Hosiya 13:1 - FỊAFỊA BAỊBỤLỤ

¹ Ḅọrọtẹ sakị ḅụ, Iferemu furo-ḅẹ-apụ ma ẹkwẹn kụma Izirẹlị ḅụ osi afuro ma ḅalafaam; ịn tọrụ saakị Iferemu ḍikim. Kụma tomi ma si mịẹm sunsin Balị pịrị ḅụ, tẹ mie gotẹ ịn fịị ḅa.

Hosiya 13:1 Iomraidhean Croise

Suku-saakị 2:17

Kụma iḅiye-na-siye-na nimi pịrịarị sịn mẹ ḅụ paka-ḅo sịnmgbọlụ mẹ fị ma, kẹ gotẹ ọkọ ḅẹẹarị, anị ene mẹ tẹ ị́ anị fị ene mẹ ḅụ ị́ fịị ḅa.”

1 Amadapụ 12:25

Anịtẹso Jerobohamụ nwẹnị Iferemu tụndụ opu sịẹ mẹ ḅio Sẹkẹmụ ama mẹ nama kụrọma tẹ anịanga ḅụ anga. Anịanga ḅụ ọ̀ nwẹnị mu Pẹnụwẹlị ama nama kụrọma.

Jobu 29:21

Tomi ì tolumaye mẹ gotẹ yaụ-simem, tẹ koru tẹ ì pokim.

Jobu 29:22

Yẹrị ẹkwẹn tẹso ọkụma, ịn ḅarị jen kẹ ẹkwẹn-a; tẹ ị̀ ẹkwẹn mẹ nwẹnị ịna ḅụụ koro.

Egberima-Ẹkwẹn 18:12

Tomi mangịmarị gbọrụḅọ-sọ ofori ḅụụ-iderimarị ḅọ sikima; opu ẹkwẹn kọn-arị apụ ma ịn mẹnjị mu gulugulu-faa ḅẹ muarị.

Ayịzaya 66:2

Ì ḅioju bebe So mẹ na Kiri mẹ na tẹmẹm! Ini ma tẹ ḅụụ-iderima na si ḅụ pịkị na nyana, tẹ ì mangịma tẹ ị̀ ḅịḅịpokiarị apụ ma ịna mịẹ aị ị̀ ḅụụ-ḅẹlẹarị.

Ayịzaya 7:8

Tiye ẹrẹsị? Anị gotẹ ọkọ mịẹ ḅịa ye, Siriya kụrọ anị ḅẹ sịḅịda ama, Damasịkọsị, nẹngị-a, tẹ Damasịkọsị pịkị kụrọ Ama-da Rezini nẹngị-a. Izirẹlị kịngẹ kụma, kụra atesi sọnọ akụra finji sakị ḅụ anị kan-sara la ḅarị ḅara ḅụ anị ḅarị sime tẹ jen kẹ sịẹ ẹrẹ fị ḅịa.

Hosiya 11:2

Kụma àrị ọ̀ sịn-sịn-sịn ḅara, mie ọ̀ kẹ ị̀ ḅụ pịkị-so so ḅara. Ị̀ atomi agbamịẹ Balị pịrịm; ịn kụnụaị dọkịma oru-afụḅara pịrịm.

Hosiya 2:10

Á ḅẹlẹmapụ ma tọrọkọ ḅụ àrị á paụma ḅa, tẹ gbọrụḅọ-sọ inetẹ ị̀ kụrọ ḅụ á ḅọrọma ḅịa.

Hosiya 2:8

Gbala-gbala á minini ḍụkụ-a mịnẹ yẹrị anie mgbọlị-fịye mẹ na, iru mẹ na, olivu-olo mẹ na, seleḅa mẹ na, golu mẹ na kẹ á pịrị tẹ á kẹ mu sunsin Balị pịrị ḅọ ḅee.

Hosiya 8:4

“Ị̀ atomi amadapụ sẹlẹ pakama-ḅom, kụma ịna ḅiotọn ḅara mie ịn kẹ mịẹ ye. Ịn sịḅịdapụ tọnm, kụma ị̀ ḅịḅị-sọ-a ḅara. Ini ịna seleḅa na golu na ọkị tẹ kẹ oru-afụḅara mịẹm — kẹ ịna ḅụụ guluguluma ḅẹm.

Kịẹn-aḅịḅị 10:22

Iferemu atomi ma kobiri-ogbo mẹ nwẹnị in la ḅara ḅụ kpoo-kpo ḅụ saakị mẹnjịm anịsakị ịna kobiri-ogbo mẹ ḅẹ ḅẹrẹtọnḅọ anie Ẹlịsama, Amihudu owiḅọtụḅọ ḅe.

Kịẹn-aḅịḅị 13:16

Mịna ẹrẹ ma anie owiapụ ma tẹ Mozizi fịrịma pakamam mu ama mẹ ẹnyẹ nwẹn ḅẹẹ owiapụ ma ẹrẹ. Mozizi nwẹnị Nọnị owiḅọtụḅọ Hosiya mẹ ḍima tẹ Jọsụwa kẹ ọ̀ sịn.

Kịẹn-aḅịḅị 13:8

Iferemu furo ḅụ, Hosiya, Nọnị owiḅọtụḅọ ḅe.

Luku 14:11

Amịna ḅụụ saakị-gelema ḅọ, gelema ḅọ, mḅọ iderima ḅa; anị sakị amịna ḅụụ iderima ḅọ, iderima ḅọ mḅọ opu sọ ḅa.”

Romu 5:12

Si gbọrụ tomḅọ ḅụ ḅọrọ ḅo tomikiri sọ tẹ fịị dogi-ḅom. Mị-ḅara ḅụ ḅẹḅọ-ḅẹḅọ si mịẹ tẹ ẹrẹsị, fịị bebe tomikiri mẹ kana-koro tẹ.

2 Kọrịntị 5:14

Kịrayịsị ḅẹlẹma mie ḅẹrẹtọn wa pịrịarị, mịọkụ wa ḅo nimi tẹ ḅara, mịnẹ gbọrụ tomḅọ fịị ḅẹḅọ-ḅẹḅọ pịrịm, anie fiearị kịnị mamgba ọ̀ fịị mẹ ḅụ ḍiekiri nyana tẹ.

Jọsụwa 3:7

Tẹ KỊNỊNYANAḄỌ ḅe nwẹnị Jọsụwa ḅẹẹ, “Mịmgba ḅụ mie arị Izirẹlị mẹmgba tọrụ ogbo ḅụ ị́ saakị-gelema ḅarịye, mịẹtẹ ịn nimi ḅẹ ḅara mịnẹ, á wẹrịtẹ Mozizi na sime-ḅara anị ḅara mie àrị ị́nịna sime ḅarị ḅara.

Ḅẹrẹkọn-apụ 12:1

Iferemu ḅẹ owiapụ ma ọmụgbin ḅara kẹ ḅụụ tẹlẹmam, tẹ nwẹnị saḅa-ḅọrọ Zefọnị mu tẹ Jẹfụta ḅẹẹ, “Í tiegotẹ saḅa-ḅọrọ mu Amọnị ḅẹ apụ ma na owu sọ tẹ wa sịn tẹ wa ị́ ḅụụ sọ tẹ mu-a? Wa ị́ ọgọnọ fịnị kẹ ị́ warị ḅụ sụa dọkịma ḅa.”

Ḅẹrẹkọn-apụ 8:1

Iferemu ḅẹ owiapụ ma nwẹnị Gibiyọnị ḅẹẹ, “ị́ tiegotẹ mị-ḅara mẹ kẹ wa mịẹ, í Midiyanị na owu sọ ḅẹ mu sakị ị́ wa sịn-a?” Ịn nwẹnị ye ḅụụ ḅụ akụ ḅara kẹ si ẹkwẹn kọn ọ̀ pịrị.

1 Samụẹlị 15:17

Samụwẹlị nwẹnị ḅẹẹ, “Í soku-ḅẹ atọrụngbọ ḅụ ị́ ịrụ wararị ḅẹsọ, Izirẹlị ḅẹ afuro ma ḅẹ sịḅịdaḅọ ị́yẹrị-a? KỊNỊNYANAḄỌ ḅe pulo kẹ ị́ sịḅị sara tẹ ị́ kẹ amadaḅọ mịẹ Izirẹlị pịrịm,