Hosiya 4:5 - FỊAFỊA BAỊBỤLỤ

⁵ Ḍin na eneḅaka na ḅụ ó zuzu ma tọrọkọ-tọrọkọ muarị, tẹ ịkịankoroapụ ma iḅi ḅara mịẹ ọ́ nẹngị-a. Àrị Izirẹlị guluguluma ḅẹ-yearị, ọmịna iyingiḅọ ma.

Hosiya 4:5 Iomraidhean Croise

Ayịzaya 50:1

KỊNỊNYANAḄỌ ḅe mẹẹ, Í kuromarị à diḅọ na siya tẹ ẹrẹḅọ ḅara kẹ ị̀ atomi ḅẹẹ tẹ in so? Nwẹnị ọkọ kụma ndẹẹ ḅọrọ siya aḍiri ma? Ó kuromarị arị ọ́ kẹ dẹrị tẹ ini tomḅọ amịna awọmẹ kẹ omoni ḅara dẹrị ḅara? Ẹn-ẹn, ọmịna asi mie ó gotẹ kun ḅio sọ yee; ọmịna asi mịẹ-aị ẹrẹsị ini ọ́ kẹ ala-jụ fịrịmam.

Jerimaya 15:8

Ọmịna amakiri mẹ ḅụ diapụ-fịtẹ-ereme kịẹn-ḅịḅị tuḅu ọgọnọ ḅẹ onwin mgbọlị ma kịẹn-ḅịḅị nẹngịm. Yẹrị ọmịna asawọ ma ḅaam ịna asambịrịma sakị ḅụ tẹ mịẹ tẹ ịna iyingiapụ tọrụsiẹrịm. Ḅiotọn-a ḅara mie à kẹ in fomu ye kururu na opu ḅalafama ye na ḅụ

Jerimaya 23:9

Ì ḅioḅẹngbọ kọsị-sara tẹẹ, ì oju sẹkịarị. KỊNỊNYANAḄỌ ḅe gotẹ, Ọ̀ fịafịa ẹkwẹn ma gotẹ, Arị iru ḅuu tọrụ-ḅaamatẹ tomḅọ kịkarị, iru ḅuu ḅụlụ-ḅụlụmatẹ tomḅọ.

Jerimaya 50:12

kụma ini í soku-ḅẹ opu ama mẹ iderima tẹ anị tọrụ-tuu ḅa. Sịẹ-sịẹ mamgba ḅụ Babịlonịya yela-a tẹịn sịẹ sọ ḅa; anị samụnọtẹ minji ofori ịkpa sọ ḅa.

Izikẹlị 14:3

Ori mẹẹ, “Fịị-fịị tomḅọ, mịna owiapụ ma amịna aḅioḅẹngbọ kẹ oru-afụḅara pịrịtẹ, pịkị ḍụkụ tẹ oru-afụḅara ịn kẹ mu si ḅio suuarị. Ịn kuromarị á pakịrị-ḅịḅị kẹ ịn pịrị ḅẹ?”

Hosiya 2:2

Ị̀ awọmẹ, ọmịnị ọmịna iyingiḅọ na ẹkwẹnmaa — karakaraye árị ḅarị jen kẹ ị̀ ta-a, tẹ yẹrị pịkị ḅarị jen kẹ á di-a sọ. Ọmịnị árị na ẹkwẹnma tẹ árị á sẹfị na ama-mẹnjị na ḅụ ḅara-siin.

Hosiya 2:5

Ịna iyingiḅọ ḅioḅẹngbọ-kẹ-sịrẹrẹ-niḅi-a ḅara sime tẹ tọrụ-tuu ḅụ in furam. Árị mẹẹ, “Àrị ị̀ ḅẹlẹmapụ ma ḍuka-mu ḅa, anie fịye na minji na, oḅoku-dee-ḅịtẹ na, ferefere-ḅịtẹ na, pulo na iru na kẹ ị̀ pịrịarị apụ ma.”

Hosiya 5:5

Izirẹlịapụ ma Opu ẹkwẹn mẹ mie ḅẹrẹ kẹ ịna sịḅị-sẹịn-arị. Ịna asi ịn mịẹ tẹ ịn pụmbụ tẹ ḅịkịarị, tẹ Juda ḅẹ apụ ma ini na ḅịkịarị.

Zẹkaraya 11:8

À ḅarị inetẹ tẹra Anana-ḍikiḍikiapụ tẹ ì ḍiki-ḅioḅuarị apụ inema-a tẹ gbọrụ akalụ kịngẹ ḅụ fịrị ḅụ in siinm.

Zẹkaraya 13:2

Anị ene mẹ ḅụ, àrị amakiri mẹ ḅụ oru-afụḅara ẹrẹ ma saakị siin ḅa, tẹ gbọrụḅọ-sọ ḅarị jen kẹ ịn kẹ ḅiokoroma ḅịa. Ịkịankoroḅọ kẹ amịna ḅụụ ọkịarị ḅọ goḅọ-goḅọ, arị mḅọ na mịẹ ye nyana ḅịa, tẹ oru-afụḅara tẹkẹ ḅioḅẹngbọ mẹ ọkị so ḅa.

Galesiya 4:26

Kụma So-ḅio ḅẹ Jeruselemu mẹ, anie amịna furo-tụḅọ, anie wamịna iyingiḅọ ma.