Jerimaya 1:7 - FỊAFỊA BAỊBỤLỤ

⁷ Kụma KỊNỊNYANAḄỌ ḅe ị̀ ḅẹẹm, “Ḅẹẹ ma mịnẹ ị́ asambịrịma ḅakam, kụma arị ị́ kẹ fịrịmarị apụ ma dama-muu, tẹ à tọn ị́ pịrịye pịrịye ḍuko ịn pịrịị.

Jerimaya 1:7 Iomraidhean Croise

1 Amadapụ 22:14

Kụma Mayịkaya nwẹnị ḅẹẹ, “KỊNỊNYANAḄỌ ḅe ḍumo sime wararị ogbo, KỊNỊNYANAḄỌ ḅe kẹ ị̀ ḅẹẹ ye mie à ḍuko ḅarịye.”

1 Amadapụ 3:7

Yei KỊNỊNYANA-TAMỤNỌ í mininitẹ àrị amada-kụlọ ḅụ ị̀ ḍa ḅe kiri ọkị tẹ, anịsọ àrị asambịrịma lama wararị tẹ kẹ ḅẹrẹtọn ḅarị ḅara nimi-a.

2 Paka-aị 18:13

Kụma Mayịkaya nwẹnị ḅẹẹ, “KỊNỊNYANAḄỌ ḅe ḍumo wararị ogbo, ị̀ Tamụnọ ḍuko ye, anie à kọn ḅarị ẹkwẹn.”

Paka-so 6:29

KỊNỊNYANAḄỌ ḅe Mozizi ḅẹẹm, “Yẹrị anie KỊNỊNYANAḄỌ ḅee, à ḍuko ị́ pịrị aị mamgba ḍuko Fero Ijiputi ḅẹ amadaḅọ pịrịị.”

Jerimaya 26:2

KỊNỊNYANAḄỌ ḅe ị̀ ḅẹẹm, “Tamụnọ-warị mẹ ḅẹ ogigo mẹ ogboku sịẹsime tẹ à tọn ị́ pịrị tẹ í ḍuko ḅẹ aị mamgba ḍuko wasama Juda ḅẹ ama ma ḅụ sime tẹ ḅo sunsin Tamụnọ pịrị ḅẹ apụ ma pịrịị. Gberie-sọ siin ma.

Jerimaya 43:1

À KỊNỊNYANAḄỌ ịna Tamụnọ ḅe ị̀ fịrịmam à ḍuko ịn pịrị ḅẹ ye goyegoye ḍuko ịn pịrịm.

Jerimaya 7:27

Anie ḅụ, Jerimaya, ị́ mịna ẹkwẹn mamgba ḍuko ị̀ atomi ma pịrị ḅa, kụma ini í poki ḅịa; ị́ ịn sịn ḅa, kụma ịn pakịrị ḅịa.

Izikẹlị 2:7

À ḍuko ị́ pịrịye pịrịye í ḍuko ịn pịrị ḅa, in poki-o, in poki-a-o. Ini kọngọ-kụrọma-apụ mẹ kẹ ḅiokoroma.

Izikẹlị 3:27

Anịtẹso, à siin ẹkwẹn ị́ pịrị tẹ ẹkwẹn kụrọ kẹ ị́ pịrị sakị, í ḍuko ịn pịrị ḅa, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye. Ini ḅẹ jen-apụ poki ḅa, kụma jen-apụ ị́ kẹ ye-sịn ḅịa, gbala ini ma anie sịḅị-tuu-tuu-a apụ sịẹ.”

Emọsị 7:15

Kụma KỊNỊNYANAḄỌ ḅe ị̀ anana-ḍikiḍiki-kọrịnama mẹ ḅụ ị̀ ọkị tẹ tọn ị̀ pịrịm à mu ịkịankoro ori atomi Izirẹlị pịrị.

Jona 3:2

Ori mẹẹ, “Saakịị! Fọnya Ninive muu! anị ḍụḅatẹ opu ama mẹ, tẹ ḍuko wasama tomi ma pịrịị, à kẹ ị́ fịrịma tẹ oku mẹ.”

Kịẹn-aḅịḅị 22:20

Tẹ Tamụnọ nwẹnị ḍin ḅụ ḅo Balamụ la tẹ ọ̀ ḅẹẹ, “Tomi ma nwẹnị ị́ sịn ḅẹ ḅom ḅẹḅẹ, saakịị, tẹ ini na muu; kụma arị ị́ ḅẹẹm, mịẹ nwẹn ḅẹẹ ye kịngẹ mie ị́ mịẹ ḅarịye.”

Kịẹn-aḅịḅị 22:38

Balamụ nwẹnị Balakị ḅẹẹ, “Ḍikii, arị ị́ dama-ḅo tẹ! À gbeke mịọkụ ḅẹ kụrọ, ḅẹ kụrọ nyana tẹ kẹ ḅẹẹye-ḅẹẹye ẹkwẹn ḅẹ? Ẹkwẹn mẹ tẹ Tamụnọ kẹ ị̀ ḅịḅị ḅio suu ẹkwẹn-ḅịḅị mẹ anie mie à kọọn nyana ye.”

Matiyo 28:20

tẹ ọ́ pịkị ye kẹ in toluma tẹ ini à tọn ọ́ pịrị ye goyegoye koko. Anịsakị yẹrị na ọmịnị na sakị mamgba sime ḅa, ọkị mu tomikiri mẹ ḅẹ kunoma la.”

Fịrịmẹnjịapụ 20:27

Kẹ gotẹ ọkọ ḍukoarị, Tamụnọ kẹ ye tọn ḅara ḅụ à kẹ ó kikima tẹ ḍuko pakama ọ́ pịrị-a gberie-sọ ofori.