Hosiya 7:1 - FỊAFỊA BAỊBỤLỤ

¹ “Àrị ị̀ atomi Izirẹlị gwọ tẹ ịn mịẹ tẹ ịn sin lọkọlọkọ ḅẹ sakị goyegoye àrị ẹrị ye anie ịna si-sịḅịḅio na ịn mịẹarị siye na. Ịn jụmọ-jụmọ mingirimarị; ịn warị-warị kan sọ-sọ tẹ furuarị, etela ma ḅụ ịn kịnị aḅara ye pụkọ-pụkọ ọkịarị.

Hosiya 7:1 Iomraidhean Croise

Ayịzaya 28:1

Izirẹlị ḅẹ ama-da kiri mẹ fa tẹ! Anị ḅẹ ebube mẹ iru ḅuu tọrụ-ḅaamatẹ ḅẹrẹtọn apụ asịḅị ḅụ sime tẹ fịlawa ama-da sun kịka tẹ ḍisiarị. Ịna ḅụụ-gelema asịḅị ma ḅụ ịn kụnụaị kẹ sara lama wararị, kụma anịanga iru ịn ḅaa ḅọlọlọma wararị.

Ayịzaya 59:12

“KỊNỊNYANAḄỌ, wa kẹ ị́ mịẹ tẹ asi-aị ḅakam. Wamịna asi ḅẹrẹ kẹ wamịna ọgọnọ gbanarị. Wa arịmgba nimi lama wararị.

Ayịzaya 59:13

Wa kọngọ-kụrọma ị̀ pịrị tẹẹ, ị̀ sịkị tẹẹ, pịkị ḍụkụ tẹ ì ḍukamẹnjị-a. Wa jen-apụ ponoma tẹ ọḅụ kẹ ì gbin tẹ. Wamịna akuroma ma papaa aị; wamịna ẹkwẹn ma iruo aị.

Ayịzaya 59:14

In tomḅọ la kiri kẹ mḅọ pịrị dee-siin tẹẹ, tẹ kuraye mịẹ ḅarị inetẹ ḅo kpeki-a. Karakara ama-karakara-ogbo ḅụ mbelembelearị, tẹ anịanga kịnị mingirima-mingirima-a mịẹ gbọrụ kiri sọ ḍọkị ẹrị-a.

Jerimaya 51:9

Jen asịẹ ḅẹ apụ ḅẹẹm, ‘Wa ḅụụkụrọma tẹ ḅarasụa Babịlonịya pịrị ḅẹẹm, kụma sakị fa ḅaka tẹẹ. Ò yee wa á wẹrịso mịọkụ mẹ ḅụ, tẹ so ama mu. Tamụnọ ori opu kụrọ mẹmgba kẹ Babịlonịya fomu tẹ anị guluguluma fama tẹẹ.’ ”

Izikẹlị 16:46

“Ị́ mịnaḅọ ẹrẹḅọ omongiḅọ anie Sameriya, ọgọnọ-jụ da anga emi ama mẹ, árị na árị akala-ama ma na. Ị́ mịnaḅọ kala ẹrẹḅọtụḅọ, na arị akala-ama ma na, anie Sọdọmụ, abajị-suku da anga ḅụ.

Izikẹlị 23:4

Omongiḅọ ma ịn kẹ à sịn ye Ohola — árị á sịẹ Sameriya pịrịm, tẹ kalaḅọ ma ẹrẹ Oholiba — árị á sịẹ Jeruselemu pịrịm. Àrị ini maa apụ ma ịyam, tẹ ini awọ iyi ị̀ pịrịm.

Izikẹlị 24:13

Jeruselemu, ị́ kọn sẹfị si mẹ í pilema tẹẹ. Tụkụmaye àrị ị́ kpaịnma ḅẹ mịẹm sọ ị́ paa pile tẹ simearị. Ị́ ḅarị jen kẹ kpaịn ḅịa nwenii ị́ ị̀ ịganị ḅẹ kụrọ laa ḅiri laa ḅiri da sakị la ḅa.

Hosiya 10:5

Sameriya opu ama mẹ ḅio angarị apụ ma ḅalafa tẹ kururu ḅa Bẹtẹlị ḅẹ golu nambulo ḅe fa mẹ gotẹ. Ini na agbamịẹapụ ma tẹ fịrịmẹnjị mḅudu mẹ pịrịarị apụ ma na owu anị pịrị ḅa. In pee-peema owu ḅa ini anị ḅẹ golu-golu iḅi ebube mẹ kpọrọnị sin-arị sakị.

Hosiya 11:12

KỊNỊNYANAḄỌ ḅe ḅẹẹarị, “Izirẹlịapụ ma iruo-iruo-iruo na oḅori-kẹ-kịnịsịn na kẹ ì gbori-ikelema tẹẹ, tẹ Juda ḅẹ apụ ma paa kọngọ-kụrọma ị̀ pịrịarị, yẹrị sịrẹrẹ na-iḅi pịkị Fịafịa Tamụnọ ḅe.”

Hosiya 11:8

Izirẹlị, ndẹẹ à gotẹ ị́ ḅụ ḅara-siin ḅẹ ḅara? Ndẹẹ àrị inetẹ ị́ kẹ gbin koroma so ḅẹ ḅara? Àrị à kẹ Adima mịẹ ḅara kẹ inetẹ í guluguluma ḅẹm aro? Anịanịa Zeboyimu na mịẹ ḅara kẹ ị́ na mịẹ? Ì ḅioḅẹngbọ ḍụkụ tẹ àrị anị mịẹ ḅịa! À nyana ị́ pịrị ḅẹlẹma kụrọ ḅakam.

Hosiya 12:1

Izirẹlịapụ ma mịẹ arị ye goyegoye, dee-dee ḅụ ọkị mu ḍin la, kẹ mịẹ ye ḅụụ sun-suu ye ofori pịkị ye guluguluma ye. Mbasị na gbiri-gbiri-gbiri na ịna ogboku ḅaka tẹẹ. Ini Asiriya na ọḅọkụ fị tẹ Ijiputi na ọḅụ mẹnjịarị.

Hosiya 12:2

KỊNỊNYANAḄỌ nyana tẹ kẹ Izirẹlịapụ ma sịḅị-sẹịn ḅẹ ye emi, ọ̀ pịkị Juda fomu ḅa árị atomi ye mịẹarị ḅara gotẹ. Ori ịn mịẹ tẹ aị mamgba kẹ ịn gbẹ ḅa.

Hosiya 4:17

Izirẹlịapụ ma oru-afụḅara ịn pilema wararị. Wẹrịso ini ịna ḅara-kuḅu ḅẹ etela mu.

Hosiya 4:2

In ye minini-minini tẹ in minini ḅara kan-arị; ini iruoarị, kịnị ḅaarị, furuarị, tẹ pịkị sẹfịarị. Si amịẹaị ḅaka-ḅaka-ḅakarị tẹ in tomi ḅaa-ḅaa sararị.

Hosiya 5:1

“Ó miemẹ pokii, ọmịnị agbamịẹapụ! Izirẹlịapụ, ó ḅeri-tokolomaa! Ó pokii, ọmịnị amada-furo mẹ ḅẹ apụ! Kịnị ọmịnị inoma ofori ḅẹrẹ kọn ḅẹ tọrụ kẹ ó ḍikiarị — mie ḅụ ḅẹrẹkọn ọmịnị ọgọnọ gbana ḅa! Ó tuu wararị ọnya sọ wararị Mizipa ḅụ, sụa ịgbọ Tabọ Tụndụ ọgọnọ ḅụ,

Hosiya 6:4

Kụma KỊNỊNYANAḄỌ ḅe ḅẹẹarị, “Izirẹlị na Juda na, àrị ọ́ kẹ mịẹ ḅẹ-yearị ye tiye? Ọ́ nyana ị̀ pịrị ḅẹlẹma sarama soarị ḅara dede si-so kaan-so ḅara anị dede igirigi kịkarị anie dede-funfun ịmaịn-faarị ye mẹ.

Hosiya 7:13

“Ịn fatẹ! Ini ì koroma-so tẹ pịkị kọngọ-kụrọma ị̀ pịrị tẹ. In gulugulu ḅa. Àrị ịn ḅọrọma ḅẹ ḅiim, kụma ịn kẹ sunsin ị̀ pịrịarị ḅara mẹ kura-a.

Hosiya 8:5

À Sameriya opu ama mẹ ḅẹ apụ ma sunsin pịrịarị golu mḅudu mẹ ḍiki-ḅioḅuarị. Àrị ịn gotẹ ịganị ḅụramarị. Mu tọ sakị la tẹrẹmẹ ini ịna oru-afụḅara tẹkẹ mẹ ḅụ ḅara-siin ḅẹ?

Hosiya 8:9

Izirẹlịapụ piri-ḅio-ḅẹ asụ kịka tẹ kọngọ-kụrọma tẹ ịna etela muarị. In so Asiriya ḅarasụa ḍọkị ḅẹ muarị, tẹ osi asịẹ ma ọkọ tẹ ini ịn gbaịn.

Emọsị 3:10

KỊNỊNYANAḄỌ ḅe ḍukoarị, “Mịna atomi ma si ḅọkọ ḅụ na kụrọ-kụrọ ḅara na kẹ nyana aị kẹ ịna opu awarị ma ḅio suu ḅinma wararị. Jụmọ inoma-a ḅara kẹ ye-mịẹmịẹ-ḅara kịngẹ sọ in nimi-a.

Emọsị 3:9

Ḍuko wasama Ijiputi na Asịdọdị na ḅẹ ama-da opu awarị ma ḅio angarị apụ ma pịrị: “Ó ḅo Sameriya gbori-ikelema wararị atụndụ ma ọgọnọ kobiri tẹ opu pikiri-pikiri na si-amịẹaị tẹ anịanga ịn mịẹarị aị na ẹrị.”

Emọsị 8:14

Sameriya ḅẹ oru-afụḅara ma kẹ ye karị tẹ ḅẹẹarị apụ ma, ‘Danị ḅẹ oru-tamụnọ ḅe ẹrẹ ḅụụ’, anịanịa ‘Biyasẹba ḅẹ tamụnọ ḅe ẹrẹ ḅụụ’ — arị apụ ma ịn ḅịkị tẹ ḅarị jen kẹ saakị ḅịa.”

Mayịka 6:16

Miemẹ mịẹ ḅa, kẹ gotẹ ọkọ ḅẹẹarị, Ama-da Omuri kan wararị oloko ma na, ori owiḅọtụḅọ Ama-da Ehabụ warị mẹ ḅẹ si amịẹaị mie ó koko tẹ mịẹarị, tẹ ịna atoluma-aị ma ḍiki-mẹnjị tẹ; ọkọẹrẹsị arị ọ́ kẹ fatẹ yọ sọma ḅa, tẹ ḅẹḅọ-ḅẹḅọ ó ḍiki-sima ḅa. Ḅẹẹ-anga ḅẹẹ-anga ḅụ tomi-kụlọkụlọ ma ḅarị ọ́ kẹ ye sịn ḅịa.

Matiyo 23:37

“Jeruselemu, Jeruselemu! Ị́yẹrị ịkịankoroapụ ma ḅaa tẹ pịkị ḍụḅarị kẹ Tamụnọ kẹ oku kẹ ị́ fịrịma apụ gbin-arị ama! Nda asakị à nwẹn kẹ ị́ atomi mamgba kobiri ì kuḅu ḅio suu ḅẹ ḍọkị tẹ, ịyọrọ ọḅọkọ pamba kẹ amịna awọmẹ gbaịn ḅara, kụma ị́ ḍụkụ ị̀ pịrị-a!

Luku 13:34

“Jeruselemu, Jeruselemu! Ị́yẹrị ịkịankoroapụ ma ḅaa, tẹ, pịkị ḍụḅarị kẹ Tamụnọ kẹ oku kẹ ị́ fịrịma apụ gbin-arị ḅọ! Nda asakị à nwẹn kẹ ị́ atomi mamgba kobiri ì kuḅu ḅio suu ḅẹ ḍọkị tẹ, ịyọrọ ọḅọkọ pamba kẹ amịna awọmẹ kobiri gbaịn ḅara, kụma ị́ ḍụkụ ị̀ pịrị-a!

Luku 19:42

tẹ ḅẹẹ, “Mimgbe mịmgba ḅẹ eneḅaka mẹ ḅụ í dein ḅọrọ ḅo ị́ la ḅẹ ḅọkọ nimi namịna! Kụma mịọkụ ị́ ḅarị inetẹ anị ẹrị ḅịa!