Jerimaya 1:11 - FỊAFỊA BAỊBỤLỤ

¹¹ KỊNỊNYANAḄỌ ḅe nwẹnị ì gbela, “Jerimaya, í tiye ẹrịarị?” À nwẹnị pakịrị, “Alịmọnịdị nwẹn-sịn sịn mẹ ḅẹ ịkpangị.”

Jerimaya 1:11 Iomraidhean Croise

Suku-saakị 30:37

Anịtẹso Jekọbụ nwẹnị ịwọ pọpụla na alịmọnịdị na pileni nwẹn-sịn sịn-aḅara ọkị, tẹ kẹ nwẹnị apara mẹ ja anga pịnị siin, arị nwẹnị pịna-pịna ye gbọọn-gbọn wararị ḅara sime,

Ayịzaya 55:11

Anị ḅara mie à kọn-arị ẹkwẹn mẹ sọ sime ḅarị ḅara anị à tọn tẹ anị mịẹ ḅẹ ye gbarị ḅịa; à gotẹ anị kẹ fịrịma ye goyegoye anị mịẹ ḅa.

Jerimaya 24:3

Anịtẹso KỊNỊNYANAḄỌ ḅe ị̀ ḅẹẹm, “Jerimaya, í tiye ẹrịarị?” À nwẹnị pakịrị, “Figi-sịnmgbọlụ amẹẹ. Iḅi aị ma iḅi ḅakam, tẹ si-aị ma si ḅakam, arị si ḅaka ḅara ḅụ, fị-fị ọkụ ofori.”

Izikẹlị 12:25

Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn ịn pịrị ḅa, tẹ à ḍuko ḅarịye mẹ mịẹ ḅa. Sakị fama ḅarị jen kẹ paka ḅịa. Ọmịna ḍumo tọrụ ḅụ, kọngọ-kụrọma-apụ, à mịẹ ḅẹ tẹ kẹ ọmịna ḅeri nụnụ ye mẹ à mịẹ ḅa. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.”

Izikẹlị 12:28

Mie ḅụ ḍuko ịn pịrị mịnẹ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm: sakị fama ḅarị paka ḅịa. À ḍuko tẹ ye mẹ mịẹ ḅa. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, ḍuko tẹẹ!”

Izikẹlị 7:10

Opu ḅụụ-fụka ene ḅaka ḅara kẹ ḅo Izirẹlị pịrịarị. Kụrọ-kụrọ amịẹaị ḅakarị. Ḅụụ-gelema ḅo opu ḅara la tẹ.

Emọsị 7:8

Ori ì gbelam, “Emọsị, í tiye ẹrịarị?” Àrị ọ́ pakịrịm, “Gononoye-tọn-ḍikiye.” Anịtẹso ọ́ ḅẹẹm, “Àrị anị kẹ tọn tẹ kẹ ḍie-pakama ḅa mịnẹ ị̀ atomi penge tẹ warị akaka kịkarị. In fomu ḅụ à ḅarị jen kẹ ì kuroma ḍima ḅịa.

Emọsị 8:2

KỊNỊNYANAḄỌ ḅe gbelam, “Emọsị í tiye ẹrịarị?” À pakịrịm, “Sịnmgbọlụ ḅin wararị kana.” KỊNỊNYANAḄỌ ḅe ị̀ ḅẹẹm, “Kunoma mẹ ḅo ị̀ atomi Izirẹlị pịrị tẹẹ. À jen kẹ ì kuroma ḍima ḅịa in fomu ḅụ.

Zẹkaraya 4:2

Ò gbelam, “Í tiye ẹrịarị?” À pakịrịm, “Golu-golu tọnjọ-gbanaye. Anị ḅẹ sịḅị-jụ ḅụ pulo sụa bọlị emi. Tọnjọ-gbanaye mẹ ọgọnọ sọnọma atọnjọ emi, gberie-gberie sọnọma aḅịḅị nyana wararị.

Zẹkaraya 5:2

Enjẹlị ḅe àrị ẹrị ye kẹ ì gbelam. À pakịrịm, “Fẹrụ ḅio fiin ḅọrọarị in-ikoarị-abịlala; anị ḅẹ nangwọ eseni amita tẹ finji nwẹnị ini amita na pakịrị na.”

Kịẹn-aḅịḅị 17:8

Tẹ ene-ḅaa ḅụ, Mozizi nwẹnị mẹnjị Ọḅọkụ-Igbe mẹ ḅẹ Akpụrụ-warị mẹ ḅio sọ-mu. Ori ẹrịm Erọnị mkpara, sime Livayị warị mẹ pịrị ye mẹ so-paka tẹ panga-ḅaa tẹ ịn kẹ alịmọnịdị nwẹn-sịn ḅịyatẹ asịnmgbọlụ sụa tẹẹ.