Jemụsị 4:3 - FỊAFỊA BAỊBỤLỤ

³ Tẹ ó ḅiiarị sakị ọ́ nyana ḅo-a, ọ́ sụa tẹ kẹ ḅiiarị kuroma mẹ si wararị ẹrẹsị; ó ḅiiarị aị ma ọmịna tọrụ-ḅẹlẹ aị mie ọ́ kẹ mịẹarị.

Jemụsị 4:3 Iomraidhean Croise

1 Amadapụ 3:11

anịẹrẹsị ọ̀ nwẹnị ọ̀ ḅẹẹ, “Ị́ nangwọ ḍumo ḅii ị́ ḅụụ pịrị, anịanịa ngọ, anịanịa ị́nịna fịya-a apụ ma fịị ḅii ḅẹ nakara, ị́ kẹ karakara-ḅara-ḅụ ḅẹrẹtọn ḅarị nimi ḅii ye mẹ ẹrẹsị,

Jobu 35:12

Anịjụ ini owu pakamam, kụma ọ̀ pakịrị-a, si-mịẹapụ opu amịẹaị ma gotẹ.

Devidi-Anume 18:41

Ịn ḅarasụa gotẹ owuarị kụma gbọrụḅọ-sọ ḅo ịn ḅọrọma-a; ịn KỊNỊNYANAḄỌ ḅe tẹkẹarị, kụma ori ịna tẹkẹ pakịrị-a.

Egberima-Ẹkwẹn 1:28

Anịtẹso ị́ ḅịḅị kẹ nimi sịn ḅa, kụma arị ị́ ḅịḅị ọkị ḅịa. Ị́ ị̀ ḍọkị ḅa anga mamgba ḅụ, kụma ị́ ị̀ ḍọkị ẹrị ḅịa.

Egberima-Ẹkwẹn 15:8

Anị KỊNỊNYANAḄỌ ḅe ḅụụ-ḅẹlẹ arị iḅi atomi tẹkẹarị sakị, kụma si-sịḅịḅio-sụapụ kẹ ḅo ọ̀ pịrịarị agbamịẹ-aị ma ò ḅioḅumarị.

Egberima-Ẹkwẹn 21:13

Í igoinḅọ ḅe kọn-arị owu mẹ naa ḍụkụ-a ḅẹḅẹ, ḅarasụa gotẹ kọn-arị owu mẹ sọ kịnị naa ḅịa.

Egberima-Ẹkwẹn 21:27

Si-sịḅịḅio-sụa apụ agbamịẹ-aị kẹ KỊNỊNYANAḄỌ ḅe pịrịarị sakị arị ò ḅioḅumarị, jen-a jen-a in si akuroma kẹ mịẹarị ḅẹḅẹ.

Jerimaya 11:11

Mie ḅụ, mịọkụ yẹrị KỊNỊNYANAḄỌ ḅe ịna ḅeri nụnụarị mịnẹ à ḅaa-guluguluma ọkị-ḅo ịna ọgọnọ gbana ḅa, tẹ ini anị ḅụ pụkọ-so ḅịa. Tẹ ịn ḅara sụa gotẹ oloku sakị arị in poki ḅịa.

Jerimaya 11:14

Jerimaya ị̀ tẹkẹ ma anịanịa ị̀ na ḅịḅị-ọkịya, mịna apụ ma gotẹ. Ịn ḅụụ-fụka ḅio emi tẹ ḅarasụa gotẹ ị̀ sịn sakị àrị in poki ḅịa.”

Jerimaya 14:12

In ḅuru-ịmọ sọ, ịn ḅarasụa gotẹ kọn-arị owu mẹ à poki ḅịa; ịn dọkịma-agba na mgbọlị fịye agba na mịẹ-mịẹ ị̀ pịrịarị sọ, ịna mịẹ ye ị̀ ḅụụ-ḅẹlẹ ḅịa. Anie nakara, arị ịn ḅaa ḅa ọmụ ḅio na, ḅuru-ḅa na obi na ḅụ.”

Mayịka 3:4

Sakị mẹ ḅoarị ó peema oloku KỊNỊNYANAḄỌ ḅe sịn ḅarị sakị mẹ, kụma ori ọ́ naa ḅịa; ọmịna atẹkẹ ma sọ, ò poki ḅịa, ó siye mịẹm ẹrẹsị.

Zẹkaraya 7:13

Àrị ẹkwẹn sakị in poki-a ẹrẹsị ịn tẹkẹ sakị àrị ịn pakịrị-a.

Matiyo 20:22

Jizọsị nwẹnị owiapụ-awọmẹ ma pakịrị, “Ó ḅiiarị ye mẹ sime-ḅara ó nimi-a. Ọmịnị inetẹ yẹrị ḅuu ḅẹ-yearị tọrụsiẹrị mọngị mẹ ḅio simearị ye mẹ ḅuu ḅẹ?” Ịn nwẹnị pakịrị, “Wa inetẹ ḅa.”

Makị 10:38

Jizọsị ịn ḅẹẹm, “Ó ḅiiarị ye tiye-o, tiye-o, ó nimi-a. Tọrụsiẹrị kọpụ mẹ ḅio sime ị́ pịrị tẹ à ḅuu-a so ḅịa ye mẹ ọmịnị inetẹ ḅuu ḅẹ? À sara-a so ḅịa minji sara ḅara mẹ ọmịnị inetẹ sara ḅẹ?”

Luku 11:10

Ḅii ḅọ, ḅii ḅọ mḅọ ḅara la ḅa; ḍọkị ḅọ, ḍọkị ḅọ ẹrị ḅa, tẹ ịn pịkị ḅọkọ mẹ finji ḅakụ ḅọ, ḅakụ ḅọ pịrị ḅa.

Luku 15:13

Boowa aḍin ḅọrọ tẹso, kalaḅọ ḅe nwẹnị ọ̀ la kiri mẹ dẹrị tẹ igbigi mẹ kẹ so iḅere-iḅerea anga simearị ama mu, tẹ arịmgba kẹ woso-woso ḍumo kọn fama.

Luku 15:30

Kụma ị́ aị mamgba ọkị mu ama mẹnjị ereme na fama, fama wararị tụḅọ ḅe ḅo gbọrụ sakị í tim-timtẹ nambulo ḅe ḅaa ọ̀ pịrị tẹ!’

Jemụsị 4:1

Ọmịna ogboku simearị owu sọ na kamụ-sọ na mamgba tọ-anga ḅọrọ ḅoarị? Ọ́ kẹ ọmịna ḅioḅẹngbọ ḅụ wẹrị wararị tomikiri ḅẹ tọrụ-ḅẹlẹ ḍọkị akuroma ma mie ọmịna ḅụụ ḅio sime tẹ owu sọarị ye.

1 Jọnị 3:22

Wa ọ̀ ḅara ḅii ye, ḅii ye wa nyanarị, wa ọ̀ ḅịḅị poki tẹ, ori oloko koko tẹ ò ḅioḅẹlẹmarị ye mịẹarị ẹrẹsị.

1 Jọnị 5:14

Wa nimi lama wararị mịnẹ, wa Tamụnọ ḅụụ-ḅẹlẹ ye ḅiiarị sakị ọ̀ wamịna tẹkẹ naarị mẹ ẹrẹsị, wa ḅiokpọ tẹ ọ̀ tọrọkọ muarị.