Jemụsị 1:3 - FỊAFỊA BAỊBỤLỤ

³ kẹ gotẹ ọkọ ḍukoarị, ó nimi ḅara ḅụ, ọmịna minini daaḍiki da-tolu-ḅọrọ tẹ ḅẹḅẹ, anị dogi-ḅo ḅarịye anie, ịnyọ nyana tẹ akụye inema alama.

Jemụsị 1:3 Iomraidhean Croise

Luku 21:19

Ọ́ sịẹ-kụrọọ, anị ḅụ mie ọmịna ḍumo ḅọrọtẹ ḅọrọma ḅarịye.

Romu 15:4

Fịafịa Ḍiri mẹ ḅio kẹẹ ye goyegoye, ịn kẹ ye kẹ wa toluma ḅẹ ẹrẹsị ini anị kẹẹm, mịẹtẹ ịn kẹẹ aị ma kẹ wa pịrị ḅarị ye-inema na ḅiokpọma na ḅụ, wa ḅọrọ tẹ ḅiokpọ nyana ḅarị ḅara.

Romu 2:7

Japụ sakị mamgba mịẹtẹ iḅi ẹrẹ na, kụn na sime gbamaso ḍumo na sime ịn pịrị ḅẹ ye ḍọkịarị: sime gbamaso ḍumo anie Tamụnọ pịkị kẹ ịn pịrị ḅarị ye.

Romu 8:25

Kụma wa nwẹnị wa tọrụngbọ kẹ amụ ẹrị-a ye kẹ ḅiokpọmarị ḅẹḅẹ wa inema tẹ anị koru ḅa.

Romu 8:28

Wa nimi wararị mịnẹ Tamụnọ ḅẹlẹmarị tẹ ọ̀ kẹ ye tọn ḅara ḅụ ọ̀ ḅarana sịn ọkị atomi ma ḅụ ye goyegoye iḅi go mịẹarị.

2 Kọrịntị 4:17

Mịọkụ mie wa daarị ḅọrọ so ḅarị ḅụụ-fụka kalịye mẹ, opu sime-gbamaso ebube, tẹ ḅụụ-fụka mẹ nẹngị lama ḅarị ye kẹ ḅo wa pịrị ḅa.

Kọlọsị 1:11

Ori ori ebube opu kụrọ mamgba ḅụ ịnyọ kẹ ọ́ pịrị tẹ ọmịnị iḅiọkụ ye-inema alama, tẹ ḍereku ḅara

2 Tẹsalonịka 1:4

Anie wa gotẹ Tamụnọ asọsị ma ḅio ọ́ kẹ ḅụụ bomarị. Ọ́ paa ye-inemarị ḅara na, ịn kẹ ḅaa-ḅọkọ kẹ ọ́ ḍọkịarị ḅara mamgba na, ọmịnị ẹrịarị atọrụsiẹrị mamgba na, ḅụ ọmịna minini paa sịẹ kụrọ wararị mẹ mie wa gotẹ ọ́ kẹ ḅụụ mẹ bomarị.

2 Tẹsalonịka 3:5

Yee KỊNỊNYANAḄỌ ḅe ọmịna kẹ tọrọkọ-sụn mu tarị ọ́ Tamụnọ ḅẹlẹma mẹ nimi ḅara nẹngị ḅara lama, tẹ ọ́ pịkị Kịrayịsị kẹ kịnị pịrị, pịrị ye-inema mẹ nyana.

Hiburu 10:36

Ó ye-inema na-iḅim, mịẹtẹ ọ́ Tamụnọ ḅii ye mịẹ, tẹ ò minini ye mẹ nyana ḅẹ ḅara.

Hiburu 12:1

Ọkọẹrẹsị, nwẹn sime tomina-ogbo, tẹ minini ḍumo mẹ kọn ḅọrọ tẹ apụ, oḅuto sọ tẹ wa gbaịn wararị mẹ, ó yee wa ịnyọ kpọma tẹ wa kikiarị ye goyegoye na, sakị mamgba wa oḅoloarị si mẹ na, wẹrị ḅelema wamịna ḅụụ, tẹ wamịna tọrọkọ simearị, tẹ wa ị̀rụà ḅẹ mangị mẹ ị̀rụà.

Hiburu 6:12

Wa ḅii-a mịnẹ ọ́ ḅụụ-lọkọ nyana, kụma ó minini nyana wararị apụ, tẹ inema tẹ Tamụnọ minini tẹ ye mẹ nyana ḅẹ tẹ apụ ḅara sime.

1 Pita 1:7

Ọ́ karakara minini nyana na nyana-a na, mie in nimi ḅẹ tẹ ọ́ daaḍikiarị. Golu tẹ inetẹ gulugulu fa ḅarịye mẹ sọ, ịn fịnị kẹ anị daaḍikiarị tẹ ọmịna minini mẹ, tẹ yela kpọma golu nẹngị ye mẹ rẹ mie ịn daaḍiki tẹ nimi ḅẹ ye anị ene la ḅarị ḅoto. Anị ọkọ paka tẹ ḅẹḅẹ, ó tokini na, ebube na, kụn na nyana ḅa, Jizọsị Kịrayịsị amịna ḅụụ ḍie-pakama ḅarị Ene mẹ ḅụ.

2 Pita 1:6

nimi ḅụ ọ́ ḅụụ-ọlọ kẹ sụa; ḅụụ-ọlọ ḅụ ó ye-inema alama kẹ sụa; ọmịna ye-inema alama ḅụ ọ́ Tamụnọ kịka ḍumo kẹ sụa;