Jerimaya 1:3 - FỊAFỊA BAỊBỤLỤ

³ tẹ ọ̀ pịkị siin ẹkwẹn ọ̀ pịrịm Josaya tụḅọ Jehohakịmụ ama-daarị sakị. Anie ḅọrọ tẹso, KỊNỊNYANAḄỌ ḅe tọnwa asakị kẹ ẹkwẹn ọ̀ pịrịm, nwenii mu Josaya tụḅọ Zẹdẹkaya ama-da tẹ oyi gberie finji karama kụra mẹ lam. Anị kụra mẹ ḅẹ sọnọ karama akalụ mẹ ḅụ Jeruselemu ḅẹ apụ ma ini in kun som.

Jerimaya 1:3 Iomraidhean Croise

2 Amadapụ 23:34

Fero Neko nwẹnị Ẹlịyakịmụ Josaya owiḅọtụḅọ ḅe kẹ ama-dama ọ̀ ḍa kiri mẹ ḅụ, tẹ ori ẹrẹ ḍima tẹ kẹ Jehohakịmụ mịẹ. Kụma ò Jehohazị kẹ so Ijiputi ḅom, tẹ ori anịanga ḅụ sime tẹ fịịm.

2 Amadapụ 24:17

Babịlọnị ḅẹ amadaḅọ ḅe nwẹnị Jehohakịnị ḍa iyimbere Matanaya kẹ ò kiri ḅụ amadaḅọ mịẹ, tẹ ori ẹrẹ ḍima tẹ Zẹdẹkaya kẹ ọ̀ sịn.

1 Paka-aị 3:15

Josaya owiapụ-awọmẹ anie Johananị, mgbe ḅe na, Jehohakịmụ gbolo ḅe na, Zẹdẹkaya gbolo-palịḅọ ḅe na, Salumu ini karama ḅọ ḅẹ na.

Jerimaya 1:4

KỊNỊNYANAḄỌ ḅe ị̀ ḅẹẹm,

Jerimaya 34:1

Ama-da Nebukadineza, Babịlonịya daarịḅọ ḅe, na ori ọmụ-ogbo na, pịkị sịẹ-sịẹ ma na kịrị-kịrị apụ tẹ ò suku-ḅio emi apụ na kẹ ḅarasụa ọ̀ pịrị ḅẹ ḅo ọmụapụ na, owu kẹ Jeruselemu na anị kpeki ama ma na pakarị sakị KỊNỊNYANAḄỌ ḅe ẹkwẹn ị̀ pịrịm.

Jerimaya 35:1

Jehohakịmụ, Josaya tụḅọ ḅe Juda daarị sakị ḅụ, KỊNỊNYANAḄỌ ḅe ị̀ ḅẹẹm,

Jerimaya 36:2

“In-ikoarị-abịlala ọkị, tẹ anị ọgọnọ Izirẹlị na Juda na sịẹ-sịẹ mamgba na gboloma ye goyegoye kẹ koromaa. À ḍuko ị́ pịrị tẹ goyegoye kẹ kẹẹ koromaa, sukuyọ-saakị ḅụ Josaya ama-da sime sakị ḅụ saakị ḅo mịọkụ la.

Jerimaya 39:2

Zẹdẹkaya ama-da tẹ oyi gberie finji karama kụra mẹ ḅẹ ini karama akalụ mẹ ḅẹ eseni aḍin karama ene mẹ ḅụ ini opu ama mẹ ḅẹ onu mẹ kan-tolu-ḅọrọm.

Zẹkaraya 7:5

Ori mẹẹ, “Ḍuko amakiri mẹ ḅẹ atomi ma na agbamịẹapụ ma na pịrị mịnẹ ịn sọnọ na sọnọma na karama akalụ ma kẹ ḅuru-ịmọ tẹ kururu sakị ma kụra tesi oyi finji ma ḅụ, ini ì kụn gotẹ mịẹ-a.

Zẹkaraya 8:19

“Ọmịnị ọlọarị aḅuru-ịmọ ma anie ini, sọnọ, sọnọma, na oyi na karama akalụ ma ḅụ ḅo ḍereku na ḅioḅẹlẹma alalị sọ Juda ḅẹ apụ ma pịrị ḅa. Mịẹ ḅara mịẹ ḅara ọ́ karakara na dein na ḅẹlẹma nyanam.”