Hosiya 7:2 - FỊAFỊA BAỊBỤLỤ

² Gbala-gbala anị ịna aḅioḅẹngbọ sọ-sọa mịnẹ mị siye mẹmgba à kẹ ḅiokoroma ḅa; kụma ịna asi in gbori-ikelema wararị, tẹ àrị inetẹ àrị ẹrị ḅịa ọkụ ofori.”

Hosiya 7:2 Iomraidhean Croise

Jobu 34:21

Anị kẹ gotẹ ọkọ mịẹarị, ori atọrụngbọ tomḅọ etela ma ḅụ emi. Tẹ ori ori amẹnjị-ḅụọ mamgba ẹrịarị.

Devidi-Anume 10:11

Si-sịḅịḅio-sụa tomḅọ ḅe amịna ḅụụ ḅẹẹarị, “Tamụnọ ọ̀ bala-a! Ori amịna atọrụngbọ gbaịn tẹ, gbala-gbala Ori ị̀ ẹrị ḅịa!”

Devidi-Anume 25:7

Ị̀ asambịrịma sakị ḅẹ asi ma na mịẹ-irima aị ma na wẹrịso ị̀ pịrị; KỊNỊNYANAḄỌ, í kuno-a ḅẹlẹma mẹ na í iḅi na ḅụ, ị̀ kẹ ḅiokoromaa!

Devidi-Anume 50:22

Ọmịnị ị̀ kẹ ye-sịn-a apụ, ó miemẹ pokii, ọkọ-a kụma àrị ọ́ ḅaa guluguluma ḅa, tẹ ọ́ ḅọrọma ḅẹ gbọrụḅọ-sọ paka ḅịa.

Devidi-Anume 9:16

KỊNỊNYANAḄỌ ḅe amịna karakara aḅẹrẹkọn ma ḅụ ọ̀ ḅụụ ḍie-pakama tẹ, tẹ si-sịḅịḅio-sụapụ ma amịẹaị ma ọnya sọ tẹ in kun sịẹma tẹ.

Devidi-Anume 90:8

Wamịna asi ma ị́ tọrọkọ emi, wamịna ḅọị tẹ asi ma í inetẹ ẹrị ḅa.

Ayịzaya 1:3

Nambulo ma sọ amịna nyanaḅọ nimi wararị, yedogi-anama sọ ịn nyanaḅọ fịye kẹ ịn pịrị fị-fị yọ nimi wararị. Kụma ị̀ atomi, Izirẹlịapụ ma nimi-a mịnẹsẹ yẹrị ịna Tamụnọ. Gbala-gbala ini aniemẹ fieye naa-a.”

Ayịzaya 26:16

KỊNỊNYANAḄỌ, í fomu-ḅara kẹ ị́ atomi pịrịm tẹ ḅioḅẹngbọ akụ ḅụ ịn nwẹnị ị́ tẹkẹ.

Ayịzaya 44:19

Oru-afụḅara mịẹarị ḅọ ḅe nimi kala ye anịanịa sịḅịḅio nyana tẹ ḅa, “À sịn mẹ ḅụ jen anga dọkịmam. Àrị anyịmgbọ mẹ ọgọnọ fịturu fọịnm, pịkị nama fọị pẹịm. Tẹ sịn mẹ ḅụ kọn ye mẹ à kẹ oru-fụḅara mịẹm. Mie yẹrịị, à tuu ideri-koro sịn ikiḅa pịrịarị!”

Ayịzaya 5:12

Ọmịna alalị ma ḅụ ọbọ na ja farị-farịaị na, ofuro-ofuro aị na emi — iru sọ. Kụma KỊNỊNYANAḄỌ ḅe mịẹarị ọ́ pịrịarị ye tiye-o tiye-o ó nimi-a,

Jerimaya 14:10

KỊNỊNYANAḄỌ ḅe mịna apụ ma gboloma ye ḅụ ḍukoarị: “ini ị̀ ḅụụ mangị-so ḅẹlẹmarị, tẹ ini ịna ḅụụ ọlọ ḅịa. Mie ḅụ ịna mịẹ ye ị̀ ḅụụ ḅẹlẹ-a. Ịn mịẹ tẹ iri-aị ma à kẹ ḅiokoroma ḅa, tẹ fomu-ḅara kẹ ịn pịrị ḅa ịna asi ẹrẹsị.”

Jerimaya 16:17

Ịn mịẹarị ye goyegoye arị ẹrịarị. Gberie sọ ị̀ ḅụụ ḅụ kikima-a; ịna asi ma ị̀ tọrụ gbarị-a.

Jerimaya 17:1

KỊNỊNYANAḄỌ ḅe mẹẹ, “Juda ḅẹ apụ, ọmịna si mẹ ikulele ḍiri kẹẹ ye mie ịn kẹ anị kẹẹ yee; damịnị ḅịḅị nyana ye-kẹẹ-ye mie ịn kẹ anị kẹ ọmịna aḅioḅẹngbọ ḅụ kẹẹ ye, pịkị ọmịna agbamịẹ-anga ma ịkọlị ma ḅụ na.

Jerimaya 2:19

Ị́yẹrị ḅarana mịẹ si mie ị́ fomu ḅarịye, ị́ ị̀ ḅụụ pịkị-so ye mẹ ḅẹrẹ kọn ị́ ḅara sima ḅa. Ị́ ḍawọ ḅo ḅa anị akụ tẹ kura-a la ḅara ị́ KỊNỊNYANAḄỌ ị́ Tamụnọ ḅe koroma mangị-so ye mẹ tẹ ḅarị jen kẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ, Kụrọmamgba Nyanaḅọ ḅe ọkọ ḅẹẹm.”

Jerimaya 32:19

Nimi aị mie ị́ tọn koromarị, tẹ opu kụrọ nyana aị mịẹarị; tomi mịẹarị ye goyegoye ị́ ẹrịarị, tẹ ị́ ịna amịẹaị sime-ḅara ḍiki tẹ gbẹẹ-ye kẹ ịn pịrịarị.

Jerimaya 4:18

Juda, í miemẹ ọkị-ḅo ị́ ọgọnọ gbanam, ị́ wẹrịtẹ ḍumo kọn ḅara na ị́ mịẹ tẹ aị na ḅụ. Í si mịẹ tọrụsiẹrị mẹ dogi-ḅom; anị gbala-ḅọrọ ogie sọ tẹ í ḅioḅẹngbọ temi tolu-ḅọrọtẹ.

Jerimaya 44:21

“Àrị agba ma tẹ ọmịnị na ọmịna elemu-aḍapụ ma na, ọmịna amadapụ na, ọmịna sịḅịdapụ na, amakiri mẹ ḅẹ apụ ma na mịẹ aị ma, Juda ḅẹ ama ma ḅio na Jeruselemu etela-ogbo ma ḅio na ọ́ sịn-arị KỊNỊNYANAḄỌ ḅe ori arị gboloma ye nimi-a, anịanịa ọ̀ kẹ ḅioḅọrọma?

Izikẹlị 21:29

Ọmịnị ẹrịarị ịkịan ma papaa aị, tẹ tọrọkọ-jụ paka ḅa nwẹn ḅẹẹ tẹ ò ḍukoarị aị ma sọ iruo aị. Ó si-sịḅịḅio-sụa wararị pịkị si wararị, tẹ ọmịna eneḅaka ḅoarị, ọmịna kunoma fomu-ḅara ene mẹ. Okologie mẹ ọmịna akọngọ koro ḅẹ-yearị.

Hosiya 12:2

KỊNỊNYANAḄỌ nyana tẹ kẹ Izirẹlịapụ ma sịḅị-sẹịn ḅẹ ye emi, ọ̀ pịkị Juda fomu ḅa árị atomi ye mịẹarị ḅara gotẹ. Ori ịn mịẹ tẹ aị mamgba kẹ ịn gbẹ ḅa.

Hosiya 4:9

Tomi ma daarị gbọrụ fomu-ḅara mẹ mie ọmịnị sọ da ḅarịye! Arị ó fomu tẹ mịẹtẹ ọmịnị ọ́ mịẹ tẹ si mẹ gbẹẹ-ye nyana ḅa.

Hosiya 6:2

Maa aḍin anịanịa tẹra aḍin sakị ḅụ ọ̀ mịẹ tẹ wa naa saakị ḅa, tẹ wa ọ̀ tọrọkọ anga ḅa.

Hosiya 8:13

Ini agbamịẹ-mịẹ ị̀ pịrị tẹ arịḅẹ nama mẹ pẹịarị. Kụma yẹrị KỊNỊNYANAḄỌ ḅe, ịna mịẹ ye ḅẹlẹma-a, tẹ mịọkụ arị ịna si kẹ ḅiokoroma tẹ anị gotẹ in fomu ḅa; arị ịn kẹ pịkị Ijiputi fịrịma ḅa!”

Hosiya 9:15

KỊNỊNYANAḄỌ ḅe ḅẹẹarị, “Ịna si mịẹ ye mẹmgba Giligalị ḅụ saakịm. Anị anga mie à saakị in ḍiki-ḅioḅu ye. Tẹ ịn mịẹ tẹ siye mẹ ẹrẹsị, àrị ị̀ amakiri ḅụ in dee-pakama ḅa. À ḅarị jen kẹ ịn ḅẹlẹma ḅịa; ịna sịḅịdapụ mamgba kọngọ-kụrọma ị̀ pịrị tẹẹ.

Hosiya 9:9

Ịn mịẹarị siye ḅụ ịn kẹ mịẹ-mịẹ ye ḅarị ofori, anie Gibiya ḅụ in sime sakị ịn mịẹ-mịẹ gbọrụ ḅara mẹ. Tamụnọ ịna si kẹ ḅiokoroma tẹ anị gotẹ in fomu ḅa.

Emọsị 8:7

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe karị tẹẹ, “Gbala-gbala ịna si amịẹaị ma à kẹ ḅioḅọrọma ḅịa.

Jona 1:2

Ori mẹẹ, “Saakịị! Fọnya Ninive opu ama mẹ muu, tẹ ḍuko ịn pịrị in si mịẹ tẹẹ. Ịna si-sịḅịḅio la ḅara mẹ à nimi wararị.”

Kịẹn-aḅịḅị 32:23

Kụma ọmịnị ọkọ mịẹ ḅịa ḅẹḅẹ, ó si kẹ KỊNỊNYANAḄỌ ḅe mịẹ tẹ, anịsakị piki-pikiye-ofori ḅara ḅụ ó nimii, ọmịna si ọ́ ḍọkị pakama-ḅo ḅa.

Luku 12:2

Gbaịn wararị ye goyegoye anị finji ḅa, tẹ ḅọị ye tẹ tomi nimi ḅịa ye pịkị ofori.

1 Kọrịntị 4:5

Anie mịẹ tẹ, sakị mẹ amụ la-a ogbo ọ́ ḅẹrẹ-ḅarasii pẹlẹ gbọrụḅọ-sọ pịrị ma. Kunoma ḅẹrẹkọn mẹ koru mu KỊNỊNYANAḄỌ ḅe sakị la, tẹ mịọkụ kanakana ḅio kikima wararị aị mamgba, ori ọkị-ḅo bele ḅio sara fama tẹ, pịkị tomina ḅioḅẹngbọ jụ ḅio simearị akuroma mamgba pakama-ḅo fama ḅa. Anị ḅo ọkọ la sakị ọrụḅọ-ọrụḅọ Tamụnọ ḅara mḅọ la tokini nyana ḅa.

Ditẹrọnọmị 32:29

Ịn ye-nimi namịna, ịn miemẹ fieye naa ḅa, ini ịna kunoma sime ḅẹ ḅara sẹlẹ nimi ḅa.

Hiburu 4:13

Tamụnọ ḅụ inetẹ kikima ḅarị gberie-sọ ofori, ori tẹmẹ ye goyegoye ọ̀ tọrọkọ finji sara wararị. Anịsakị ori mie wa pịkị kọn-arị mẹnjị kọn-arị mẹnjị ḍuko pịrị ḅarị ḅọ.