Hosiya 2:5 - FỊAFỊA BAỊBỤLỤ

⁵ Ịna iyingiḅọ ḅioḅẹngbọ-kẹ-sịrẹrẹ-niḅi-a ḅara sime tẹ tọrụ-tuu ḅụ in furam. Árị mẹẹ, “Àrị ị̀ ḅẹlẹmapụ ma ḍuka-mu ḅa, anie fịye na minji na, oḅoku-dee-ḅịtẹ na, ferefere-ḅịtẹ na, pulo na iru na kẹ ị̀ pịrịarị apụ ma.”

Hosiya 2:5 Iomraidhean Croise

Ayịzaya 1:21

Gbọrụ sakị ḅụ ḅioḅẹngbọ-kẹ-sịrẹrẹ-niḅi ḅara sime ama mẹ mịọkụ ḅo sẹfị-ẹrẹḅọ kịka tẹ á mịẹarị ḅara mịẹarị. Gbọrụ sakị ḅụ anị ḅio karakara atomi-atomi ḅinm, kụma mịọkụ kịnị-ḅaapụ ngẹrị kọn tẹ.

Ayịzaya 50:1

KỊNỊNYANAḄỌ ḅe mẹẹ, Í kuromarị à diḅọ na siya tẹ ẹrẹḅọ ḅara kẹ ị̀ atomi ḅẹẹ tẹ in so? Nwẹnị ọkọ kụma ndẹẹ ḅọrọ siya aḍiri ma? Ó kuromarị arị ọ́ kẹ dẹrị tẹ ini tomḅọ amịna awọmẹ kẹ omoni ḅara dẹrị ḅara? Ẹn-ẹn, ọmịna asi mie ó gotẹ kun ḅio sọ yee; ọmịna asi mịẹ-aị ẹrẹsị ini ọ́ kẹ ala-jụ fịrịmam.

Jerimaya 11:13

Juda ḅẹ opu ama ma kịẹn-ḅịḅị la ḅara mie ịna atamụnọ kịẹn-ḅịḅị sọ la ḅara, tẹ Jeruselemu ḅio angarị apụ ma opu ama mẹ etela mamgba ḅụ agbamịẹ-anga nama sịḅị-ngụngụnmarị Balị nwẹn-sịn tamụnọ ḅe pịrị tẹ.

Jerimaya 13:22

Ị́ nwẹnị gbelarị tiye ẹrẹsị mie-mẹmgba ị́ ḅụụ pakarị ḅẹḅẹ — in tiegotẹ ị́ ḅịtẹ kporima tẹ kụrọ-ḅara kẹ ị́ na ye mịẹ ye mẹ — anị gotẹ ọkọ mịẹ yee, í sii ḅalafamam.

Jerimaya 2:20

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Izirẹlị, iḅere-iḅerea kụra ḅio ị́ ị̀ ḅẹrẹtọn kụrọ mẹ sịkịm; ị́ ḍụkụ tẹ ị̀ ḅịḅịpoki tẹ sunsin ị̀ pịrị-a. Gele tụndụ ọgọnọ goyegoye ḅụ pịkị ḍumo wararị sịn goyegoye suku ḅio í sunsin fịaị pakama-ḅo ḅa nwẹn ḅẹẹ atamụnọ pịrịm.

Jerimaya 6:8

Jeruselemu ḅẹ apụ, yee mịna ḅụụ-fụka ma ḅeri nụnụ ye sọ ọ́ pịrị, ọkọ-a kụma arị ọ́ kẹ gbin koroma tẹ so ḅa; arị ọmịna opu ama mẹ pịkịma-ḅo ịkpa sọma ḅa, gbọrụḅọ-sọ anga-a yọ.”

Izikẹlị 16:35

Mịọkụ ọkọ ẹrẹsị, Jeruselemu, ama-mẹnjị-ẹrẹḅọ! KỊNỊNYANAḄỌ ḅe ḍukoarị ye pokii.

Izikẹlị 16:39

Àrị ị́ kẹ ịna kụrọ suku-ḅio suu ḅa, tẹ ini ị́ ama-mẹnjị amịẹaị ma mịẹ-mịẹ tẹ sunsin oru-afụḅara pịrịarị oru-awarị ma kan-sara ḅa. Ini ị́ aḅịtẹ na kapa na, yela ḅụụ-ḅirima aị ma na ọkị so tẹ ye kọnma-a ḅara kẹ ị́ paụma koroma tẹ so ḅa.”

Izikẹlị 16:4

Í iyi sakị, gbọrụḅọ-sọ í ombu pẹlẹ-a, anịanịa ị́ sịkịrị, anịanịa fụn kẹ í sikiri, anịanịa ḅịtẹ kẹ ị́ sụa.

Hosiya 1:2

KỊNỊNYANAḄỌ ḅe tarị-tarị Hosiya ḅụ ḅọrọ tẹ ẹkwẹn Izirẹlị pịrị sakị, ori Hosiya ḅẹẹm, “Mu ẹrẹḅọ simee; ị́ ta ma á sẹfị ḍumo kọn ḅa, tẹ ị́ awọmẹ sọ á kịka tẹ á sime-ḅara sime ḅa. Anị gbọrụ ḅara ḅụ, ị̀ atomi sẹfị tẹ ì koroma-so tẹẹ.”

Hosiya 2:2

Ị̀ awọmẹ, ọmịnị ọmịna iyingiḅọ na ẹkwẹnmaa — karakaraye árị ḅarị jen kẹ ị̀ ta-a, tẹ yẹrị pịkị ḅarị jen kẹ á di-a sọ. Ọmịnị árị na ẹkwẹnma tẹ árị á sẹfị na ama-mẹnjị na ḅụ ḅara-siin.

Hosiya 2:8

Gbala-gbala á minini ḍụkụ-a mịnẹ yẹrị anie mgbọlị-fịye mẹ na, iru mẹ na, olivu-olo mẹ na, seleḅa mẹ na, golu mẹ na kẹ á pịrị tẹ á kẹ mu sunsin Balị pịrị ḅọ ḅee.

Hosiya 3:1

KỊNỊNYANAḄỌ ḅe ị̀ ḅẹẹm, “Siin mu tẹ jụmọ na olo sọ tẹ pịkị sẹfịarị ẹrẹḅọ ma ḅẹlẹmaa. À kẹ Izirẹlịapụ ma ḅẹlẹma gbọrụ ḅara mẹ kẹ á ḅẹlẹmaa, karakaraye ịn pịkị oru-atamụnọ dama-mu tẹ samụnọtẹ girepu-asịnmgbọlụ agba mịẹ oru-afụḅara pịrịarị ḅẹsọ.”

Hosiya 4:5

Ḍin na eneḅaka na ḅụ ó zuzu ma tọrọkọ-tọrọkọ muarị, tẹ ịkịankoroapụ ma iḅi ḅara mịẹ ọ́ nẹngị-a. Àrị Izirẹlị guluguluma ḅẹ-yearị, ọmịna iyingiḅọ ma.

Hosiya 8:9

Izirẹlịapụ piri-ḅio-ḅẹ asụ kịka tẹ kọngọ-kụrọma tẹ ịna etela muarị. In so Asiriya ḅarasụa ḍọkị ḅẹ muarị, tẹ osi asịẹ ma ọkọ tẹ ini ịn gbaịn.

Hosiya 9:10

KỊNỊNYANAḄỌ ḅe ḅẹẹarị, “Àrị Izirẹlị ḍọkị ẹrị sakị, anị kịkaye ịkpa ḅio so-pakarị girepu mgbọlụ sịn ḍọkị ye ọkụ. Àrị ọmịna elemu aḍapụ ma ẹrị sakị, anị kịkaye kụra mẹ ḅẹ tarị figi asịnmgbọlụ ẹrị ye ọkụ. Kụma in ḅo Pẹyọ Tụndụ la sakị, ịn saakị sunsin Balị pịrịm, tẹ ala-a in ḅo ịn ḅẹlẹmarị oru-atamụnọ ma sịḅị-ngụngụnma ḅara kẹ sịḅị-ngụngụmam.

Emọsị 8:13

Anị ene ḅụ ịnyọ nyana wararị asawọ na iriawọ na sọ naịn-ḅọrọ ḅa minji pọkọ tarị gotẹ.

Ḅẹrẹkọn-apụ 16:23

Mịọkụ Filisiteni ḅẹ Sịḅịdapụ ma nwẹnị gburo-gburo agba mịẹ Degọnị ịna oru-tamụnọ pịrị tẹ ḍereku ḅẹ ḅara kẹ kobiri; kẹ gotẹ ọkọ ḅẹẹarị, ini mẹẹ, “Wamịna oru-tamụnọ wamịnị na fịya-a Samụsịnị kẹ wamịna ḅara-ḅio ḅụ wa pịrị tẹ.”