Hosiya 4:1 - FỊAFỊA BAỊBỤLỤ

¹ KỊNỊNYANAḄỌ ḅe kẹ amakiri mẹ ḅụ angarị apụ ma sịḅị sẹịn ḅẹ ḅẹrẹ nyana wararị. Izirẹlị, ọmịnị ò ḍukoarị ye pokii: “Amakiri mẹ ḅụ mininiye-mịẹ na ḅẹlẹma na ofori, tẹ tomi ma pịkị ị̀ kẹ ịna Tamụnọ ḅara ọkị-a.

Hosiya 4:1 Iomraidhean Croise

1 Amadapụ 22:19

Mayịkaya nwẹnị ḅẹẹ. “Ọkọẹrẹsị KỊNỊNYANAḄỌ ḅe ẹkwẹn-ḅịḅị mẹ naa: À KỊNỊNYANAḄỌ ḅe ẹrịm ori ori emine ọgọnọ ḅụ lẹgị sime wararị, tẹ So-ḅio simearị apụ mamgba ori ama-ḅara na ori ere-ḅara anga na ḅụ sịẹsime wararị ori akaka ḅụ:

Devidi-Anume 81:9

Gbala-gbala ó sunsin jen Tamụnọ pịrị ḅịa.

Ayịzaya 1:10

Jeruselemu, í ḅio ḅụ ḅẹrẹtọn-arị apụ na ị́ atomi na ịn Sọdọmụ na Gomora na ḅẹ apụ na kịka tẹ. KỊNỊNYANAḄỌ ḅe ḍuko ị́ pịrịarị ye poki. Wamịna Tamụnọ ḅe kẹ í tolumarị ye kẹ ye-sịn.

Ayịzaya 1:18

KỊNỊNYANAḄỌ ḅẹẹarị “Mịọkụ ó ḅo wa ḅẹrẹ mẹ fama. Karakaraye ọmịna si mẹ ọmịnị ọmbịma tẹ ọmịnị awụ ḅịyarị sọ, arị ọ́ sịkịrị tẹ ọmịnị eene mgbọlị yori-yori ḅara yori-yori ḅa. Ọmịna ịlọlị ma pọpụlụ nwẹn-sịn ḅịya ḅara ḅịya sọ, ọmịnị afalafa pịna ḅara pịna ḅa.

Ayịzaya 28:14

Mịọkụ ọmịnị opu ẹkwẹn kọn-arị atomi tẹ mị yọ Jeruselemu ḅụ ḅẹrẹtọn mịna apụ ma pịrịarị apụ, ọ́ KỊNỊNYANAḄỌ ḅe ḍukoarị ye pokii.

Ayịzaya 34:1

Tomikiri ḅẹ opu asịẹ ma ḅẹ apụ mamgba, ó ḅoo! Ó ḅo kobiri ikelema tẹ pokii. Yee bebe tomikiri mẹ na anị ḅio angarị apụ mamgba na mịanga ḅo tẹ poki.

Ayịzaya 34:8

Mie KỊNỊNYANAḄỌ ḅe Zayọnị pụkọ-pakamaḅo ḅẹ sakị mẹ, tẹ si kẹ wa tọn apụ ma ḅara gbẹẹfị ḅii.

Ayịzaya 5:3

Mie ḅụ mịọkụ ì ikiaḅọ ḅẹẹarị, “Ọmịnị Jeruselemu na Juda na ḅio angarị apụ ọmịnị ị̀ kụrọ ḍụọ na ị̀ na ogboku simearị ḅẹrẹ mẹ kọn.

Ayịzaya 59:4

Ọ́ ḅẹrẹ-siri muarị kụma ọ́ ḅẹrẹ karakara nyana-a. Iruo aị ḅụ mie ọ́ sịrẹrẹ wararị kẹ ọmịna ḅẹrẹ ḍuko ọkị. Ọ́ tọn-arị aị tọn-arị aị kẹ ye kẹ ja apụ lama.

Ayịzaya 59:8

tẹ gbọrụḅọ-sọ yela-a ḅara sime nyana-a ọmịnị emi anga ḅụ. Ọ́ nyana tẹ mịẹarị ye goyegoye jụmọ inoma ye famam. Sụngụma-sụngụmatẹ etela mie ọ́ mẹnjị-mẹnjị ye, tẹ anị etela mẹnjịarị tẹ ye ḅụụ la-a so ḅarị ḅọ ofori.

Ayịzaya 66:5

Ọ́ KỊNỊNYANAḄỌ ḅe ḍukoarị ye mẹ pokii, ọ̀ mangịma tẹ ọ̀ ḅịḅị pokiarị apụ, “Ọmịnị ì minini wararị ẹrẹsị, ọmịna atomi ma ḅẹ jen-apụ ó ḍiki-ḅioḅu tẹ ḅarị ọmịnị na gbọrụ mịẹ ye sọ mịẹ gboloma ḅẹ ḅii-a. Ini ó kombo tẹ ḅẹẹarị, ‘Yee KỊNỊNYANAḄỌ ḅe ori opu ḍie-pakama tẹ ọ́ ḅọrọma, mịẹ tẹ wa ẹrị tẹ ḍereku ḅẹ ḅara.’ Kụma ini ma ḅioju sọ ịna tọrụ-tuu ḅa!

Jerimaya 11:7

Àrị Ijiputi ḅụ ịna elemu aḍapụ ma pakama-ḅo sakị, à tẹmẹ-la ḅara kẹ ịna aḅeri nụnụ-nụnụ nwenii ḅo mịmgba lam.

Jerimaya 19:3

KỊNỊNYANAḄỌ ḅe ḍuko ị̀ pịrịm à ḅẹẹ, “Juda ḅẹ amadapụ na Jeruselemu ḅẹ apụ na, ọmịnị Yẹrị Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, nyana tẹ ḍukoarị ye pokii. Arị ọkị-ḅo mị yọ mẹ ọgọnọ gbana ḅẹ-yearị opu ḅụụ-fụka mẹ gboloma ye naa ḅọ naa ḅọ naịn-ḅọrọ ḅa.

Jerimaya 2:4

Ọmịnị Jekọbụ ọrụ ḅụ iyi apụ, ọmịnị Izirẹlị ḅẹ furo, ọ́ KỊNỊNYANAḄỌ ḅe oku mẹ pokii.

Jerimaya 2:9

Tẹ anie ḅụ yẹrị KỊNỊNYANAḄỌ ḅe siin ị̀ ḅẹrẹ ḍuko-ḍuko ịna furo-furo ma ọgọnọ gbana ḅa.

Jerimaya 25:31

Tẹ pọkọ mẹ fie ma mu tomikiri ḅẹ ịkọlị ma la ḅa. KỊNỊNYANAḄỌ ḅe sịẹ-sịẹ ma na ḅẹrẹ nyana wararị. Ọ̀ kịnị mamgba kẹ ḅẹrẹkọn ḅo ḅa tẹ si-sịḅịḅio-sụapụ ma ḅaa ḅa KỊNỊNYANAḄỌ ḅe ọkọ ḅẹẹm.

Jerimaya 34:4

Zẹdẹkaya í gboloma ye tẹ à ḍuko ị́ pịrịarị ye pokii. Ini ọmụ ḅio ị́ ḅaa ḅịa.

Jerimaya 4:22

KỊNỊNYANAḄỌ ḅe mẹẹ, “Ị̀ atomi apantu sọ tẹẹ; ini ì nimi-a. Oḅori sọarị ḍọkọḍọkọ-awọmẹ mie ịn kịkarị; in yefieye naa nyana-a. Siye mịẹ ḅụ ịna ḅara gbana tẹẹ; kụma iḅiye mịẹ ḅụ ini papaa apụ.”

Jerimaya 4:28

Kiri mẹ kururu ḅa, So-tọrụ mẹ ḅo kanakana ḅa, KỊNỊNYANAḄỌ ḅe ọkọ ḅẹẹm, ori ò kuroma ḍima ḅịa. Ọ̀ tọn pẹlẹ tẹẹ, Ọ̀ ḅarị ọḅụ ḍiki ḅịa.

Jerimaya 5:4

Anịtẹso à kuromam, “Mịna apụ ma anie papaa igoin tẹ gberie-sọ nimi-a apụ. Ini oḅori ḅara kẹ ye mịẹarị; ịna Tamụnọ ḅiiarị ye in nimi-a, ịn mịẹ ḅẹ ye tẹ KỊNỊNYANAḄỌ ḅiiarị ye.

Jerimaya 51:5

Yẹrị, KỊNỊNYANA-TAMỤNỌ, Kụrọmamgba Nyanaḅọ ḅe, amụ àrị Izirẹlị na Juda na kẹ gbin-koroma so-a, karakaraye in si kẹ yẹrị Izirẹlị tẹkẹarị Fịafịa Ḅọ ḅe mịẹ tẹẹ sọ.

Jerimaya 6:13

Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Jerimaya 7:28

Í ḍuko ịn pịrị ḅa mịnẹ ịna sịẹ mẹ yẹrị ịn Nyana Tamụnọ ḅe ḅịḅịpoki-poki-a, anịanịa ịn daa tẹ fomu-ḅara ḅụ ye-ḍawọ. Ḅioḅẹngbọ kẹ ḅụụ ḅụ gbana na-iḅi ḅara sime mẹ fịtẹ. Kịnị ḅarị jen kẹ anị gboloma ye ḍuko-a.

Jerimaya 9:20

À nwẹnị ḅẹẹ, “Ọmịnị ereme, ọ́ KỊNỊNYANAḄỌ ḅe pokii, ọmịnị ori ẹkwẹn ma kẹ elekima sụaa. Ọ́ ḍụẹịn owu-owu ḅara kẹ ọmịna eremịna-awọmẹ tolumaa, pịkị ḍụẹịn owu nume sun-sun ḅara kẹ ọmịna ikiapụ tolumaa.

Jerimaya 9:3

Sakị mamgba ịn tẹlẹma wararị iruo aị ḍuko; karakara nakara kịnị mingirima mie ama kiri mẹ daarị. KỊNỊNYANAḄỌ ḅe mẹẹ, “Ị̀ atomi gbọrụ si mịẹ tẹ so jen si mịẹarị, tẹ yẹrị ịna Tamụnọ ḅara kẹ ị̀ ọkị-a.”

Jerimaya 9:7

Miemẹ gotẹ Kụrọmamgba nyana KỊNỊNYANAḄỌ ḅe mẹẹ, “Àrị ì atomi tẹlẹma ḅa, kiri ḅio soku pakama-ḅo ye la ye ọkụ tẹ ịn tọn-ḍiki ḅa. À pịkị tiye kẹ ini na mịẹ ḅẹ?

Izikẹlị 16:35

Mịọkụ ọkọ ẹrẹsị, Jeruselemu, ama-mẹnjị-ẹrẹḅọ! KỊNỊNYANAḄỌ ḅe ḍukoarị ye pokii.

Hosiya 12:2

KỊNỊNYANAḄỌ nyana tẹ kẹ Izirẹlịapụ ma sịḅị-sẹịn ḅẹ ye emi, ọ̀ pịkị Juda fomu ḅa árị atomi ye mịẹarị ḅara gotẹ. Ori ịn mịẹ tẹ aị mamgba kẹ ịn gbẹ ḅa.

Hosiya 12:3

Ịna elemu ḍaḅọ Jekọbụ ḅe ori iyimbere Ịsọ maa apụ awọmẹ ḅe na nụnụam ini ịna iyingiḅọ furo ḅio ḅụ ịn paa emi ogbo; Jekọbụ ḍụḅa paka-ḅo sakị, ọ̀ Tamụnọ na owu-sọm —

Hosiya 5:1

“Ó miemẹ pokii, ọmịnị agbamịẹapụ! Izirẹlịapụ, ó ḅeri-tokolomaa! Ó pokii, ọmịnị amada-furo mẹ ḅẹ apụ! Kịnị ọmịnị inoma ofori ḅẹrẹ kọn ḅẹ tọrụ kẹ ó ḍikiarị — mie ḅụ ḅẹrẹkọn ọmịnị ọgọnọ gbana ḅa! Ó tuu wararị ọnya sọ wararị Mizipa ḅụ, sụa ịgbọ Tabọ Tụndụ ọgọnọ ḅụ,

Hosiya 5:4

Tomi ma mịẹ tẹ si mẹ ḍụkụ tẹ ịn pịkịma ịna Tamụnọ dama-ḅoa. Oru-afụḅara tẹkẹ ini ọlọ kụrọma wararị, tẹ ịn KỊNỊNYANAḄỌ kẹ ye-sịn-a.

Jowẹlị 1:2

Ọmịnị omongiapụ, ó ḅeri-tokoloma ì pokii! Juda ḅụ sime-ḅọ sime-ḅọ pokii. Jen sakị nwẹn pembema ye paka tẹ ọmịna sakị anịanịa ọmịna atẹngịapụ sakị ḅụ?

Emọsị 3:1

Izirẹlịapụ, ọ́ mị oku mẹ pokii, anie KỊNỊNYANAḄỌ ḅe ḍuko tẹ ye mẹ ó gboloma ye ḅụ, ọmịnị bebe sịẹ mẹ tẹ Ijiputi ḅụ ori ọkị-ḅo apụ ma.

Emọsị 7:16

Mie ḅụ mịọkụ KỊNỊNYANAḄỌ ḅe ḍukoarị ye pokii. Ị́yẹrị ị̀ ḅẹẹarị à ḅarị ịkịan koro ma, tẹ maa-tọrụsụaḅọ ḅara kẹ ẹkwẹn Izirẹlị ḅẹ apụ pịrị dasịẹmaa.

Mayịka 6:2

Ọmịnị tụndụ, ọmịnị tomikiri mẹ ḅẹ sime gbamaso sukutarị-aḍụḅarị, ọ́ KỊNỊNYANAḄỌ ḅe ḅẹrẹ mẹ pokii! KỊNỊNYANAḄỌ ḅe ḅẹrẹ nyana ori atomi pịrị wararị, ori ọ̀ kẹ Izirẹlị ọgọnọ gbana ye mẹ ḍuko ḅẹ tẹẹ.

Jọnị 8:55

Jene-jene amụ ọmịnị ò nimi-a, kụma yẹrị àrị ò nimi wararị. À ḅẹẹm àrị ò nimi-a ḅẹḅẹ àrị ọ́ kịka tẹ iruoḅọ sọ tẹ. Kụma àrị ò nimi wararị tẹ pịkị ọ̀ ḅịḅị pokiarị.

Romu 1:28

Ọkọ sime atomi ma karakara ḅara kẹ Tamụnọ ḅe nimi ḅẹ ḅii-a ẹrẹsị ori ịn wẹrịso ịna ḅụrụtẹ aḅioḅẹngbọ ma pịrị tẹ, ịn ḅarị kuraye nimi tẹ mịẹ-a.

1 Kọrịntị 15:34

Ọ́ pịkịma ḅo elemu ọ́ nyana-nyana karakara akuroma ma ḅụ sọ, tẹ ọ́ mẹnjịarị asi etela ma ḅụ daasịẹ. Kẹ mịẹtẹ ọ́ ḅụụ-jịrị ḅẹ ḅara, à ḍuko pakamarị mịnẹ ọmịna ḅụ ḅẹ ja apụ Tamụnọ nimi-a.

Mịẹfinji 2:11

“Ọkọẹrẹsị, ó ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii! “Owu-ḅara-iḅi nyana apụ ma, maaịn karama fịị mẹ ye kẹ ịn lama ḅịa.

Mịẹfinji 2:29

“Ọkọẹrẹsị, í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii.