Jerimaya 1:5 - FỊAFỊA BAỊBỤLỤ

⁵ “Tẹrẹmẹ à ḍumo kẹ ị́ pịrị, àrị ị́ sẹlẹ pakama-ḅom, tẹ tẹrẹmẹ í iyi paka-ḅo, àrị ị́ sẹlẹ tẹ mịnẹ ị́ ị̀ ịkịankoroḅọ sọ sịẹ-sịẹ ma pịrị.”

Jerimaya 1:5 Iomraidhean Croise

Devidi-Anume 139:15

Ì mgbe ma ḅo ọrụ tọn-arị sakị, bala ḅara ḅụ àrị ì iyingi furo ḅio gbolomarị sakị, à ḅọị ḅara kẹ ḍụḅarị sakị, ị́yẹrị mie àrị anịanga simem mẹ nimi yee;

Devidi-Anume 139:16

ị́ ị̀ ẹrị tẹrẹmẹ àrị iyi paka-ḅom. Sime ị̀ pịrị aḍin ma arịmgba í ḍiri ḅio kẹ korom, tẹrẹmẹ arịḅẹ gberie kịngẹ sọ saakị sakị lam.

Paka-so 33:12

Mozizi nwẹnị KỊNỊNYANAḄỌ ḅe ḅẹẹ, “Ḍikii ị́yẹrị ị̀ ḅẹẹm, ‘Mịna atomi ma ọkị-ḅoo,’ kụma anị ḅọ mẹ tẹ ị́ kẹ ị̀ ḅụụ sụa fịrịma ḅarị ḅọ ị́ mịẹ tẹ à nimi-a. Anịsọ ị́ ḅẹẹ tẹ, ‘ị́ ẹrẹ ḅụ arị í nimi wararị, anịsakị ì ḍiki-tọrụ ḅụ sọ ị́ ị̀ ḅụụ-ḅẹlẹarị.’

Paka-so 33:17

KỊNỊNYANAḄỌ ḅe nwẹnị Mozizi ḅẹẹ, “Mị kpọkpọ gbọrụ ye mẹ tẹ í ḍuko ye mẹ à mịẹ ḅa, kẹ gotẹ ọkọ ḅẹẹarị, ì ḍiki-tọrụ ḅụ ị́ ị̀ ḅụụ-ḅẹlẹarị, anịsakị ị́ ẹrẹ ḅụ àrị í nimi wararị.”

Ayịzaya 44:2

Yẹrị anie KỊNỊNYANAḄỌ tẹ ọ́ tẹmẹ ḅọ ḅe; í iyi kụra-ḅio à ḅarasụa ị́ pịrịarị. Ḅalafa ma, ị́yẹrị ị̀ fịrịmẹnjịḅọọ, à sẹlẹ ọkị tẹ ḅẹlẹmarịapụ.

Ayịzaya 49:1

Sụma anga simearị asịẹ, ọmịnị ì pokii, ọmịnị iḅere-iḅerea jụ angarị apụ! Tẹrẹmẹ àrị iyi paka-ḅo, KỊNỊNYANAḄỌ ḅe ị̀ sẹlẹ ọkị tẹ tọn tẹ arị ọ̀ fịrịmẹnjịḅọ sọọ.

Ayịzaya 49:5

Tẹrẹmẹ in ì iyi pakama-ḅo, KỊNỊNYANAḄỌ ị̀ tọn tẹẹ ị̀ kẹ ọ̀ fịrịmẹnjịḅọ mịẹ tẹ àrị ori atomi kẹ pịkịma-ḅo; Izirẹlị ḅụ gala-gala wararị apụ ma kẹ pịkịma-ḅo. KỊNỊNYANAḄỌ ḅe ị̀ kẹ kụn nyana kiri ḅụ koromarị, ọ̀ ḅụụ mie arị ịnyọ sụarị.

Jerimaya 1:10

Mịmgba à kụrọ kẹ ị́ pịrịarị, sịẹ-sịẹ ma na amadapụ daarị ayọ ma na ḅụ, kẹ suku-na-suku-na soku pakama-ḅoo, pịkị sukuruma-gbiin, tẹ ḅaa-gulugulumaa, pịkị famaa, namaa, tẹ ḍiḅii.”

Jerimaya 1:4

KỊNỊNYANAḄỌ ḅe ị̀ ḅẹẹm,

Jerimaya 20:15

Mịẹ tẹ ị̀ ḍa ḅioḅẹlẹ tomḅọ ḅe worii, ori oku mẹ da ḅo ọ̀ pịrị ḅọ ḅe tẹ ḅẹẹm, “Owiḅọ tụḅọọ! Í owiḅọtụḅọ nyana tẹẹ!”

Jerimaya 25:13

Opu ḅụụ-fụka mamgba tẹ arị ẹrẹmam arị ọkị-ḅo sịẹ-sịẹ ma ọgọnọ gbana ḅẹ Jerimaya ḅịḅị ḅụ ḍuko aị ma — arị ḅụụ-fụka mamgba tẹ mị ḍiri mẹ ḅio kẹẹ koro wararị aị ma, mie à kẹ Babịlonịya fomu ḅarị aị.

Jerimaya 36:2

“In-ikoarị-abịlala ọkị, tẹ anị ọgọnọ Izirẹlị na Juda na sịẹ-sịẹ mamgba na gboloma ye goyegoye kẹ koromaa. À ḍuko ị́ pịrị tẹ goyegoye kẹ kẹẹ koromaa, sukuyọ-saakị ḅụ Josaya ama-da sime sakị ḅụ saakị ḅo mịọkụ la.

Jerimaya 50:34

Kụma ịn pụkọ-pakamaḅo ḅarị ḅọ ḅe kụrọ ḅọ — ori ẹrẹ anie Kụrọmamgba nyana KỊNỊNYANAḄỌ ḅe. Ò ḅioju ịna ḅẹrẹ saakị ọkị tẹ kẹ amịna nye sọma ḅa, pịkị dein ọkị-ḅo ḅa tomikiri ḅụ, kụma ọ̀ ḅụụ-fụka kẹ Babịlonịya ḅẹ apụ pịrị ḅa.”

Luku 1:15

KỊNỊNYANAḄỌ ḅe tọrọkọ ori opu tomḅọ sọ ḅa. Ori iru ḅuu ḅịa, jen-a jen-a kụrọ iru. Ini ori iyi koroma gbọrụ sakị Fịafịa Tẹmẹ ḅe ọ̀ ḅụụ sọ ḅin ḅa,

Luku 1:41

Elizabẹfụ Meri sịn-ḅịḅị mẹ naa gbọrụ sakị á furo ḅio ḅẹ tụḅọ mẹ nwẹnị tii, tẹ Fịafịa Tẹmẹ ḅe nwẹnị Elizabẹfụ ḅụụ sọ ḅin,

Luku 1:76

“Ị́yẹrị, ị̀ tụḅọ, ịn kẹ ị́ sịn ḅarịye Geletẹịn Tamụnọ ḅe ịkịankoroḅọ, ị́ tarị mu tẹ KỊNỊNYANAḄỌ ḅe etela tẹlẹma ọ̀ pịrị ḅa,

Jọnị 10:36

ndẹẹ mịọkụ ọmịnị inetẹ ḅẹẹ ḅẹ mịnẹ Ḍaḅọ ḅe sẹlẹ-ọkị tẹ kẹ tomikiri fịrịma ḅọ ḅe Tamụnọ fie-simarị à ḅẹẹm, ‘yẹrị Tamụnọ Tụḅọ’ gotẹ?

Romu 1:1

Pọlụ, Kịrayịsị Jizọsị fịrịmẹnjịḅọ ḅe, anie Tamụnọ sẹlẹ-ọkịm mịnẹ ori Iḅi-Oku mẹ ḍuko wasama ḅẹ ḅọ ḅe, mie mị ḍiri mẹ kẹẹ tẹ kẹ ọ́ fịrịma ye.

Romu 8:29

Tamụnọ sẹlẹ ọkị tẹ apụ ma, ọ̀ pịkị in sikima koroma tẹ, mịnẹ ini ọ̀ Tụḅọ ḅe sime-ḅara sime, tẹ Tụḅọ ḅe nwẹnị tọnwa amịnapụ ogboku tarịḅọ sọ.

1 Kọrịntị 8:3

Kụma Tamụnọ ọ̀ ḅẹlẹmarịḅọ nimi wararị.

Ẹfisọsị 1:22

Tamụnọ ye mamgba kẹ Kịrayịsị aḅụọ suku kuroma tẹ ọ̀ kẹ ye mamgba sịḅịda KỊNỊNYANAḄỌ sọma sọsị mẹ pịrị tẹ.