Hosiya 8:1 - FỊAFỊA BAỊBỤLỤ

¹ KỊNỊNYANAḄỌ ḅe ḍukoarị, “Akusa farị ama sịn! Wamịnị na fịya-a apụ igo amẹẹ kịka tẹ gbiima fiin ḅo ị̀ amakiri ḅụ sara tẹẹ! Ị̀ atomi àrị ini na mị ọḅọkụ mẹ sima tẹ pịkị kọngọ-kụrọma ị̀ tolumaye pịrị tẹẹ.

Hosiya 8:1 Iomraidhean Croise

2 Amadapụ 18:27

Kụma ịn kẹ Rabisake sịn ḅọ ḅe nwẹnị ịn pakịrị, “Ị̀ sịḅịdaḅọ ḅẹ ori ị̀ fịrịmam mịnẹ à mịna ẹkwẹn ma kọn kẹ ọmịna sịḅịdaḅọ na ọmịnị na ngẹrị pịrị? Ẹn-ẹn, onu mẹ ọgọnọ lẹgị tẹ ọmịnị na amịnẹ pọkụ-muaị fị na amịnẹ san ḅuu ḅarị apụ ma sọ, mịna ẹkwẹn ma sime ịn pịrịm.”

Ayịzaya 18:3

Pokii, tomikiri angarị ḅọ goḅọ-goḅọ! Ye kẹ kịnị ḍie gotẹ tụndụ ma ọgọnọ-jụ ḅio pike wararị ḅịtẹ mẹ ḍikii! Ọmịnị ini ofuroarị ọdụ mẹ pokii!

Ayịzaya 24:5

Tomi ma kiri mẹ pilema tẹ, Tamụnọ oloko ma kan ḅụ, pịkị ori Ọḅọkụ mẹ tẹ sime-gbamaso ḅẹ ye mẹ sima ḅụ.

Ayịzaya 58:1

KỊNỊNYANAḄỌ ḅe mẹẹ, “Ị́ ine-ḅara ine-ḅara kẹ oloku pakamaa! Ị̀ atomi Izirẹlị asi ma gboloma ye ḍuko ịn pịrịị!

Jerimaya 31:32

Anị à kẹ ịna elemu aḍapụ na fị ọḅọkụ mẹ na kịka ḅịa, anie à ḅara kẹ ini ọlọ tẹ Ijiputi ḅio ịn kẹ mẹnjị paka sakị mẹ. Arị ini na sime-ḅara ḅụ à diḅọ kịkam sọ; ini anị ọḅọkụ mẹ koko-a.

Jerimaya 34:18

Tomi ma tẹ ị̀ ọḅọkụ mẹ sima tẹ ị̀ tọrọkọ ḅụ ịn fị ọḅọkụ mẹ ḍuko ḅara mẹ mịẹ-a apụ ma. Ịn kẹ ọḅọkụ mẹ mịẹ kụrọma ḅẹ tẹ kẹ maaịn pẹlẹ tẹ maa apakịrị ma ogboku mẹnjị ḅọrọ nambulo ḅe pẹlẹ ḅara mie à kẹ ịn pẹlẹ kọsịma ḅarị ḅara.

Jerimaya 4:13

Ḍikii, kịnị-na-fịya-a ḅọ ḅe oḅuto ḅara kẹ ḅoarị, ò kirimẹnjị-ọmụarụ ma nume-naowu kịkarị, tẹ ori asụ ma mangị igo amẹẹ nẹngịm. Wa fa tẹẹ! Ḅọrọma ḅarị sime wa pịrị-a!

Jerimaya 4:5

Ọdụ mẹ ofuro bebe amakiri mẹ ikelemaa! Gele-pọkọ kẹ giregirema olokuu! Ḍuko Juda na Jeruselemu na ḅẹ apụ ma pịrịị ịn mangị kụrọnị opu ama ma muu.

Jerimaya 48:40

KỊNỊNYANAḄỌ ḅe minini tẹ mịnẹ gbọrụ sịẹ igo fiin ḅara fiin ideri-ḅo Mohabụ ọgọnọ sịẹ ḅa, amịna apamba ma finji wararị ḅara ḅụ,

Jerimaya 49:22

Ini na fịya-a apụ ma owu kẹ ịn paka ḅarị ḅara gbala igo pamba finji sara tẹ fiin ideri-ḅo ḅara. Anị eneḅaka ḅụ Idọmụ ḅẹ ọmụapụ ma ḅalafa ḅarị ḅara iyi la tẹ ẹrẹḅọ ọkụ.”

Jerimaya 51:27

“Kẹ ọmụ mẹ saakị ḅẹ elekima mẹ pịrịị! Ọdụ ofuroo, mịẹ tẹ sịẹ-sịẹ ma inetẹ naa ḅẹ ḅara. Sịẹ-sịẹ ma tẹlẹma ọmụ kẹ Babịlonịya paka pịrịị! Ḍuko amadapụ daarị ayọ ma pịrị — Araratị, Mini, na Asịkẹnazị na pịrị mịnẹ ini ọmụ saakịị. Ọmụ-alaḅọ tọn ori ọmụ mẹ sịḅịda tẹ saakịị. Asụ ma ọkị-ḅoo, igurube ḅaka ḅara ḅaka wararị aị ma.

Jerimaya 6:1

Benijamịnị ḅẹ apụ, ọ́ mangị ye ọ́ la ḅịa yọ muu! Ó Jeruselemu ḅụ mangị-soo! Ó Tẹkowa ḅụ ọdụ ofuroo, tẹ Bẹtị-hakeremu ḅụ fịnị tọnọọ anị kọrị gele tẹ elekima sọ. Opu ḅụụ-fụka na guluguluma na ọgọnọ-jụ ḅụ sime tẹ ḅo ḅẹ-yearị.

Izikẹlị 11:4

Ọkọ ẹrẹsị, fịị-fịị tomḅọ, mịọkụ in si ḅara ḍuko-pakama.”

Izikẹlị 16:59

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Àrị ị́ gbẹẹ ḅara kẹ ị́ na mịẹ ḅa, ị́ ị́ minini aị ma tan anga pịrịtẹ pịkị ọḅọkụ mẹ kan tẹ ẹrẹsị.

Izikẹlị 17:3

kẹ mịẹtẹ in nimi yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ịn ḅẹẹm: ‘ḍụḅa ḅụratẹ igo simem, ḅụụ-ḅẹlẹmarị pịkọ pịkị opu apamba iyingi tẹ finji sara wararị ye na. Ọ̀ nwẹnị fiin Lẹbanọnị Tụndụ ma iwo mu tẹ gbọrụ sida nwẹn-sịn sịn ḅụ tịkị-tịkị ọgọnọ-jụ ḅụ ịkpangị anyịma siin,

Izikẹlị 7:14

Ọdụ mẹ fiearị, tẹ ḅẹḅọ-ḅẹḅọ ḅụụ-tẹlẹmarị. Kụma paka ọmụ muarị gbọrụḅọ-sọ ofori, Tamụnọ ịganị gbọrụ ḅara kẹ ọrụḅọ-ọrụḅọ ọgọnọ gbana ḅa gotẹ.

Hosiya 4:6

Ị̀ atomi ma ịn fa tẹẹ ini ị̀ kẹ ye-sịn-a ẹrẹsị. Ọmịnị agbamịẹapụ ma ḍụkụ tẹ ị̀ kẹ ye-sịn-a tẹ ì tolumaye sịkịtẹ, tẹ mie ḅụ àrị ọ́ sịkị tẹ ọmịna owiapụ-awọmẹ kẹ ị̀ agbamịẹapụ ḅara ọkị ḅịa.”

Hosiya 5:8

Ọmụ ọdụ ma ofuro Gibiya ḅụ! Saakị Rama fiema! Bẹtẹlị ọmụ oloku mẹ saakị! Benijamịnị ḅẹ owiapụ, ọmịnị ọmụ ḅio sọ-mu.

Hosiya 6:7

Ini amakiri mẹ sọ-mu gbọrụ-kirikiri, ini Adamụ kịka tẹ àrị ini na mịẹ ọḅọkụ mẹ kanm.

Hosiya 9:15

KỊNỊNYANAḄỌ ḅe ḅẹẹarị, “Ịna si mịẹ ye mẹmgba Giligalị ḅụ saakịm. Anị anga mie à saakị in ḍiki-ḅioḅu ye. Tẹ ịn mịẹ tẹ siye mẹ ẹrẹsị, àrị ị̀ amakiri ḅụ in dee-pakama ḅa. À ḅarị jen kẹ ịn ḅẹlẹma ḅịa; ịna sịḅịdapụ mamgba kọngọ-kụrọma ị̀ pịrị tẹẹ.

Jowẹlị 2:1

Ọdụ mẹ ofuroo; oloku Zayọnị ikelemaa, Tamụnọ fịafịa tụndụ mẹ. Juda ḅẹ apụ, yee ọmịna oju sẹkị! KỊNỊNYANAḄỌ ḅe ḅẹrẹkọn ama mẹ pịrị ḅarị ene mẹ kpeki tẹẹ.

Jowẹlị 2:15

Zayọnị ḅụ ọdụ mẹ ofuroo, ḅuru-ịmọ tọn pakama tẹ kịnị mamgba sịn ḅo kobirii!

Emọsị 3:6

Gbọrụ opu ama ḅio ọmụ ọdụ fie kụma, tomi ma in ḅalafaa ḅịa? Opu ḅụụ-fụka ḅo la-la opu ama emi, KỊNỊNYANAḄỌ ḅe anị kẹ fịrịma sikima?

Emọsị 8:3

Anị ene mẹ ḅụ, Amada-Opu-warị mẹ ḅẹ anume ma ḅo ḍụẹịn ḍu nume sọ ḅa. Fịtẹ oju akpakpa anịanga mamgba sara ḅa. Ịn ḅịḅị-fie-a ḅara kẹ arị kẹ wakị pakama ḅa.”

Emọsị 9:1

À KỊNỊNYANAḄỌ ḅe ẹrịm ori agbamịẹ-anga mẹ akaka sịẹ wararị. Ọ́ nwẹnị kụrọ pịrị, “Kụrọma Tamụnọ warị mẹ ḅẹ ḅeriye ma ọgọnọ-jụ ḅakụ tẹ bebe mẹnjị ḅọrọ sọ mu tarị ḅio mẹ jike. Arị kan-siin tẹ arị ḅịkị tomi ma asịḅị ọgọnọ sara. À kirikọn apụ ma ḅaa ḅa ọmụ ḅio ḅụ. Mangị-so ḅẹ gbọrụḅọ-sọ ofori; gbọrụḅọ-sọ pụkọ-so ḅịa.

Habakọkụ 1:8

“Ịna asụ ma ḅụọ sarasara sịrị aḅụọ nẹngịm, ịn ḅalafama, ḅuru-pọkọtarịarị anamakiri amẹẹ nẹngịm. Ịna ọmụapụ tẹ asụ kẹ ọmụ gbin-arị apụ ma ala anga ḅẹ amakiri ḅụ asụ ọgọnọ sime tẹ mangị ma ḅoarị; ịna asụ ma ḅụọ kẹ kiri tẹịnma ḅoarị. In ḅo ini owu kẹ pakarị apụ gbaịn koroarị ḅara igo amẹẹ fiin ideri-ḅo in kun pẹị ḅẹ ye gbaịn ḅara kịkarị.”

Zẹfanaya 1:16

ọmụ ọdụ fiearị tẹ ọmụapụ oloku tẹ owu kẹ opu ama ma ḅẹ kụrọnị-anga ma na gele-fa wararị atawa ma na pakarị ene.

Zẹkaraya 11:1

Lẹbanọnị amakiri, ị́ aḅọkọ finjii, mịẹ tẹ fịnị inetẹ í sida asịn ma dọkịma gbin ḅarị ḅara!

Zẹkaraya 9:14

KỊNỊNYANAḄỌ ḅe ori atomi ọgọnọ-jụ ḅụ ḅụụ-pakama ḅa; ò so-ḅalapụ ḅara kẹ ori aḍịẹịn tẹịn ḅa. Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọdụ mẹ fiema ḅa; Abajị suku erise ma ḅio mie ọ̀ mẹnjị iwo ḅarịye.

Matiyo 24:28

“Ọkpa sime anga, sime anga mie ẹdẹlẹ kobiri ḅarịye.

1 Kọrịntị 15:52

gbọrụ kiri, tọrụ gbaịn finji ḅụ, kunoma ọdụ mẹ fie sakị. Kẹ gotẹ ọkọ ḍukoarị ọdụ mẹ fie tẹ fịtẹ-apụ ma saakịma tẹ ịn ḅarị fịị fịị-a ḅara sime ḅa, tẹ wamịnị-mgba ḍima ḅa.

Ditẹrọnọmị 28:49

Ala-jụ tomikiri mẹ ḅẹ kunoma ḅụ mie KỊNỊNYANAḄỌ ḅe gbọrụ opu sịẹ ọkị-ḅo ọ́ da-paka ḅarịye, igo fiin ḅara fiin-arị opu sịẹ, ọmịnị ịn fiearị ama-ḅịḅị fiearị ye naa-a ḅẹ gbọrụ opu sịẹ.