Jerimaya 1:14 - FỊAFỊA BAỊBỤLỤ

¹⁴ Ọ̀ nwẹnị ị̀ ḅẹẹ, “Ḅaa-guluguluma ọgọnọ-jụ daarị yọ ḅụ waa-sara ideri-ḅo mị amakiri mẹ ḅio angarị apụ mamgba ọgọnọ sara ḅa,

Jerimaya 1:14 Iomraidhean Croise

Ayịzaya 14:31

Ọmịnị Filisiteniapụ opu ama mamgba, ọ́ ḅarasụa gotẹ oloku-oloku owu! Ọ́ tẹmẹ-naịn-naịn, ọmịnị-mgba! Tomikiri mẹ ḅẹ ọgọnọ-jụ ḅụ fọọn oḅuto ḅoarị — anie ọmụ-ogbo, ịna ḅụ tẹmẹ lọkọarị ḅọ ofori.

Ayịzaya 41:25

Ịrụa mẹ saakịarị pakịrị anga mẹ ḅụ à gbọrụ tomḅọ sẹlẹ pakama-ḅo tẹ; Arị ori ọkị-ḅo ḅa ọgọnọ-jụ mẹ ḅụ, tẹ ori owu paka ḅa. Ọ̀ ḅẹrẹtọn apụ nanga ḅọrọ ḅa, lịka ọkụ, aḅaịn-ḅẹlẹ tẹmẹḅọ ọgbọịn-lịka nanga ḅara kịka ḅara.

Jerimaya 10:22

Ó poki-ye! Ḅịḅị ḅo tẹẹ! Tomikiri mẹ ọgọnọ-jụ ḅụ gbọrụ sịẹ ḅụ opu gbiri-gbiri-gbiri paka tẹẹ; anị ḅẹ ọmụ-ogbo mẹ Juda ḅẹ opu ama ma kẹ ịkpa mịẹ ḅa, piri-obiri angarị anga.”

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 31:8

Arị ini ọkị-ḅo ḅa ọgọnọ-jụ mẹ ḅụ tẹ in kobiri ḅa tomikiri mẹ akunoma ḅụ. Tọrụngbọ-pụụntẹ-apụ na ekeliapụ na ịna ḅụ sọ tẹ ḅo ḅa, furatẹ-ereme na iyi ḅẹ-yearị apụ na. Ini opu sịẹ ḅara kẹ pịkị-ḅo ḅa.

Jerimaya 4:6

Ḅọrọ mu etela mẹ tọkịma Zayọnị pịrịị. Ḍumo mangị kọn! Sakị fama ma! KỊNỊNYANAḄỌ ḅe opu ḅụụ-fụka na opu ḅaa-guluguluma na ọkị-ḅoarị ọgọnọ-jụ ḅụ.

Jerimaya 46:20

Ijiputi kịkarị ye anie tim-timtẹ nambulo, ọgọnọ-jụ ḅụ ḅo mgbele tẹịn ye ọkụ.

Jerimaya 47:2

Ori mẹẹ, “Ḍikii! Minji mẹ sun-sun gelearị mẹ ọgọnọ-jụ ẹgẹnẹ-minji kịka tẹ tọrụ ḅara kẹ owi ma ḅo ḅa. Anị ama kiri mẹ gbaịn ḅa anga-anga ḅụ na anị ḅụ sime ye na, opu ama ma na arị aḅio angarị apụ na. Kịnị ḅarasụa gotẹ oloku pakama ḅa, tomikiri emi ḅọ goḅọ-goḅọ tẹmẹ akụ ḅara kẹ owu ḅa.

Jerimaya 50:41

Kịnị ọgọnọ-jụ ḅẹ gbọrụ sịẹ ḅụ sime tẹ ḅoarị, opu kụrọ nyana sịẹ sụma-jụ ḅụ; tọnwa amadapụ tẹlẹma ọmụ pịrịarị.

Jerimaya 50:9

À kụrọ-kụrọtẹ asịẹ ogbo jike saakịma ḅẹ-yearị ọgọnọ-jụ ḅụ, tẹ arị ịn mịẹ tẹ ini owu kẹ Babịlonịya paka ḅa. Ini ọmụ ọgbụrụ-sụn sịẹ mẹ pịrị tẹ anị nẹngịma ḅa. Ini ma piri-dee aka nimi apụụ; iboli tẹịn kụma, ini anie ḅara daa ye gbarị-gbarị-a apụ.

Jerimaya 6:1

Benijamịnị ḅẹ apụ, ọ́ mangị ye ọ́ la ḅịa yọ muu! Ó Jeruselemu ḅụ mangị-soo! Ó Tẹkowa ḅụ ọdụ ofuroo, tẹ Bẹtị-hakeremu ḅụ fịnị tọnọọ anị kọrị gele tẹ elekima sọ. Opu ḅụụ-fụka na guluguluma na ọgọnọ-jụ ḅụ sime tẹ ḅo ḅẹ-yearị.

Jerimaya 6:22

KỊNỊNYANAḄỌ ḅe mẹẹ, “Ọgọnọ-jụ gbọrụ sịẹ ḅụ kịnị ḅoarị; opu kụrọ nyanatẹ gbọrụ sịẹ sụma-jụ tẹlẹma ọmụ pịrịarị.

Izikẹlị 1:4

À tọrụ saakị tẹ ḍiki tẹ ẹrịm ọgọnọ-jụ da pakịrị anga ḅụ erise fie ḅoarị. Oḅuto opu kpoo ḅụ bele sime tẹ ḅalapụ-ḅalapụ pakarị, tẹ anị ḅẹ ọgọnọ mẹ ikelema-koro mẹ ḅụ bele ḅịya-ḅịya tọrụngbọ tọrụ sọarị. Bele mẹ ḅalapụ-ḅalapụ pakarị anga mẹ ḅụ ojo kịkaye ḅịyam.

Izikẹlị 24:3

Mị egberima-ẹkwẹn mẹ tẹ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe nyana ị̀ kọngọ-kụrọma atomi pịrị ye mẹ ḍuko ịn pịrịị: ḅẹlẹ mẹ kẹ ọpọ mẹ ḅio sịẹma tẹ minji kẹ anị ḅio sụa ḅinmaa.

Jowẹlị 2:20

Àrị ọmịna ogboku ọmụ-ogbo mẹ ḅelema ḅa, anie ọgọnọ-jụ sime tẹ ḅo aị ma; tẹ ịn ḅẹ jaị dee mu ịkpa mẹ ḅio suu ḅa. Àrị ịna tọrọkọ-sụn aị ma dee Fụn-Tọrụ mẹ ḅio suu ḅa, tẹ ịna ọḅụjụ ḅo aị nwẹnị Mẹdịterenanị abajị mẹ ḅio fịị ḅa. Ịna fịtẹ-oju ma nwẹnị fụrụ ḅa. Àrị ịn ḅaa guluguluma ḅa ịn kẹ ọ́ mịẹ aị mamgba ẹrẹsị.

Zẹkaraya 6:6

Kurukuru asụ ma fọnọ mẹnjịarị kirimẹnjị-ọmụarụ mẹ so ọgọnọ-jụ Babịlonịya muarị, pịna-pịna asụ ma ịrụa-ideriarị-anga muarị, tẹ gbọọn-gbọọn oju sụa asụ ma abajị-suku da bebe amakiri mẹ muarị.