Jerimaya 1:16 - FỊAFỊA BAỊBỤLỤ

¹⁶ À fomu-ḅara kẹ ị̀ atomi pịrị ḅa, in si mịẹ tẹ ẹrẹsị; ini ị̀ sịkị tẹ agba mịẹ-mịẹ oru-atamụnọ pịrị tẹ ẹrẹsị, pịkị oru-afụḅara tẹmẹ tẹ sunsin arị pịrị tẹ.”

Jerimaya 1:16 Iomraidhean Croise

2 Amadapụ 22:17

Kẹ gotẹ ọkọ ḅẹẹarị, ini ị̀ sịkị tẹ kụnụaị dọkịma tẹ kẹ oru-atamụnọ pịrị tẹẹ, mịẹtẹ ịn ḅara kẹ mịẹ aị ḅụ ini ị̀ ḅụụ ịganị saakị ḅẹ ḅara, ọkọẹrẹsị ị̀ ịganị mị yọ mẹ ḅụ saakị ḅa, tẹ biin ḅịa.’

2 Paka-aị 15:2

tẹ ọ̀ nwẹnị mẹnjị paka Asa na bịama ḅẹ mu, tẹ ọ̀ ḅẹẹ, “Asa na, Juda na, Benijamịnị na ọmịnị ì pokii: KỊNỊNYANAḄỌ ḅe ọmịnị na emi, ọmịnị ọ̀ ḅụụ ḅụ emi sakị goyegoye. Ọmịnị ọ̀ ḍọkị-ḍọkịị, ọmịnị akaka ḅụ ọmịnị ọ̀ ḍọkị-ẹrị ḅa, kụma ọmịnị ọ̀ sịkị-sịkị, ori ọ́ sịkị ḅa.

2 Paka-aị 28:2

Kụma Izirẹlị ḅẹ amadapụ ma mẹnjị etela mịẹ ọ̀ mẹnjị ye. Ori rẹ ye kịkama tẹmẹ-tẹmẹ tẹ kẹ Balị oru-atamụnọ ma pịrịm,

2 Paka-aị 34:25

Kẹ gotẹ ọkọ ḅẹẹarị, ini ị̀ sịkị tẹ kụnụaị dọkịma oru-atamụnọ pịrị tẹ, kẹ ini ịna aḅara kẹ kọrịarị aị mamgba ḅụ sụa mịẹ tẹ; ini ị̀ ḅụụ-ḅẹsọ ye mịẹ tẹ ị̀ ịganị sịn saakị ḅẹ ḅara, anị ẹrẹsị ị̀ ịganị mẹ mị anga mẹ ḅụ ọsụma sara ḅa, anị sakị anị biin ḅịa.’

2 Paka-aị 7:19

Kụma ị́ nwẹnị tọrụ pịkị jen anga da tẹ ị̀ oloko ma tẹ kẹẹ wararị aị ma na, à tọn aị ma na tẹ à kẹ ị́ tọrọkọ koroma aị ma sịkị, tẹ fịrịmẹnjị oru-atamụnọ pịrị tẹ sunsin ịn pịrị-pịrị,

Ayịzaya 2:8

Ịna amakiri ḅụ oru-afụḅara, fụḅara ḅin tẹ, tẹ ini ḅarana tẹmẹ-aị mie in sunsin pịrịarị.

Ayịzaya 37:19

pịkị ịna atamụnọ ma dọkịmam — anie gbala-gbala tamụnọ-a aị ma, tomi ḅara kẹ sịn na ḍụḅarị na kẹ mịẹ ye afụḅara kịngẹ.

Ayịzaya 44:15

Tomḅọ sịn ọkị tẹ anị ḅẹ gbọrụ pakịrị kẹ fịnị-tọnọarị, tẹ gbọrụ pakịrị kẹ oru-fụḅara mịẹarị. Ọ̀ gbọrụ pakịrị kẹ fịnị-sụkama tẹ anị kọrị tẹ ò temi tẹ kẹ ori oju ọfịrịmarị, pịkị kẹ fịturu fọịarị; ori asi pakịrị kẹ tamụnọ mịẹ tẹ sunsin anị pịrịarị.

Ayịzaya 65:3

Ḅụụ-jịrị gbọrụmgbọ-sọ nyana-a ḅara ḅụ ini ị̀ ịganịma-ịganịma-ịganịmarị. Ịn kẹ tọn-tọn ḅara wẹrị wararị fịlawa aḍụọ ḅio ini oru nimi apụ agba ma mịẹarị, tẹ oru nimi apụ agbamịẹ-anga ḅụ kụnụaị dọkịmarị.

Jerimaya 10:15

In kẹ mịẹ-mịẹ ye ofori, tẹ kịnị in ḍiki iderima ḅa; KỊNỊNYANAḄỌ ḅe ḅo ọ̀ kẹ ịn mịẹ ḅẹ ye kẹ ịn mịẹ sakị in gulugulu ḅa

Jerimaya 10:3

Mịna atomi ma tamụnọ nimi ḅara mẹ ye-ḅụ-sọ-a. Ini opu piri-ḅio-ḅẹ sịn pẹlẹ-gbin-arị; ini akanị-aị kẹ anị kịrarị,

Jerimaya 11:12

Anịtẹso Juda na Jeruselemu na ḅẹ apụ ma ini agbamịẹ pịrịarị atamụnọ ma dama-mu tẹ ḅarasụa gotẹ ịn sịn oloku ḅa. Kụma arị atamụnọ ma inetẹ ịna ḅọrọma ḅịa mịẹ ḅaa-guluguluma mẹ ḅoarị sakị.

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 15:6

Ọmịnị ma ị̀ sịkị tẹẹ, Ọmịnị ọḅụ pịkị ì gbin tẹẹ. Anie ḅụ àrị ị̀ ḅara sụn-pakama tẹ kẹ ọ́ kọsịma tẹẹ ị̀ ịganị ọlọ-sịẹma ịnyọ kẹ ị̀ tama tẹẹ ẹrẹsị.

Jerimaya 16:11

Anịtẹso í ḍuko ịn pịrị ḅa mịnẹ KỊNỊNYANAḄỌ ḅe ḍuko tẹẹ, ‘ọmịna elemu aḍapụ ma ị̀ ḅụụ pịkị-som, tẹ sunsin oru-atamụnọ pịrị tẹ fịrịmẹnjị ịn pịrịm. Ini ị̀ kẹ gbin koroma-so tẹ ì toluma aị ma poki tẹ mịẹ-a.

Jerimaya 17:13

KỊNỊNYANAḄỌ, anie Izirẹlị ḅiokpọ; í koroma tẹ so apụ mamgba ịna tọrụ-tuu ḅa. Ini ịmaịn-faa ḅarị ḅara fọọn ọgọnọ kẹ ẹrẹ kịka ḅa, ini, KỊNỊNYANAḄỌ ḅe, sịkị tẹ ẹrẹsị, ḍumo-pịrịarị ngụngụḅa minji ḅe.

Jerimaya 18:15

Anịsọ ị̀ atomi ị̀ kẹ ḅioḅọrọma tẹẹ; ịn kụnụaị dọkịma-dọkịma oru-afụḅara pịrịarị. Ịn mẹnjị ḅii etela mẹ ḅụ ịn pụmbụ tẹ; elemu etela ma ḅụ ịn ḅarị mẹnjị-a; elekima ofori mẹnjị-ḅọrọ-anga ma mie ịn mẹnjịarị.

Jerimaya 19:4

À gotẹ miemẹ mịẹ ḅẹ-yearị, ị̀ atomi ma ị̀ kẹ gbin koroma-so tẹ agba mịẹ-mịẹ oru-atamụnọ ma pịrị ḅụ mị yọ mẹ pilema tẹẹ — oru-atamụnọ ma tẹ ịna elemu aḍapụ-o, Juda ḅẹ amadapụ ma-o arị gboloma ye ḅụ ḅẹ gberie-sọ nimi-a aị ma. Ịn mịẹye-ofori apụ ọmbie kẹ mị yọ mẹ ḅinma tẹẹ,

Jerimaya 2:13

kẹ gotẹ ọkọ ḍukoarị ì atomi maa asi mịẹ tẹẹ: ini ị̀ ḅụ pịkị so tẹẹ, ḍumo-pịrịarị ngụngụḅa minji ḅe, tẹ minji koko olulu soku tẹ, paịn-paịn-sararị olulu ma tẹ gbala-gbala inetẹ minji ọlọ wẹrị-a aị ma.

Jerimaya 2:17

Izirẹlị, ị́ ḅarana miemẹ dogi-ḅo ị́ ḅụụ pịrịm! Ị́ yẹrị KỊNỊNYANAḄỌ, ị́ Tamụnọ ḅe ḅụ mangị-som, yẹrị tọrọkọ tarị ị́ pịrị ma muarị ogbo.

Jerimaya 2:19

Ị́yẹrị ḅarana mịẹ si mie ị́ fomu ḅarịye, ị́ ị̀ ḅụụ pịkị-so ye mẹ ḅẹrẹ kọn ị́ ḅara sima ḅa. Ị́ ḍawọ ḅo ḅa anị akụ tẹ kura-a la ḅara ị́ KỊNỊNYANAḄỌ ị́ Tamụnọ ḅe koroma mangị-so ye mẹ tẹ ḅarị jen kẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ, Kụrọmamgba Nyanaḅọ ḅe ọkọ ḅẹẹm.”

Jerimaya 2:28

Ọ́ ḅarana mịẹ ḅụụ pịrị atamụnọ ma ịn tọ-anga emi? Ọ́ ḅụụ-fụka ḅio sọ sakị yee ini ọ́ ḅọrọma — ini inetẹ ḅarị ḅẹḅẹ. Juda, ì opu ama ma kịẹn-ḅịḅị la ḅara mie pịkị ị́ nyana atamụnọ ma la ḅara.

Jerimaya 4:12

KỊNỊNYANAḄỌ ḅe tọn ḅara kẹ ḅoarị fẹrụ mẹ kụrọ anie nẹngị ḅa! KỊNỊNYANAḄỌ ḅe ḅioju mị ḅẹrẹ-ḅarasii mẹ pẹlẹ ori atomi ọgọnọ gbanarị.

Jerimaya 4:28

Kiri mẹ kururu ḅa, So-tọrụ mẹ ḅo kanakana ḅa, KỊNỊNYANAḄỌ ḅe ọkọ ḅẹẹm, ori ò kuroma ḍima ḅịa. Ọ̀ tọn pẹlẹ tẹẹ, Ọ̀ ḅarị ọḅụ ḍiki ḅịa.

Jerimaya 44:17

Wa ḅiim wa mịẹ ḅẹ ye goyegoye wa mịẹ ḅa. Wa agba mịẹ wamịna oru-tamụnọ, So Amada-Ẹrẹḅọ ma pịrị ḅa, tẹ pịkị iru sara á pịrị ḅa, anie wamịnị na, wamịna elemu-aḍapụ na, wamịna amadapụ na wamịna sịḅịdapụ na mịẹ sime gbọrụ ḅara mẹ Juda ḅẹ ama ma ḅio na Jeruselemu etela-ogbo ma na ḅụ. Wa ọkọ mịẹ tẹso, wa fịye nyanam, wa lọkọlọkọm, ḅụụ-fụka sọ ḅo-ḅo wa la-a.

Jerimaya 5:29

Kụma yẹrị KỊNỊNYANAḄỌ ḅe mịna aị ma gotẹ fomu-ḅara kẹ ịn pịrị ḅa; à mị sịẹ mẹ ḅara gbẹẹfị ḅii ḅa.

Jerimaya 5:9

Mịna aị ma gotẹ à fomu-ḅara kẹ ịn pịrị na-iḅi-a, à gbẹẹfị fị na-iḅi-a nwẹn sime sịẹ ḅụ?

Jerimaya 51:17

Tomi miemẹ ẹrị tẹ ọkịarị ini apantu pịkị sịḅịḅio nyana-a apụ; oru-afụḅara tẹmẹarị apụ ḅo ẹrị tẹ ini oḅori kẹ amịna aḅụụ sịn tẹẹ anie ịn mịẹarị atamụnọ ma iruo aị pịkị ḍumo nyana-a aị.

Jerimaya 7:17

Juda ḅẹ opu ama ma ḅio na Jeruselemu etela ogbo ma ḅio na ịn mịẹarị aị ị́ ẹrị-a?

Jerimaya 7:18

Awọmẹ ma sanga kolokoloarị, owiapụ ma fịnị tọnọarị, tẹ ereme ma fịlawa kpoo-kpoo tẹ kẹ kiki mịẹ-mịẹ ịn kẹ So-ḅẹ-Amada-Ẹrẹḅọ nwẹn sịn ẹrẹ oru ma pịrịarị. Ịn pịkị iru sara oru-atamụnọ pịrịarị, kẹ ị̀ ḅụụ-sịnịsịnịma ḅẹ ḅara.

Jerimaya 7:9

Ó furuarị, kịnị ḅaarị, sẹfịarị, ye karị tẹ iruo aị ḍukoarị, agbamịẹ Balị pịrịarị, tẹ sunsin ó nimi sọ nimi wẹrị-a atamụnọ pịrịarị.

Izikẹlị 16:18

Ị́ nwẹnị ḅirima aị kẹ ḅụ ḅụụ ḍori warị akapa ma tẹ à kẹ ị́ pịrị aị ma kẹ oru-afụḅara ma sụa, tẹ olivu-pulo mẹ na kụnụaị ma na kẹ agbamịẹ oru-afụḅara na pịrị.

Izikẹlị 24:14

Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn tẹẹ. À ye mịẹ ḅẹ sakị mẹ ḅo laa tẹẹ. Àrị ọmịna asi ma kẹ ẹrị-a mị ḅịa, anịanịa ḍiki-tọrụ-kụrụkụrụ ḍie anịanịa ọkụrụkụrụ nyana. Ó fomu-ḅara da ḅa ọ́ mịẹ tẹ ye ẹrẹsị.” Tẹịn ḅẹrẹtọn kụrọ nyana KỊNỊNYANAḄỌ ḅe ẹkwẹn tẹẹ.

Hosiya 11:2

Kụma àrị ọ̀ sịn-sịn-sịn ḅara, mie ọ̀ kẹ ị̀ ḅụ pịkị-so so ḅara. Ị̀ atomi agbamịẹ Balị pịrịm; ịn kụnụaị dọkịma oru-afụḅara pịrịm.

Hosiya 8:6

Gbọrụ ḅara-ḍịn Izirẹlị ḅẹ ḅọ oru-fụḅara mịẹm, tẹ ḅọkọ-ḅọkọ ḅụ mamgba anị tamụnọ-a! Sameriya ḅụ ịn tẹkẹarị golu mḅudu mẹ ini anị ḅaa gẹrẹ-gẹrẹma ḅa!

Jowẹlị 2:11

KỊNỊNYANAḄỌ ḅe tọn ori ọmụ-ogbo pịrịarị tẹ ịn so-alagba fie ḅara fiearị. Ọ̀ ḅịḅị pokiarị ọmụapụ ma tọnwa-apụ, tẹ ịn pịkị opu kụrọ nyanam. KỊNỊNYANAḄỌ ḅe ene mẹ ḅalafama la ḅara ḍikii! Tụḅọ fịị-a so ḅẹ anị ḅụ?

Fịrịmẹnjịapụ 7:41

Anị sakị ḅụ mie ịn nambulo kịka oru tẹmẹ tẹ agba mịẹ anị pịrị, tẹ alalị fị tẹ kụn kẹ ini ḅarana tẹmẹ ye mẹ pịrị ye.

Ditẹrọnọmị 28:20

KỊNỊNYANAḄỌ ḅe wori-anume na, ḅịḅị-kẹ-ogbosọ-a na, mịẹye-mịẹye ḅara ḅẹ sọ-a na, kẹ ọ́ fịrịma ḅa ọ́ nyanatẹ mịẹ ḅarị aị mamgba ḅụ, nwenii ọmịnị ọ́ mịẹarị amịẹaị ma ḅẹ siye mẹ ḅụ fịị tẹ fọnya fa fama ḅa, gbala ọmịnị ị̀ sịkịtẹ ẹrẹsị.

Ditẹrọnọmị 31:16

KỊNỊNYANAḄỌ ḅe nwẹnị Mozizi ḅẹẹ: Ḍikii, ị́ ị́ aḍapụ ma na mono gboloma ḅẹ tẹ, anịtẹso ọkụma mịna tomi ma saakị tẹ ama mẹ ḅẹ igoni oru-atamụnọ ḍukamẹnjị sẹfị mẹnjị kọn ḅa ịn mu ini ogboku sime ḅarị anga ḅụ, tẹ ini ị̀ sịkị ḅa, tẹ ị̀ ọḅọkụ mẹ tẹ arị ini na fị ye mẹ kan ḅa.

Jọsụwa 24:20

Ori iḅi kẹ ọ́ mịẹ tẹ so tẹ ọ́ KỊNỊNYANAḄỌ ḅe sịkị, tẹ fịrịmẹnjị igoni oru-atamụnọ pịrị-pịrị, anịtẹrẹmẹ ọ̀ pịkị tẹ ye kẹ ọ́ lama tẹ ọ́ fama ḅarịye.”

Mịẹfinji 9:20

Tomikiri ḅẹ atomi ma ḅụ kirikọn-apụ ma, inimgba tẹ mịna kịnị-ḅaaḅa obi ma ḅụ ḅọrọ tẹ fịị-a apụ ma, ini ma ḅarana tẹmẹ ịna ḅụụ pịrị aị ma ḅụ ịn pịkị-a. Oru tẹkẹ ḅụ ịn ḅara-siin-a, ịn pịkị golu na, seleḅa na, ojo na, ḍụḅarị na, sịn na, tẹ inetẹ ye ẹrị-a, pịkị ye naa-a, anịanịa mẹnjị-a aị ma ḅụ ịn ḅara-siin-a.