Hosiya 2:1 - FỊAFỊA BAỊBỤLỤ

¹ Mie ḅụ ọmịnị ọmịna pembema Izirẹlịapụ ma sịịn, Ami na Ruhama na.

Hosiya 2:1 Iomraidhean Croise

Suku-saakị 22:17

piki-pikiye-ofori ḅara ḅụ arị í boma ḅa, à mịẹtẹ í furo-ḅẹ-apụ So-ḅio ḅẹ alolia ma na, onwi ma tẹ tọrụ akaka ḅẹ mịmọ mẹ ọgọnọ simearị aị ma sara ḅara kama ḅa. Anịsakị í furo-ḅẹ-apụ ini na fịya-a apụ ma ogigo mẹ ọkị nyana ḅa,

Jerimaya 31:33

Ịwọ ọḅọkụ mẹ tẹ à kẹ Izirẹlịapụ ma na fị ḅarị ọḅọkụ mẹ anie mie: àrị ì oloko kẹ ịna ḅụụ ḅio suu tẹ anị kẹ ịna aḅioḅẹngbọ ḅụ kẹẹ ḅa. Yẹrị ịna Tamụnọ sọ tẹ ini ị̀ atomi sọ ḅa.

Jerimaya 32:38

Anịsakị ini ị̀ atomi sọ tẹ yẹrị ịna Tamụnọ sọ ḅa.

Jerimaya 51:5

Yẹrị, KỊNỊNYANA-TAMỤNỌ, Kụrọmamgba Nyanaḅọ ḅe, amụ àrị Izirẹlị na Juda na kẹ gbin-koroma so-a, karakaraye in si kẹ yẹrị Izirẹlị tẹkẹarị Fịafịa Ḅọ ḅe mịẹ tẹẹ sọ.

Izikẹlị 11:20

Anịtẹso ini ì oloko ma koko tẹ ḅioḅẹngbọ-kẹ-sịrẹrẹ-niḅi ḅara kẹ à tọn-koroma-aị mamgba poki tẹ mịẹ ḅa. Ini ị̀ atomi sọ ḅa, yẹrị pịkị ịna Tamụnọ sọ ḅa.

Izikẹlị 36:11

À mịẹ tẹ tomi ma kịẹn-ḅịḅị na nama ma kịẹn-ḅịḅị na ḍụḅa ḅa. Ḅọrọtẹ sakị ḅụ ọ́ la ḅara nẹngị ḅara mịẹ ọ́ la ḅarịye, tẹ ọ́ tọnwa awọ nyana ḅa. À wẹrịso tẹ ọmịnị elemu ọmịnị anga-anga ḅara anga ḅa, tẹ à mịẹ tẹ jen sakị jen sakị amụ ọ́ lọkọlọkọ la-a ḅara kẹ lọkọlọkọ ḅa. Anịtẹso ó nimi ḅa mịnẹ yẹrị anie KỊNỊNYANAḄỌ ḅe.

Izikẹlị 36:28

Anịtẹso ọmịnị à kẹ ọmịna elemu aḍapụ ma pịrị amakiri mẹ ḅio anga ḅa. Ọmịnị ị̀ atomi sọ ḅa, tẹ yẹrị ọmịna Tamụnọ sọ ḅa.

Izikẹlị 37:27

Àrị ini na anịanga anga ḅa; àrị ịna Tamụnọ sọ ḅa, tẹ ini atomi sọ ḅa.

Hosiya 2:2

Ị̀ awọmẹ, ọmịnị ọmịna iyingiḅọ na ẹkwẹnmaa — karakaraye árị ḅarị jen kẹ ị̀ ta-a, tẹ yẹrị pịkị ḅarị jen kẹ á di-a sọ. Ọmịnị árị na ẹkwẹnma tẹ árị á sẹfị na ama-mẹnjị na ḅụ ḅara-siin.

Hosiya 2:23

À mịẹ tẹ ị̀ atomi ịna amakiri mẹ ḅụ sime tẹ lolo ḅa. Àrị ọkụrụkụrụ kẹ tomi kẹ “Ọkụrụkụrụ Nyana-a” sịn apụ ma ḍie ḅa, tẹ ini ma tẹ tomi kẹ “Ị̀ Atomi-a” sịn apụ ma ḅụ, à ḅẹẹ ḅa, “Ọmịnị ị̀ atomi” tẹ ịn pakịrị ḅa, “Ị́yẹrị wamịna Tamụnọ.”

Zẹkaraya 13:9

Anịsakị à fịịa-so gbọrụ anga mẹ daaḍiki ḅa. Àrị ịn daaḍiki ḅa golu daaḍiki ḅara. Anịtẹso ini ị̀ tẹkẹ ḅa, tẹ àrị ịn pakịrị ḅa. À ḍuko ịn pịrị ḅa mịnẹ ini ị̀ atomi, tẹ ini nwẹnị ḍuko pakama ḅa mịnẹ yẹrị ịna Tamụnọọ.”

2 Kọrịntị 4:1

Tamụnọ ò ḍiki-ḅụụjịrị ḅụ mị kọrịnama mẹ kẹ wa pịrị kọrịarị ẹrẹsị, wamịna ḅioḅẹngbọ lọkọ-a.

1 Timoti 1:13

karakaraye, ḅọrọtẹ sakị ḅụ, àrị ọ̀ ḅụụ siye ḍuko, ḅaa-ḅọkọ kẹ ọ̀ ḍọkị, tẹ ọ̀ mịẹ simam ḅẹsọ. Kụma Tamụnọ ì ḍiki sịḅị-kụrụkụrụm, à minini nyana-a tẹ nimi-a ḅụ anị mịẹm ẹrẹsị.

1 Pita 2:10

Sakị ḅẹ gbọrụ sakị ḅụ ọmịnị Tamụnọ atomi-a, kụma mịọkụ ọmịnị ori atomi sọ tẹ; sakị ḅẹ gbọrụ sakị ḅụ ọ́ Tamụnọ ọkụrụkụrụ nimi-a, kụma mịọkụ ọmịnị ori ọkụrụkụrụ nyana tẹ.