Hosiya 2:4 - FỊAFỊA BAỊBỤLỤ

⁴ Àrị ọkụrụkụrụ nyana árị awọmẹ pịrị ḅịa, ini ḅụụ-jịrị-jịrị-a sẹfị-ẹrẹḅọ awọmẹ ẹrẹsị.

Hosiya 2:4 Iomraidhean Croise

2 Amadapụ 9:22

Joramụ Jehu ẹrị tẹso, ọ̀ nwẹnị ò gbela, “Jehu, dein gbeke emi?” Jehu nwẹnị pakịrị, “Tọ dein inetẹ paka ḅẹ, í iyingi Jezibẹlị saakị wararị mẹ na, oru mịẹ-mịẹ sẹfị mẹ na paa ḅin wararị ḅẹ saakị?”

Ayịzaya 27:11

Sịn ma aḅara kpatụ tẹ anyị sara tẹ, tẹ ereme arị kolokolo tẹ kẹ fịnị sọmarị. Anị gotẹ ọkọ pakarị ye, tomi ma gberie-sọ fiearị ye naa-a, ịn Tẹmẹ Tamụnọ ḅe in ḍiki-sịḅịjịrị ḅịa, anịanịa ọkụrụkụrụ kalịye kẹ in ḍie.

Ayịzaya 50:1

KỊNỊNYANAḄỌ ḅe mẹẹ, Í kuromarị à diḅọ na siya tẹ ẹrẹḅọ ḅara kẹ ị̀ atomi ḅẹẹ tẹ in so? Nwẹnị ọkọ kụma ndẹẹ ḅọrọ siya aḍiri ma? Ó kuromarị arị ọ́ kẹ dẹrị tẹ ini tomḅọ amịna awọmẹ kẹ omoni ḅara dẹrị ḅara? Ẹn-ẹn, ọmịna asi mie ó gotẹ kun ḅio sọ yee; ọmịna asi mịẹ-aị ẹrẹsị ini ọ́ kẹ ala-jụ fịrịmam.

Ayịzaya 57:3

Ọmịnị si-mịẹapụ, ó ḅoo ini ọ́ kọn mịangaa! Ọmịnị iḅi arịapụ na, sẹfị-apụ na, ama-mẹnjị-ereme na nẹngị-a.

Jerimaya 13:14

Anịtẹso maa jongo kẹ jen-jen gbolo tẹ arị fịị kọsị-sara ḅara mie à kẹ ịn ḅaa kọsịma ḅarị ḅara, omongiapụ na ḍọkọḍọkọ-awọmẹ na gbọrụ ḅara mẹ. Ḍiki-ḅụụjịrị ofori ḅara, sịḅị-jịrị anịanịa ọkụrụkụrụ sọ ị̀ dasịẹma ḅịa ịn ḅaa ḅụ.”

Jerimaya 16:5

“Ị́ ịn ḍụẹịn ḍuuarị gbọrụ warị sọ sọ-mu ḅịa. Gbọrụḅọ sọ gotẹ kururuma. À ḅarị jen kẹ ị̀ atomi boma ḅịa, anịanịa ḅẹlẹma na ọkụrụkụrụ na kẹ in ḍie.

Izikẹlị 23:25

Àrị ịganị nyana ị́ pịrị wararị ẹrẹsị, àrị ịn wẹrịso tẹ ini ị́ na mịẹ ḅa ini ịganị ḅụ. Ini í nini na ị́ aḅeri na pẹlẹ-siin ḅa, tẹ ị́ awọmẹ ḅaa ḅa. Inn, ini ị́ ḅara í owiapụ-awọmẹ mamgba na eremịna-awọmẹ mamgba na ọkị tẹ ịn kẹ dọkịma ḅa ḍumo tọrụ ḅụ.

Izikẹlị 8:18

Ị̀ ịganị mẹ ḅẹ kụrọ mamgba ḅo ịn la tẹ ịna ḅụụ ịnọ ḅa. À ḅara-wẹrị ịn pịrị ḅịa anịanịa ọkụrụkụrụ nyana ịn pịrị. Ini oloku-oloku ị̀ tẹkẹ ḅa, ini inetẹ oloku pakama ḅẹ ḅara-ḅara, kụma arị ịn poki ḅịa.”

Izikẹlị 9:10

Kụma arị ọkụrụkụrụ nyana ịn pịrị ḅịa. Àrị ịn kẹ ja apụ mịẹ tẹ ye mẹ kẹ ịn mịẹ ḅa.”

Hosiya 1:2

KỊNỊNYANAḄỌ ḅe tarị-tarị Hosiya ḅụ ḅọrọ tẹ ẹkwẹn Izirẹlị pịrị sakị, ori Hosiya ḅẹẹm, “Mu ẹrẹḅọ simee; ị́ ta ma á sẹfị ḍumo kọn ḅa, tẹ ị́ awọmẹ sọ á kịka tẹ á sime-ḅara sime ḅa. Anị gbọrụ ḅara ḅụ, ị̀ atomi sẹfị tẹ ì koroma-so tẹẹ.”

Hosiya 1:6

Goma maaịn karama tụḅọ iyim; mị sakị ẹrẹḅọtụḅọ. KỊNỊNYANAḄỌ ḅe Hosiya ḅẹẹm, “Á sịịn, Lo-ruhama, kẹ gotẹ ọkọ ḅẹẹarị, à ḅarị jen kẹ ọkụrụkụrụ nyana Izirẹlịapụ ma pịrị ḅịa, anịanịa si-wẹrịso ịn pịrị.

Hosiya 5:7

In ḅioḅẹngbọ-kẹ-sịrẹrẹ-niḅi-a ḅara sime KỊNỊNYANAḄỌ ḅe pịrị tẹẹ; ịna awọmẹ sime ọ̀ pịrị-a. Mie ḅụ ini na ịna amakiri ma na ala-a gulugulu ḅa.

Zẹkaraya 1:12

Anịtẹso enjẹlị ḅe ḅẹẹm, “Kụrọmamgba nyana KỊNỊNYANAḄỌ ị́ ịganị nyana Jeruselemu na Juda ḅẹ opu ama ma na pịrị tẹ kụra atesi oyi finji, tẹ ḅo mịọkụ la. Ọkị mu pịkị tọ sakị la tẹrẹmẹ ị́ ọkụrụkụrụ nyana ịn pịrị ḅẹ?”

Jọnị 8:41

Ọmịna ḍaḅọ mịẹ ye mie ọ́ mịẹarị ye.” Ịn nwẹnị pakịrị, “Tamụnọ ḅe ḅioju ngẹrị anie wamịna ḍaḅọ, wa jen ḍaḅọ nyana-a, tẹ wamịnị anie ọ̀ karakara awọmẹẹ.”

Romu 11:22

Mịanga ḅụ wa Tamụnọ dein ḅara na, kụrọ-ḅara na kẹ ye mịẹ-mịẹ ḅara ẹrị tẹ. Ọ̀ ḅụụ ḅịkị so apụ ma ọ̀ kụrọ ḅara kẹ ini na mịẹarị; kụma ọmịnị ọ̀ ḅụụ paa emi apụ ma ò dein ḅara kẹ ọmịnị na mịẹarị. Ọ́ ḍụkụ-a kụma ori ọmịnị sọ anyịma siin ḅa.

Romu 9:18

Mị-ḅara ḅụ, Tamụnọ ḍiki-ḅụụjịrị nyana ọ̀ ḅụụ ḅẹlẹ ḅọ ḅẹlẹ ḅọ pịrịarị, tẹ pịkị ọ̀ ḅụụ ḅẹlẹ ḅọ ḅẹlẹ ḅọ mịẹtẹ mḅọ ḅịḅị poki-a ḅọ sọarị.

Jemụsị 2:13

Kẹ gotẹ ọkọ ḍukoarị Tamụnọ ọkụrụkụrụ nyana ḅara kẹ ọkụrụkụrụ nyana kịnị pịrị-a ḅọ kọn ḅịa. Kụma ọkụrụkụrụ mẹ kụrọ tẹịnm Tamụnọ ḅẹrẹkọn ḅụ.