Jemụsị 1:2 - FỊAFỊA BAỊBỤLỤ

² Ị̀ amịnapụ, ọmịnị ọmịna aḅụụ kẹ iḅi fụḅara nyana apụ ọkịị, daaḍiki ḅara, ḅara ḅo, ḅo ọ́ laarị ḅẹḅẹ,

Jemụsị 1:2 Iomraidhean Croise

Fịrịmẹnjịapụ 5:41

Fịrịmẹnjịapụ ma Sịẹ-Kobiri mẹ koroma-so tẹso ịn nwẹnị ḅioḅẹlẹ, mịnẹ Tamụnọ ịn kẹ Jizọsị sịḅị gotẹ tọrụsiẹrị na ḅụụ-jịrịma aị na da gbẹẹ apụ ḅara ọkị tẹ.

Romu 5:3

Wa wamịna ḅụụ-fụka ma sọ kẹ ḅụụ-tọn-arị, gotẹ ọkọ ḅẹẹarị, ḅụụ-fụka ḅụ mie wa ḅọrọ tẹ ye inema ḍawọarị ye,

Filipayị 1:29

Kẹ gotẹ ọkọ ḍukoarị, ịn fịrịmẹnjị Kịrayịsị pịrị kụn mẹ kẹ ọ́ pịrị wararị ḅẹ sakị, ọmịnị ọ̀ ḅụụ minini nyanam ngẹrị-a, kụma pịkị ò go tọrụsiẹrị na ḅụ.

Filipayị 2:17

Ẹbịsịya ì ḍumo mẹ ḅẹ ọmbie mẹ ịn kẹ ọmịna minini ḅụ sụa agba mịẹ Tamụnọ pịrị ḅa. Anị nwẹnị ọkọ paka sọ, ì ḅioḅẹlẹm, tẹ ọmịnị-mgba pịkị ì ḅioḅẹlẹ mẹ ḅụ sọ ḅa.

Filipayị 2:18

Anị gbọrụ ḅara mẹ ḅụ, ọmịnị sọ ḅioḅẹlẹẹ, tẹ yẹrị sọ ọmịna ḅụ sọ tẹ ḅioḅẹlẹ.

Kọlọsị 1:24

Tẹ mịọkụ arị ó gotẹ ẹrị atọrụsiẹrị ma ì ḅioḅẹlẹmarị, kẹ gotẹ ọkọ ḍukoarị, ma ì meni-oju ḅụ arị ẹrị atọrụsiẹrị ma ḅarasụa tẹ Kịrayịsị ẹrị ori oju, anie ori ẹrị sọsị mẹ, pịrị atọrụsiẹrị ma ḅụ kara-a anga mẹ karamarị ye.

Hiburu 10:34

Ikoliapụ ẹrị-ẹrị atọrụsiẹrị mie ọmịnị sọ ẹrị ye, tẹ ini ọ́ nyana aị mamgba fọịn ọkị fama sakị, ó ḅioḅẹlẹ ḅara kẹ fa mẹ daa-ọkịm, ó nimi wararị mịnẹ ọ́ paa iḅi mịna aị ma nẹngị lama ye nyana wararị ẹrẹsị, anie sime gbamaso ḅarị ye mẹ.

Jemụsị 1:12

Ḅioḅẹlẹ sime anị ḅọ mẹ pịrịị, anie ịn sọkịrị ḍiki fama tẹ paa amịna minini ḅụ sịẹ-kụrọ wararị ḅọ mẹ, kẹ gotẹ ọkọ ḍukoarị, ọkọ sime sọkịrị mẹ ḅụ tolu-ḅọrọ tẹ ḅọ mẹ mḅọ Tamụnọ minini ọ̀ ḅẹlẹma apụ ma pịrị gbẹẹ-ye mẹ nyana ḅa.

Jemụsị 1:16

Ị̀ iḅi amịnapụ, ọ́ ḍụkụ tẹ gberie-sọ oḅori kẹ ọ́ sịn ma.

Jemụsị 1:19

Ị̀ iḅi amịnapụ, ó miemẹ kẹ ḅiokoromaa! Ọrụḅọ-ọrụḅọ sarasarama ye naa, kụma mḅọ fọnya ẹkwẹn ma, pịkị fọnya ịganịma.

Jemụsị 5:11

In ye-inema alama ḅara ẹrẹsị wa ḅioḅẹlẹ nyana tẹ apụ kẹ ịn sịn-arị. Jobu ye-inema gboloma ye ọ́ paa naa tẹ, tẹ anị ḅẹ kunoma ḅụ KỊNỊNYANAḄỌ ḅe ọ̀ gbẹẹ wama ye mẹ sọ ó nimim. Kẹ gotẹ ọkọ ḍukoarị, KỊNỊNYANAḄỌ ḅe ọkụrụkụrụ na jụmọ ḅụụ-fụka kẹ amịna nye sọma kuroma na ọ̀ ḅụụ ḅakam.

2 Pita 2:9

Tẹ mị-ḅara ḅụ KỊNỊNYANAḄỌ ḅe ọ̀ kẹ Tamụnọ nimi atomi ma adaa-ḍiki ma ḅụ ịn pụkọ-pakamaḅo ḅẹ ḅara nimi wararị, pịkị ọ̀ kẹ si-sịḅịḅio-sụapụ kẹ fomu-ḅara wẹrịma mu Ḅẹrẹkọn Ene mẹ la ḅẹ ḅara sọ nimi wararị,

Mịẹfinji 2:10

Ọmịnị ẹrị ḅẹ-yearị tọrụsiẹrị goyegoye ọmịnị anị gotẹ ḅalafa ma. Ó pokii! Ekwesu ḅe ọ́ daaḍiki ḅa, ọmịna ḅụ ḅẹ ja apụ kẹ ikoli suu ḅụ, tẹ oyi aḍin mie ọ́ kẹ tọrụsiẹrị ḅarịye. Ọmịnị ọmịnị ị̀ ḅụ nyana minini mẹ ọlọ kụrọmaa, anị nwẹnị fịị dogi-ḅo sọ, tẹ yẹrị ḍumo kẹ owu-ḅara-iḅi apụ gbẹẹ-ye sọma tẹ kẹ ọ́ pịrị ḅa.