Hosiya 7:4 - FỊAFỊA BAỊBỤLỤ

⁴ Inimgba mbasị-apụ tẹ sịḅị-tuu amadaḅọ ḅe pịrị-a apụ famam. Ịn nyana ḍiki-ḅioḅu mẹ fịturu fọị ye ḅio kẹlẹkẹlẹ kọrịarị fịnị kịkarị, anie fịturu mịẹ ḅọ ḅe sụkama-a nwenii ọ̀ fịturu kpoo mẹ tẹlẹma fama tẹ fọị ḅẹ sakị la ye.

Hosiya 7:4 Iomraidhean Croise

Jerimaya 23:10

Amakiri mẹ ḅụ KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi-a atomi ḅin tẹẹ; si-sịḅịḅio-sụa ḍumo mie ịn kọn-arị tẹ ịn nyana kụrọ kẹ si-aị mịẹarị. KỊNỊNYANAḄỌ ḅe wori-nume ḅụ amakiri mẹ kururuarị tẹ nama osuka fịarị ayọ ma samụnọtẹ.

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Jerimaya 9:2

À ḅiiarị mimgbe arị ịkpa ḅio sime-yọ nyanam, arị ì atomi ḅụụ ḅele sime ḅẹ anga, inimgba ḅioḅẹngbọ-kẹ-sịrẹrẹ-niḅi-a apụụ, kịnị kẹ jen-apụ ḅara-ḅio dẹrịmarị inweni-ogbo.

Hosiya 4:10

Ọmịnị agba mịẹ aị ma ḅụ ọ́ la kiri mẹ fị ḅa kụma ḅuru paa ọ́ tarị ḅa. Ó sunsin awọ-kẹ-kịnị-pịrị oru-atamụnọ ma pịrị ḅa, kụma ó paa awọmẹ iyi ḅịa, ọmịnị ị̀ ḅụ pịkị-so mu oru-atamụnọ ḍukamẹnjị tẹẹ ẹrẹsị.”

Hosiya 4:12

Oru-fụḅara ḅara mie ịn tọrọkọ-jụ paka ḅẹ ye nimi ḅẹ tẹ gbelarị. Oru-fụḅara nwẹnị in nimi ḅẹ-ḅiiarị ye ḍuko ịn pịrịarị! Ini ị̀ ḅụ so tẹẹ. Ini ẹrẹḅọ kịka tẹ akụnakụna sọarị, ini ịna aḅụụ saakị oru-atamụnọ pịrị tẹẹ.

Hosiya 4:2

In ye minini-minini tẹ in minini ḅara kan-arị; ini iruoarị, kịnị ḅaarị, furuarị, tẹ pịkị sẹfịarị. Si amịẹaị ḅaka-ḅaka-ḅakarị tẹ in tomi ḅaa-ḅaa sararị.

1 Kọrịntị 5:6

Anị kura-a ọmịnị opu amịẹaị mịẹ! Mị ẹkwẹn mẹ fiearị ye ó nimi wararị, “Ye sunma ye kala ye mie ịn kẹ fịturu mịẹ ḅẹ fịlawa kala kpo sunma tundurumarị.”

Jemụsị 4:4

Ọmịnị sunsin Tamụnọ pịrị sịkịtẹ atomi! Ó nimi-a mịnẹ ḅẹlẹma nyana tomikiri ḅẹ si-aị pịrị anie Tamụnọ na fịya-a? Tomikiri ḅẹ si-aị ḅẹlẹmaḅọ ḅẹlẹmaḅọ, mḅọ Tamụnọ na fịya-a ḅọ sọ tẹẹ.