Hosiya 11:2 - FỊAFỊA BAỊBỤLỤ

² Kụma àrị ọ̀ sịn-sịn-sịn ḅara, mie ọ̀ kẹ ị̀ ḅụ pịkị-so so ḅara. Ị̀ atomi agbamịẹ Balị pịrịm; ịn kụnụaị dọkịma oru-afụḅara pịrịm.

Hosiya 11:2 Iomraidhean Croise

Hosiya 2:13

À fomu-ḅara kẹ á pịrị ḅa árị ị̀ kẹ ḅioḅọrọma asakị ma gotẹ, anie á dọkịma-kụnụaị dọkịma Balị pịrị tẹ ye-ḅiri bụlụ-bụlụma tẹ mangị á ḅẹlẹmapụ ḍuka-ḍuka-mu asakị ma. Yẹrị, KỊNỊNYANAḄỌ ḅe, ọkọ ḍukom.

Jerimaya 18:15

Anịsọ ị̀ atomi ị̀ kẹ ḅioḅọrọma tẹẹ; ịn kụnụaị dọkịma-dọkịma oru-afụḅara pịrịarị. Ịn mẹnjị ḅii etela mẹ ḅụ ịn pụmbụ tẹ; elemu etela ma ḅụ ịn ḅarị mẹnjị-a; elekima ofori mẹnjị-ḅọrọ-anga ma mie ịn mẹnjịarị.

Ayịzaya 65:7

ịna asi ma na ịna elemu aḍapụ ma asi ma na gotẹ. Ịn kụnụaị dọkịma tẹ tụndụ ọgọnọ ḅẹ oru tẹkẹ awarị ḅio, tẹ ị̀ ḅụ siye ḍuko tẹẹ. Mie ḅụ arị ịna ḅọrọ tẹ amịẹaị ma gbẹẹ ḅara kẹ in fomu ḅa.”

Hosiya 11:7

Ini ịgbanịarị ini ị̀ ḅụ pịkị so. Ịna kọngọ jịjịmarị kọngọ-kpọ-sịn mẹ gotẹ ini oloku pakama ḅa, kụma gbọrụḅọ-sọ anị saakị sin ịn pịrị ḅịa.

Fịrịmẹnjịapụ 7:51

Sitivini paa ẹkwẹn ma mu tẹ ḅẹẹm, “Ọmịnị kpọma sịḅịḅio kụrọtẹ atomii! Ọmịna aḅioḅẹngbọ ma oru nimi apụ aḅioḅẹngbọ sime-ḅara simem, anie mịẹ ẹrẹsị ó ḅeri-iningima Tamụnọ oku mẹ pịrịm. Ọmịna atẹngịapụ ma sime gbọrụ ḅara mẹ mie ọmịnị sọ simearị ḅara. Sakị mamgba ọmịnị sọ Fịafịa Tẹmẹ ḅe dasịẹma tẹ!

Jọnị 3:19

Mie ḅẹrẹkọn mẹ simearị ḅara; bele tomikiri mẹ ḅo tẹ, kụma tomi kanakana rẹ ḅẹlẹma bele mẹ nẹngị tẹ, ịn mịẹarị aị ma si amịẹaị ẹrẹsị.

Luku 13:34

“Jeruselemu, Jeruselemu! Ị́yẹrị ịkịankoroapụ ma ḅaa, tẹ, pịkị ḍụḅarị kẹ Tamụnọ kẹ oku kẹ ị́ fịrịma apụ gbin-arị ḅọ! Nda asakị à nwẹn kẹ ị́ atomi mamgba kobiri ì kuḅu ḅio suu ḅẹ ḍọkị tẹ, ịyọrọ ọḅọkọ pamba kẹ amịna awọmẹ kobiri gbaịn ḅara, kụma ị́ ḍụkụ ị̀ pịrị-a!

Zẹkaraya 7:11

“Kụma ị̀ atomi kọngọ-kụrọma tẹ ì poki ḍụkụ-a. Ini ịna akuroma gbaịnm

Jerimaya 35:13

Mie Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹm, “Mu tẹ ḍuko Juda na Jeruselemu na ḅẹ apụ ma pịrịị, ‘Ó tiye gotẹ ị̀ ẹkwẹn ma poki tẹ à ḍuko ye mịẹ ḅịa?’ KỊNỊNYANAḄỌ ḅe gbelarị.

Nehimaya 9:30

Ị́ tọnwa kụra kẹ inoma fị in pịrịm, tẹ ị́ ịkịankoroapụ ḅụụ ḅụ ị́ Tẹmẹ kẹ fịrịmatẹ ịna ḅeri nụnụm. Anịsọ in poki-a. Anịẹrẹsị ị́ ịn kẹ ama ma ḅio ḅẹ atomi ma ḅara-ḅio sunm.

1 Amadapụ 18:19

Ọkọẹrẹsị mịọkụ fịrịma tẹ Izirẹlị mẹmgba kobiri tẹ ịn kẹ Kamẹlị tụndụ ḅụ ị̀ fịrịmaa, Balị ịkịankoroapụ kịnị ẹndẹ amesi oyi finji ma na, Asẹra ịkịankoroapụ kịnị ẹndẹ ma tẹ Jezibẹlị dẹbịlẹ ḅụ fịye fịarị apụ ma sọ kẹ sụa fịrịmaa.”

1 Amadapụ 12:33

Anị ḅo ninea akalụ karama akalụ mẹ ḅẹ jeia aḍin ene mẹ tẹ ori ò ḅioḅẹngbọ ḅụ pẹlẹ sakị mẹ la tẹso, ò gboo-koroma Izirẹlịapụ ma pịrị tẹ alalị mẹ fị ḅụ ọ̀ nwẹnị Bẹtẹlị mu tẹ agbamịẹ-anga mẹ ọgọnọ ḅụ agba mịẹm.

Ḅẹrẹkọn-apụ 10:6

Izirẹlịapụ ma sin KỊNỊNYANAḄỌ ḅe ḍiki-tọrụ ḅụ siye mịẹm, tẹ fịrịmẹnjị Balị ma na, Asịtarọtị, Siriya ḅẹ oru-atamụnọ ma na, Sayịdọnị ḅẹ oru-atamụnọ ma na, Mohabụ ḅẹ oru-atamụnọ ma na, Amọnị ḅẹ apụ ma oru-atamụnọ ma na, Filisiteniapụ ma oru-atamụnọ ma na pịrịm; tẹ ịn KỊNỊNYANAḄỌ ḅe sịkịm, tẹ fịrịmẹnjị ọ̀ pịrị-a.

Ḅẹrẹkọn-apụ 3:7

Izirẹlịapụ ma KỊNỊNYANAḄỌ ḅe ḍiki-tọrụ ḅụ siye mịẹm, fịrịmẹnjị-mẹnjị Balị ma na, Asiroti mẹ na pịrị ḅụ KỊNỊNYANAḄỌ ịna Tamụnọ ḅe kẹ ḅioḅọrọmam.

Ḅẹrẹkọn-apụ 2:13

Ịn KỊNỊNYANAḄỌ ḅe sịkịm, tẹ fịrịmẹnjị Balị ma na, Asịtarọtị ma na pịrịm.

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.

Hosiya 4:13

Tụndụ ọgọnọ-jụ ma tẹ ịn tọn-tọn ḅara wẹrị wararị ayọ ma ḅụ ini agba mịẹ-mịẹ-mịẹarị tẹ tụndụ ma ọgọnọ ḅụ ḅara wasamatẹ geletẹ asịn ma suku ịn kụnụaị dọkịmarị, anị sịḅị kikima tẹ dein wararị ẹrẹsị!” “Anị dogi-ḅo ye anie ọmịna eremịna-awọmẹ ma tẹkẹ-warị ḅẹ akụnakụna mịẹarị, tẹ ọmịna owiapụ-awọmẹ tapụ nwẹnị sẹfịarị.

Jerimaya 44:5

Kụma ó poki ḍụkụ-a anịanịa kẹ ye sịn. Agba mịẹ oru-atamụnọ pịrị si mịẹ mẹ ḅụ, ọ́ ḅara-siin ḍụkụ-a.

Hosiya 4:17

Izirẹlịapụ ma oru-afụḅara ịn pilema wararị. Wẹrịso ini ịna ḅara-kuḅu ḅẹ etela mu.