Hosiya 3:4 - FỊAFỊA BAỊBỤLỤ

⁴ Paa mị gbọrụ ḅara mẹ Izirẹlịapụ ma sime tẹ ḍumo nyanam, mu alama lama, amadapụ anịanịa sịḅịdapụ nyana-a ḅara, agba ma anịanịa tọn-tọn aḍụḅarị ofori ḅara, oru-afụḅara anịanịa mḅudu amẹẹ tẹ kẹ ḅịrị ḅii ḅẹ aị ofori ḅara.

Hosiya 3:4 Iomraidhean Croise

Suku-saakị 31:19

Lebanị so ori anana oju ḅẹ isuke kịrị ḅẹ mum, tẹ Resẹlị nwẹnị ori ofori ogbo á ḍa warị-kpo ḅẹ atamụnọ furu ọkị.

Suku-saakị 31:34

Mị sakị mẹ Resẹlị mie warị-kpo mẹ atamụnọ ma ọkị tẹ kẹ árị ike-sụa-nama ḅe dẹẹ tẹ lẹgị ye mẹ suku-ḅio suu tẹ arị ọgọnọ lẹgị-sime ye. Lebanị ḅara kẹ akpụrụ-warị anga mẹmgba sọ lama famam, kụma ori arị ḍọkị-ẹrịa.

Suku-saakị 49:10

Ama-da mkpara mẹ Juda ḅụ sikima ḅịa, anịanịa ḅẹrẹtọnḅọ ḅụụ da mkpara mẹ ò furo-ḅẹ-apụ ḅụ so, nwenii sịẹ, sịẹ igbigi oso-oso ọ̀ pịrị ḅa; anịsakị tomi-kụlọkụlọ ma ọ̀ ḅịḅị poki ḅa.

2 Samụẹlị 6:14

Devidi lọkọ-ḅịtẹ kẹ ò ḅiri ọkịm, tẹ ori ịnyọ mẹmgba kẹ KỊNỊNYANAḄỌ ḅe tọrọkọ sẹkịm.

2 Amadapụ 23:24

Anie sikima, Josaya Juda ḅẹ ama ḅio na, Jeruselemu na ḅụ ịn tọrụngbọ kẹ ẹrị fụḅara-ḍiki-ḅịrịapụ na, tẹmẹ sịn apụ na deem, tẹ warị wẹrịma ye ḅii-aị na, ḅara kẹ tẹmẹ oru na, tọn-tọn aị mamgba na tan siin famam, Hilikaya Sịḅịda-Agbamịẹḅọ ḅe KỊNỊNYANAḄỌ ḅe warị mẹ ḅio ḍọkị-ẹrị ḍiri mẹ ḅio kẹẹ wararị oloko mẹ ẹkwẹn-ḅịḅị ma ọ̀ wẹrịtẹ giregirema ḅẹẹ ḅara.

2 Paka-aị 15:2

tẹ ọ̀ nwẹnị mẹnjị paka Asa na bịama ḅẹ mu, tẹ ọ̀ ḅẹẹ, “Asa na, Juda na, Benijamịnị na ọmịnị ì pokii: KỊNỊNYANAḄỌ ḅe ọmịnị na emi, ọmịnị ọ̀ ḅụụ ḅụ emi sakị goyegoye. Ọmịnị ọ̀ ḍọkị-ḍọkịị, ọmịnị akaka ḅụ ọmịnị ọ̀ ḍọkị-ẹrị ḅa, kụma ọmịnị ọ̀ sịkị-sịkị, ori ọ́ sịkị ḅa.

Paka-so 28:4

Mịna opu akapa ma anie kapa ma tẹ ịn gbin ḅẹ akapa ma: ekpe-gbaịn-kapa na, ẹfọdị nwẹn-sịn kapa na, vọrọrọ-kapa na, ḅirimatẹ kapa na, tọpịtẹ-ḅịtẹ-sun na, pịkị ḅiri-ponoye na; ịn fịafịa opu akapa gbin í iyimbere Erọnị na, ori owiapụ-awọmẹ na pịrị ḅa, tẹ ini agbamịẹapụ ḅara kẹ fịrịmẹnjị ị̀ pịrị ḅa.

Paka-so 28:6

“Ẹfọdị nwẹn-sịn kapa mẹ ịn kẹ anị gbin ḅarịye anie golu na, bulo tọrụ na, pọpụlụ nwẹn-sịn tọrụ na, awụ tọrụ na sụa iḅi aḅịtẹ na iḅi ḍoritẹ lọkọ-ḅịtẹ na, tẹ ḅara-ḍịn apụ iḅiọkụ anị ḅirima ḅa.

Kururu Owu-apọkọ 2:9

Árị ogigo-aḅọkọ jine kiri-ḅio sọ tẹẹ; arịḅẹ ẹngbẹsẹ-ikulele ma, ò ye kẹ lama tẹ arị anyịma tẹẹ; árị amadaḅọ na, amadaḅọ owiapụ-awọmẹ ma na, opu asịẹ ma ogbo ḅio emi; oloko mẹ ḅarị ofori, anịsakị arị ịkịankoroapụ sọ ḅarị KỊNỊNYANAḄỌ ḅe ḅụ ḅo ịkịan ẹrị-a.

Izikẹlị 19:14

Fịnị anị ḅẹ ḅiri mẹ ḅụ sọm; fịnị anị ḅẹ aḅara ma na mgbọlụ ma na dọkịmam. Ḅara ma ḅarị jen kẹ kụrọ ḅịa, arị ḅarị gala-gala ama-da mkpara ma sọ ḅịa. Miemẹ kururu numee; ini anị su, siin su, siin su tẹẹ.

Izikẹlị 20:32

Ọmịnị ọmịna ḅioḅẹngbọ ḅụ tọn-pẹlẹ tẹ mịnẹ ó ḅiiarị ọmịnị osi asịẹ ma kịka, jen asịẹ ḅẹ apụ ma kịka, tẹ sunsin sịn amẹẹ na ịkụ amẹẹ na pịrị. Kụma anie gbala-gbala paka ḅịa.

Izikẹlị 21:21

Babịlonịya ḅẹ amadaḅọ ḅe kẹ elekima sụa ḅẹ tẹ pike sịn mẹ akaka sịẹ wararị, tẹra-isira mẹ ḅụ. Ọ̀ sọ ḅẹ etela ḍọkị-nimi ḅụ ọ̀ ḍiein ma jikearị; ori oru-afụḅara ma ḅịḅị gbelarị; ọ̀ kẹ agbamịẹ oru pịrị tẹ nama ḅe pụmbụra mẹ pekele-ḍikiarị.

Izikẹlị 21:31

Ị̀ ịganị mẹ ọmịna aḅụụ ịnọ ḅa à kiki ofori ḅara kẹ anị wẹrịso tẹ anị ọmịna ọgọnọ fịnị kịka tẹ kọrị ḅẹ sakị. Tẹ arị ọ́ saḅama piri-ḅio-ḅẹ si anama ḅara kẹ kịnị na mịẹarị atomi pịrị ḅa, ḅaa-guluguluma nimi ḅara ḅa tẹ apụ.

Danẹlị 11:31

Ori ọmụapụ ma ḅe jen-apụ Tamụnọ-warị mẹ pilema ḅa. Ini ene-ḅaaene-ḅaaene ḅẹ agba ma dasịẹma tẹ “Ḅalafama Sịḅị-jịrịmaye Mẹ” saakị sịẹma ḅa.

Danẹlị 12:11

Ini ene-ene ḅẹ agba ma dasịẹma ḅẹ sakị mẹ ḅụ ọkị mu, anie “Ḅalafama Sịḅị-jịrịmaye Mẹ” ḅụ ọkị mu, ḍin tẹra ẹndẹ inia asi finji na oyia aḍin na ḅọrọ ḅa.

Danẹlị 9:27

Anị ḅẹrẹtọnḅọ ḅe tọnwa-apụ na kụrọ-nyanatẹ ḅịḅị-kẹ-ogbosọ nyana ḅa sọnọma kụra ḅụ, tẹ anị sakị mẹ kẹ maa anga ḍiya ḅẹ gbọrụ anga ḅọrọtẹ so ori agbamịẹ ma na ḍiepịrị-aị na dasịẹma ḅa. ‘Ḅalafa Sịḅị-jịrịmaye Mẹ’ ịn nwẹn kẹ Tamụnọ-warị mẹ ḅio geletẹịn anga ḅụ gbana ḅa, tẹ anịanga sime nwenii anị kẹ anị kẹ anịanga koroma ḅọ ḅe ḅo Tamụnọ tẹlẹma ọ̀ pịrị kunoma mẹ na bịama ḅa.”

Hosiya 13:10

Ọmịna amadaḅọ na sịḅịdapụ na ḅiim, kụma ndẹẹ ini inetẹ sịẹ mẹ ḅọrọma ḅẹ ḅara?

Hosiya 13:11

Ị̀ ịganị ḅụ àrị amadapụ kẹ ọ́ pịrị tẹẹ, tẹ ì owi-ịganị ḅụ àrị ini ọkị-so tẹẹ.”

Hosiya 2:11

À mịẹ tẹ árị alalị mamgba kuno ḅa — kụra-kụra na akalụ-akalụ na alalị ma na, Ịnyọsara-Ene ma na, fịafịa-akobiri ma na.

Lẹvitikọsị 8:7

Ọ̀ nwẹnị suku-ḅio ḅẹ kapa mẹ kẹ Erọnị sụa, tẹ ḅiri kpọ ḍiki mẹ kẹ anị kpọ; ọ̀ nwẹnị vọrọrọ-kapa mẹ kẹ pịkị ọ̀ sụa tẹ anị ọgọnọ ḅụ ẹfọdị nwẹn-sịn kapa mẹ kẹ ọ̀ sụam, tẹ nwẹnị aka ḍin ḅara kẹ ḍori wararị agbamịẹapụ karakara kapa mẹ ḅẹ ḅiri-ponoye mẹ kẹ ò ḅiri pono.

Zẹkaraya 10:2

Tomi oru-afụḅara na ḅịrịapụ na ḅara ye gbelarị, kụma pakịrị-aḅịḅị tẹ ịn nyanarị aị iruo-aị na ofori-ofori aị na. Ja apụ ḍawọ puuarị, kụma ó toluma irima kịngẹ mie ịn mịẹarị; ịn pịrịarị dedema mẹ ye mịẹ-a. Mie ḅụ tomi ma iri-faa tẹ anana ikelekele ḅara ikelekelearị. Ịn ḅụụ-fụka ḅụ emi ịn sịḅịdaḅọ nyana-a ẹrẹsị.

Zẹkaraya 13:2

Anị ene mẹ ḅụ, àrị amakiri mẹ ḅụ oru-afụḅara ẹrẹ ma saakị siin ḅa, tẹ gbọrụḅọ-sọ ḅarị jen kẹ ịn kẹ ḅiokoroma ḅịa. Ịkịankoroḅọ kẹ amịna ḅụụ ọkịarị ḅọ goḅọ-goḅọ, arị mḅọ na mịẹ ye nyana ḅịa, tẹ oru-afụḅara tẹkẹ ḅioḅẹngbọ mẹ ọkị so ḅa.

Luku 21:24

Ini okologie kẹ ja apụ ḅaa ḅa; ini ikoliapụ ḅara kẹ osi apụ kun so ja asịẹ mu ḅa; tẹ oru nimi apụ Jeruselemu mẹ ḅio anga tẹ mẹnjịma, mẹnjịma nwenii ịna sakị kara ḅa.

Jọnị 19:15

Ịn nwẹnị oloku saḅama, “Ọ̀ ḅaa! Ọ̀ ḅaa! Ọ̀ kẹ ẹngbẹsẹ-sịn ḅụ ḅakụụ!” Payịleti nwẹnị in gbela, “Ó ḅiiarị àrị ọmịna amadaḅọ kẹ ẹngbẹsẹ-sịn ḅụ ḅakụ?” Agbamịẹapụ ma nwẹnị pakịrị, “Romu tomikiri mẹ daarị ḅọ ḅe kịngẹ mie amadaḅọ tẹ wa nyana ḅọ!”

Hiburu 10:26

Si sin gotẹ mịẹ ḅẹ jen agba ḅarị ofori, wa karakara mẹ nimi tẹrẹmẹ tọrụ-gelegele paa si mịẹ ma tọrọkọ muarị kụma.

Ḅẹrẹkọn-apụ 17:5

Mayịka nwẹn-sịn owiḅọ ḅe nwẹnị gbọrụ nkpu nyana, tẹ ọ̀ nwẹnị kẹ saratẹ ye ḅii ḅẹ ḍụḅarị apakịrị kẹngẹ, tẹ nwẹnị ori owiapụ awọmẹ ḅụ gbọrụḅọ kun oriḅe tẹ ḅo ori agbamịẹḅọ sọ ḅọ ḅe.

Ḅẹrẹkọn-apụ 18:14

Anịtẹso sọnọa owiapụ ma tẹ mu ama mẹ ẹnyẹ tẹ Lahisi opu sịẹ mẹ sime-ḅara ḍiki ḅẹ mu apụ ma nwẹnị ịna amịnapụ ma ḅẹẹ, “Ó gbeke nimi mịnẹ mịna awarị ma ḅio saratẹ kẹ ye ḅii ḅẹ ḍụḅarị apakịrị na, ḅara kẹ kara kpokobia na, tẹmẹ tẹ ye na emii? Anịẹrẹsị mịọkụ ọmịnị ọ́ mịẹ ḅẹ ye kẹ ḅiokoromaa.”

Ḅẹrẹkọn-apụ 8:27

Gidiyọnị nwẹnị golu mẹ ḅụ ye ọkị tẹ kẹ oru-fụḅara tẹmẹ tẹ kẹ ori opu ama Ọfịra ḅụ koroma; tẹ Izirẹlị mẹmgba nwẹnị anịanga mu-mu anị ḅụ sẹfị tii mẹ kọn, tẹ anị ḅo ḍiein sọ Gidiyọnị na ọ̀ paka-furo na pịrị.

1 Samụẹlị 14:3

Mịna tomi ma ḅẹ gbọrụḅọ anie agbamịẹḅọ Ahija tẹ ẹfọdị nwẹn-sịn kapa mẹ sụa ḅọ ḅe. Oriḅe anie Ịkabọdị iyimbere Ayitubu owiḅọtụḅọ. Anịsakị Ayitubu anie Finihasi owiḅọtụḅọ, pịkị Ịlayị Silo ḅụ simearị KỊNỊNYANAḄỌ ḅe agbamịẹḅọ ḅe taa-owiḅọtụḅọ. Tomi ma nimi-a mịnẹ Jonatanị so tẹẹ.

1 Samụẹlị 15:23

Ḅịrị-tọrụ kẹ ye ẹrị si ḅara, mịẹ sịḅị-kụrọ sọ si ḅara; anịsakị kịnị na kura-a si ḅara, mie iri-mịẹye na, sunsin oru pịrị na si ḅara. Gbala ị́ KỊNỊNYANAḄỌ ḅe ẹkwẹn-ḅịḅị mẹ sịkị tẹ ẹrẹsị, ori sọ ị́ sịkị tẹẹ amadaḅọ sọ ḅụ.”

1 Samụẹlị 2:18

Samụwẹlị anie agbamịẹapụ sịnịnị kapa sụa gbọrụ owiḅọtụḅọ tẹ KỊNỊNYANAḄỌ ḅe tọrọkọ fịrịmẹnjịarị ḅọ.

1 Samụẹlị 21:9

Ayimẹlẹkị agbamịẹḅọ ḅe nwẹnị pakịrị, “Golayatị, Filisiteniḅọ ḅe tẹ Ẹla ḅẹ Tụndụ ogboku mẹ ḅụ ị́ ḅaa ḅọ ḅe okologie mẹ sikima ọkụma, jen gberie-sọ mịanga ofori, ị́ aniemẹ ọkị ḅarị ḅẹḅẹ, anị ọkịị; ẹfọdị nwẹn-sịn kapa mẹ ọḅụjụ in ḅịtẹ kẹ anị fịna wararị.” Tẹ Devidi nwẹnị ḅẹẹ, “Aniemẹ pembema ye ofori, anị kẹ ị̀ pịrịị.”

1 Samụẹlị 22:18

Anịtẹso amadaḅọ ḅe nwẹnị Dowẹgị ḅẹẹ, “ị́yẹrị pịkịtẹ agbamịẹapụ ma ḅaa,” tẹ Dowẹgị Edọmụ ḅẹ ḅọ ḅe nwẹnị pịkịtẹ agbamịẹapụ ma ḅaa; anị sakị anị ene mẹ ḅụ, lọkọ-ḅịtẹ kẹ gbin wararị ẹfọdị nwẹn-sịn kapa sụarị tẹ ọ̀ ḅaa apụ, kịnị inia si sọnọ finji.

1 Samụẹlị 23:6

Abịyata, Ayimẹlẹkị owiḅọtụḅọ ḅe ḍumo-mangị kọnm Kẹyịla ḅụ Devidi ḍọkụma-ḅo sakị, ori ọ̀ ḅara-ḅio ḅụ ẹfọdị nwẹn-sịn kapa kẹ ideri-ḅom.

1 Samụẹlị 23:9

Devidi nimim mịnẹ Sọlụ siye kẹ ọ̀ mịẹ ḅẹrẹ ḅịyarị tẹ ọ̀ nwẹnị Abịyata agbamịẹḅọ ḅe ḅẹẹ, “Ẹfọdị nwẹn-sịn kapa mẹ kẹ mịanga ḅoo.”

1 Samụẹlị 30:7

Devidi nwẹnị Abịyata, agbamịẹḅọ ḅe, Ayimẹlẹkị owiḅọtụḅọ ḅe ḅẹẹ, “Ẹfọdị nwẹn-sịn kapa mẹ ọkị-ḅo ị̀ pịrịị.” Anieḅụ Abịyata agbamịẹapụ kapa mẹ ọkị-ḅo Devidi pịrịm.