Hosiya 4:2 - FỊAFỊA BAỊBỤLỤ

² In ye minini-minini tẹ in minini ḅara kan-arị; ini iruoarị, kịnị ḅaarị, furuarị, tẹ pịkị sẹfịarị. Si amịẹaị ḅaka-ḅaka-ḅakarị tẹ in tomi ḅaa-ḅaa sararị.

Hosiya 4:2 Iomraidhean Croise

Suku-saakị 4:8

Keni nwẹnị ori iyimbere Ebẹlị ḅẹẹ, “Yee wa paka-so piri-ḅio mu.” Ịn piri mẹ ḅio simearị ogbo, Keni nwẹnị saakị tẹ owu kẹ ori iyimbere Ebẹlị paka tẹ ọ̀ ḅaa.

Ayịzaya 24:5

Tomi ma kiri mẹ pilema tẹ, Tamụnọ oloko ma kan ḅụ, pịkị ori Ọḅọkụ mẹ tẹ sime-gbamaso ḅẹ ye mẹ sima ḅụ.

Ayịzaya 48:1

Ó miemẹ pokii, Izirẹlịapụ, ọmịnị tẹ Juda furo ḅụ paka apụ! KỊNỊNYANAḄỌ ḅe ẹrẹ ḅụ mie ó ye karịarị, pịkị ọkịarị mịnẹ ó sunsin Izirẹlị Tamụnọ ḅe pịrịarị kụma ó ḍukoarị ye anie ó fiearị ye anị-a.

Jerimaya 51:5

Yẹrị, KỊNỊNYANA-TAMỤNỌ, Kụrọmamgba Nyanaḅọ ḅe, amụ àrị Izirẹlị na Juda na kẹ gbin-koroma so-a, karakaraye in si kẹ yẹrị Izirẹlị tẹkẹarị Fịafịa Ḅọ ḅe mịẹ tẹẹ sọ.

Jerimaya 6:7

Suḅe anị ḅio ḅẹ minji ịwọma ḅara mie Jeruselemu anị ḅẹ si mịẹ ịwọmarị ḅara. Kụrọ-kụrọ mịẹ na guluguluma na mie à naarị opu ama mẹ ḅio. Obi na ye-kịnị-la ịnọ na sikima à jen ẹrị-a.

Kururu Owu-apọkọ 4:13

Miemẹ anie árị ịkịankoroapụ asi ma na, árị agbamịẹapụ amịẹ-irima ma na gotẹ, inima tẹ árị ogboku ḅụ, karakaraye-mịẹapụ ḅaa apụ ma.

Izikẹlị 7:23

Ye goyegoye pikiri-pikiri ḅio sọ tẹẹ, amakiri mẹ ḅụ kịnị-ḅa ḅin tẹẹ, kụrọ-kụrọ amịẹaị pịkị opu ama mẹ ḅio ḅin tẹẹ.

Hosiya 10:13

Kụma anie nakara ó siye ḍiḅitẹ anị ḅẹ ye sokum. Ọmịnị ọmịna iruo ma pakama-ḅo mgbọlụ ma fị tẹ.” “Ọmịnị ọmịna kirimẹnjị-ọmụarụ ma na ọmịna ọmụapụ opu kịẹn-ḅịḅị na kẹ ḅiokpọmam ẹrẹsị,

Hosiya 10:4

Ye ḅio ḅụ ofori ẹkwẹn-ẹkwẹn mie ịna ḅịḅị-ḅio paka-ḅoarị, tẹ ini ịn mịẹ ḅịa aị minini tẹ kẹ mịẹ-mịẹ ye ofori ọḅọkụ fịarị. Tomḅọ la kiri kẹ mḅọ pịrị, ḅo tomḅọ la kiri kẹ mḅọ pịrị-a sọ tẹ, ja ḍiḅi aị ḅaa-ḅaa osuka kịka tẹ ye ḍiḅi ḅẹ tẹ soku tẹlẹma tẹ kiri ḅụ so-pakarị.

Hosiya 11:12

KỊNỊNYANAḄỌ ḅe ḅẹẹarị, “Izirẹlịapụ ma iruo-iruo-iruo na oḅori-kẹ-kịnịsịn na kẹ ì gbori-ikelema tẹẹ, tẹ Juda ḅẹ apụ ma paa kọngọ-kụrọma ị̀ pịrịarị, yẹrị sịrẹrẹ na-iḅi pịkị Fịafịa Tamụnọ ḅe.”

Hosiya 12:14

Izirẹlịapụ ma KỊNỊNYANAḄỌ ḅe mịẹ tẹ ọ̀ tẹmẹ-akụ ḅara kẹ ịganị tẹẹ; ịna si amịẹaị gotẹ ịn fịị gbẹ tẹẹ. KỊNỊNYANAḄỌ ḅe in fomu ḅa in dogi-ḅo ori ọgọnọ gbana tọrụ-tuu gotẹ.

Hosiya 5:2

pokolotẹ olulu Akasiya Opu ama ḅụ, tẹ à fomu-ḅara kẹ ọmịnị-mgba pịrị ḅa.

Hosiya 6:8

Giliyadi opu ama mẹ ḅio si-mịẹapụ na kịnị-ḅaapụ na ḅin wararị.

Hosiya 6:9

Agbamịẹapụ ma kịkarị apụ kụrọ-ḅara kẹ ja apụ aị ọkị ḅẹ tẹ piri akaka tomḅọ ẹbịarị apụ ogbo. Mẹnjị Sẹkẹmụ ḅụ ḅọrọ mu fịafịa yọ la-la etela ogbo mẹ kịngẹ ḅụ sọ ịn kịnị ḅaarị. Tẹ mị si mẹmgba ịn tọrụ-gelegele mịẹarị!

Hosiya 7:1

“Àrị ị̀ atomi Izirẹlị gwọ tẹ ịn mịẹ tẹ ịn sin lọkọlọkọ ḅẹ sakị goyegoye àrị ẹrị ye anie ịna si-sịḅịḅio na ịn mịẹarị siye na. Ịn jụmọ-jụmọ mingirimarị; ịn warị-warị kan sọ-sọ tẹ furuarị, etela ma ḅụ ịn kịnị aḅara ye pụkọ-pụkọ ọkịarị.

Hosiya 7:3

KỊNỊNYANAḄỌ ḍukoarị, “Kịnị oḅori kẹ amadaḅọ ḅe na ọ̀ fịrịmẹnjị-opuapụ na sịn-arị in ḅiyarị si aḅẹrẹ ḅụ.

Hosiya 7:4

Inimgba mbasị-apụ tẹ sịḅị-tuu amadaḅọ ḅe pịrị-a apụ famam. Ịn nyana ḍiki-ḅioḅu mẹ fịturu fọị ye ḅio kẹlẹkẹlẹ kọrịarị fịnị kịkarị, anie fịturu mịẹ ḅọ ḅe sụkama-a nwenii ọ̀ fịturu kpoo mẹ tẹlẹma fama tẹ fọị ḅẹ sakị la ye.

Mayịka 3:2

Ọmịnị tẹ iḅiye mẹ ḍiki-ḅioḅu, tẹ siye mịẹ ḅẹlẹmarịapụ, ọmịnị tẹ ḍumo tọrụ ḅụ ị̀ atomi ma oju apara mẹ kanị, tẹ ịna mgbe ma ḅụ ịna oju meni mẹ keni-siin-arị apụ.

Mayịka 3:9

Ó miemẹ naa, ọmịnị Izirẹlị ḅẹ sịḅịdapụ na, Izirẹlị ḅẹ awarị ma ḅẹ ḅẹrẹtọn apụ na, tẹ karakara ḅẹrẹkọn mẹ ḍiki-ḅioḅu tẹ anị sịkị, tẹ vuunma pịkị tẹ ḅẹrẹ mamgba pịkị-pịkị iḅoarị apụ.

Mayịka 6:10

À tọ-ḅara kẹ si-mịẹapụ ma awarị ọ́ furu nyana ngọ ma na, la-a ye-tọn-aị tẹ à ḍiki-ḅioḅu aị ma kẹ tọn aị ma na kẹ ḅioḅọrọma ḅẹ?

Mayịka 7:2

Tamụnọ nimi tomḅọ ḅe tomikiri mẹ ḅụ fịị fa tẹ, tẹ tomina-ogbo ḅio ḅụ karakara mịẹarị gbọrụḅọ-sọ ḅarị ofori; inimgba ọmbie ọsụma ḅẹ sime koruarị, tẹ ḅụọ-ḅụọ ịgbọ sụa amịna iyimbere pịrịarị.

Zẹfanaya 3:1

Jeruselemu fa tẹẹ, anị ḅụrụ-kọsị tẹ kọngọ-kụrọmarị opu ama mẹ tẹ amịna atomi ponomarị ye mẹ.

Zẹkaraya 5:3

Anịtẹso ori ị̀ ḅẹẹm, “Anị ḅụ paka mu bebe amakiri mẹ ikelema ḅarị wori-nume kẹẹ wararị. Gbọrụ pakịrị ḅụ anị ḅẹẹarị mịnẹ furuḅọ nwẹn-sịn ḅọ sịn ḅọ ini mḅọ sakị-siin ḅa amakiri mẹ ḅụ, tẹ osi pakịrị anị pịkị ḅẹẹarị mịnẹ ye karị tẹrẹmẹ iruoarị ḅọ iruoarị ḅọ ini mḅọ ọkị so ḅa.

Zẹkaraya 7:9

“Alatẹ sakị kụra ḅio à ma oloko ma sụa ị̀ atomi pịrịm: ‘Ọmịnị ẹrị mịnẹ ọ́ jụmọ-jụmọ inoma-a, tẹ iḅi ḅara na ọkụrụkụrụ ḅara kẹ jụmọ-jụmọ na angarị.

Matiyo 23:35

Miemẹ gotẹ fomu-ḅara ḅo ọ́ la ḅa, anie mịẹye-ofori apụ tẹ ọ́ ḅaa apụ ma ẹrẹsị, mịẹye-ofori ḅọ Ebẹlị tẹ ọ́ ḅaa ḅọ ḅe ọkị mu Zẹkaraya, Bẹrakaya tụḅọ ḅe tẹ Tamụnọ-warị mẹ na agbamịẹ-anga mẹ na ogboku ọ́ ḅaa ḅọ ḅe la.

Fịrịmẹnjịapụ 7:52

Ịkịankoroapụ ma ḅụ ọmịna atẹngịapụ ḅaa-ḅọkọ kẹ ḍọkị-a ḅọ emi? Tamụnọ oku-mẹnjịapụ ma tẹ iḅere-iḅerea kụra-ḅio ọ̀ karakara mịẹ Fịrịmẹnjịḅọ ḅe ḅo ḅa ḅẹ ye ḍuko apụ mamgba ịn ḅaa sin famam. Tẹ mịọkụ ọ́ kọkọ ọ̀ kẹ dẹrịma tẹ ọ̀ ḅaa tẹ.

Ditẹrọnọmị 5:11

Ọmịnị yẹrị KỊNỊNYANAḄỌ ọmịna Tamụnọ ḅe ẹrẹ ọkị tẹ kẹ papaaye mịẹ ma; kẹ gotẹ ọkọ ḅẹẹarị, à ḅẹrẹ-ḅarasii-a ḅara kẹ anị ḅọ mẹ tẹ ị̀ ẹrẹ kẹ papaaye mịẹ ḅọ mẹ wẹrịso ḅịa.

Ditẹrọnọmị 5:18

Gbọrụḅọ-sọ jụmọ taḅọ anịanịa jụmọ diḅọ na sẹfị ma.

Ditẹrọnọmị 5:19

Gbọrụḅọ-sọ jụmọ nye furu ma.

1 Tẹsalonịka 2:15

anie KỊNỊNYANAḄỌ Jizọsị na ịkịankoroapụ ma na ḅaa tẹ pịkị wa ḅaa ḅẹ ḍọkịarị apụ ma. Ịna mịẹye Tamụnọ ḅụụ si la ḅara ḅakam! Ịn pịkị owu kẹ ḅẹḅọ-ḅẹḅọ paka ḅẹ ḍọkịarị!

Mịẹfinji 17:6

Tẹ àrị ẹrịm, ẹrẹḅọ ma, Tamụnọ atomi ma na, Jizọsị minini tẹ ḅịḅị ḍima-a ẹrẹsị ịn ḅaa apụ ma na ọmbie à tọrụ ḅaa wararị. À ḅo árị ẹrị sakị tẹmẹ gbọrụmgbọ-sọ ḅarị ị̀ ḅụụ ofori.