Jerimaya 1:13 - FỊAFỊA BAỊBỤLỤ

¹³ Anịtẹso KỊNỊNYANAḄỌ ḅe siin ẹkwẹn ị̀ pịrịm. Ò gbelam, “Ị́ pịkị tiye ẹrịarị?” À pakịrịm, “Tomikiri mẹ ọgọnọ-jụ ḅụ à ḍarịarị ḅẹlẹ ẹrịarị, tẹ anị waa mịẹ pakịrị anga sara ḅẹ-yearị.”

Jerimaya 1:13 Iomraidhean Croise

Suku-saakị 41:32

Anịsakị Fero maa asakị kẹ gbọrụ ḍawọ mẹ kọn ye mẹ fiearị mịnẹ Tamụnọ paka ḅarịye mẹ tọn-pẹlẹ tẹ, anịsakị ala-a sakị ḅụ anị paka ḅa.

Ayịzaya 55:11

Anị ḅara mie à kọn-arị ẹkwẹn mẹ sọ sime ḅarị ḅara anị à tọn tẹ anị mịẹ ḅẹ ye gbarị ḅịa; à gotẹ anị kẹ fịrịma ye goyegoye anị mịẹ ḅa.

Jerimaya 24:3

Anịtẹso KỊNỊNYANAḄỌ ḅe ị̀ ḅẹẹm, “Jerimaya, í tiye ẹrịarị?” À nwẹnị pakịrị, “Figi-sịnmgbọlụ amẹẹ. Iḅi aị ma iḅi ḅakam, tẹ si-aị ma si ḅakam, arị si ḅaka ḅara ḅụ, fị-fị ọkụ ofori.”

Izikẹlị 11:3

Ịn ḅẹẹarị, “Ala-a wa siin warị-warị-warị nama ḅa. Opu ama mẹ kịkarị ye anie ye-sọ ḅẹlẹ, tẹ wamịnị nwẹnị anị ḅio sọọarị nama mẹ, kụma si ḅara si ḅara sọ, anị paa fịnị mẹ ḅụ wa kikimarị.

Izikẹlị 11:7

“Mie ḅụ mie yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ọ́ pịrịarị ye. Karakara-ḅara-ḅụ mịẹ opu ama mẹ ye-sọ ḅẹlẹ, kụma tiye ḅọrọ nama mẹ? Ọmịnị ḅaa tẹ apụ ma ḍụẹịn ma! Ọ́ mịanga sime ḅịa — àrị ọ́ kẹ gbin pakama ḅa opu ama mẹ ḅio ḅụ.

Izikẹlị 12:28

Mie ḅụ ḍuko ịn pịrị mịnẹ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm: sakị fama ḅarị paka ḅịa. À ḍuko tẹ ye mẹ mịẹ ḅa. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, ḍuko tẹẹ!”

Emọsị 8:2

KỊNỊNYANAḄỌ ḅe gbelam, “Emọsị í tiye ẹrịarị?” À pakịrịm, “Sịnmgbọlụ ḅin wararị kana.” KỊNỊNYANAḄỌ ḅe ị̀ ḅẹẹm, “Kunoma mẹ ḅo ị̀ atomi Izirẹlị pịrị tẹẹ. À jen kẹ ì kuroma ḍima ḅịa in fomu ḅụ.

Zẹkaraya 4:2

Ò gbelam, “Í tiye ẹrịarị?” À pakịrịm, “Golu-golu tọnjọ-gbanaye. Anị ḅẹ sịḅị-jụ ḅụ pulo sụa bọlị emi. Tọnjọ-gbanaye mẹ ọgọnọ sọnọma atọnjọ emi, gberie-gberie sọnọma aḅịḅị nyana wararị.