Hosiya 2:3 - FỊAFỊA BAỊBỤLỤ

³ Á ḍụkụ-a ḅẹḅẹ, àrị á paụma fama tẹ árị ini árị iyi ene mẹ ḅụ á sime-ḅara sime ḅa. Àrị á mịẹ tẹ árị ịkpa kịka ḅa, tẹ á minji-pọkọtarị ḅụ fịị ḅa.

Hosiya 2:3 Iomraidhean Croise

Paka-so 17:3

Kụma anịjụ minji ḅuu tomi ma pọkọ tarị lamam, tẹ tomi ma nwẹnị mbụrụmbụrụ Mozizi pịrị tẹ ḅẹẹ, “Í tiegotẹ Ijiputi ḅụ wa pakama-ḅo. Minji ḅuu pọkọ tarị kẹ wamịnị na, wamịna awọmẹ na, wamịna opu anama na ḅaama gotẹ mụnọọ?”

Ayịzaya 33:9

Amakiri mẹ papaa koro-simearị, tomi ma mangị-so tẹ. Lẹbanọnị ḅẹ opu apiri ma kpatụ tẹ, Sarọnị ḅẹ iḅi ḍụọ ḍiḅi kiri mẹ ḅo ịkpa sọ tẹ, anịsakị Basani na Kamẹlị Tụndụ na ḅẹ asịn ma ịnyịnya sararị.

Ayịzaya 47:3

Kịnị ị́ paụ kẹ ị́ ẹrị ḅa; ini í iderimatẹ ḅụụ-jịrị tẹ mẹ kẹ ị́ ẹrị ḅa. À gbẹẹfị ḅii ḅa, tẹ ì kiki ḅẹ gbọrụḅọ sọ paka ḅịa.”

Ayịzaya 64:10

Ị́ fịafịa opu ama ma ịkpa kịka tẹ; Jeruselemu anie kan famatẹ koroma mangị tẹ ama,

Jerimaya 12:10

Tọnwa jen asịẹ ḅẹ ḅẹrẹtọn apụ ị̀ kụrọ-aḍụọ ma guluguluma tẹ; ini à ḍiḅi aị ma nanga ḅọrọtẹ; ì iḅi amakiri mẹ kẹ ḅo ịkpa mịẹ tẹ.

Jerimaya 13:22

Ị́ nwẹnị gbelarị tiye ẹrẹsị mie-mẹmgba ị́ ḅụụ pakarị ḅẹḅẹ — in tiegotẹ ị́ ḅịtẹ kporima tẹ kụrọ-ḅara kẹ ị́ na ye mịẹ ye mẹ — anị gotẹ ọkọ mịẹ yee, í sii ḅalafamam.

Jerimaya 13:26

KỊNỊNYANAḄỌ ḅe ḅarana ị́ paụma sịẹma tẹ ị́ ḅụụ-jịrị ḅa.

Jerimaya 14:3

Ngọ-kọnapụ ma minji gotẹ tẹ ịna afịrịmẹnjịapụ fịrịma-pakamarị; ini ama minji koko ayọ ma muarị, kụma in minji ẹrị-a; ini ịna ye ofori ajongo ma kẹ pịkị-ḅoarị. Ḅioḅẹngbọ-ḅịkị na pikiri na ḅụ ini ịna atọrụ ḅọịarị.

Jerimaya 17:6

Ini ịkpa ḅio ḅẹ piri-otokoloḅa kịkarị, anie kịnị anga-anga-a samụnọ kiri ḅụ so-pakarị ye mẹ, fụn-fụn-fụn kiri tẹ jen gberie-sọ so-paka-a yọ mẹ Gbọrụ iḅiye sọ ịna ḅụụ paka-paka-a.

Jerimaya 2:31

Izirẹlịapụ, ọmịnị à ḍukoarị ye pokii. Ọmịna ḅụ arị ịkpa kịka tẹ, kanakana tẹ siye dogi-ḅo ḅẹ amakiri kịka tẹ? Ọkọ-a kụma, tiye ẹrẹsị ọ́ ḅẹẹarị mịnẹ ọmịnị ọmịna ḅụụ-ḅẹlẹ ḅẹ ḅara mịẹ ḅa, mịnẹ ọ́ ḅarị jen kẹ pịkị ị̀ dama-ḅo ḅịa?

Jerimaya 2:6

Ini ì gbolomaye kẹ ye-sịn-a, karakaraye yẹrị Ijiputi ḅara-ḅio ịn pụkọ-pakamaḅom sọ tẹ tọrọkọ tarị tẹ si piri-ḅio na ịkpa aḅio na onwin ịgwa-ịgwa ḅara sime kiri na, samụnọ tẹ ḍumo fama ḅara sime amakiri na tẹ gbọrụḅọ-sọ anga-a, tẹ gbọrụḅọ-sọ jene-jene ḅọrọ ye mu-mu-a yọ na ḅụ ịn kẹ tolu-ḅọrọ ye.

Jerimaya 22:6

“Ị̀ ḅụụ ḅụ, Juda amada-warị mẹ Giliyadi amakiri na Lẹbanọnị Tụndụ ma na iḅi ḅara iḅi wararị; kụma arị anị kẹ fa tẹ yọ sọma ḅa, gbọrụḅọ-sọ anga-a yọ.

Jerimaya 4:26

Ye pakama-pakama kiri mẹ ḅo ịkpa sọm; anị ḅẹ opu ama ma kan-saram KỊNỊNYANAḄỌ ḅe owi ịganị mẹ ẹrẹsị.

Jerimaya 51:43

Ama ma sịḅị-kanakanama ayeyọ sọ tẹ ḍiki-tọrụ ḅụ, tẹ minji ofori ịkpa kịkarị, kịnị anga-a yọ, mẹnjị sọ ịn mẹnjị-ḅọrọ ye mu-a.

Jerimaya 51:5

Yẹrị, KỊNỊNYANA-TAMỤNỌ, Kụrọmamgba Nyanaḅọ ḅe, amụ àrị Izirẹlị na Juda na kẹ gbin-koroma so-a, karakaraye in si kẹ yẹrị Izirẹlị tẹkẹarị Fịafịa Ḅọ ḅe mịẹ tẹẹ sọ.

Izikẹlị 16:22

Ị́ ama-mẹnjị eremịna sịḅị-ngụngụnma ḍumo mẹ kọn sime sakị, ị́ kala-sakị mẹ gbala-gbala ị́ kẹ ḅiokoroma-a ị́ paụtẹ ị́ ḅụ ḅẹ ọmbie ḅio kpeleki sime saakị mẹ.”

Izikẹlị 19:13

Mịọkụ ini anị kẹ ịkpa ḅio ḍiḅi tẹ samụnọtẹ minji ofori kiri ḅụ.

Hosiya 13:15

Karakaraye Izirẹlị nwẹnị osuka berebere ḅara bereberearị sọ, àrị ịkpa mẹ ḅio ịrụa-saakịarị-anga ḅụ ọfịrịarị fẹrụ fịrịma mu tẹ ịna ngụngụḅa ma na suḅe ma na samụnọma ḅa. Anị yela ye goyegoye dogi-so ḅa, ịna ngọ-koko-aḅio ḅio.

Hosiya 2:10

Á ḅẹlẹmapụ ma tọrọkọ ḅụ àrị á paụma ḅa, tẹ gbọrụḅọ-sọ inetẹ ị̀ kụrọ ḅụ á ḅọrọma ḅịa.

Mịẹfinji 17:16

Oyi ịfalị ma tẹ ị̀ ẹrị aị ma, na kịnị-ḅaaḅa opu nama ḅe na, ini ama-mẹnjị-ẹrẹḅọ ma ḍiki ḅioḅu ḅa; ini á nyana ye goyegoye ọkị so tẹ á paụma koroma ḅa; ini árị oju ḅẹ meni mẹ pẹị tẹ á ḅụụ kirikọn-ye mẹ dọkịma ḅa.

Ḅẹrẹkọn-apụ 15:18

Minji ḅuu nwẹnị ọ̀ tarị lama, tẹ ọ̀ nwẹnị KỊNỊNYANAḄỌ ḅe sịn, tẹ ḅẹẹ, “Ị́yẹrị mie ị́ fịrịmẹnjịḅọ ḅe ḅara mẹ ḅụ mị gburo-gburotẹ ḍụa-ḅọrọma mẹ pịrị ḅọ; anịsakị mịọkụ á minji ḅuu pọkọ tarị ḅụ fịtẹ ḅịkị ḅụụ-pẹlẹaapụ ma aḅara ma ḅio sọ ḅẹ?”