Hosiya 4:9 - FỊAFỊA BAỊBỤLỤ

⁹ Tomi ma daarị gbọrụ fomu-ḅara mẹ mie ọmịnị sọ da ḅarịye! Arị ó fomu tẹ mịẹtẹ ọmịnị ọ́ mịẹ tẹ si mẹ gbẹẹ-ye nyana ḅa.

Hosiya 4:9 Iomraidhean Croise

Egberima-Ẹkwẹn 11:31

Iḅi atomi mịẹ ye tomikiri ḅụ, ini ịna gbẹẹ-ye nyanarị; mie ḅụ í inetẹ nimi ḅa mịnẹ si-sịḅịḅio-sụa si-mịẹapụ ma sọ amịna gbẹẹ-ye nyana ḅa.

Egberima-Ẹkwẹn 12:14

Ị́ gbẹẹ-ye sịrẹrẹ wararị anga anie ị́ ḅịḅị-ḅio paka-ḅo ẹkwẹn na, ị́ ḅara kẹ kọrị ḅo ye na ḅụ: ị́ la kiri mie ị́ ọkị ḅarịye.

Egberima-Ẹkwẹn 5:22

Si-sịḅịḅio-sụa tomḅọ ḅe asi ma ọnya sọ wararị. Ò si ḅụ ḅẹ ịgbọ tolu mẹ ò kun sịẹmarị.

Ayịzaya 24:2

Tomḅọ goḅọ-goḅọ, gbọrụ siye mẹ mie mḅọ ḅụ paka ḅarịye — agbamịẹapụ ma na tomi ma na, omoniapụ na ịn nyana apụ na, fẹ-apụ na dẹrị-apụ na, igbigi kẹ kịnị ḅọlọarị apụ na igbigi ḅọlọ apụ na, ngọ-kọn apụ na igoin-apụ na.

Ayịzaya 3:10

Karakaraye-mịẹapụ ḅioḅẹlẹ ḅa, tẹ ye pịkị ini na iḅi ḅa. Ini ịn kọrị ḅo ye ḅẹ iḅi fị ḅa.

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Izikẹlị 44:10

KỊNỊNYANAḄỌ ḅe ị̀ ḅẹẹm, “À fomu-ḅara kẹ arị Livayị apụ ma pịrịarị, anie osi Izirẹlịapụ ma ḅụụ sọ tẹ ị̀ ḅụụ mangị-so tẹ mu sunsin oru-afụḅara pịrị apụ ma.

Izikẹlị 44:12

Kụma ini mie Izirẹlịapụ sunsin oru afụḅara pịrị mẹ ye ḅụ anị kẹ ọrụtọn ye, tẹ mịẹ ḅọkọ ḅụ ịn ḅọrọ tẹ tomi ma da si ḅụ suum, Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅẹ tẹmẹ-la ḅara kẹ karị tẹ mịnẹ in fomu-ḅara da-a ofori.

Hosiya 1:4

KỊNỊNYANAḄỌ ḅe nwẹnị Hosiya ḅẹẹ, “Jẹzirili kẹ ọ̀ sịịn, kẹ gotẹ ọkọ ḅẹẹarị, ala ḅịa sakị ḅụ, àrị ori elemu ḍaḅọ Jehu Jẹzirili ḅụ kura-a ḅara kẹ ḅaa apụ ma gbẹẹfị fomu-ḅara kẹ Izirẹlị ḅẹ amadaḅọ ḅe pịrị ḅa. À Jehu amada-furo mẹ kunoma ḅa.

Hosiya 10:10

Àrị owu kẹ mịna si-mịẹapụ ma paka tẹ in fomu ḅa. Sịẹ-sịẹ ma ḅo gboloma tẹ ini na tụḅụrụ ḅa, tẹ ini ịna tọnwa asi ma ḅẹ fomu-ḅara da ḅa.”

Hosiya 12:2

KỊNỊNYANAḄỌ nyana tẹ kẹ Izirẹlịapụ ma sịḅị-sẹịn ḅẹ ye emi, ọ̀ pịkị Juda fomu ḅa árị atomi ye mịẹarị ḅara gotẹ. Ori ịn mịẹ tẹ aị mamgba kẹ ịn gbẹ ḅa.

Hosiya 12:3

Ịna elemu ḍaḅọ Jekọbụ ḅe ori iyimbere Ịsọ maa apụ awọmẹ ḅe na nụnụam ini ịna iyingiḅọ furo ḅio ḅụ ịn paa emi ogbo; Jekọbụ ḍụḅa paka-ḅo sakị, ọ̀ Tamụnọ na owu-sọm —

Hosiya 7:2

Gbala-gbala anị ịna aḅioḅẹngbọ sọ-sọa mịnẹ mị siye mẹmgba à kẹ ḅiokoroma ḅa; kụma ịna asi in gbori-ikelema wararị, tẹ àrị inetẹ àrị ẹrị ḅịa ọkụ ofori.”

Hosiya 8:13

Ini agbamịẹ-mịẹ ị̀ pịrị tẹ arịḅẹ nama mẹ pẹịarị. Kụma yẹrị KỊNỊNYANAḄỌ ḅe, ịna mịẹ ye ḅẹlẹma-a, tẹ mịọkụ arị ịna si kẹ ḅiokoroma tẹ anị gotẹ in fomu ḅa; arị ịn kẹ pịkị Ijiputi fịrịma ḅa!”

Hosiya 9:15

KỊNỊNYANAḄỌ ḅe ḅẹẹarị, “Ịna si mịẹ ye mẹmgba Giligalị ḅụ saakịm. Anị anga mie à saakị in ḍiki-ḅioḅu ye. Tẹ ịn mịẹ tẹ siye mẹ ẹrẹsị, àrị ị̀ amakiri ḅụ in dee-pakama ḅa. À ḅarị jen kẹ ịn ḅẹlẹma ḅịa; ịna sịḅịdapụ mamgba kọngọ-kụrọma ị̀ pịrị tẹẹ.

Hosiya 9:9

Ịn mịẹarị siye ḅụ ịn kẹ mịẹ-mịẹ ye ḅarị ofori, anie Gibiya ḅụ in sime sakị ịn mịẹ-mịẹ gbọrụ ḅara mẹ. Tamụnọ ịna si kẹ ḅiokoroma tẹ anị gotẹ in fomu ḅa.

Zẹkaraya 1:6

Ị̀ afịrịmẹnjịapụ ịkịankoroapụ ma ḅụ à ḅọrọ tẹ oloko sụa-sụa ịn pịrị tẹ ịna aḅeri nụnụm, kụma ini arị kẹ ye-sịn-a tẹ anị dogi-ḅo ḅụụ-fụka dam. Anịtẹso in si-ḅụ-pịkị tẹ nimim mịnẹ yẹrị Kụrọmamgba nyana KỊNỊNYANAḄỌ ḅe mie in fomu ye ịn da na-iḅi ḅara ḅụ, à pịkị tọn pẹlẹm à mịẹ ḅẹ ḅara.’ ”

Matiyo 15:14

Ọmịnị ịn bala ma! Ini ma anie tọrụngbọ-pụụntẹ-apụ tẹ jen tọrụngbọ-pụụntẹ-apụ tọrọkọ-tarị apụ; tẹ tọrụngbọ-pụụntẹḅọ jen tọrụngbọ-pụụntẹḅọ tọrọkọ-tarị sakị goyegoye, ini maa apụ ma mu ḅịkị olulu ḅio sọ ḅa.”