Jerimaya 1:17 - FỊAFỊA BAỊBỤLỤ

¹⁷ “Jerimaya, tẹlẹma tẹ mu à tọn ị́ pịrị ye goyegoye ḍukoo. In gotẹ ḅalafa ma mịọkụ, ọkọ kụma à mịẹ tẹ ị́ ḅalafa ḅaka ḅa í ini na emi sakị ḅụ.

Jerimaya 1:17 Iomraidhean Croise

1 Amadapụ 18:46

KỊNỊNYANAḄỌ ḅe ḅara Ịlayịja ọgọnọ ḅụ emii, tẹ ọ̀ nwẹnị ori opu kapa mẹ kẹ ò ḅiri kpọ, tẹ nwẹnị mangị Ehabụ ḅọrọ tẹ tarị mu mẹnjị-ḅọrọ Jẹzirili sọ-muarị anga mẹ la.

2 Amadapụ 1:15

Anịtẹso KỊNỊNYANAḄỌ ḅe enjẹlị nwẹnị Ịlayịja ḅẹẹ, “Ò ḍiki-ḅalafa ma, ideri tẹ ori na muu.” Anieḅụ ọ̀ nwẹnị saakị tẹ ideri tẹ ori na amadaḅọ ḅe ḍọkụma-mu,

2 Amadapụ 4:29

Ọ̀ nwẹnị Gehazi ḅẹẹ, “Í ḅiri-ponoye kẹ ị́ ḅiri ponoo, ị̀ mkpara mẹ ọkịị, tẹ muu. Ị́ kịnị na bịama bịama, mḅọ sịn ma, ị́ sịn ḅọ sịn ḅọ, minini ma; tẹ ị̀ mkpara mẹ kẹ tụḅọ mẹ ọgọnọ gbana mu tọrụkuḅu mẹ lama.”

2 Amadapụ 9:1

Anịtẹso Ịlayịsa nwẹnị ịkịankoroarị asambịrịma owiapụ ma ḅẹ gbọrụḅọ sịn tẹ ọ̀ ḅẹẹ, “Ị́ ḅụụ tẹlẹma tẹ mị pulo-sụaye mẹ ọkị tẹ Ramọtị-giliyadị muu.

Jobu 38:3

Owiḅọ ḅara kẹ ḅịtẹ kẹ í ḅiri ọkịị, arị í gbela ḅa, tẹ ị́ mịẹfinji ị̀ pịrị ḅa.

Paka-so 3:12

Tamụnọ nwẹnị pakịrị, “Àrị ị́nịna sime ḅa, anịsakị miemẹ elekima sọ ị́ pịrị ḅa, mịnẹ yẹrị ị́ fịrịmam; ị́ Ijiputi ḅụ tomi ma pakama-ḅo tẹ ini ọkị-ḅo sakị, ọ́ mị tụndụ mẹ ọgọnọ ḅụ fịrịmẹnjị Tamụnọ pịrị ḅa.”

Paka-so 7:2

Ị́yẹrị à tọn ị́ pịrị aị mamgba ḍuko í iyimbere Erọnị pịrị ḅa, anịsakị Erọnị ḍuko Fero pịrị ḅa ọ̀ wẹrịso tẹ Izirẹlịapụ ma ori ama ḅio paka-so ḅẹ ḅara.

Jerimaya 1:18

Mịmgba arị ị́ kẹ mịẹ kụrọma tẹ opu ama sọma tẹẹ, ikulele ḅeriye, pịkị ojo onu akaka, tẹ í bebe amakiri mẹ kuḅu da ḅa — Juda ḅẹ amadapụ ma na, anị ḅẹ opu fịrịmẹnjịapụ ma na, anị ḅẹ agbamịẹapụ ma na, pịkị amakiri mẹ ḅẹ apụ ma na.

Jerimaya 17:18

Tọrụ-tuu ọkị-ḅo ḅaa-ḅọkọ kẹ ị̀ ḍọkịarị apụ ma pịrịị, kụma ḅara-wẹrị ị̀ pịrị, KỊNỊNYANAḄỌ. Tẹmẹ-naịn-naịn kẹ ịna ḅụụ ḅio suu ḅinma, kụma yẹrị ị̀ tẹmẹ-naịn-naịnma ma. Opu ḅụụ-fụka ọkị-ḅo ịna ọgọnọ gbana tẹ ịn gbẹẹ-kọsịmaa.

Jerimaya 23:28

Ḍawọ kọn ịkịankoroḅọ emi-emii mḅọ mḅọ kọn ḍawọ ḍiki tẹ ḍukoo, kụma ì oku naa ịkịankoroḅọ mẹ mḅọ ḅioḅẹngbọ-kẹ-sịrẹrẹ-niḅi ḅara kẹ ì oku mẹ ḍuko-wasamaa. Tọ iḅi asịra nwẹn nyana anị kẹ mbịaka na tọnmarị kiri?

Jerimaya 26:12

Anịtẹso à ḅẹẹm, “À ḍuko mị Tamụnọ-warị mẹ na mị opu ama mẹ na ọgọnọ gbana tẹ ọ́ naa ye goyegoye, KỊNỊNYANAḄỌ ḅe ị̀ fịrịmam à ḍuko wasamaa.

Jerimaya 26:2

KỊNỊNYANAḄỌ ḅe ị̀ ḅẹẹm, “Tamụnọ-warị mẹ ḅẹ ogigo mẹ ogboku sịẹsime tẹ à tọn ị́ pịrị tẹ í ḍuko ḅẹ aị mamgba ḍuko wasama Juda ḅẹ ama ma ḅụ sime tẹ ḅo sunsin Tamụnọ pịrị ḅẹ apụ ma pịrịị. Gberie-sọ siin ma.

Jerimaya 36:8

Mie ḅụ Baruku nwẹnị KỊNỊNYANAḄỌ ḅe ẹkwẹn ma goo pakama, Tamụnọ-warị mẹ ḅio, à ḍuko ọ̀ pịrịm ọ̀ mịẹ ḅẹ ḅara ḅụ gberie-sọ sin-a ḅara.

Kururu Owu-apọkọ 3:57

Àrị ị́ sịn sakị, í ḅo kpekim; Ị́ ḅẹẹm: Ḅalafa ma!

Jona 3:2

Ori mẹẹ, “Saakịị! Fọnya Ninive muu! anị ḍụḅatẹ opu ama mẹ, tẹ ḍuko wasama tomi ma pịrịị, à kẹ ị́ fịrịma tẹ oku mẹ.”

Luku 12:35

“Ọmịnị iḅiọkụ ḅịtẹ kẹ ịkpụkpụ kpọọ, tọnjọ ọlọ tẹ paka ḅẹ ye koruu,

Fịrịmẹnjịapụ 20:20

Ọ́ nimi wararị mịnẹ, anị ḅọrọ etela-ogbo-o, ḅọrọ ọmịna awarị ḅio-o, arị ẹkwẹn ọ́ pịrị-pịrị tẹ ye kẹ ó tolumarị sakị, kẹ ḅarasụa ọ́ pịrị na-iḅi tẹ à kikima ye ofori.

Fịrịmẹnjịapụ 20:27

Kẹ gotẹ ọkọ ḍukoarị, Tamụnọ kẹ ye tọn ḅara ḅụ à kẹ ó kikima tẹ ḍuko pakama ọ́ pịrị-a gberie-sọ ofori.

1 Kọrịntị 9:16

À kụrọ nyana-a à kẹ ḅụụ boma, arị Iḅi Oku mẹ ḍukoarị ye mẹ kịngẹ gotẹ. Anị sime-ḅara ḅụ, ịn tọn ị̀ pịrị ye mie à mịẹarị ye. Àrị Iḅi Oku mẹ ḍuko-a kụma à tẹkẹlẹ tẹẹ!

1 Tẹsalonịka 2:2

Tẹrẹmẹ wa ḅo Tẹsalonika la, ó nimi ḅara ḅụ, Filipayị ḅụ in si ḅara kẹ wamịnị na mịẹ tẹ wa guluguluma tẹ. Karakaraye tomi kpọma wamịnị na tụḅụrụ lamam ḅẹsọ, wamịna Tamụnọ ḅe ḅiokpọ kẹ wa pịrị tẹ wa kẹ ọ̀ ḅara ḅo Iḅi Oku mẹ ḍuko ọ́ pịrịm.

1 Pita 1:13

Ọkọẹrẹsị, ó ḅioḅẹngbọ mẹmgba karakarama tẹ kẹ ọ́ mịẹ ḅẹ ye mẹ pịrị. Ọ́ karakara sime tẹ gbọrsịḅị ọmịna ḅiokpọ mẹmgba kẹ Kịrayịsị amịna ḅụụ ḍie-pakama ḅarị sakị mẹ ḅụ ịn kẹ ọ́ pịrị ḅarị boma mẹ ọgọnọ gbanaa.