Hosiya 12:3 - FỊAFỊA BAỊBỤLỤ

³ Ịna elemu ḍaḅọ Jekọbụ ḅe ori iyimbere Ịsọ maa apụ awọmẹ ḅe na nụnụam ini ịna iyingiḅọ furo ḅio ḅụ ịn paa emi ogbo; Jekọbụ ḍụḅa paka-ḅo sakị, ọ̀ Tamụnọ na owu-sọm —

Hosiya 12:3 Iomraidhean Croise

Suku-saakị 25:26

Anịtẹrẹmẹ ori iyimbere paka-ḅom tẹ Ịsọ ḅụọ-tongu ọlọ-sịẹma wararị; mie ḅụ ini ẹrẹ kẹ ọ̀ sịnm Jekọbụ. Ayịzịkị ini iyi sakị ọ̀ sịḅị kụra atesi ḅọrọ tẹ.

2 Amadapụ 17:18

Anịẹrẹsị KỊNỊNYANAḄỌ ḅe kpọma ịganị Izirẹlị pịrịm, tẹ ò ḍiki-tọrụ ḅụ ịn saakị siinm; gbọrụḅọ-sọ kirikọn-a Juda furo mẹ ngẹrị sikima.

2 Amadapụ 17:20

KỊNỊNYANAḄỌ ḅe nwẹnị Izirẹlị ḅụ paka-ḅo apụ mamgba sịkị, tẹ ḅụụ-fụka kẹ ịn pịrị, ịn kẹ ye sima apụ ḅara-ḅio suu, nwenii ori ò ḍiki-tọrụ ḅụ ini nguma famam.

2 Amadapụ 17:23

nwenii KỊNỊNYANAḄỌ ḅe ò ḍiki-tọrụ ḅụ ịn saakị siinm, ọ̀ wẹrịtẹ ori afịrịmẹnjịapụ ịkịankoroapụ mamgba ḅụụ ḅụ ḍuko tẹ ḅara. Mị-ḅara mie Izirẹlị kẹ ịn soku-ḅẹ ama ḅụ saakị mu Asiriya ḅụ omoni-sọ nwenii ḅo mịmgba la ye.

Jerimaya 2:9

Tẹ anie ḅụ yẹrị KỊNỊNYANAḄỌ ḅe siin ị̀ ḅẹrẹ ḍuko-ḍuko ịna furo-furo ma ọgọnọ gbana ḅa.

Izikẹlị 7:3

“Izirẹlị, kunoma mẹ ḅo la tẹ. Ị̀ ịganị mẹ ị́ ịnọ ḅa, àrị ị́ mịẹ tẹ ye kẹ ị́ kọn-arị ẹrẹsị. Àrị ị́ kọn-arị sịḅị-ngụngụnma ḍumo mẹ gbẹẹ-ye kẹ ị́ gbẹẹ ḅa.

Izikẹlị 7:8

“Mịọkụ saakị mu ala ḅịa ị̀ ịganị mẹ ḅẹ kụrọmamgba ḅo ọmịnị ịnọ ḅa. Ọ́ mịẹ tẹ ye mie à ḍiki tẹ ọ́ kọn-arị, tẹ ọ́ kọn tẹ sịḅị-ngụngụnma ḍumo mẹmgba ḅẹ ye à nwẹn kẹ ọ́ gbẹẹ pịkị ḅa.

Hosiya 4:1

KỊNỊNYANAḄỌ ḅe kẹ amakiri mẹ ḅụ angarị apụ ma sịḅị sẹịn ḅẹ ḅẹrẹ nyana wararị. Izirẹlị, ọmịnị ò ḍukoarị ye pokii: “Amakiri mẹ ḅụ mininiye-mịẹ na ḅẹlẹma na ofori, tẹ tomi ma pịkị ị̀ kẹ ịna Tamụnọ ḅara ọkị-a.

Hosiya 4:9

Tomi ma daarị gbọrụ fomu-ḅara mẹ mie ọmịnị sọ da ḅarịye! Arị ó fomu tẹ mịẹtẹ ọmịnị ọ́ mịẹ tẹ si mẹ gbẹẹ-ye nyana ḅa.

Emọsị 2:4

KỊNỊNYANAḄỌ ḅe ḍukoarị, “Juda ḅẹ apụ ma si-si-si mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. Ini ì toluma-aị ma ḍiki-sima tẹ à tọn-koroma-aị ma koko-a. Ịna elemu aḍapụ ma fịrịmẹnjị pịrị sime papaa atamụnọ ma ịn da irima ye ḅụ.

Mayịka 6:2

Ọmịnị tụndụ, ọmịnị tomikiri mẹ ḅẹ sime gbamaso sukutarị-aḍụḅarị, ọ́ KỊNỊNYANAḄỌ ḅe ḅẹrẹ mẹ pokii! KỊNỊNYANAḄỌ ḅe ḅẹrẹ nyana ori atomi pịrị wararị, ori ọ̀ kẹ Izirẹlị ọgọnọ gbana ye mẹ ḍuko ḅẹ tẹẹ.

Romu 9:11

Anịsọ, tẹrẹmẹ maa-apụ-awọmẹ ma iyi koro, anịanịa amụ ini iḅi na si na mịẹ-a ogbo, mịẹtẹ Tamụnọ ḅarana tọn tẹ ye sẹlẹ-ọkị-ọkị ḅara mẹ sịẹsime ḅẹ ẹrẹsị,