwẹnị jikemarị ḅọ ḅe.

Devidi-Anume 10:16

KỊNỊNYANAḄỌ ḅe ama-da mu ḅẹẹ-sakị ḅẹẹ-sakị laarị; Oru-atamụnọ tẹkẹarị apụ ma Tamụnọ amakiri mẹ ḅụ ịmaịn faa ḅa.

Devidi-Anume 100:3

Gbala-gbala ọ̀ kẹ ḅioḅọrọma ma mịnẹ KỊNỊNYANAḄỌ ḅe ori Tamụnọọ. Ori wa tẹmẹm, tẹ wa sime ọ̀ pịrịm; wamịnị ori atomi, pịkị ori anana-ogbo.

Devidi-Anume 100:5

KỊNỊNYANAḄỌ ḅe ori iḅim; ọ̀ ḅẹlẹma sime gbamasom tẹ ḅioḅẹngbọ kẹ ọ̀ ḅụụ ḅụ gbana na-iḅi mẹ sime mu ḅẹẹ-sakị ḅẹẹ-sakị laarị.

Devidi-Anume 104:32

Ò tomikiri mẹ ḍikiarị, tẹ anị jikearị; ọ̀ ḅara kẹ tụndụ ma lamarị, tẹ onwin turee-tureema pakarị.

Devidi-Anume 114:7

Kiri, jikee! KỊNỊNYANAḄỌ ḅe ḅoarị sakị, Jekọbụ Tamụnọ ḅe tọrọkọ ḅụ,

Devidi-Anume 145:13

Ị́ ḅẹrẹtọn mẹ sime gbamasom, anịsakị ị́ ama-da mu ḅẹẹ-sakị ḅẹẹ-sakị laarị. KỊNỊNYANAḄỌ ḅe minini ori atomi pịrị tẹ aị ḅụ ọ̀ ḅịḅị ḍima ḍima-a, tẹ ori ḅe mịẹarị ye goyegoye iḅim.

Devidi-Anume 146:6

so na kiri na, tọrụ na arị aḅio simearị aị mamgba Tẹmẹḅọ ḅe. Sakị mamgba ori ò minini aị mịẹarị;

Devidi-Anume 18:7

Anịtẹso kiri mẹ gwẹ-gwẹ tẹ jikem; tụndụ ma suku-ḅio ma gwẹ-gwẹ tẹ jikem, Tamụnọ ịganịm ẹrẹsị.

Devidi-Anume 29:10

KỊNỊNYANAḄỌ ḅe ḅẹrẹtọn opu owolo aminji ma pịrịarị, Ori ama-da mu ḅẹẹ-sakị ḅẹẹ-sakị laarị.

Devidi-Anume 31:5

Àrị ị̀ ḅụụ kẹ ị́ ḅara-ḅio sụarị; KỊNỊNYANAḄỌ, ị́ ị̀ ḅọrọma ḅa, anie ḅioḅẹngbọ-kẹ-sịrẹrẹ-niḅi Tamụnọ.

Devidi-Anume 42:2

Ḍumo wararị Tamụnọ, ị̀ ị́ pọkọ-tarịarị; tọ-sakị à mu ị́ tọrọkọ sunsin ị́ pịrị ḅẹ?

Devidi-Anume 68:11

KỊNỊNYANAḄỌ ḅe tọnm, tẹ tọnwa ereme nwẹnị mu oku mẹ ḍuko kịnị pịrị mịnẹ:

Devidi-Anume 68:8

kiri mẹ jikem, So-tọrụ pịkị eene ọsụma saram, Sayịnayị Tamụnọ ḅe ḅoarị ẹrẹsị, Izirẹlịapụ tẹkẹarị Tamụnọ ḅe ḅoarị ẹrẹsị.

Devidi-Anume 74:12

Yei Tamụnọ, sukuyọ-saakị kụra-ḅio, kọkọ wamịna amadaḅọ; ị́ tọnwa asakị kẹ wa ḅọrọma tịya.

Devidi-Anume 76:7

KỊNỊNYANAḄỌ, kụma kịnị mamgba í ḍiki-ḅalafaam. Ị́ ịganịarị sakị gbọrụḅọ-sọ inetẹ ị́ tọrọkọ sịẹ-sịẹ-a.

Devidi-Anume 76:8

So-ḅio mie í sime tẹ ị́ ḅẹrẹkọn mẹ mịẹ tẹ tomi nimi ye; tomikiri ḅẹ atomi nwẹnị ḅalafa tẹ gbọsime,

Devidi-Anume 77:18

Í so-alagba mẹ ḍụrụkụ ye mẹ wasamam, tẹ so-ḅalapụ ye mẹ pịkị bele kẹ tomikiri mẹ pịrịm; tẹ kiri mẹ jịpụma sọ ḅẹ ḅara kẹ jikem.

Devidi-Anume 84:2

Àrị anịjụ mu ḅii la ḅara ḍiki! Ị̀ tẹmẹ KỊNỊNYANAḄỌ Warị mẹ ḅio sime ịgbanịarị. Àrị ị̀ ḅụụ mẹmgba kẹ ḍereku tẹ nume-su ḍumo wararị Tamụnọ ḅe pịrịarị.

Devidi-Anume 9:8

Karakara mịẹ mie ọ̀ kẹ tomikiri ḅụ ḅẹrẹtọn-arị: aḍụa ofori ḅara mie ọ̀ kẹ sịẹ-sịẹ ma kọn-arị.

Devidi-Anume 90:11

Ḅintẹ ḅara kẹ ị́ ịganị mẹ ḅẹ iku da tẹ ḅọ tụḅọ? Tụḅọ nimi, í owi ịganị mẹ inetẹ dogi-ḅo ḅẹ ḅalafa?

Devidi-Anume 90:2

Tẹrẹmẹ ị́ tụndụ ma tẹmẹ anịanịa mịẹ tẹ tomikiri mẹ paka-ḅo tẹ sime, ị́yẹrị sime gbamaso Tamụnọọ, tẹ ị́ Tamụnọ sọ nwenii gbamaso la ḅa.

Devidi-Anume 93:2

Yei KỊNỊNYANAḄỌ, sukuyọ-saakị ḅụ í emine mẹ kụrọ sịẹ wararị, tẹ í emi ogbo sakị tọnm.

Devidi-Anume 97:4

Ò so ḅalapụ-ḅalapụma tẹ kẹ tomikiri mẹ belemarị; kiri mẹ anị ẹrị tẹ jikearị.

Ayịzaya 37:17

Mịọkụ, KỊNỊNYANAḄỌ, wa naa tẹ wamịna ḅụ pakarị ye mẹ ḍiki. Sẹnakeribu ḍuko tẹ kẹ ị́ mịẹ-simarị ye pokii, ḍumo wararị Tamụnọ ḅe.

Ayịzaya 37:4

Asiriya tomikiri mẹ daarịḅọ ḅe ọ̀ sịḅịda fịrịmẹnjịḅọ fịrịma-ḅom ò ḅo ḍumo wararị Tamụnọ ḅe mịẹ-simaa. Yee KỊNỊNYANAḄỌ ị́ Tamụnọ ḅe, mịna mịẹ-sima aị ma ḍuko apụ ma fomu-ḅara kẹ ịn pịrị. Mie ḅụ Tamụnọ tẹkẹ wamịna atomi ma ḅụ kirikọn-apụ ma pịrị.”

Ayịzaya 40:15

KỊNỊNYANAḄỌ ḅe sime anga tomikiri ḅẹ asịẹ ma papaa aị, arị yela tọịn-koro minji sọ nẹngị-a, ala jụ simearị asọ ma fọọn feke-feke ḅara feke-fekem;

Ayịzaya 40:28

Í nimi-a? Amụ ị́ naa-a? KỊNỊNYANAḄỌ ḅe anie sime-gbamaso Tamụnọọ; Ori bebe tomikiri mẹ tẹmẹm. Gbala, gbala ịnyọ ọ̀ ta ta-a anịanịa ọ̀ ḅụụ-lọkọ. Ori akuroma nimi ḅọ ofori.

Ayịzaya 57:15

“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.

Ayịzaya 65:16

Ḅẹḅọ-ḅẹḅọ tẹ amakiri mẹ ḅụ emi tẹ boma ḅiiarị ḅọ, mḅọ ḅioḅẹngbọ-kẹ-sịrẹrẹ-niḅi Tamụnọ ḅe ḅara ḅụ ḅii. Ye karịarị ḅọ goḅọ-goḅọ, mḅọ ḅioḅẹngbọ-kẹ-sịrẹrẹ-niḅi Tamụnọ ḅe ẹrẹ ḅụ karịị. Ḅọrọtẹ sakị mẹ ḅẹ ḅụụ-fụka ma ḅọrọ tẹ ḅioḅọrọmatẹ aị sọ ḅa.”

Jerimaya 23:36

Mie ḅụ in jen kẹ ‘KỊNỊNYANAḄỌ ḅe ikuye’ ẹkwẹn ma kọn nyana-a, kẹ gotẹ ọkọ ḅarị, gbọrụḅọ mịẹarị ḅẹḅẹ, à mịẹ tẹ ì oku karakara ikuye sọ mḅọ pịrị ḅa. Tomi ma ịna Tamụnọ, ḍumo wararị Tamụnọ ḅe ẹkwẹn ma pịkị-iḅo tẹẹ, Kụrọmamgba nyana KỊNỊNYANAḄỌ ḅe.

Jerimaya 4:2

anị kuraye sọ ḅa ọmịnị ị̀ ẹrẹ ḅụ ye karị-karị. Anịtẹso sịẹ-sịẹ mamgba ị̀ ḅara ḅii ḅa arị in bomaa, tẹ ịn nwẹnị ì tokini ḅa.

Jerimaya 4:24

À tụndụ ma ḍikim — arị jike simem, tẹ tụndụ ma nwẹnị yọngọ ama-ḅara na ere-ḅara na da.

Jerimaya 50:46

Babịlọnị ḅịkịarị sakị anị fie lama tẹ kiri mẹmgba jike ḅa, tẹ anị ḅẹ ḅalafa oloku mẹ osi asịẹ ma naa ḅa.”

Jerimaya 51:29

Kiri mẹ sẹkị-sẹkị tẹ jikearị, KỊNỊNYANAḄỌ ḅe tọnm ọ̀ kẹ Babịlonịya mịẹ tẹ anị ịkpa sọ ḅa ḅẹ ye mẹ mịẹarị ẹrẹsị, gbọrụḅọ-sọ anga-a yọ.

Danẹlị 4:3

Tamụnọ ḅụụ-gbiripuma-aị ma ḅakam! Ọ̀ kọrịarị ịkịan ma kụrọ nyanam! Tamụnọ ḅe anie sime gbamaso amadaḅọ; ọ̀ ḅẹrẹtọn mu ḅẹẹ-sakị ḅẹẹ-sakị la ḅa.

Danẹlị 4:34

Amadaḅọ ḅe nwẹnị ḅẹẹ, “Sọnọma akụra ma ḅo ḅọrọ tẹso, à tọrụ sakị so dam, tẹ tomina ye-nimi nwẹnị ị̀ sịḅị ḅio sọ. À Kụrọmamgba-Nyana Tamụnọ ḅe tokinim, tẹ kụn na ebube na kẹ ḍumo gbamaso wararị ḅọ ḅe pịrịm. Ọ̀ ḅẹrẹtọn ma mu ḅẹẹ-sakị ḅẹẹ-sakị la ḅa, ori ama-daa sime gbamaso ḅa.”

Danẹlị 6:26

Àrị oloko sụarị mịnẹ à daarị tomikiri mẹ ikelema-koro ḅụ, ọrụḅọ-ọrụḅọ Danẹlị Tamụnọ ḅe ḍiki-ḅalafa tẹ ọ̀ mangịma nyanam. “Ori anie ḍumo wararị Tamụnọọ, tẹ ọ̀ ḅẹrẹtọn mu ḅẹẹ-sakị ḅẹẹ-sakị la ḅa. Ori ama-da mẹ gbala-gbala gulugulu ḅịa, tẹ ọ̀ kụrọ gbala-gbala kunoma ḅịa;

Danẹlị 6:27

Ọ̀ ḅọrọmarị, pịkị pụkọ-pakamaḅoarị; ọ̀ ḅụụ-gbiripuma-aị na ḅụụ-buama-aị mịẹarị So-ḅio na tomikiri na ḅụ. Ọ̀ Danẹlị ḅọrọmam ọkụkụ amẹẹ ọ̀ ḅaa ḅẹ ye ḅụ.”

Danẹlị 7:14

Ịn kụrọ, kụn, na amada-kụrọ na kẹ ọ̀ pịrịm, mịẹ tẹ sịẹ-sịẹ mamgba ḅẹ atomi, tomi kịrị-kịrị na ẹkwẹn-ḅịḅị ḅịḅị na fịrịmẹnjị ọ̀ pịrị ḅẹm. Ọ̀ kụrọ sime mu ḅẹẹ-sakị ḅẹẹ-sakị la ḅẹm, tẹ gbala-gbala ori ama-daa ḅo kunoma ḅịa.

Jowẹlị 2:11

KỊNỊNYANAḄỌ ḅe tọn ori ọmụ-ogbo pịrịarị tẹ ịn so-alagba fie ḅara fiearị. Ọ̀ ḅịḅị pokiarị ọmụapụ ma tọnwa-apụ, tẹ ịn pịkị opu kụrọ nyanam. KỊNỊNYANAḄỌ ḅe ene mẹ ḅalafama la ḅara ḍikii! Tụḅọ fịị-a so ḅẹ anị ḅụ?

Mayịka 1:4

Anịsakị tụndụ ma ò suku-ḅio ḅẹlẹkị fịnị ḅio sanị ḅara sanị sara ḅa, tẹ tụndụ ogboku ma gẹẹ ḅa, tẹ minji ọsụma tuma kiri ḅụ ideri ḅara kẹ tụndụ ogboku ma ḅụ ideri ḅa.

Nahọmụ 1:5

Ọ̀ tọrọkọ tụndụ ma jike tẹ gẹẹm, tụndụ ma sanịm; ọ̀ tọrọkọ kiri mẹ ye ḅụ sọ-a ḅara kẹ koro-simem tomikiri mẹ na anị ḅio anga aị mamgba na.

Nahọmụ 1:6

Tụḅọ inetẹ ye ọ̀ ḅụụ-ḅẹsọ tẹ ọ̀ tọrọkọ sịẹsime ḅẹ? Tụḅọ inetẹ ori ịganị mẹ ḅẹ ọfịrị mẹ inema ḅẹ? Ọ̀ kụrọ ịganị fịnị ọsụma paka ḅara pakam, tẹ ori ịkụ ma kẹ pakịrị-pakịrị puu-puu saram.

Habakọkụ 3:10

Tụndụ ma ị́ ẹrị sakị arị jikem; minji paịn-saram So-tọrụ ma ḅụ. Kiri suku-ḅio ḅẹ aminji ma ḍarịm, arịḅẹ ọnụngọ ma gele-faam.

Habakọkụ 3:6

Ọ̀ daasịẹarị sakị kiri jikearị; ọ̀ tọrụ pịkị sịẹ ma ḍiki kụma ini oju sẹkịarị. Sime gbamaso tụndụ ma puu-puu sararị; ḅụọ fa ḅụọ atụndụ ma kiri sọ faarị, ọ̀ mẹnjị-mẹnjị tụndụ ma, elemu sakị ḅụ.

Malakayị 3:2

Kụma tụḅọ inetẹ inema ḅẹ mọọ, ò ḅo sakị? Tụḅọ inetẹ sịẹsime ḅẹ mọọ, ò tolu paka-ḅo sakị? Ò ye-sịkịrị fịafịamarị ọsọn na pịkị ojo fọị fịafịamarị fịnị na kịka ḅa.

Matiyo 16:16

Sayịmọnị Pita nwẹnị pakịrị, “Ị́yẹrị anie Mẹsaya ḍumo wararị Tamụnọ ḅe Tụḅọ ḅee.”

Matiyo 26:63

Kụma Jizọsị nwẹnị gbọsime. Sịḅịda-Agbamịẹḅọ ḅe nwẹnị siin ẹkwẹn ọ̀ pịrị, “Mịọkụ à ḍumo wararị Tamụnọ ḅe ẹrẹ kẹ ye kẹ ị́ karị tẹ: ḍuko wa pịrị, ị́yẹrị Mẹsaya, Tamụnọ Tụḅọ ḅe ḅẹḅẹ.”

Jọnị 17:3

Anịsakị sime gbamaso ḍumo fiearị ye anie karakara kpọkpọ gbọrụ Tamụnọ ḅe, na Jizọsị Kịrayịsị ị́ kẹ fịrịmaḅọ ḅe na nimi.

Fịrịmẹnjịapụ 14:15

“Ó tiegotẹ nwẹn sime ye mịẹarị? Wamịnị kọkọ ọmịna pembema tomi! Wa gotẹ mịanga ḅo ye Iḅi Oku mẹ ḍuko ọ́ pịrị tẹ ọ́ mịna papaa aị ma ḅụ pịkị ḍumo wararị tẹ So na Kiri na, tọrụ na, arị ḅio sime aị mamgba tẹmẹ Tamụnọ ḅe da ḅẹ ḅara.

Ditẹrọnọmị 32:4

Ịkụ Ḅe, ọ̀ kọrịnama kara gbasịm; kẹ gotẹ ọkọ ḅẹẹarị, ori etela mamgba ḅụ, karakara ḅẹrẹkọn emii. Iri mịẹye-ofori, tẹ minini ḅụụ ḅụ ḅin wararị gbọrụ Tamụnọ; karakara na kuraye na anie orii.

Ditẹrọnọmị 5:26

Kẹ gotẹ ọkọ ḅẹẹarị, meni mamgba ḅụ tụḅọ emi tẹ wa naa tẹ ḅara kẹ kọrị fịnị ogboku ḅụ ḍumo wararị Tamụnọ ḅe ẹkwẹn-arị tẹ naa tẹ paa ḍumo-sime tẹ ḅọ?

1 Tẹsalonịka 1:9

Arị atomi mamgba ḅẹlẹma ma ḅọrọarị aị anie, wa ḅo sakị ọ́ kẹ wa daa-ọkị ḅara na, ọmịnị oru sịkị tẹ Tamụnọ ḍukamẹnjị ḅara na, ọ́ kẹ fịrịmẹnjị ḍumo wararị, karakara Tamụnọ ḅe pịrịarị ḅara na,

1 Timoti 1:17

Sime gbamaso Amadaḅọ ḅe, fịị fịị-a, tomi pịkị ẹrị-ẹrịa ḅọ ḅe, ngẹrị Tamụnọ ḅe — kụn na ebube na sime ọ̀ pịrị mu ḅẹẹ-sakị ḅẹẹ-sakị la! Amẹnị.

1 Timoti 6:17

Tọn mị ḍumo mẹ ḅẹ ngọ-kọn apụ pịrị, ini anị kẹ kịnị aḅịḅị dama, kụma ini ịna ḅiokpọ kẹ Tamụnọ ọgọnọ gbana, tomikiri ḅẹ ngọ tẹ tomḅọ ḅaa ḅụ anị sime ḅẹ ḅara nimi-a ye mẹ ọgọnọ-a. Kụma ori Tamụnọ ḅe mie kịẹn-a ḅara kẹ ye goyegoye kẹ wa pịrị tẹ wa anị ḅẹ tọrụ-ḅẹlẹ nyanarị.

Hiburu 10:31

Anị kpọma tẹmẹ-naịn-naịnmaye sọ ḅa, tomḅọ ḍumo wararị Tamụnọ ḅe aḅara-ḅio ḅịkị sọ kụma!

Jọsụwa 3:10

Jọsụwa nwẹnị ḅẹẹ, “Mie ḅụ mie ọ́ nimi ḅarịye mịnẹ ḍumo wararị Tamụnọ ḅe ọmịna ogbo-ḅio emi, tẹ gbarị-a ḅara ḅụ ọmịna tọrọkọ Kenanị ḅẹ apụ ma na, Itayịti apụ ma na, Hivayịtị apụ ma na, Pẹrịzayịtị apụ ma na, Gagasayịtị apụ ma na, Amọrayịtị apụ ma na, Jebusayịtị apụ ma na dee pakama ḅa.

1 Jọnị 5:20

Wa karakara ḅara kẹ Tamụnọ nimi ḅẹ ẹrẹsị Tamụnọ Tụḅọ ḅe ḅo tẹ ò gboloma nimi mẹ kẹ wa pịrịm. Mịọkụ wa Tamụnọ na pịkị ọ̀ Tụḅọ Jizọsị Kịrayịsị ḅe na gbọrụ ḅụ angarị. Mị karakara ḅara mẹ kẹ Tamụnọ nimi mẹ anie pịkị sime gbamaso ḍumo mẹ.

Mịẹfinji 20:11

Anịtẹso à pịna-pịna emine na anị ọgọnọ lẹgị ḅọ ḅe na ẹrịm. Tẹ So na Kiri na ọ̀ tọrọkọ mangị faam, tẹ kịnị ḅarị jen kẹ arị ẹrị-a.

Ḅẹrẹkọn-apụ 5:4

KỊNỊNYANAḄỌ, ị́yẹrị ḅe Seya ḅụ saakị mu sakị, inn, ị́ Idọmụ ye-yọ ḅụ kụrọ ḅụọ kẹ mẹnjị sakị, tomikiri mẹ ḅalafa ḅụ jikem, tẹ So ma eene koromam, inn, kpiti So-tọrụ ma ḅụ minji saram.

1 Samụẹlị 17:26

Devidi nwẹnị owiapụ ma tẹ ori akaka sịẹsime apụ ma gbela, “Ịn tiye mịẹ owiḅọ ḅe tẹ ḅị Filisiteniḅọ ḅe ḅaa tẹ Izirẹlị ḅụ mị ḅụụ-jịrị mẹ sin ḅọ pịrị ḅẹ? Kẹ gotẹ ọkọ ḅẹẹarị, ḅie ḅụụ-pẹlẹa Filisiteniḅọ ḅe anie tụḅọ, tẹ ori mie ḍumo wararị Tamụnọ ḅe ọmụ-ogbo ma pilema ḅarị ye?”

1 Samụẹlị 17:36

Ị́ fịrịmẹnjịḅọ tọnwa ọkụkụ-o, tuu-o ḅaa lama tẹẹ; anịsakị ḅie ḅụụ-pẹlẹa Filisiteniḅọ ḅe ini ḅẹ gbọrụḅọ-sọ ḅa ò ḍumo wararị Tamụnọ ḅe ọmụ-ogbo mẹ mịẹ pilema tẹẹ, tẹ wa ẹrịarị ḅẹẹ-sakị.”