Jerimaya 1:12 - FỊAFỊA BAỊBỤLỤ

¹² KỊNỊNYANAḄỌ ḅe nwẹnị ḅẹẹ, “Ị́ karakaram, tẹ arị anị ḍiki tẹ ẹrịarị mịnẹ à ḍuko ye mẹ pakarị.”

Jerimaya 1:12 Iomraidhean Croise

Ayịzaya 55:11

Anị ḅara mie à kọn-arị ẹkwẹn mẹ sọ sime ḅarị ḅara anị à tọn tẹ anị mịẹ ḅẹ ye gbarị ḅịa; à gotẹ anị kẹ fịrịma ye goyegoye anị mịẹ ḅa.

Jerimaya 1:13

Anịtẹso KỊNỊNYANAḄỌ ḅe siin ẹkwẹn ị̀ pịrịm. Ò gbelam, “Ị́ pịkị tiye ẹrịarị?” À pakịrịm, “Tomikiri mẹ ọgọnọ-jụ ḅụ à ḍarịarị ḅẹlẹ ẹrịarị, tẹ anị waa mịẹ pakịrị anga sara ḅẹ-yearị.”

Jerimaya 24:3

Anịtẹso KỊNỊNYANAḄỌ ḅe ị̀ ḅẹẹm, “Jerimaya, í tiye ẹrịarị?” À nwẹnị pakịrị, “Figi-sịnmgbọlụ amẹẹ. Iḅi aị ma iḅi ḅakam, tẹ si-aị ma si ḅakam, arị si ḅaka ḅara ḅụ, fị-fị ọkụ ofori.”

Jerimaya 31:28

Tẹ à tọrụ kẹ kiri lama tẹ suku-na-suku-na nụnụ pakama-ḅo, sukuruma-gbin, pịkị-iḅo, guluguluma, tẹ pịkị ịn kan-sara gbọrụ ḅara mẹ, mie à pịkị tọrụ kẹ kiri lama tẹ ịn kẹ ḍiḅi, tẹ ịn nama sịẹma ḅarị ḅara.

Izikẹlị 12:25

Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn ịn pịrị ḅa, tẹ à ḍuko ḅarịye mẹ mịẹ ḅa. Sakị fama ḅarị jen kẹ paka ḅịa. Ọmịna ḍumo tọrụ ḅụ, kọngọ-kụrọma-apụ, à mịẹ ḅẹ tẹ kẹ ọmịna ḅeri nụnụ ye mẹ à mịẹ ḅa. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.”

Izikẹlị 12:28

Mie ḅụ ḍuko ịn pịrị mịnẹ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm: sakị fama ḅarị paka ḅịa. À ḍuko tẹ ye mẹ mịẹ ḅa. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, ḍuko tẹẹ!”

Emọsị 8:2

KỊNỊNYANAḄỌ ḅe gbelam, “Emọsị í tiye ẹrịarị?” À pakịrịm, “Sịnmgbọlụ ḅin wararị kana.” KỊNỊNYANAḄỌ ḅe ị̀ ḅẹẹm, “Kunoma mẹ ḅo ị̀ atomi Izirẹlị pịrị tẹẹ. À jen kẹ ì kuroma ḍima ḅịa in fomu ḅụ.

Luku 10:28

Jizọsị nwẹnị pakịrị, “Ị́ karakaram; mu ọkọ mịẹ, í ḍumo ḅa.”

Luku 20:39

Oloko toluma apụ ma ḅẹ ja apụ nwẹnị ẹkwẹn pakama, “Ye-tolumaḅọ, ị́ pakịrị lamam!”

Ditẹrọnọmị 18:17

Tẹ KỊNỊNYANAḄỌ ḅe nwẹnị ị̀ ḅẹẹ: Kura ḅara ḅụ ini ịn ḍuko ḅarị aị mamgba ḍuko tẹẹ.

Ditẹrọnọmị 32:35

Gbẹẹfị ḅii na, gbẹẹ-pịkị na ị̀ nye, ịna ḅụọ sịnịnị ḅarị sakị ḅụ; gbala ịna ḅụụ-fụka ene mẹ ḅara-ku la tẹ anịsakị ịna fịị ḅẹrẹkọn fọnya ḅoarị.

Ditẹrọnọmị 5:28

KỊNỊNYANAḄỌ ḅe ọmịna ẹkwẹn-aḅịḅị naam, ọmịnị ẹkwẹn ị̀ pịrị sakị; tẹ KỊNỊNYANAḄỌ ḅe nwẹnị ị̀ ḅẹẹ: À mịna atomi ma ẹkwẹn-aḅịḅị ma tẹ ịn kọn ị́ pịrị aị ma naa tẹ, ịn kọn ẹkwẹn mamgba kuram.