Jemụsị 3:1 - FỊAFỊA BAỊBỤLỤ

¹ Ị̀ amịnapụ, ọmịna ḅụ ḅẹ tọnwa-apụ ye-tolumapụ sọ ḅẹ ḍọkị ma. Ọmịnị sọ nimi ḅara ḅụ, ịn kẹ wamịnị ye-tolumapụ ma kọn-arị ḅara kụrọ osi apụ nye nẹngịm.

Jemụsị 3:1 Iomraidhean Croise

1 Timoti 1:7

In ḅiiarị ịn Tamụnọ oloko mẹ toluma apụ sọ, kụma ịna ẹkwẹn ma na in ḍukoarị aị ma na fiearị aị sọ in nimi-a, tẹ ịn nwẹnị tẹmẹ-la ḅara kẹ ẹkwẹn-arị.

1 Pita 5:3

Ọ́ ḅẹrẹ tọn-tọn ịn pịrị ḅara kẹ ịn kẹ ọmịna ḅara sụa wararị apụ ma na anga ma, kụma ọmịnị ọmịna ḍumo kẹ in ḍikima tẹ anga ḅẹ ḅara sọma anana ogbo mẹ pịrịị.

1 Kọrịntị 12:28

Sọsị mẹ ḅio Tamụnọ ọrụḅọ-ọrụḅọ kiri kẹ mḅọ pịrị wararị: fịrịmẹnjịapụ ma tarị; maaịn karama kiri, ịkịankoroapụ; tẹrẹị karama kiri, ye-tolumapụ; Anịtẹso ḅụụ-buama kọrịnama kọrị apụ; ịn palị apụ anie ini obi gwọ kụrọ kẹ pịrị apụ, anịanịa ḅarasụa ja apụ pịrị apụ, anịanịa ịn datụkụmarị apụ, anịanịa kịrị aḅẹlẹ kẹ ẹkwẹn apụ.

Matiyo 23:13

“Ọmịnị Oloko Tolumapụ na, Farịsiiapụ na, ọ́ tẹkẹlẹtẹ ḅara ḍikii! Mịẹ tomi ḍie apụ! Ḅọrọ sọ-mu Tamụnọ Ama-da suku-ḅio simearị atomi sọ ḅọkọ mẹ, ọ́ sọ-mu ḅẹ apụ ma tọrọkọ anị gbaịn tẹ; ọ́ sọ-mu ḍụkụ-a, kụma ọ́ pịkị ḍụkụ tẹ ḅụụkụrọma sọ-mu ḅẹ ḍọkịarị apụ ma sọ sọ-mu mu-a!

1 Timoti 2:7

tẹ anie mie in gotẹ ị̀ fịrịma ye, Ja asịẹ ḅẹ apụ ma fịrịmẹnjịḅọ na ye-tolumaḅọ na ḅara ḅụ, à mu minini na karakara na oku mẹ ḍuko wasama. Àrị iruo ye ḍuko-a; karakara mẹ mie à ḍukoarị!

Ẹfisọsị 4:11

Ori anie “ḍiepịrị-aị kẹ tomi pịrị ḅọ ḅe”; ọ̀ ja apụ tọnm ịn fịrịmẹnjịapụ sọọ, osi apụ ịkịankoroapụ, osi apụ iḅi-oku mẹ ḍuko wasama apụ, osi apụ Agbamịẹapụ na ye-tolumapụ na.

2 Kọrịntị 5:10

Kẹ gotẹ ọkọ ḍukoarị, wamịnị-mgba Kịrayịsị tọrọkọ paka-ḅo tẹ ọ̀ wa kọn ḅa. Ọrụḅọ-ọrụḅọ mḅọ ọkị gbẹẹ ye ọkị ḅa, anie mḅọ meni-oju mẹ ḅụ ḅẹ ḍumo ḅụ sime sakị mḅọ mịẹ ye, mịẹ ye sime-ḅara, iḅiye-o, siye — ó.

Hiburu 13:17

Ọmịnị ọmịna asịḅịdapụ ḅịḅị poki tẹ ịn ḅẹẹ ye mịẹ. Ini anie ọmịna atẹmẹ ma ḍikiḍikiarị apụ, ịnyọ sara-a ḅara ḅụ, ini ịna fịrị mẹ mẹnjị ḅara mẹ ḍuko Tamụnọ pịrị ḅẹ onyo-sẹịn wararị sakị goyegoye. Ọmịnị ịna ḅịḅị pokiarị kụma, in ḅioḅẹlẹ ḅara kẹ ịna kọrịnama kọrị ḅa; ọkọ-a kụma, kururu ḅụ mie ini anị mịẹ ḅarịye, tẹ aniemẹ ḅarasụa nyana ọ́ pịrị ḅịa.

Luku 16:2

Mie ḅụ ọ̀ nwẹnị ọ̀ sịn tẹ ọ̀ ḅẹẹ, ‘Ị́ ḅụụ à nwẹn naarị ye anie tiye? Ḅo ị̀ aị tẹ í ḍikiḍikiarị aị mamgba kịẹn tẹ saḅama ị̀ pịrịị, ị́ ḅarị ì ye ḍikiḍikiḅọ sọ ḅịa ẹrẹsị.’

Lẹvitikọsị 10:3

Anịtẹso Mozizi nwẹnị Erọnị ḅẹẹ, “Mie mẹ anie KỊNỊNYANAḄỌ ḅe ḍuko ye mẹẹ, ‘Inima tẹ ị̀ na kpeki apụ ma ogbo-ḅio ḅụ arị à fịafịa ḅara kẹ ị̀ ḅụụ ḍie-pakama ḅa, anịsakị tomi mamgba tọrọkọ ḅụ arị ebube nyana ḅa.’ ” Tẹ Erọnị amịna ḅụụ ọlọm.

2 Timoti 1:11

Tamụnọ ị̀ tọn tẹ à fịrịmẹnjịḅọ na ye-tolumaḅọ na sọ tẹ Iḅi Oku mẹ ḍuko wasama,

Jọnị 3:10

Jizọsị nwẹnị pakịrị, “Ị́yẹrị Izirẹlị ḅụ opu ye-tolumaḅọ tẹ miemẹ nimi-a?

Matiyo 10:24

“Ye ḍawọarịḅọ mḅọ tolumarịḅọ nẹngị-a; omoniḅọ pịkị mḅọ nyanaḅọ nẹngị-a.

Luku 6:37

“Ọ́ jen-apụ ḅụụ si ḍọkị ma, Tamụnọ sọ ọmịna ḅụụ si ḍọkị ḅịa. Ó jen tomḅọ si fama tẹ ḅẹẹ ma, Tamụnọ sọ ó si fama tẹ kẹ ọ́ ḅẹẹ ḅịa; ó si-wẹrịso ja apụ pịrịị, Tamụnọ sọ ọmịna si-wẹrịso ḅa.

Matiyo 9:11

Farịsiiapụ ma ḅẹ apụ nwẹnị miemẹ ẹrị tẹ Jizọsị ḍukamẹnjịapụ ma gbela, “Ọmịna ye-tolumaḅọ ḅe tiegotẹ nwẹn sime atomi na ḅara gboloma ye fịarị?”

Malakayị 2:12

Yee KỊNỊNYANAḄỌ ḅe miemẹ mịẹarị owiḅọ mẹ sikima Izirẹlị tomina ogbo mẹ ḅụ, tẹ ḅarị gbala-gbala ḍụkụ tẹ mḅọ wamịna sịẹ mẹ ḅụ sọ tẹ ḍiepịrị-aị ọkị-ḅo ọkị-ḅo Kụrọmamgba nyana KỊNỊNYANAḄỌ ḅe pịrị ma.

Fịrịmẹnjịapụ 13:1

Anịtọkụ ḅẹ sọsị mẹ ḅio ịkịankoroapụ na ye-tolumapụ na simem: Banabasị na Simiyọnị (ịn kẹ Kurukuruḅọ sịn ḅọ ḅe) na, Lusiyọsị (Sayịrini ḅẹ ḅọ ḅe) na, Maneni (anie Ẹrọdị, Galili da ḅọ ḅe na gbọrụ sakị in ḍikiḍiki pakama-ḅo ḅọ ḅe) na Sọlụ na.

Jemụsị 1:16

Ị̀ iḅi amịnapụ, ọ́ ḍụkụ tẹ gberie-sọ oḅori kẹ ọ́ sịn ma.

Jemụsị 1:19

Ị̀ iḅi amịnapụ, ó miemẹ kẹ ḅiokoromaa! Ọrụḅọ-ọrụḅọ sarasarama ye naa, kụma mḅọ fọnya ẹkwẹn ma, pịkị fọnya ịganịma.

Jemụsị 3:10

Ịmịẹtẹ ḅẹẹ ẹkwẹn ma na, wori ẹkwẹn ma na, gbọrụ ḅịḅị mẹ ḅio ọsụma paka-ḅoarị. Ị̀ amịnapụ, anị ọkọ pakama!

Matiyo 23:14

Ọmịnị Oloko Tolumapụ na, Farịsiiapụ na, ọ́ tẹkẹlẹtẹ ḅara ḍikii! Mịẹ tomi ḍie apụ! Ọ́ mịẹ ḅẹ ọkụ ofori diapụ-fịtẹ-ereme ma awarị fọịn ọkị fama tẹ nangwọ tẹ epele atẹkẹ kọn-kọn ịn pịrịarị. Miemẹ gotẹ ọ́ daa ḅarị fomu-ḅara ḅaka ḅa.