Hosiya 5:2 - FỊAFỊA BAỊBỤLỤ

² pokolotẹ olulu Akasiya Opu ama ḅụ, tẹ à fomu-ḅara kẹ ọmịnị-mgba pịrị ḅa.

Hosiya 5:2 Iomraidhean Croise

Ayịzaya 1:5

Tiye ẹrẹsị ọ́ paa kọngọ-kụrọma ma-mu ḅẹ mọ? Ó ḅiiarị ọ́ paa fomu-ḅara da tọrọkọ-tọrọkọ mu? Izirẹlịapụ, ọmịna asịḅị puu tẹẹ, anịsakị ọmịna aḅioḅẹngbọ sọ obiarị.

Ayịzaya 29:15

Tọn tẹ mịẹ ḅẹ aị kẹ KỊNỊNYANAḄỌ ḅe ḅọịmarị apụ ma ịn fa tẹ! Ḅọị anga mie ini ịn tọn wẹrị aị ma mịẹarị, tẹ kuromarị mịnẹ gbọrụḅọ-sọ ini ẹrị-a, anịanịa ịn mịẹarị aị ma nimi.

Jerimaya 18:18

Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Jerimaya 5:3

Tụkụmaye, KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi ḅara sime ḍumo ẹrị ḅẹ-ḅiiarị. Ọ̀ kụrọma ye kẹ ó fomum, kụma ọ́ bala-a; Ori ọ́ gbẹẹ-kọsịmam, kụma ọ́ ḍụkụ tẹ ye ḍawọ-a. Ọ́ kọngọ-kụrọma tẹ ọmịna asi ḅụ pịkị ḍụkụ-a.

Jerimaya 6:28

Inimgba kọngọ-kụrọma tẹ ḅiotọn ye kịngẹ mịẹarị apụ, ojo na ikulele na kụrọ ḅara kụrọ. Inimgba ḅụrụ-kọsị wararị, mẹnjị ma ḅọrọ tẹ ịba-fị ama ikelema.

Hosiya 4:2

In ye minini-minini tẹ in minini ḅara kan-arị; ini iruoarị, kịnị ḅaarị, furuarị, tẹ pịkị sẹfịarị. Si amịẹaị ḅaka-ḅaka-ḅakarị tẹ in tomi ḅaa-ḅaa sararị.

Hosiya 6:5

Anie mie à gotẹ ị̀ ịkịankoroapụ kẹ ọ́ fịrịmarị ini ị̀ ḅẹrẹkọn na guluguluma na oku kẹ ḅo ọ́ pịrị. Àrị ọmịna ḅara ḅiiarị ye banabana wararị pịkị giregire wararị:

Hosiya 6:9

Agbamịẹapụ ma kịkarị apụ kụrọ-ḅara kẹ ja apụ aị ọkị ḅẹ tẹ piri akaka tomḅọ ẹbịarị apụ ogbo. Mẹnjị Sẹkẹmụ ḅụ ḅọrọ mu fịafịa yọ la-la etela ogbo mẹ kịngẹ ḅụ sọ ịn kịnị ḅaarị. Tẹ mị si mẹmgba ịn tọrụ-gelegele mịẹarị!

Hosiya 9:15

KỊNỊNYANAḄỌ ḅe ḅẹẹarị, “Ịna si mịẹ ye mẹmgba Giligalị ḅụ saakịm. Anị anga mie à saakị in ḍiki-ḅioḅu ye. Tẹ ịn mịẹ tẹ siye mẹ ẹrẹsị, àrị ị̀ amakiri ḅụ in dee-pakama ḅa. À ḅarị jen kẹ ịn ḅẹlẹma ḅịa; ịna sịḅịdapụ mamgba kọngọ-kụrọma ị̀ pịrị tẹẹ.

Mịẹfinji 3:19

À ḍiki ịganị tẹ fomu-ḅara kẹ pịrịarị apụ mamgba anie à ḅẹlẹmarịapụ. Ọkọẹrẹsị, ḅụụ sarasara tẹ ị́ asi ḅụ pịkịị.