Hosiya 2:8 - FỊAFỊA BAỊBỤLỤ

⁸ Gbala-gbala á minini ḍụkụ-a mịnẹ yẹrị anie mgbọlị-fịye mẹ na, iru mẹ na, olivu-olo mẹ na, seleḅa mẹ na, golu mẹ na kẹ á pịrị tẹ á kẹ mu sunsin Balị pịrị ḅọ ḅee.

Hosiya 2:8 Iomraidhean Croise

1 Paka-aị 29:16

Yei KỊNỊNYANAḄỌ wamịna Tamụnọ, nwẹn ḅin wararị ye mẹmgba tẹ kẹ ị́ fịafịa ẹrẹ gotẹ warị nama ị́ pịrị ḅẹ ẹrẹsị wa tẹlẹma koromatẹ ye mẹmgba ị́ ḅara ḅom, arịmgba pịkị ị́ nyee.

Jobu 19:8

Ori onu gbori ì etela kiki tẹ, mịẹ tẹ arị inetẹ ḅọrọ ḅịa ḅara, tẹ ọ̀ kanakana kẹ ị̀ kala etela ma gbaịn tẹẹ.

Ayịzaya 1:3

Nambulo ma sọ amịna nyanaḅọ nimi wararị, yedogi-anama sọ ịn nyanaḅọ fịye kẹ ịn pịrị fị-fị yọ nimi wararị. Kụma ị̀ atomi, Izirẹlịapụ ma nimi-a mịnẹsẹ yẹrị ịna Tamụnọ. Gbala-gbala ini aniemẹ fieye naa-a.”

Ayịzaya 46:6

Tomi ịna akpa ma finji-finji tẹ golu ọsụma pakama-ḅoarị; tẹ in ye-tọn-aị ọgọnọ seleḅa tọn-tọn pakama-ḅoarị. In golu-tẹmẹḅọ ọkọ tẹ ori anị kẹ tamụnọ mịẹarị; anịtẹso ini iḅo tẹ sunsin anị pịrịarị.

Jerimaya 7:18

Awọmẹ ma sanga kolokoloarị, owiapụ ma fịnị tọnọarị, tẹ ereme ma fịlawa kpoo-kpoo tẹ kẹ kiki mịẹ-mịẹ ịn kẹ So-ḅẹ-Amada-Ẹrẹḅọ nwẹn sịn ẹrẹ oru ma pịrịarị. Ịn pịkị iru sara oru-atamụnọ pịrịarị, kẹ ị̀ ḅụụ-sịnịsịnịma ḅẹ ḅara.

Izikẹlị 23:41

Ịn nwẹnị iḅitẹ lẹgịye ọgọnọ lẹgị, dẹbịlẹ kẹ ịna tọrọkọ koroma, kịrị-kịrị aị anị ọgọnọ sara simem, kụnụaị dọkịma ye na olivu olo na sọ, anie yẹrị kẹ ịn pịrị tẹ aị ma.

Danẹlị 3:1

Ama-da Nebukadineza golu kẹ mḅudu mịẹm, tẹra mita fa suei mie anị ḅẹ gele, tẹ finji nwẹnị kẹlẹ-fa tẹra amita. Babịlọnị ibe ḅụ Dura lẹsẹrẹ-kiri mẹ ḅụ mie ori anị kẹ sịẹma yee.

Danẹlị 5:23

Ị́ kọngọ-kụrọma So-ḅio ḅẹ KỊNỊNYANAḄỌ ḅe pịrịm tẹ ọ̀ Warị ḅio ịn fọịn ọkị amọngị ma na panị ma na ọkịm. Ị́yẹrị na, ị́ opu afịrịmẹnjịapụ na, í ereme na, í oloapụ na arị kẹ iri ḅuu-ḅuu tẹ nwẹnị in golu na, seleḅa na, ojo na, ikulele na, ḍụḅọ na pịkị ẹkẹkẹ-pakịrị kẹ tẹmẹ atamụnọ ma tokinim — oru-atamụnọ tẹ inetẹ ye ẹrị-a anịanịa ye naa-a, pịkị gberie-sọ nimi-a atamụnọ ma.

Hosiya 10:1

Izirẹlịapụ ma kịkaye girepu mgbọlụ sụarị vaịnị sịn tẹ girepu sụa ḅinma wararị ye. Ịn lọkọlọkọ la ḅara anie ịn pịkị agbamịẹ-anga nama la ḅara. Ịna amakiri fịaị pakama sara la ḅara anie ịn pịkị kẹ ịn sunsin pịrịarị tọn-tọn ḍụḅarị ḅeriaị ma mịẹ iḅima la ḅara.

Hosiya 13:1

Ḅọrọtẹ sakị ḅụ, Iferemu furo-ḅẹ-apụ ma ẹkwẹn kụma Izirẹlị ḅụ osi afuro ma ḅalafaam; ịn tọrụ saakị Iferemu ḍikim. Kụma tomi ma si mịẹm sunsin Balị pịrị ḅụ, tẹ mie gotẹ ịn fịị ḅa.

Hosiya 13:2

Ịn paa si mịẹ-mịẹ-mịẹarị, kiri ḅio paka-ḅo aị kẹ tẹmẹ mḅudu tẹ in sunsin pịrịarị — seleḅa oru-afụḅara, tomina akuroma ḅụ tọn tẹ tomina aḅara kẹ mịẹ aị. Anị tẹso, ịn ḅẹẹarị, “Ọmịnị agbamịẹ arị pịrị.” Ndẹẹ wa arị oru-afụḅara ma ḅịḅị nọnjị ḅẹ ḅara — oru-afụḅara tẹ nambulo sime-ḅara simearị aị ḍiki-tọrụ ḅụ!

Hosiya 2:5

Ịna iyingiḅọ ḅioḅẹngbọ-kẹ-sịrẹrẹ-niḅi-a ḅara sime tẹ tọrụ-tuu ḅụ in furam. Árị mẹẹ, “Àrị ị̀ ḅẹlẹmapụ ma ḍuka-mu ḅa, anie fịye na minji na, oḅoku-dee-ḅịtẹ na, ferefere-ḅịtẹ na, pulo na iru na kẹ ị̀ pịrịarị apụ ma.”

Hosiya 4:11

KỊNỊNYANAḄỌ ḅe ḅẹẹarị, “Iru — elemu ye na ịwọ ye na gboloma — mịẹ tẹ ị̀ atomi ḅarị sịḅịḅio nyana-a ḅara simearị!

Hosiya 8:4

“Ị̀ atomi amadapụ sẹlẹ pakama-ḅom, kụma ịna ḅiotọn ḅara mie ịn kẹ mịẹ ye. Ịn sịḅịdapụ tọnm, kụma ị̀ ḅịḅị-sọ-a ḅara. Ini ịna seleḅa na golu na ọkị tẹ kẹ oru-afụḅara mịẹm — kẹ ịna ḅụụ guluguluma ḅẹm.

Habakọkụ 1:16

Ịn pịkị sunsin ịna ịgbọ ma pịrị tẹ agba mịẹ arị pịrịarị, ịna ịgbọ ma ye goyegoye ḅẹ iḅi tẹịn ye nyana ḅo ịn pịrịarị ẹrẹsị.”

Luku 15:13

Boowa aḍin ḅọrọ tẹso, kalaḅọ ḅe nwẹnị ọ̀ la kiri mẹ dẹrị tẹ igbigi mẹ kẹ so iḅere-iḅerea anga simearị ama mu, tẹ arịmgba kẹ woso-woso ḍumo kọn fama.

Romu 1:28

Ọkọ sime atomi ma karakara ḅara kẹ Tamụnọ ḅe nimi ḅẹ ḅii-a ẹrẹsị ori ịn wẹrịso ịna ḅụrụtẹ aḅioḅẹngbọ ma pịrị tẹ, ịn ḅarị kuraye nimi tẹ mịẹ-a.

Ditẹrọnọmị 8:18

Ọ́ KỊNỊNYANAḄỌ ọmịna Tamụnọ ḅe kẹ ḅiokoroma ḅa, kẹ gotẹ ọkọ ḅẹẹarị, ori mie kụrọ kẹ ọ́ pịrịtẹ ọmịnị ngọ mẹ kọn ye; mịẹtẹ ori ori ọḅọkụ mẹ tẹ ò ye karị ḅara kẹ fị ọmịna aḍapụ pịrị ye mẹ mịẹ kụrọma ḅẹ ḅara anị wẹrịtẹ mịmgba ḅụ sime-ḅara.

Ḅẹrẹkọn-apụ 9:27

Ịn nwẹnị paka piri sọ, tẹ ịna girepu-aḍụọ ma ḅio girepu-asịnmgbọlụ ma kobiri tẹ arị nanga, tẹ alalị fị. Ịn nwẹnị ịna oru-tamụnọ warị ḅio sọ-mu tẹ fị-na-ḅuu-na, tẹ Abimẹlẹkị fie sima.