Jemụsị 5:3 - FỊAFỊA BAỊBỤLỤ

³ Ọmịna golu na seleḅa na asarị sọ tẹ, mị asarị mẹ ḅẹrẹ kẹ ọmịna sịḅị sẹịn ḅa, tẹ pịkị ọmịna oju ḅẹ meni mẹ pẹị kọsịma ḅa, fịnị ye dọkịma ḅara. Mịna kunoma ene ma ḅụ so ọmịnị ngọ tan kpolima tẹ.

Jemụsị 5:3 Iomraidhean Croise

Suku-saakị 31:48

Lebanị nwẹnị ḅẹẹ, “Mị tụndụ mẹ anie mịmgba ogbo-sịẹ ị́yẹrị na yẹrị na pịrị yee.” Anịẹrẹsị ori ẹrẹ kẹ anị siinm Galidi.

Suku-saakị 31:52

Mị tụndụ mẹ anie gbọrụ ogbo-sịẹ ye, anịsakị ḅeriye mẹ anie pịkị gbọrụ ogbo-sịẹ ye, mịnẹ à mị tụndụ mẹ saḅa-ḅọrọ tẹ ị́ ḍọkụma-ḅo ḅịa, anịsakị ị́yẹrị sọ mị tụndụ mẹ na, mị ḅeriye mẹ na saḅa-ḅọrọ tẹ ị̀ ḍọkụma-ḅo ḅịa ye kẹ ị̀ lama gotẹ.

Suku-saakị 49:1

Anịtẹso Jekọbụ nwẹnị ori owiapụ-awọmẹ sịn tẹ ḅẹẹ, “Ọmịnị ọmịna aḅụụ kobiri gboloma mịẹtẹ à tọrọkọ-jụ ḅo ḅarị ene ma ḅụ ọmịna aḅụụ paka ḅẹ ye ḍuko ọ́ pịrị ḅarị ḅara.”

Jobu 16:8

Ori ị̀ nwọnịma tẹ anị ogbo-sịẹye sọ ị̀ ẹngbẹsẹ wararị ì oju si mẹ ị̀ ḅụụ ḅụ paka-ḅo tẹ, anị ị̀ tọrụkuḅu ḅụ ḍie-paka wararị.

Ayịzaya 2:2

Tọrọkọ-jụ ḅo ḅarị ene ma ḅụ Tamụnọ-warị mẹ sịẹ wararị tụndụ mẹ tụndụ mamgba ḅụ geletẹịn ye sọ ḅa, sịẹ gele tụndụ mamgba ḅọrọ faa ḅa. Tọnwa asịẹ minji seri sọ ḅara kẹ gbii-gbiima anị dama-ḅo ḅa,

Jerimaya 19:9

Si kẹ ịn tọn apụ ma opu ama mẹ ikelema-koro ḅa tẹ ḅụụkụrọma tẹ anị ḅẹ atomi ma ḅaa ḅa. Ama mẹ ọkị ẹrẹsị ịn kẹ anị ikelema ḅara mẹ kpọma ḅalafama ḅarị ḅara ḅụ anị ḅio sime apụ jụmọ-jụmọ ḅaa pẹị ḅa, tẹ ịna soku-ḅẹ ḍọkọḍọkọ-awọmẹ sọ ḅọrọ ḅịa.”

Mayịka 3:3

Ọmịnị tẹ ị̀ atomi ma oju meni mẹ pẹị, tẹ ịna ḅụụ oju apara mẹ si-siin nwẹnị ḅẹlẹ ḅio ḅẹ nama pẹlẹ ḍọkọḍọkọma ḅara kẹ ịna mgbe ma anyịma sara, tẹ opu-ḅẹlẹ ḅio ḅẹ nama keni ḅara kẹ meni mẹ keni.

Mayịka 4:1

Ene ma ḅẹ gbọrụ ene ḅụ, anị giregire paka ḅa, KỊNỊNYANAḄỌ ḅe Tẹkẹ-warị mẹ sịẹ tụndụ mẹ, tụndụ mamgba ḅụ geletẹịn tụndụ sọ ḅa, sịẹ-sịẹ ḅẹ atomi mamgba, gbiri-gbirima anị sọma ḅo ḅa;

Fịrịmẹnjịapụ 2:17

Tamụnọ mẹẹ, “Miemẹ anie à mịẹ ḅarịye, kunoma ene ma ḅụ: à ḅaka ḅara kẹ ị̀ Tẹmẹ kẹ tomḅọ nwẹn-sịn ḅọ sịn ḅọ ḅụụ ḅio su ḅa.” Ọmịna owiapụ-awọmẹ na eremịna-awọmẹ na ì oku mẹ ḍuko wasama ḅa; ọmịna asambịrịma awọmẹ ma ịkịan ẹrị ḅa, tẹ omongiapụ ma ḍawọ kọn ḅa.

Romu 2:5

Kụma ị́ kọngọ kụrọ na kụrọ ḅioḅẹngbọ na nyana wararị, miemẹ mịẹtẹ Tamụnọ ịganị na ọ̀ karakara ḅẹrẹkọn mẹ na ḅo ḅẹ Ene mẹ ḅụ anị si ị́ pịrị tẹịn ḅa.

2 Timoti 2:17

Ọkọ sime tolumaye mẹ kịkarị ye, anie kan-arị ịnọ tẹ meni mẹ pẹị-pẹịtẹ ịnọ mẹ tọrụ finjimarị ye. Ọkọ sime aị toluma tẹ maa owiapụ emi, Himẹnọsị na Filetosi na.

Jọsụwa 24:27

Jọsụwa nwẹnị tomi mamgba ḅẹẹ, “Ḍikii, mị ḍụḅarị mẹ ogbo-sịẹye sọ wa pịrị ḅa; kẹ gotẹ ọkọ ḅẹẹarị, anị KỊNỊNYANAḄỌ ḅe ẹkwẹn-aḅịḅị ma tẹ ọ̀ kọn wa pịrị aị mamgba naa tẹ; ọkọẹrẹsị anị ogbo-sịẹye sọ ọ́ pịrị ḅa, anieofori ó ḅofa iruo ḅara kẹ ọmịna Tamụnọ ḅe na mịẹ.”

2 Pita 3:3

Arịmgba ḅụ tarị ye, ó nimii mịnẹ mịna kunoma ene ma ḅụ, ja atomi tẹ, amịna meni-oju sọlịmarị aị ḅẹrẹtọn pịrịarị apụ, tolu-sịẹ ḅa. Ini ó kombo ḅa

Mịẹfinji 17:16

Oyi ịfalị ma tẹ ị̀ ẹrị aị ma, na kịnị-ḅaaḅa opu nama ḅe na, ini ama-mẹnjị-ẹrẹḅọ ma ḍiki ḅioḅu ḅa; ini á nyana ye goyegoye ọkị so tẹ á paụma koroma ḅa; ini árị oju ḅẹ meni mẹ pẹị tẹ á ḅụụ kirikọn-ye mẹ dọkịma ḅa.

Mịẹfinji 20:15

Ḍumo wararị apụ ma ḍiri mẹ ḅio ẹrẹ ofori ḅọ, ofori ḅọ ini mḅọ kẹ kọrị-fịnị tọrụ mẹ ḅio gbin suum.

Mịẹfinji 21:8

Kụma mịẹ ḅẹ ye ẹrị tẹ ḅụụ gwẹ-gwẹarị apụ na, tomi kẹ ja apụ ḅara-ḅio dẹrịmarị apụ na, amịna ḍumo kọn pengemarị apụ na, kịnị-ḅaapụ na, ḅụụ wẹrị kpaịnma-a apụ na, ḍiri ibiam tii-arị apụ na, oru tẹkẹ apụ na, iruo apụ mamgba na, arị atomi ma sime anga anie, ọpọlị balị kọrị ḅara kọrịarị tọrụ mẹ ḅio, aniemẹ anie maaịn karama fịị mẹ.”