Jerimaya 10:1 - FỊAFỊA BAỊBỤLỤ

¹ Izirẹlịapụ, ọ́ KỊNỊNYANAḄỌ ḅe nyana ọ́ pịrị oku pokii,

Jerimaya 10:1 Iomraidhean Croise

1 Amadapụ 22:19

Mayịkaya nwẹnị ḅẹẹ. “Ọkọẹrẹsị KỊNỊNYANAḄỌ ḅe ẹkwẹn-ḅịḅị mẹ naa: À KỊNỊNYANAḄỌ ḅe ẹrịm ori ori emine ọgọnọ ḅụ lẹgị sime wararị, tẹ So-ḅio simearị apụ mamgba ori ama-ḅara na ori ere-ḅara anga na ḅụ sịẹsime wararị ori akaka ḅụ:

Devidi-Anume 50:7

Ori mẹẹ: Ị̀ atomi, ó pokii, àrị ẹkwẹn ḅa; Izirẹlị, à ḅẹrẹ ḍuko ọmịna ọgọnọ gbana ḅa. Yẹrị Tamụnọ, ọmịna Tamụnọ ḅe.

Ayịzaya 1:10

Jeruselemu, í ḅio ḅụ ḅẹrẹtọn-arị apụ na ị́ atomi na ịn Sọdọmụ na Gomora na ḅẹ apụ na kịka tẹ. KỊNỊNYANAḄỌ ḅe ḍuko ị́ pịrịarị ye poki. Wamịna Tamụnọ ḅe kẹ í tolumarị ye kẹ ye-sịn.

Ayịzaya 28:14

Mịọkụ ọmịnị opu ẹkwẹn kọn-arị atomi tẹ mị yọ Jeruselemu ḅụ ḅẹrẹtọn mịna apụ ma pịrịarị apụ, ọ́ KỊNỊNYANAḄỌ ḅe ḍukoarị ye pokii.

Ayịzaya 40:18

Wa inetẹ kẹ Tamụnọ na pii-pii ḅẹẹ ḅarị ḅọ tụḅọ? Ndẹẹ í inetẹ ọ̀ kịkaye sime-ḅara ḍuko ḅẹ ḅara?

Ayịzaya 44:6

KỊNỊNYANAḄỌ, ḅẹrẹtọn Izirẹlị pịrị, pịkị à gbaịn-arị ḅọ ḅe, Kụrọmamgba nyana KỊNỊNYANAḄỌ ḅe ḅẹẹm: Yẹrị anie Tarị, pịkị Kunoma, kpọkpọ gbọrụ Tamụnọ ḅẹ; jen tamụnọ ofori, kụma yẹrịị.

Jerimaya 10:2

Ori mẹẹ, “Ọmịnị osi asịẹ ma etela ma ḍuka mu ma; ó So-tọrụ ḅụ paka-paka aị gotẹ ḅụụ-ḅalaḅala ma, osi asịẹ ma arị gotẹ tẹmẹ-naịn-naịnarị sọ.

Jerimaya 2:4

Ọmịnị Jekọbụ ọrụ ḅụ iyi apụ, ọmịnị Izirẹlị ḅẹ furo, ọ́ KỊNỊNYANAḄỌ ḅe oku mẹ pokii.

Jerimaya 22:2

yei Juda ḅẹ amadaḅọ, KỊNỊNYANAḄỌ ḅe ẹkwẹn mẹ pokii, tẹ Devidi emine ọgọnọ lẹgị wararị ḅọ — ị́yẹrị na í opu fịrịmẹnjịapụ na ị́ atomi tẹ ma ogigo-aḅọkọ ma mẹnjị-mẹnjị sọ-ḅoarị apụ ma.

Jerimaya 42:15

Ọkọ ḅẹḅẹ, ọ́ KỊNỊNYANAḄỌ ḅe pọkọ naa, yei Juda ḅụ kirikọn-apụ, mie ọmụ-ogbo ma ḅẹ KỊNỊNYANAḄỌ ḅe, Izirẹlịapụ tẹkẹarị Tamụnọ ḅe ḍuko yee, ‘Ọmịnị ọmịna tọrụ kẹ Ijiputi sọ-mu ḅa ọgọnọ gbana tẹ mu anịanga anga ḅarị ḅẹḅẹ,

Jerimaya 9:26

Ijiputi na, Juda na, Idọmụ na, Amọnị na, Mohabụ na, pịkị inimgba tẹ ịkpa mẹ ḅio sụma-jụ angarị apụ ma na, tẹ ịna asịḅị-ḅẹ-inume ma kịrị-kịrị kpụlụmarị apụ ma. Kẹ gotẹ ọkọ ḍukoarị, mịna asịẹ mamgba karakara-ḅara-ḅụ tarị-ḅụụ sin-a apụ famam, Izirẹlị bebe warị mẹ sọ tarị-ḅụụ sin-a apụ ḅioḅẹngbọ ḅụ.”

Hosiya 4:1

KỊNỊNYANAḄỌ ḅe kẹ amakiri mẹ ḅụ angarị apụ ma sịḅị sẹịn ḅẹ ḅẹrẹ nyana wararị. Izirẹlị, ọmịnị ò ḍukoarị ye pokii: “Amakiri mẹ ḅụ mininiye-mịẹ na ḅẹlẹma na ofori, tẹ tomi ma pịkị ị̀ kẹ ịna Tamụnọ ḅara ọkị-a.

Emọsị 7:16

Mie ḅụ mịọkụ KỊNỊNYANAḄỌ ḅe ḍukoarị ye pokii. Ị́yẹrị ị̀ ḅẹẹarị à ḅarị ịkịan koro ma, tẹ maa-tọrụsụaḅọ ḅara kẹ ẹkwẹn Izirẹlị ḅẹ apụ pịrị dasịẹmaa.

1 Tẹsalonịka 2:13

Jen tẹ wa gotẹ sakị mamgba ịmịẹtẹ kẹ Tamụnọ ḅẹẹarị ye emi. Wa Tamụnọ oku mẹ kẹ ḅo ọ́ pịrị sakị, ọmịnị anị naa tẹ daa-ọkịm, tomina oku ḅara-a, kụma Tamụnọ oku ḅara, anie anị pịkị sime-ḅara. Kẹ gotẹ ọkọ ḍukoarị, Tamụnọ ọmịna ḅụ minini apụ ma ḅụụ ḅio kọrịnama kọrịarị.

Mịẹfinji 2:29

“Ọkọẹrẹsị, í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii.