Jemụsị 1:1 - FỊAFỊA BAỊBỤLỤ

¹ Jemusị, Tamụnọ na KỊNỊNYANAḄỌ Jizọsị Kịrayịsị na fịrịmẹnjịḅọ ḅe ḅara ḅo ḍiri mẹ: Ḅii-ḅịḅị sime Tamụnọ atomi ma tẹ bebe tomikiri mẹ ḅụ gala-gala wararị apụ mamgba pịrịị.

Jemụsị 1:1 Iomraidhean Croise

1 Amadapụ 18:31

Ịlayịja nwẹnị oyi maa ḍụḅarị finji ọkị Jekọbụ owiapụ-awọmẹ ma ibe ma kịẹn-ḅịḅị mẹ wẹrịtẹ la ḅara ḅụ, ori ḅe tẹ KỊNỊNYANAḄỌ ḅe “Izirẹlị” kẹ sịn ḅọ ḅe.

Ẹzịra 6:17

Mị Tamụnọ warị mẹ finji alalị mẹ ḅụ ini owi-nambulo sọnọa si na, ejimina oyia asi na, asambịrịma anana ẹndẹ na kẹ agba mịẹm, tẹ si agba mịẹ Izirẹlị mẹmgba pịrị gotẹ oyi maa ekpe-oḅori finji kẹ Izirẹlị ḅẹ furo-furo ma kịẹn-ḅịḅị wẹrịtẹ la ḅara ḅụ agba mịẹm.

Ẹsịta 3:8

Anịtẹso Emanị nwẹnị Amadaḅọ Ayasụrọsị ḅẹẹ, “Gbọrụ atomi ḅara ị́ ama-da kụrọ mẹ ḅụ gala-gala itu-itu mamgba ḅio tomi ma ogbo ḅio sọ tẹ emi; ịna oloko ma ja atomi go apụ, go apụ oloko ḅụ kịrịm, tẹ ini amadaḅọ ḅe oloko ma koko-a, anieḅụ ịn wẹrịso tẹ ịn sime mẹ sọye mịẹ amadaḅọ ḅe pịrị-a.

Paka-so 24:4

Tẹ Mozizi KỊNỊNYANAḄỌ ḅe ẹkwẹn-aḅịḅị mamgba kẹẹ famam. Ọ̀ nwẹnị dede-funfun ḅụ saakị, tẹ nwẹnị tụndụ mẹ suku ḅụ gbọrụ agbamịẹ-anga nama, tẹ oyi maa ḅeriaị finji pike Izirẹlị ḅẹ oyi maa afuro finji ma wẹrịtẹ sime-ḅara.

Paka-so 28:21

Izirẹlị owiapụ-awọmẹ ma ẹrẹ ma wẹrịtẹ sime-ḅara mie arịḅẹ oyi maa aḍụḅarị finji ma ọgọnọ ịna ẹrẹ ma sime ḅarị ḅara; arị elekima sụa ḅara kẹ ịn kẹẹ ẹrẹ sime-ḅara sime ḅa; oyi maa furo finji ma, gbọrụ ḍụḅarị, gbọrụ ḍụḅarị ọgọnọ ḅụ anị ḅẹ ẹrẹ sọkị sọ ḅa.

Paka-so 39:14

Izirẹlị owiapụ-awọmẹ ma ẹrẹ ma sime-ḅara ḅụ oyi maa ẹrẹ finji simem; gulu ḅụ ịn sụa ẹrẹ kịka ḅara ịn nwẹn kẹ arị sọkị sụam, oyi maa afuro finji ma gbọrụ ḍụḅarị, gbọrụ ḍụḅarị amịna ẹrẹ-ẹrẹ ịn nwẹn sọkị sụam.

Izikẹlị 12:15

“À nwẹn kẹ osi asịẹ ma ogboku na tọrụ-nimi-a apụ amakiri ma na ḅụ ịn gala-galama sakị mie in nimi ḅarị ye mịnẹ yẹrị anie KỊNỊNYANAḄỌ ḅe.

Lẹvitikọsị 26:33

Opu asịẹ ma ogbo-ḅio ḅụ arị ọ́ gala-galama ḅa, anịsakị arị okologie mẹ wọrọ tẹ kẹ ó ḍuka ḅa, tẹ ọmịna ama nwẹnị faa, tẹ ọmịna opu ama ma ḅo sara sọ ḅa.

Matiyo 10:3

Filipu na Batolomiyo na; Tọmọsị na Matiyo ama-igbigi da ḅọ ḅe na; Jemusị, Alịfịyọsị tụḅọ ḅe na Tadịyọsị na;

Matiyo 13:55

Ḅie akanịḅọ ḅe tụḅọ ḅe ori-a? Ò iyingi Meri nwẹn-sịn ẹrẹḅọ ma árị-a? Anịsakị Jemusị na Josẹfụ na, Sayịmọnị na, Judasị na, anie ori owiapụ-amịnapụ ma-a?

Matiyo 19:28

Jizọsị nwẹnị ịn ḅẹẹ, “À mịẹtẹ ọmịnị inetẹ nimi ḅa, mịnẹ Ḅo-ḅarị Ịwọ sakị mẹ, tẹ Tomḅọ Tụḅọ ḅe ori ebube emine ọgọnọ lẹgị ḅarị sakị mẹ ḅụ, ọmịnị ì ḍukamẹnjị oyi maa apụ finji ma sọ, ọkọ kẹ ọrụ emine, emine ọgọnọ lẹgị tẹ Izirẹlị ḅẹ oyi, maa afuro finji ma kọn ḅa.

Makị 3:18

Anduru, na Filipu na, Batolomiyo na, Matiyo na, Tọmọsị na, Jemusị, Alịfịyọsị owiḅọtụḅọ ḅe na, Tadịyọsị na, Sayịmọnị ama ḅẹlẹma ḅọ ḅe

Luku 22:30

Ị̀ Ama mẹ ḅụ ọ́ fị-na-ḅuu-na ḅa ị̀ dẹbịlẹ ọgọnọ, tẹ ọ́ pịkị ọrụ emine, emine ḅụ lẹgị tẹ ḅẹrẹtọn ḅa Izirẹlị oyi maa furo finji ma ḅụ.

Luku 6:15

Mat na Tọmọsị na, Jemusị, Alịfịyọsị tụḅọ ḅe na, Sayịmọnị (ịn kẹ ama ḅẹlẹmaḅọ sịn ḅọ ḅe) na.

Jọnị 12:26

Fịrịmẹnjị ị̀ pịrị ḅẹ-ḅiiarị ḅọ, ḅiiarị ḅọ ì ḍukamẹnjị ḅa, mịẹtẹ ị̀ fịrịmẹnjịḅọ ḅe à sime anga sime ḅarị ḅara. Anịsakị ị̀ Ḍa ḅe fịrịmẹnjị ị̀ pịrịarị ḅọ, pịrịarị ḅọ kẹ kụn nyana kiri ḅụ wẹrị ḅa.

Jọnị 7:35

Juu-ḅẹ ḅẹrẹtọn-apụ ma ini-ini-ini ogboku ḅẹẹm, “Ò mu ḅẹ-yearị anga ḅọrọ tọ-anga tẹ wa ọ̀ ḍọkị ẹrị ḅịa? Ọ̀ ḅọrọ Giriki apụ opu ama ma tẹ wamịna ama ḅẹ apụ angarị anga ma mu tẹ ye kẹ Giriki apụ ma toluma ḅẹ mụnọọ?

Fịrịmẹnjịapụ 1:13

Ini opu ama mẹ ḅio sọ sakị ịn nwẹnị iwo mu in sime-sime warị mẹ ḅẹ ḅio mẹ sọ, Pita na, Jọnị na, Jemusị na, Anduru na, Filipu na, Tọmọsị na, Batolomiyo na, Matiyo na, Alịfịyọsị tụḅọ Jemusị na, Sayịmọnị, Ama ḅẹlẹmaḅọ ḅe na, Jemusị tụḅọ Judasị na.

Fịrịmẹnjịapụ 12:17

Ọ̀ nwẹnị ḅara kẹ in dedema mịnẹ ịn yaụ-simee, tẹ ọ̀ nwẹnị KỊNỊNYANAḄỌ ḅe kẹ ikoli-warị mẹ ḅio ọ̀ pakama-ḅo ḅara mẹ ḍuko ịn pịrị, tẹ nwẹnị fịrịma mịnẹ in mu ḍuko Jemusị na kirikọn Jizọsị minini apụ ma na pịrịị; tẹso, ọ̀ ḅọrọ so jen anga mum.

Fịrịmẹnjịapụ 15:13

Ini ẹkwẹn fama tẹso, Jemusị ẹkwẹn pakama tẹ ḅẹẹm: “Mịnapụ, ọmịnị ì pokii!

Fịrịmẹnjịapụ 15:21

Anịngẹ-kụraḅio ama-awarị ma ḅio, Ịnyọsara-Ene goyegoye ḅụ, ịn Mozizi Oloko mẹ goarị, tẹ pịkị anị ḅụ sịẹ tẹ ẹkwẹn-arị ama, ama ḅụ.”

Fịrịmẹnjịapụ 15:23

Ịn kẹ ịna ḅara fịrịma ḍiri mẹ mie anị: “Wamịnị, fịrịmẹnjịapụ ma na, omongiapụ ma na, ọmịna amịnapụ ma, ḅii-ḅịḅị kẹ ọmịnị wamịna mịnapụ tẹ Ja asịẹ ḅụ paka apụ tẹ Anịtọkụ na, Siriya na, Silisiya na ḅụ angarị apụ mamgba fịrịmarị.

Fịrịmẹnjịapụ 2:5

Anị sakị mẹ ḅụ Tamụnọ nimi lama wararị Juu-ḅẹ apụ tẹ tomikiri mẹ ḅẹ kịrị-kịrị anga ḅụ sime tẹ ḅo apụ Jeruselemu ḅụ angarị.

Fịrịmẹnjịapụ 21:18

Anị ḅẹ ene-ḅaa ḅụ Pọlụ wamịnị na Jemusị ẹrị ḅẹ mu sakị, sọsị omongiapụ mamgba anịanga emi.

Fịrịmẹnjịapụ 23:26

“Yẹrị, Kịladịyọsị Lisiyasị, mị ḍiri mẹ kẹẹ tẹ kẹ, Ori opu ḅụ, Ḅẹrẹtọnḅọ Fẹlịkisi fịrịmarị. À ḅii-ḅịḅị kẹ ị́ fịrịmam.

Fịrịmẹnjịapụ 26:7

anị gberie mẹ anie wamịna oyi maa furo finji ma sọ kẹ ḅiokpọma tẹ anị ḅụ sime tẹ ḍin na eneḅaka na kẹ Tamụnọ tẹkẹarị ye mẹ. Amadaḅọ, í Opu ḅụ, à nwẹn kẹ ḅiokpọma wararị ye mẹ anie Juu-ḅẹ-apụ ma kẹ oloko sọma tẹ kẹ ị̀ ọlọarị ye!

Fịrịmẹnjịapụ 8:1

Anị gbọrụ ene mẹ ḅụ mie ịn saakị tọrụ-kpọma ḅaa-ḅọkọ kẹ Jeruselemu ḅẹ sọsị mẹ ḍọkị ye. Fịrịmẹnjịapụ ma sikima Jizọsị minini apụ mamgba mangị gala-gala mu Judiya na Sameriya na ibe ma ḅụ sọm.

Romu 1:1

Pọlụ, Kịrayịsị Jizọsị fịrịmẹnjịḅọ ḅe, anie Tamụnọ sẹlẹ-ọkịm mịnẹ ori Iḅi-Oku mẹ ḍuko wasama ḅẹ ḅọ ḅe, mie mị ḍiri mẹ kẹẹ tẹ kẹ ọ́ fịrịma ye.

Galesiya 1:19

KỊNỊNYANAḄỌ ḅe iyimbere Jemusị sikima tẹ, à jen fịrịmẹnjịḅọ ẹrị-a anịanga.

Galesiya 2:12

Jemusị kẹ fịrịma atomi ma amụ ḅo la-a sakị, Pita na Ja asịẹ ḅẹ amịnapụ ma na ḅara gboloma tẹ fịye fị-fịm. Kụma mịna tomi ma ḅo la tẹso, ọ̀ nwẹnị amịna ḅụụ puu sikima, tẹ ḅarị Ja asịẹ ḅẹ apụ ma na gbọrụ anga fịye fị ḍụkụ-a, ó gotẹ ọkọ mịẹ ye, ori ịn tarị-ḅụụ sin-a sin-a ịgbanị apụ ma na gbọrụ jụ ḅọrọ tẹ.

Galesiya 2:9

Jemusị na, Pita na, Jọnị na tẹ Sịḅịdapụ nwẹn ḅẹẹ apụ ma sọ lekiri tẹ mịnẹ Tamụnọ mị fịrị mẹ saakị sikima ị̀ pịrịm; mie ḅụ ịn nwẹnị mọnị kẹ Banabasị na ị̀ na pịrị, tẹ kẹ elekima mịẹ, mịnẹ wamịnị maa apụ mị kọrịnama mẹ kọrị gbolomaa. Wa nwẹnị ḅịḅị-kẹ-ogbosọ mịnẹ Banabasị na ị̀ na Ja asịẹ ḅẹ apụ ogboku kọrịnama mẹ kọrịị, ini nwẹnị Juu-ḅẹ-apụ ogboku kọrị ḅa.

Ditẹrọnọmị 28:64

“Anịsakị KỊNỊNYANAḄỌ ḅe ọ́ gala-galama ḅa tomi-kụlọkụlọ mamgba ogbo-ḅio tomikiri mẹ ḅụ gbọrụ kunoma ḅụ ọkị mu osi kunoma la; tẹ anịjụ ḅụ ọ́ fịrịmẹnjị sịn na ḍụḅarị na kẹ tẹmẹ ja oru-atamụnọ ma pịrị ḅa, arị aị ma tẹ ọmịnị, anịanịa ọmịna aḍapụ sọ nimi-a aị ma.

Ditẹrọnọmị 30:3

anịtẹrẹmẹ mie KỊNỊNYANAḄỌ ọmịna Tamụnọ ḅe ọmịna iḅi fụḅara mẹ pịkịma-ḅo ọ́ pịrị tẹ ọkụrụkụrụ nyana ọ́ pịrị ḅarịye; tẹ sin tomi-kụlọkụlọ ma tẹ KỊNỊNYANAḄỌ ọmịna Tamụnọ ḅe ọ́ gala-galama suu anga mamgba ḅụ ó kobiri ḅarịye.

Ditẹrọnọmị 32:26

Mimgbe à ḅẹẹ ḅa: Àrị ịn gala-gala ala-jụ mu ḅa à mịẹtẹ tomina-ogbo ḅio kịnị ịn kẹ ḅiokoroma daasịẹ ḅa.

Ditẹrọnọmị 4:27

Anịsakị KỊNỊNYANAḄỌ ḅe ọ́ gala-galama ḅa tomi ma ogbo-ḅio ḅụ, tẹ opu asịẹ ma ogbo-ḅio KỊNỊNYANAḄỌ ḅe ó dee mu suu ḅarị anga ḅụ ọmịna aḅụụ kirikọn ḅarị apụ kịẹn-ḅịḅị kịsị ḅa.

Filipayị 1:1

Pọlụ na Timoti na, Kịrayịsị Jizọsị fịrịmẹnjịapụ ḅara ḅụ ḅom; Tamụnọ atomi mamgba tẹ Filipayị ḅụ Kịrayịsị Jizọsị na gbọrụ ḅụ simearị apụ ma pịrị ḍiri, ịna sịḅịdapụ na ḅarasụa ịn pịrịarị apụ sọ anị ḅụ emi:

2 Timoti 4:21

Ị́ inetẹ ḅara, inetẹ ḅara mịẹ tẹ ḅo tẹrẹmẹ okiringa sakị mẹ la. Ubulọsi na, Pudenisi na Layịnọsị na, Kịladiya na í ḅiim, tẹ osi Kịrayịsị ḍukamẹnjị amịnapụ mamgba sọ ọkọ mịẹm.

Tayịtọsị 1:1

Pọlụ, Tamụnọ omoniḅọ, pịkị Jizọsị Kịrayịsị fịrịmẹnjịḅọ. Tamụnọ ị̀ sẹlẹ tẹ ị̀ fịrịmam à mu Tamụnọ atomi ma minini mịẹ kụrọma, tẹ ịn kẹ mu wamịna Tamụnọ nimi etela mẹ tolumarị karakara mẹ lamaa,

1 Pita 1:1

Pita, Jizọsị Kịrayịsị fịrịmẹnjịḅọ ḅe ḅara ḅo ḍiri: Tamụnọ sẹlẹ-ọkị tẹ atomi ma tẹ Pọnịtịyọsị na, Galesiya na, Kapadosiya na, Esiya na, Bitiniya na ibe ma ḅụ gala-gala tẹ angarị apụ ma pịrị ye mẹ.

2 Pita 1:1

Sayịmọnị Pita, Jizọsị Kịrayịsị omoniḅọ, pịkị ọ̀ fịrịmẹnjịḅọ ḅe ḅara ḅo ḍiri ịn kẹ: Inima tẹ wamịna Tamụnọ pịkị wa Ḅọrọmaḅọ Jizọsị Kịrayịsị karakara mịẹ ḅụ ḅọrọ tẹ wa nyana yelatẹ minini ye mẹ nyana wararị apụ ma pịrị ḍiri mẹ:

Judu 1:1

Yẹrị Judu, Jizọsị Kịrayịsị fịrịmẹnjịḅọ, pịkị Jemusị iyimbere ḅe, ḅara mie mị ḍiri mẹ ḅo yee: À kẹẹ tẹ kẹ Tamụnọ sịn ọ̀ ḅụụ pịrị tẹ, Tamụnọ Ḍaḅọ ḅe ḅẹlẹma ḅụ angarị, tẹ Jizọsị Kịrayịsị ḍikiḍikiarị apụ ma fịrịmarị:

Mịẹfinji 7:4

Tẹ in ḍuko ị̀ pịrịm, mịnẹ ịn Tamụnọ elekima mẹ kẹ fụḅara ḅọkọ ḅụ sụa apụ ma kịẹn-ḅịḅị maa puku fa si (144,000). Izirẹlị ḅẹ oyi maa furo finji ma ḅụ ịn paka-ḅom.