Hosiya 5:3 - FỊAFỊA BAỊBỤLỤ

³ Izirẹlị kịkarị ye à nimi wararị — árị inetẹ kẹ ị̀ ḅọịma ḅịa. Á ḅioḅẹngbọ kẹ ḅụụ ḅụ gbana na-iḅi-a ḅara sime tẹẹ, tẹ arị atomi ma in sunsin ị̀ pịrị gbẹẹ-a.”

Hosiya 5:3 Iomraidhean Croise

Ayịzaya 7:16

Tẹrẹmẹ ḅo anị sakị la sọ, ị́ tẹmẹ-naịn-naịnmarị maa amadapụ ma amakiri ma tomi arị koroma mangị faa ḅa.”

Ayịzaya 7:17

KỊNỊNYANAḄỌ ḅe ọkị-ḅo ị́yẹrị na, ị́ atomi na, í bebe amada-furo mẹ na ọgọnọ gbana ḅẹ-yearị opu ḅụụ-fụka mẹ, sii Izirẹlị sịẹ mẹ Juda ḅụ puu so kụra ḅio ḅo ọ́ la tẹ ye nẹngị ḅa — ori Asiriya ḅẹ amadaḅọ kẹ ḅoarị.

Ayịzaya 7:5

Siriya, Izirẹlị na amịna amadaḅọ na kẹ amịna ḅụ sụatẹ si ḅẹrẹ ḅịya tẹ.

Hosiya 1:2

KỊNỊNYANAḄỌ ḅe tarị-tarị Hosiya ḅụ ḅọrọ tẹ ẹkwẹn Izirẹlị pịrị sakị, ori Hosiya ḅẹẹm, “Mu ẹrẹḅọ simee; ị́ ta ma á sẹfị ḍumo kọn ḅa, tẹ ị́ awọmẹ sọ á kịka tẹ á sime-ḅara sime ḅa. Anị gbọrụ ḅara ḅụ, ị̀ atomi sẹfị tẹ ì koroma-so tẹẹ.”

Hosiya 12:1

Izirẹlịapụ ma mịẹ arị ye goyegoye, dee-dee ḅụ ọkị mu ḍin la, kẹ mịẹ ye ḅụụ sun-suu ye ofori pịkị ye guluguluma ye. Mbasị na gbiri-gbiri-gbiri na ịna ogboku ḅaka tẹẹ. Ini Asiriya na ọḅọkụ fị tẹ Ijiputi na ọḅụ mẹnjịarị.

Hosiya 13:1

Ḅọrọtẹ sakị ḅụ, Iferemu furo-ḅẹ-apụ ma ẹkwẹn kụma Izirẹlị ḅụ osi afuro ma ḅalafaam; ịn tọrụ saakị Iferemu ḍikim. Kụma tomi ma si mịẹm sunsin Balị pịrị ḅụ, tẹ mie gotẹ ịn fịị ḅa.

Hosiya 13:5

Àrị ó koko tẹ ọ́ pịrị fịm, ịkpa mẹ ḅio.

Hosiya 5:11

Izirẹlị ponoma tọrụsiẹrị ẹrịarị; árị á soku-ḅẹ kiri fama tẹẹ; àrị inetẹ ḅarasụa á pịrị ḅịa apụ dama-mua mu-a ịgbanịarị ẹrẹsị.

Hosiya 5:13

“Izirẹlị árị obi la ḅara ẹrị sakị, tẹ Juda á la aị ḅẹ ịnọ ma ẹrị sakị, Izirẹlị nwẹnị Asiriya mu tẹ tomikiri mẹ daarị opuḅọ ḅe ḅara ḅarasụa ḅii, kụma ori inetẹ ịn gwọ-a anịanịa ịna ịnọ ma mịẹ ḅịyama.

Hosiya 5:9

Fomu-ḅara ene ḅoarị, tẹ Izirẹlị faa-fama ḅa. Izirẹlịapụ, miemẹ paka-a so ḅịa!

Hosiya 6:10

À sịḅị-jịrịmaye ẹrị tẹẹ Izirẹlị ḅụ: ị̀ atomi ịna aḅụụ pilematẹ sunsin oru-afụḅara pịrị ḅụ.

Hosiya 6:4

Kụma KỊNỊNYANAḄỌ ḅe ḅẹẹarị, “Izirẹlị na Juda na, àrị ọ́ kẹ mịẹ ḅẹ-yearị ye tiye? Ọ́ nyana ị̀ pịrị ḅẹlẹma sarama soarị ḅara dede si-so kaan-so ḅara anị dede igirigi kịkarị anie dede-funfun ịmaịn-faarị ye mẹ.

Hosiya 8:11

“Izirẹlịapụ ma si siin ḅẹ agbamịẹ-anga nama-nama-namarị ḅara, anie ịn pịkị si mịẹ ayọ nyana-nyana-nyanarị ḅara.

Emọsị 3:2

Tomikiri emi asịẹ mamgba ḅụ ọmịnị ngẹrị mie à nimi wararị, tẹ pịkị kokoarị apụ. Aniemẹ mịẹ tẹ ọmịna asi mị-ḅara kẹ ḅalafama ḅakarị, tẹ anie mịẹ à gotẹ ó fomu ḅarịye.

Emọsị 5:12

Ọmịna asi ma ḅalafama la ḅara à nimi wararị, na tọnwa si-amịẹaị tẹ ọ́ mịẹ tẹ aị ma la ḅara na. Ọ́ ḅaa-ḅọkọ kẹ iḅi atomi ma ḍọkịarị, ọḅụ-fịarị, tẹ igoinḅọ ḅe kikiarị, karakara ḅẹrẹkọn nyana ḅụ ḅẹrẹ-siri ḅụ.

Ditẹrọnọmị 33:17

Ọ̀ nambulo tarị iyi owi-nambulo ama-da opu nyanam, tẹ ori ịfalị ma anie piri-ḅio-ḅẹ pootẹ-nambulo ịfalị. Ori arị kẹ tomi-kụlọkụlọ ma sukuruma ḅa inimgba sukuruma mu tomikiri mẹ ḅẹ akunoma ḅụ sara ḅa. Anị ḅara mie anị sime Iferemu puku sọnọ ẹndẹ finji-finji ma pịrị ḅara, anị ḅara mie anị pịkị sime Manasẹ maa ẹndẹ oyia asi finji-finji ma pịrị ḅara.

Hiburu 4:13

Tamụnọ ḅụ inetẹ kikima ḅarị gberie-sọ ofori, ori tẹmẹ ye goyegoye ọ̀ tọrọkọ finji sara wararị. Anịsakị ori mie wa pịkị kọn-arị mẹnjị kọn-arị mẹnjị ḍuko pịrị ḅarị ḅọ.

Mịẹfinji 3:15

Ị́ kọrị tẹ kọrịnama mẹ à nimi wararị; à nimi wararị mịnẹ ị́ ọfịrị-a, ị́ pịkị oḅoku-a. Mimgbe anị ị̀ ḅụụ ḅẹlẹ lama tẹ, mịnẹ ị́ ọfịrịm, anịanịa ị́ oḅokum.