Hosiya 4:8 - FỊAFỊA BAỊBỤLỤ

⁸ Ị̀ atomi asi ḅụ mie ọ́ ḅọrọ tẹ ngọ-kọn-arị, tẹ mie ḅụ ó ḅiiarị in si mịẹ tọrọkọ-tọrọkọ mu.

Hosiya 4:8 Iomraidhean Croise

2 Amadapụ 12:16

Ḅẹrẹ-ḅarasii agbamịẹ-aị ḅụ ḅo igbigi na si agbamịẹ-aị ḅụ ḅo igbigi na in kẹ KỊNỊNYANAḄỌ ḅe warị-ḅio sọ-ḅoa; anị sime kẹ agbamịẹapụ ma pịrịm.

Devidi-Anume 24:4

Ini ma tẹ ye-mịẹ-ḅara na kuroma na ḅụ kpaịn wararị apụ ma; sunsin oru pịrị-a, anịanịa iruo ḅara kẹ ye minini kịnị pịrị-a apụ ma.

Devidi-Anume 25:1

Yei KỊNỊNYANAḄỌ, ị́yẹrị mie à tẹkẹarị;

Ayịzaya 56:11

Fị ye fị ye pọkọ-ta-a obiri amẹẹ mie ịn kịkarị, anie kẹ ịn pịrị tẹ gbala-gbala ini na iḅi-iḅi ye ofori apụ. Mịna sịḅịdapụ ma in yefieye naa-a. Ịna ḅụ ọrụḅọ-ọrụḅọ amịna ḅụụ-ḅẹlẹ ye mịẹarị tẹ mḅọ na iḅi ḅẹ ye ḍọkịarị.

Izikẹlị 14:3

Ori mẹẹ, “Fịị-fịị tomḅọ, mịna owiapụ ma amịna aḅioḅẹngbọ kẹ oru-afụḅara pịrịtẹ, pịkị ḍụkụ tẹ oru-afụḅara ịn kẹ mu si ḅio suuarị. Ịn kuromarị á pakịrị-ḅịḅị kẹ ịn pịrị ḅẹ?”

Izikẹlị 14:7

Izirẹlị ḅẹ gbọrụḅọ anịanịa jen asịẹ ḅẹ apụ ma ḅẹ gbọrụḅọ tẹ Izirẹlịapụ ogboku angarị tẹ ị̀ ḅụ pịkị-so mu sunsin oru-afụḅara pịrịarị ḅọ, tẹso ḅo ịkịankoroḅọ ḅịḅị ye gbelarị ḅọ, yẹrị, KỊNỊNYANAḄỌ ḅe mḅọ pakịrị-ḅịḅị kẹ mḅọ pịrị ḅa.

Hosiya 10:13

Kụma anie nakara ó siye ḍiḅitẹ anị ḅẹ ye sokum. Ọmịnị ọmịna iruo ma pakama-ḅo mgbọlụ ma fị tẹ.” “Ọmịnị ọmịna kirimẹnjị-ọmụarụ ma na ọmịna ọmụapụ opu kịẹn-ḅịḅị na kẹ ḅiokpọmam ẹrẹsị,

Hosiya 12:8

Ịn ḅẹẹarị, ‘Wa ye-kọn tẹẹ, wa ye nyana sara tẹẹ. Tẹ gbọrụḅọ-sọ inetẹ wa kịnị-inoma ḅara kẹ ngọ-kọnm ḅẹ ye kẹ wamịna sịḅị-sẹịn ḅịa.’

Hosiya 14:1

Izirẹlịapụ, ọ́ pịkịma KỊNỊNYANAḄỌ ọmịna Tamụnọ ḅe dama-ḅo. Ọmịna si ọ́ mịẹ tẹ ọ́ pụmbụ tẹ ḅịkịarị.

Lẹvitikọsị 6:22

Erọnị owiapụ-awọmẹ ma ḅụ Sịḅịda-Agbamịẹḅọ kiri ọkị nwẹn ḅẹḅọ-ḅẹḅọ sime gbamaso oloko sọ ḅara kẹ anị kẹ agba mịẹ KỊNỊNYANAḄỌ ḅe pịrị ḅa. Bebe agbamịẹye mẹmgba dọkị-kpịrịkpịrị fama ḅa.

Lẹvitikọsị 6:26

Agbamịẹḅọ ḅe tẹ anị kẹ si sin agba mẹ mịẹ ḅọ ḅe mie anị pẹị ḅarị ḅọ; Kobiri Akpụrụ-warị mẹ nụngọ ḅụ, fịafịa yọ ḅụ mie ò sime tẹ anị pẹị ḅarị anga.

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Malakayị 1:10

Kụrọmamgba nyana KỊNỊNYANAḄỌ ḅe ḅẹẹarị, “Mimgbe ọmịna ḅụ ḅẹ gbọrụḅọ Tamụnọ-warị mẹ ḅẹ aḅọkọ ma gbaịn tẹẹ, mịẹ tẹ ọ́ ḅarị papaa afịnị tọnọ ḅịa ḅara ị̀ agbamịẹ-anga mẹ ọgọnọ. À ḅioḅẹlẹ nyana ọ́ pịrị-a; ọ́ kẹ ḅo ị̀ pịrịarị aị ma à daa-ọkị ḅịa.

Romu 16:18

Mịna aị ma mịẹarị apụ ma, ịn Wa Nyanaḅọ Kịrayịsị ḅe fịrịmẹnjị-a, ịna pọkọ-ḅẹngbọ ịna ḅụụ ḅẹrẹ tẹịnm. Ḅịḅị ḅẹlẹ ẹkwẹn mie ịn kẹ ye-nimia-apụ ma furuma, furuma tẹ in toluma irimarị.

Tayịtọsị 1:11

Igbigi pọkọ-ḅẹngbọ gotẹ, ịn ḅụụ-jịrị-a ḅara kẹ toluma na-iḅi-a ye kẹ warị, warị pịkị-tungboarị mẹ ẹrẹsị, ịna ḅịḅị gbaịn na-iḅim.

2 Pita 2:3

Ịna opu pọkọ-ḅẹngbọ ḅụ mịna iruo ye-tolumapụ ma, ini ḅarana kuroma ḅo ịlụkụ ma gbaa-gbaa ọ́ pịrị tẹ ọmịna ḅụ sọye fị ḅa. Alatẹ sakị kụra-ḅio ịn kọn ḅarị Ḅẹrẹkọnḅọ ḅe tẹlẹma tẹ emi, tẹ ịn Ḅaa guluguluma ḅarị ḅọ ḅe sọ mono-a tẹ ẹbịarị.

1 Samụẹlị 2:29

Í tiegotẹ anịtẹrẹmẹ opu fịye fị tọrụngbọ kẹ ị̀ agbamịẹ-aị na, ị̀ agba ma tẹ à tọn aị ma ḍikiarị? Tiegotẹ ị́ kụn kẹ í owiapụ-awọmẹ pịrị ị̀ nẹngịarị? Ị̀ atomi Izirẹlịapụ ma mịẹ ị̀ pịrị ḅẹ agba goyegoye ḅụ ọmịnị iḅitẹịn apakịrị ma sẹlẹ-ọkị ọmịna aḅụụ pịrịarị.