Jemụsị 4:2 - FỊAFỊA BAỊBỤLỤ

² Ọ́ nyana ḅẹ-ḅiiarị aị emi, kụma ọmịnị inetẹ arị nyana-a, anie ḅụ ọ́ tẹlẹma tẹ kịnị ḅaa ḅẹ tẹ; ọmịnị ọ́ nyana ḅẹ-ḅiiarị aị kẹ kpọma ḅiokoromarị, kụma ọmịnị inetẹ arị nyana-a, mie ḅụ ọ́ nwẹnị kamụ na owu na sọ. Ọ́ Tamụnọ ḅara ḅụ ọ́ nyana ḅẹ-ḅiiarị ye mẹ ḅii-a ẹrẹsị ọ́ pịkị nyana-a.

Jemụsị 4:2 Iomraidhean Croise

1 Amadapụ 21:6

Ọ̀ nwẹnị á pakịrị, “À gbala ẹkwẹn Nebọtị Jẹzirili ḅẹ ḅọ ḅe pịrị tẹ ọ̀ ḅẹẹm, ‘Ị́ girepu-ḍụọ mẹ kẹ ị̀ pịrị à fẹ, anịanịa anị ị́ ḅụụ ḅẹlẹ ḅarị ḅẹḅẹ à jen girepu-ḍụọ kẹ anị kiri ḅụ ị́ pịrị;’ tẹ ọ̀ nwẹnị pakịrị, ‘Àrị ị̀ girepu-ḍụọ kẹ ị́ pịrị ḅịa.’ ”

Egberima-Ẹkwẹn 1:19

Kụrọ ḅara kẹ jụmọ ye furu ma; ọkọ mịẹarị ḅọ ḍumo mẹ famarị — miemẹ anie kụrọ-kụrọ ḅara kẹ kịnị na mịẹarị ḅọ ḅụ paka-paka ye.

Nimi Tolumaḅọ 4:8

tụḅọ anịanịa gbọrụ mịnaḅọ sọ nyana-a ḅọ nwẹnị lịlịarị tẹ mḅọ kọn lịlị mẹmgba ḅụ kuroma nyana-a, mḅọ kọn tẹ ngọ mẹmgba mḅọ furo ḅin-a, mḅọ pịkị gbala-gbala amịna ḅụụ gbela-a: “À gbeke lịlị tụḅọ pịrịarị, tẹ à nyana na-iḅi tọrụ-ḅẹlẹ famarị. Miemẹ sọ ḅintẹ ḅara kẹ anị fieye nimi-a ḅintẹ ḅara kẹ anị fieye nimi-a ye, tẹ pịkị tomḅọ ḅioḅẹlẹma-a mịẹye.”

Ayịzaya 7:12

Ehazi nwẹnị pakịrị, “Àrị elekima ḅii ḅịa. À ḍụkụ tẹ KỊNỊNYANAḄỌ ḅe daaḍiki ḅịa.”

Habakọkụ 2:5

Ngọ-kọn oḅori kẹ kịnị sịn-arị. Opu-pọkọḅẹngbọ sụa atomi anie opu-amịẹaị mịẹ apụ pịkị kịnị ḍiki-sịḅịjịrị-a apụ — ịn fị kịka tẹ gbala-gbala ye ịna apọkọ tata-a. Anie mie in gotẹ sịẹ-sịẹ nẹngịma-nẹngịma ịna ḅụụ pịrịarị.

Jọnị 16:24

Ọkị ḅo mịọkụ la sọ amụ ó gberie-sọ ḅii-a ị̀ ẹrẹ ḅụ; ó ḅii, ọ́ nyana ḅa, mịẹtẹ ọmịna ḅioḅẹlẹ mẹ busunu ḅarị ḅara.

Jọnị 4:10

Jizọsị nwẹnị pakịrị, “Ị́ nwẹnị Tamụnọ kẹ tomi pịrị, pịrị ye na, ị́ ḅara minji mẹ ḅiiarị ḅọ ḅe na nimi namịna, mimgbe rẹ mie ọ̀ ḅara ị́ ḍumo-pịrịarị minji ḅii ọkị ḅarịye.”

Jemụsị 1:5

Kụma ọmịna ḅụ nimi nyana-a ḅọ emi-emii, mḅọ Tamụnọ tẹkẹẹ, ori anị kẹ mḅọ pịrị ḅa; kẹ gotẹ ọkọ ḍukoarị, Tamụnọ anie tọn-a ḅara na ḍiki-ḅụụjịrị nyana ḅara na kẹ ye kẹ kịnị mamgba pịrịarị ye.

Jemụsị 5:6

Mịẹye-ofori apụ mie ọ́ ḅẹrẹ-ḅarasii pẹlẹ pịrị tẹ ḅaa ye, tẹ ịn pịkị ọmịnị na nụnụa-a.

1 Jọnị 3:15

Amịna mịnaḅọ ḍiki-ḅioḅuarị ḅọ mẹ anie kịnị-ḅaḅọ, anịsakị ó nimi wararị mịnẹ kịnị-ḅaḅọ mḅọ ḅụụ ḅio ḅụ sime gbamaso ḍumo nyana-a.