Hosiya 3:1 - FỊAFỊA BAỊBỤLỤ

¹ KỊNỊNYANAḄỌ ḅe ị̀ ḅẹẹm, “Siin mu tẹ jụmọ na olo sọ tẹ pịkị sẹfịarị ẹrẹḅọ ma ḅẹlẹmaa. À kẹ Izirẹlịapụ ma ḅẹlẹma gbọrụ ḅara mẹ kẹ á ḅẹlẹmaa, karakaraye ịn pịkị oru-atamụnọ dama-mu tẹ samụnọtẹ girepu-asịnmgbọlụ agba mịẹ oru-afụḅara pịrịarị ḅẹsọ.”

Hosiya 3:1 Iomraidhean Croise

2 Samụẹlị 6:19

tẹ tomi mamgba ogbo-ḅio, bebe Izirẹlị tomina-ogbo mẹ fịturu kpo-kpo na, fọịtẹ nama pakịrị-pakịrị na, ịn kẹ rezini sịn sịnmgbọlụ kẹ mịẹ kịkị na kẹ ḍie owiapụ-o, ereme-o gbọrụḅọ-gbọrụḅọ pịrịm. Anịtẹrẹmẹ tomi mamgba gbọrụḅọ-gbọrụḅọ so amịna warị mum.

2 Amadapụ 13:23

Kụma KỊNỊNYANAḄỌ ḅe ḍiki-ḅụụjịrị nyana ịn pịrị tẹ sịḅị-kụrụkụrụ ḅụ ye wẹrịso ịn pịrịm, tẹ nwẹnị tọrụ pịkị in da ori Ebira-amụ na, Ayịzịkị na, Jekọbụ na fị ọḅọkụ sịḅị ẹrẹsị, tẹ ḅarị ịn ḅaa-a, anịanịa ọ̀ ḅụụ ḅụ in wakị nguma-a wenii ḅo mịọkụ lam.

1 Paka-aị 16:3

tẹ fịturu gbọrụ kpo gbọrụ kpo na, nama oḅolo-oḅolo na, ịn kẹẹ rezini sịn sịnmgbọlị kẹ mịẹ kịkị pakịrị-pakịrị ḍie tẹ kẹ Izirẹlị mẹmgba owiapụ na, ereme na pịrịm.

Nehimaya 9:31

Anịsọ í gburo-gburotẹ ọkụrụkụrụ ḅụ, ị́ ịn ḅa fama-a anịanịa ịn sịkị-a. Gbala ị́yẹrị anie ḍiki-ḅụụjịrị na ọkụrụkụrụ na Tamụnọ ẹrẹsị.”

Devidi-Anume 123:2

Fịrịmẹnjịḅọ ọ̀ sịḅịdaḅọ ḅụ sịrẹrẹ ḅara, fịrịmẹnjị-ẹrẹḅọtụḅọ á sịḅịda-ẹrẹḅọ ḅụ sịrẹrẹ ḅara, mị-ḅara ḅụ wa tọrụ sakị í ḍiki-ḍiki-ḍiki ḅa, Yei KỊNỊNYANAḄỌ, wamịna Tamụnọ, nwenii ị́ ọkụrụkụrụ nyana wa pịrị sakị la.

Paka-so 32:6

Ene ḅaa ḅẹ dede-funfun ḅụ ịn nwẹnị saakị tẹ dọkịma-agba mịẹ, tẹ dein-pịrị-agba mịẹ-aị ọkị-ḅo, tẹ tomi ma nwẹnị Lẹgị-sime tẹ fịye fị pịkị iru ḅuu tẹ saakị tẹ tiim.

Sọlọmọnị Ḅẹlẹtẹịn Nume 2:5

Samụnọtẹ girepu sịnmgbọlụ kẹ ịwọ ịnyọ kẹ ị̀ pịrịị, tẹ apụlụ sịnmgbọlụ ma kẹ ì ḅio deinmam. Ị̀ ḅụụ ịnyọ fa tẹẹ í gotẹ lẹlẹ ḅụ.

Ayịzaya 45:22

Mịọkụ ọ́ pịkị ị̀ daa, tẹ ḅọrọmaa, bebe tomikiri mẹ kana-koro ḅẹ atomi! Yẹrị kịngẹ anie Tamụnọ tẹ emi ḅọ.

Jerimaya 3:20

Kụma si ẹrẹḅọ ḅara ḅụ amụ í ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, KỊNỊNYANAḄỌ ḅe ọkọ ḅẹẹm.

Jerimaya 31:20

Izirẹlị, anie ị̀ ḅụụ-ḅẹlẹma tẹịn owiḅọtụḅọ, à ḅẹlẹma-tẹịn tụḅọ. Àrị ị́ ẹrẹ goo sakị goo sakị, à ḅẹlẹma ḅụ ị́ kẹ ḅiokoromarị. Gbala ì ḅioḅẹngbọ í gotẹ mẹnjị pakarị ye ọkụ; Arị ọkụrụkụrụ nyana ḅa.

Hosiya 11:8

Izirẹlị, ndẹẹ à gotẹ ị́ ḅụ ḅara-siin ḅẹ ḅara? Ndẹẹ àrị inetẹ ị́ kẹ gbin koroma so ḅẹ ḅara? Àrị à kẹ Adima mịẹ ḅara kẹ inetẹ í guluguluma ḅẹm aro? Anịanịa Zeboyimu na mịẹ ḅara kẹ ị́ na mịẹ? Ì ḅioḅẹngbọ ḍụkụ tẹ àrị anị mịẹ ḅịa! À nyana ị́ pịrị ḅẹlẹma kụrọ ḅakam.

Hosiya 2:5

Ịna iyingiḅọ ḅioḅẹngbọ-kẹ-sịrẹrẹ-niḅi-a ḅara sime tẹ tọrụ-tuu ḅụ in furam. Árị mẹẹ, “Àrị ị̀ ḅẹlẹmapụ ma ḍuka-mu ḅa, anie fịye na minji na, oḅoku-dee-ḅịtẹ na, ferefere-ḅịtẹ na, pulo na iru na kẹ ị̀ pịrịarị apụ ma.”

Hosiya 4:11

KỊNỊNYANAḄỌ ḅe ḅẹẹarị, “Iru — elemu ye na ịwọ ye na gboloma — mịẹ tẹ ị̀ atomi ḅarị sịḅịḅio nyana-a ḅara simearị!

Hosiya 7:5

Amadaḅọ ḅe tii gboo koroma eneḅaka mẹ ḅụ ini iru kẹ ori na ọ̀ fịrịmẹnjị-opuapụ na pịrị ḅuu tọrụ-ḅaama tẹ ini oḅori ḅara simem.

Emọsị 2:8

Tamụnọ tẹkẹ yọ goyegoye ḅụ tomi igoin-apụ saa gotẹ kẹ ịna aḅara sụa akapa kẹ monoarị. Ịna Tamụnọ Warị ḅio ini iru ḅuuarị, anie ịna aḅara igbigi ọlọ apụ ḅara ini ọkị ye.”

Emọsị 6:6

Bọlị mie ọ́ kẹ waịnị iru sụa ḅinma-ḅinma tẹ ḅuuarị, tẹ iḅi tẹịn sẹntị asanarị, kụma Izirẹlị fa mẹ ó kururuma-a.

Mayịka 7:7

Kụma yẹrị kịngẹ ọkụma, à tọrụ saakị KỊNỊNYANAḄỌ ḅe ḍiki ḅa, arị ị̀ ḅọrọma mẹ ọkị-ḅo ḅarị Tamụnọ ḅe koru ḅa; ị̀ Tamụnọ ḅe ori ị̀ naa ḅa.

Zẹkaraya 1:16

Mie ḅụ à pịkịma Jeruselemu ḅo tẹẹ, ọkụrụkụrụ kẹ opu ama mẹ ḍie ḅẹ ḅara. Ị̀ warị mẹ tarị anị sime-ḅara sime ḅa, tẹ in siin opu ama mẹ nama ḅa.”

Matiyo 26:50

Jizọsị nwẹnị pakịrị, “Ikiaḅọ, sarasarama í gotẹ ḅo ye mịẹ.” Anịtẹso ịn mẹnjị mu Jizọsị kun tẹ ori ọlọ kụrọmam.

1 Kọrịntị 10:21

Ọmịnị inetẹ KỊNỊNYANAḄỌ kọpụ mẹ ḅio ḅuu tẹ pịkị mu oru ma kọpụ ḅio ḅuu ḅịa; ọmịnị inetẹ KỊNỊNYANAḄỌ dẹbịlẹ ọgọnọ fịye fị tẹ pịkị mu oru ma dẹbịlẹ ọgọnọ fị ḅịa.

1 Kọrịntị 10:7

wa pịkị oru tẹkẹ ma, ini ḅẹ ja apụ mịẹ ḅara. Fịafịa Ḍiri mẹ ḍukoarị, “Tomi ma nwẹnị lẹgị-sime tẹ alalị fị, tẹ ini alalị mẹ fị ḅụrama tẹso, in kiki ofori ḅara kẹ iru ḅuu na owiapụ na ereme na gboloma amịẹaị mịẹm.”

1 Pita 4:3

Ḅọrọtẹ sakị ọ́ kẹ oru nimi apụ ma ḅụụ-ḅẹlẹ tẹ mịẹ-mịẹ aị mịẹtẹ sakị mẹ ḅọrọ tẹ. Ḅụụ gbẹẹ-a amịẹaị na, ye go lẹlẹ na, iru ḅuu tọrụ-ḅaama na, gbiri-gbiri-gbiri alalị fị na, iru ḅuu ogbo-ogbo na, sịḅị-jịrịma oru tẹkẹ ḅara na, mie ọmịnị ọmịna aḍumo mamgba kẹ mịẹ-mịẹ ye.

Ḅẹrẹkọn-apụ 10:16

Anieḅụ ịn nwẹnị ini ogbo-ḅio ḅụ igoni oru-atamụnọ ma tan-siin tẹ fịrịmẹnjị KỊNỊNYANAḄỌ ḅe pịrị; tẹ Izirẹlị tọrụsiẹrị mẹ nwẹnị ḅo ọ̀ ḅụụ-ḅẹsọọ.

Ḅẹrẹkọn-apụ 9:27

Ịn nwẹnị paka piri sọ, tẹ ịna girepu-aḍụọ ma ḅio girepu-asịnmgbọlụ ma kobiri tẹ arị nanga, tẹ alalị fị. Ịn nwẹnị ịna oru-tamụnọ warị ḅio sọ-mu tẹ fị-na-ḅuu-na, tẹ Abimẹlẹkị fie sima.