Jerimaya 1:10 - FỊAFỊA BAỊBỤLỤ

¹⁰ Mịmgba à kụrọ kẹ ị́ pịrịarị, sịẹ-sịẹ ma na amadapụ daarị ayọ ma na ḅụ, kẹ suku-na-suku-na soku pakama-ḅoo, pịkị sukuruma-gbiin, tẹ ḅaa-gulugulumaa, pịkị famaa, namaa, tẹ ḍiḅii.”

Jerimaya 1:10 Iomraidhean Croise

1 Amadapụ 17:1

Mị sakị ḅụ Tisibi ḅẹ Ịlayịja, Gilẹdị ḅụ sime ḅọ ḅe nwẹnị Ehabụ ḅẹẹ, “KỊNỊNYANAḄỌ Izirẹlịapụ tẹkẹarị Tamụnọ ḅe ḍumo wararị ogbo, ori ḅe tẹ à fịrịmẹnjị pịrịarị ḅọ ḅe, à ḍuko-a sime ogbo, mịna akụra ma ḅụ igirigi anịanịa eene koro ḅịa.”

1 Amadapụ 19:17

Hazẹlị okologie ḅụ mangị-so ḅọ so ḅọ, Jehu mḅọ ḅaa ḅa; anịsakị Jehu okologie ḅụ mangị-so ḅọ so ḅọ, Ịlayịsa mḅọ ḅaa ḅa.

Nimi Tolumaḅọ 3:3

Kịnị-ḅa sakị emii, kịnị-gwọ sakị emii. Ye kan-sara sakị emii, ye nama sịẹma sakị emii.

Jerimaya 1:5

“Tẹrẹmẹ à ḍumo kẹ ị́ pịrị, àrị ị́ sẹlẹ pakama-ḅom, tẹ tẹrẹmẹ í iyi paka-ḅo, àrị ị́ sẹlẹ tẹ mịnẹ ị́ ị̀ ịkịankoroḅọ sọ sịẹ-sịẹ ma pịrị.”

Jerimaya 24:6

Ị̀ tọrụ ịna ọgọnọ sime ḅa, tẹ àrị ịn kẹ pịkị-ḅo mị amakiri mẹ la ḅa. Àrị ịn nama saakị tẹ ịn kan koroma ḅịa; arị ịn kẹ ḍiḅi tẹ ịn nụnụ pakama-ḅo ḅịa.

Jerimaya 25:13

Opu ḅụụ-fụka mamgba tẹ arị ẹrẹmam arị ọkị-ḅo sịẹ-sịẹ ma ọgọnọ gbana ḅẹ Jerimaya ḅịḅị ḅụ ḍuko aị ma — arị ḅụụ-fụka mamgba tẹ mị ḍiri mẹ ḅio kẹẹ koro wararị aị ma, mie à kẹ Babịlonịya fomu ḅarị aị.

Jerimaya 31:28

Tẹ à tọrụ kẹ kiri lama tẹ suku-na-suku-na nụnụ pakama-ḅo, sukuruma-gbin, pịkị-iḅo, guluguluma, tẹ pịkị ịn kan-sara gbọrụ ḅara mẹ, mie à pịkị tọrụ kẹ kiri lama tẹ ịn kẹ ḍiḅi, tẹ ịn nama sịẹma ḅarị ḅara.

Jerimaya 31:40

Bebe tụndụ-suku mẹ, ịn ḍụẹịn ḍiḅiarị pịkị fun sararị anga mẹ na ịn ḍụọ ḍiḅiarị ayọ mamgba na Kidirọnị ḍaḅa mẹ ọgọnọ-jụ ọkị mu nwenii mu Asụ Onu-ḅọkọ tẹ ịrụa saakị pakarị pakịrị anga emi ye mẹ la, fịafịa ayọ sọ ị̀ pịrị ḅa. Opu ama mẹ ịn ḅarị jen kẹ anị kan koroma anịanịa guluguluma ḅịa.”

Jerimaya 36:2

“In-ikoarị-abịlala ọkị, tẹ anị ọgọnọ Izirẹlị na Juda na sịẹ-sịẹ mamgba na gboloma ye goyegoye kẹ koromaa. À ḍuko ị́ pịrị tẹ goyegoye kẹ kẹẹ koromaa, sukuyọ-saakị ḅụ Josaya ama-da sime sakị ḅụ saakị ḅo mịọkụ la.

Jerimaya 44:27

‘Àrị ẹrị ḅa mịnẹ ó lolo ḅịa, kụma ó gulugulu ḅa. Ọmịnị-mgba fịị ḅa, anị ḅọrọ ọmụ ḅio-o, obi ḅụ-o, nwenii ọmịna ḅụ ḅẹ gbọrụḅọ-sọ ḅarị kọọn ḅịa.

Jerimaya 45:4

“Kụma yẹrị, KỊNỊNYANAḄỌ ḅe, à nama tẹ aị ma nụnụ kan kiri lamarị. Bebe tomikiri mẹ ḅụ à miemẹ mịẹ ḅa.

Izikẹlị 21:19

Ori mẹẹ, “Fịị-fịị tomḅọ maa etela tọn pakama Babịlonịya ḅẹ amadaḅọ ḅe pịrị ori ori okologie kẹ ḅọrọ ḅo ḅẹ anga. Maa aị ma gbọrụ bele amakiri ḅụ arị saakị ḅa. Elekima pike-pike wẹrị etela ma tẹra-isira mịẹ ḅẹ anga ḅụ.

Izikẹlị 23:36

KỊNỊNYANAḄỌ ḅe ị̀ ḅẹẹm, “Fịị-fịị tomḅọ, ị́ tẹlẹma tẹ, Ohola na Oholiba na kọn? Ịn mịẹ tẹ sịḅị-ngụngụnma aị ma ḍuko ịna sịḅị-sẹịn.

Izikẹlị 32:18

Ori mẹẹ: Fịị-fịị tomḅọ, Ijiputi ḅẹ tọnwa atomi ma gotẹ ḍụẹịn-ḍuu. Ịn kẹ osi kụrọtẹ asịẹ ma ḅụ sụa fịtẹ-apụ ma tomikiri mẹ fịrịma.

Izikẹlị 36:36

Anịtẹso kpeki tẹ anga sime asịẹ ma tẹ fa-a so apụ ma nimi ḅa mịnẹ Yẹrị, KỊNỊNYANAḄỌ ḅe, siin fa tẹẹ opu ama nama-namam tẹ pịkị si tẹ ḍụọ-ḍiḅi akiri siin ḍiḅi-ḍiḅim. Yẹrị, KỊNỊNYANAḄỌ ḅe, minini tẹ à mịẹ ḅẹm — tẹ à mịẹ ḅa.”

Izikẹlị 43:3

Mị ịkịan mẹ Tamụnọ Jeruselemu fama ḅẹ ḅo sakị mẹ ḅụ arị ẹrị ye mẹ na kịkam, pịkị Keba Tọrụ akaka ḅụ arị ẹrị ye mẹ sọ na. Anịtẹso àrị ị̀ ḅụụ sịẹma kiri gbin tẹ tọrụ kẹ kiri ḅụ iḅom.

Hosiya 6:5

Anie mie à gotẹ ị̀ ịkịankoroapụ kẹ ọ́ fịrịmarị ini ị̀ ḅẹrẹkọn na guluguluma na oku kẹ ḅo ọ́ pịrị. Àrị ọmịna ḅara ḅiiarị ye banabana wararị pịkị giregire wararị:

Emọsị 3:7

Gbala-gbala Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe gberie-sọ mịẹ-mịẹ-a, ọ̀ tarị anị kẹ giregire ḅara kẹ ori afịrịmẹnjị-ịkịankoroapụ ma ḍie-a ogbo.

Emọsị 9:11

“Anị ene mẹ ḅụ, à siin Devidi ama-da yọ mẹ pakama-ḅo ḅarị sakị mẹ, anie kaan-sara tẹ warị kịkarị ye mẹ. À siin anị ḅẹ onu ma tẹlẹma tẹ anị tarị ḅara mẹ sime ḅa. À siin anị nama tẹ anị mịẹ tẹ anị iḅere-iḅerea kụra ḅio ḅara mẹ sime ḅa.

Zẹkaraya 1:6

Ị̀ afịrịmẹnjịapụ ịkịankoroapụ ma ḅụ à ḅọrọ tẹ oloko sụa-sụa ịn pịrị tẹ ịna aḅeri nụnụm, kụma ini arị kẹ ye-sịn-a tẹ anị dogi-ḅo ḅụụ-fụka dam. Anịtẹso in si-ḅụ-pịkị tẹ nimim mịnẹ yẹrị Kụrọmamgba nyana KỊNỊNYANAḄỌ ḅe mie in fomu ye ịn da na-iḅi ḅara ḅụ, à pịkị tọn pẹlẹm à mịẹ ḅẹ ḅara.’ ”