Hosiya 2:9 - FỊAFỊA BAỊBỤLỤ

⁹ Mie ḅụ fịye-soku sakị ḅụ, àrị à kẹ á pịrị mgbọlị-fịye mẹ na, iru mẹ na, oḅoku-dee-ḅịtẹ mẹ na, ferefere-ḅịtẹ mẹ na tẹ á kẹ á ḅụụ gbaịn-arị aị ma ọkị ḅa.

Hosiya 2:9 Iomraidhean Croise

Izikẹlị 16:27

“Mịọkụ à fomu-ḅara kẹ ị́ pịrị ḅẹ tẹ ị̀ ḅara saakị-gelema tẹ, ì boma ḅụ ị́ la kiri sọ àrị ọkị so tẹẹ. Àrị ị́ saakị saḅama Filisiteniapụ ma pịrị tẹẹ, anie í ḍiki-ḅioḅuarị tẹ í si-amịẹaị ma ḅụụ-ngụngụmarị apụ ma.

Izikẹlị 16:39

Àrị ị́ kẹ ịna kụrọ suku-ḅio suu ḅa, tẹ ini ị́ ama-mẹnjị amịẹaị ma mịẹ-mịẹ tẹ sunsin oru-afụḅara pịrịarị oru-awarị ma kan-sara ḅa. Ini ị́ aḅịtẹ na kapa na, yela ḅụụ-ḅirima aị ma na ọkị so tẹ ye kọnma-a ḅara kẹ ị́ paụma koroma tẹ so ḅa.”

Izikẹlị 23:26

Ini ị́ kapa kan siin tẹ í yela ḅụụ ḅiriaị ma ọkị ḅa.

Danẹlị 11:13

Siriya ḅẹ amadaḅọ ḅe pịkị so tẹ tarị ọ̀ nyana ọmụ-ogbo mẹ nẹngị ye kobiri ḅa. Karakara sakị mẹ ḅo sakị, ori opu ọmụ-ogbo kẹ pịkị-ḅo ḅa, nyana na-iḅi ye iḅi ye nyana tẹ ọmụ-ogbo.

Hosiya 2:3

Á ḍụkụ-a ḅẹḅẹ, àrị á paụma fama tẹ árị ini árị iyi ene mẹ ḅụ á sime-ḅara sime ḅa. Àrị á mịẹ tẹ árị ịkpa kịka ḅa, tẹ á minji-pọkọtarị ḅụ fịị ḅa.

Hosiya 8:7

Ịn fẹrụ ḍiḅiarị sakị, ini erise soku ḅa! Kpoo-kpoo-a mbịaka ḍụọ inetẹ gbala-gbala gbọrụ fịturu sọ pakama-ḅo ḅịa. Kụma anị nwẹnị ọkọ mịẹ sọ ja sịẹ ḅẹ apụ mie anị fị sin ḅarịye.

Hosiya 9:2

Kụma ala-a ọ́ ḅarị ọmịnị na iḅi ḅẹ ḅara kẹ mbịaka na olivu pulo na nyana ḅịa, tẹ waịnị iru ḅarị paka ḅịa.

Jowẹlị 2:14

Tụḅọ nimi? Ẹbịsịya KỊNỊNYANAḄỌ ọmịna Tamụnọ ḅe ò kuroma ḍima tẹ tọnwa ḍiḅi-aị pakama sara tẹ kẹ ó boma ḅa. Anịtẹso ọmịnị inetẹ mgbọlị-fịaị na iru na kẹ agba mịẹ ọ̀ pịrị ḅa.

Zẹfanaya 1:13

Ịn nyana sara aị ma ja apụ ọkị so tẹ ịna awarị kan guluguluma ḅa. Gbala-gbala ịn namarị awarị ma ḅio ini anga ḅịa anịanịa in ḍiḅiarị vaịnị aḍụọ ma ḅụ ḅo iru ḅuu.”

Malakayị 1:4

Ịsọ furo-ḅẹ-apụ, anie Idọmụ ḅẹ apụ ma ḅẹẹm, “Ịn wamịna ama ma guluguluma tẹẹ, kụma wa siin arị nama ḅa.” KỊNỊNYANAḄỌ ḅe nwẹnị pakịrị, “Yee ịn nama — à pịkị arị kan sara ḅa nwenii tomi ịn sịn ḅa, ‘Si amakiri mẹ tẹ KỊNỊNYANAḄỌ ḅe ịganị nyana pịrị gbamaso wararị sịẹ mẹ.’”

Malakayị 3:18

Ị̀ atomi siin gbọrụ sakị kẹ ẹrị ḅa paka karakaraye-mịẹḅọ ḅe pịrịarị ye na paka si-sịḅịḅio-sụaḅọ ḅe pịrịarị ye na, anie fịrịmẹnjị ị̀ pịrị ḅọ ḅe na fịrịmẹnjị ị̀ pịrị-a ḅọ ḅe na aḅụụ pakarị ye mẹ.”