Jerimaya 1:1 - FỊAFỊA BAỊBỤLỤ

¹ Miemẹ anie Jerimaya, Hilikaya tụḅọ ḅe kọn ẹkwẹn gboloma ḍiri, Benijamịnị ibe ama Anatọtị ḅẹ agbamịẹapụ ma ḅẹ gbọrụḅọ.

Jerimaya 1:1 Iomraidhean Croise

1 Amadapụ 2:26

Anịtẹso Amadaḅọ Sọlọmọnị nwẹnị Abịyata agbamịẹḅọ ḅe ḅẹẹ, “So Anatọtị í paka-ḅo opu sịẹ mẹ ḅụ ị́ ama muu. Ị́ fịị na-iḅim, kụma à mịọkụ ị́ ḅaa ḅịa, gbala ị́yẹrị mie KỊNỊNYANAḄỌ Ọḅọkụ-Igbe mẹ ḍikiḍiki sime ye ị́ ị̀ ḍa Devidi na simearị sakị, anịsakị ọ̀ la ḅụụ-fụka mamgba pịkị ị́yẹrị sọ lam.”

1 Paka-aị 6:60

Benijamịnị ye-yọ ḅụ ịn kẹ ịn pịrị anga anie Geba na anị ḅẹ iḅi-osuka-akiri ma na, Alẹmẹtị na anị ḅẹ iḅi-osuka-akiri ma na, Anatọtị na anị ḅẹ iḅi-osuka-akiri ma na. Ịna bebe afuro mamgba nyana anga oyi tẹra opu ama finji.

2 Paka-aị 35:25

Jerimaya sọ kururu ẹkwẹn kọnm Josaya ḅụụ; anị sakị nume-suarị owiapụ na, ereme na mamgba ịna kururu ḅụ Josaya gbolomaye ḍuko ḅo mịmgbaa lam. Kụrọ ḅara-ḅio sime apụ ma nwẹnị tọn tẹ mịna aị ma kẹ mịẹ-mịẹ aị sọma Izirẹlị ḅụ; ḍikii, kururu ẹkwẹn ma ḅio ini arị kẹẹ wararị.

2 Paka-aị 36:12

Ọ̀ KỊNỊNYANAḄỌ ọ̀ Tamụnọ ḅe ḍiki-tọrụ ḅụ siye mịẹm. Ò Jerimaya ịkịankoroḅọ ḅe tẹ KỊNỊNYANAḄỌ ḅe ḅịḅị ḅụ ḅo ẹkwẹn kọn-arị ḅo ḅe tọrọkọ ọ̀ ḅụụ iderima-a.

2 Paka-aị 36:21

kẹ KỊNỊNYANAḄỌ ḅe Jerimaya ḅịḅị ḅụ kọn ẹkwẹn mẹ mịẹ ḅinma, “Anị fatẹ ḅara simearị tẹ ene mamgba anị Ịnyọsara-Ene kokoarị, nwenii ama mẹ anị ḅẹ ịnyọsara kụra atesi oyi finji (70) ma karamam.”

Ẹzịra 1:1

Sayịrọsị Pasịya ḅẹ amadaḅọ ḅe tarị kụra ḅụ, mịẹtẹ KỊNỊNYANAḄỌ ḅe ẹkwẹn-ḅịḅị mẹ tẹ Jerimaya ḅịḅị ḅụ kọn ye mẹ paka ḅarị ḅara, KỊNỊNYANAḄỌ ḅe nwẹnị Sayịrọsị Pasịya ḅẹ amadaḅọ ḅe tẹmẹ sịn saakị, tẹ ọ̀ nwẹnị ḍuko wasa ori ama-da kụrọ mẹmgba ikelema-koro, pịkị anị kẹ ḍiri sọ kẹẹ.

Ẹzịra 2:23

Anatọtị ḅẹ owiapụ: maa apụ fa kịnị sonioa si oyi finji (128).

Ayịzaya 1:1

Mị ḍiri mẹ ḅio simearị oku ma anie Juda na Jeruselemu na gboloma aị tẹ Tamụnọ mịẹfinji Emọsị tụḅọ Ayịzaya pịrị aị. Tamụnọ mịna oku ma kẹ ọ̀ pịrịm, Uzaya na Jotamụ na Ehazi na Hẹzịkaya na Juda ḅụ ama-da ene ma ḅụ.

Ayịzaya 10:30

Galimu ḅẹ apụ ọmịnị oloku! Lahisa ḅẹ apụ, ó poki! Anatọtị ḅẹ apụ, ọ́ pakịrịị!

Ayịzaya 2:1

Mie Juda na Jeruselemu na gboloma oku mẹ tẹ Tamụnọ kẹ Emọzị tụḅọ Ayịzaya pịrị ye mẹ:

Jerimaya 11:21

Anatọtị ḅẹ atomi ma ḅiim ini ị̀ ḅaa, tẹ in ḍuko ị̀ pịrịm mịnẹ ini ị̀ ḅaa ḅa, à paa KỊNỊNYANAḄỌ ḅe oku mẹ ḍuko wasamarị ḅẹḅẹ.

Jerimaya 29:27

Tiye ẹrẹsị amụ í miemẹ kẹ Anatọtị ḅẹ Jerimaya ma, anị kụra ḅio ịkịankoroḅọ ḅara kẹ ẹkwẹn-ẹkwẹn tomi ma pịrịarị ḅọ ḅe?

Jerimaya 30:1

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe,

Jerimaya 37:12

Mie ḅụ à nwẹnị Jeruselemu koroma so tẹ saakị Benijamịnị iri mu tẹ ḍiekiri ḅụ ị̀ la ye da ḅẹ ḅara furo ḅẹ ḍiepịrịye ḅụ.

Izikẹlị 1:3

Anị anga Babịlonịya ḅụ Keba Tọrụ akaka mẹ ḅụ, à KỊNỊNYANAḄỌ ḅe ẹkwẹn ị̀ pịrị ye naa tẹ nwẹnị ọ̀ kụrọ ị̀ ḅụụ ḅio sọ tẹ ye mẹ nimim.

Danẹlị 9:2

Ori ama-da mẹ ḅẹ tarị kụra mẹ ḅụ à fịafịa aḍiri ma ḍawọarị tẹ Jeruselemu kẹ kan sara sime ḅe kụra tesi oyi finji ma kẹ kuroma ḅụ suum, anie KỊNỊNYANAḄỌ ḅe ḍuko ịkịankoro Jerimaya pịrị ḅara mẹ.

Emọsị 1:1

Mịna ẹkwẹn-aḅịḅị ma anie Emọsị, anana-ḍikiḍikiḅọ tẹ Tẹkowa ama ḅụ ḅo ḅọ ḅe kọn ẹkwẹn-aḅịḅị ma. Maa akụra kọnm tẹrẹmẹ kiri-jike mẹ paka ḅụ, tẹ Uzaya Juda da sime sakị mẹ, Jerobohamụ, Jehohazị tụḅọ ḅe nwẹnị pịkị Izirẹlị da sime sakị mẹ ḅụ anie Tamụnọ ma mamgba tẹ Izirẹlị gboloma aị ma kẹ Emọsị ḍie yee.

Emọsị 7:10

Anịtẹso Amazaya, Bẹtẹlị ḅẹ agbamịẹḅọ ḅe nwẹnị fịrịma mu ḍuko Izirẹlị ḅẹ Amadaḅọ Jerobohamụ pịrị: “Tomi ma ogboku ḅụ Emọsị si ḅẹrẹ ḅịya ị́ pịrịarị. Ori ẹkwẹn ma bebe amakiri mẹ fama ḅa.

Matiyo 16:14

Ịn nwẹnị pakịrị, “Ja apụ mẹẹ, Minji-sara Jọnị. Osi apụ mẹẹ, Ịlayịja; kirikọn-apụ ḅẹ jen-apụ mẹẹ, Jerimaya, anịanịa ịkịankoro apụ ma ḅẹ gbọrụḅọ.”

Matiyo 2:17

Mị ḅọkọ ḅụ ịkịankoro Jerimaya koro ịkịan mẹ ḅo paka tẹẹ:

Matiyo 27:9

Anịtẹso anị ḅara ḅụ ịkịankoro Jerimaya ḅẹẹ ye mẹ ḅo karakara ye sọ tẹ: “In seleḅa pakịrị asuei ma ọkịm, anie Izirẹlịapụ ma ḍuko pẹlẹm tomḅọ ḅe la ḅa ḅẹẹ igbigi ḅịḅị mẹ,