Hosiya 10:4 - FỊAFỊA BAỊBỤLỤ

⁴ Ye ḅio ḅụ ofori ẹkwẹn-ẹkwẹn mie ịna ḅịḅị-ḅio paka-ḅoarị, tẹ ini ịn mịẹ ḅịa aị minini tẹ kẹ mịẹ-mịẹ ye ofori ọḅọkụ fịarị. Tomḅọ la kiri kẹ mḅọ pịrị, ḅo tomḅọ la kiri kẹ mḅọ pịrị-a sọ tẹ, ja ḍiḅi aị ḅaa-ḅaa osuka kịka tẹ ye ḍiḅi ḅẹ tẹ soku tẹlẹma tẹ kiri ḅụ so-pakarị.

Hosiya 10:4 Iomraidhean Croise

Ayịzaya 5:7

Izirẹlị anie KỊNỊNYANAḄỌ, Kụrọmamgba Nyanaḅọ ḅe kụrọ ḍụọ mẹ; Juda ḅẹ apụ ma anie ò ḍiḅi kụrọ asịn ma. Ori ini iḅiye mịẹ ḅẹ ḅara kẹ in ḍikim, kụma anie nakara ịn kịnị ḅaam. Ori in kuraye mịẹ ḅẹ ḅara kẹ in ḍikim, kụma ịn ḅaa apụ ma oloku pakamam mịnẹ ịna gbẹẹfị ḅii.

Hosiya 4:2

In ye minini-minini tẹ in minini ḅara kan-arị; ini iruoarị, kịnị ḅaarị, furuarị, tẹ pịkị sẹfịarị. Si amịẹaị ḅaka-ḅaka-ḅakarị tẹ in tomi ḅaa-ḅaa sararị.

Hosiya 6:7

Ini amakiri mẹ sọ-mu gbọrụ-kirikiri, ini Adamụ kịka tẹ àrị ini na mịẹ ọḅọkụ mẹ kanm.

Emọsị 5:7

Ọ́ fa tẹẹ, ọmịnị ja apụ la kiri pịkị sikima tẹ sime kịnị pịrị aị ḅụ in inomarị apụ!

Emọsị 6:12

Asụ amẹẹ ịkụ ọgọnọ mangị-mangị? Tomi ḍụọ ḍiḅi kiri soku-soku anambulo kẹ abajị tọrụ soku-soku? Anịsọ ó tomḅọ la kiri kẹ mḅọ pịrị pịkị ḅo kịnị-ḅaaḅa ye sọma tẹẹ, pịkị ḅo kura-aye sọma tẹẹ.

Fịrịmẹnjịapụ 8:23

Kẹ gotẹ ọkọ ḍukoarị, à kẹ ị́ ẹrịarị ḅara opu ḍiki-ḅioḅu ị́ ḅụụ sọ kụrọ wararị, tẹ si pịkị ikoli kẹ ị́ sụa wararị.”

Romu 1:31

ịna tẹmẹ ḅioḅẹngbọ pụụn tẹ; in minini kịnị pịrị aị sọ ịn mịẹ mịẹ-a, tẹ ịn pịkị iḅi-yemịẹ-ḅara, anịanịa ọkụrụkụrụ nyana ja atomi pịrị pịrị-a.

Ditẹrọnọmị 29:18

Ọmịnị ọmịna aḅụụ ẹbị anieofori ọmịna ogbo-ḅio gbọrụ owiḅọ, anịanịa ẹrẹḅọ, anịanịa gbọrụ ere-furo, anịanịa furo tẹ amịna ḅioḅẹngbọ mịmgba KỊNỊNYANAḄỌ wamịna Tamụnọ ḅe ḅụụ vuunma pịkị-so tẹ mu fịrịmẹnjị arị opu asịẹ ma ḅẹ oru-atamụnọ ma pịrị ḅẹ ḅọ ḅofa paka-ḅo; anieofori ọmịna ogbo-ḅio kịnị-ḅaaḅa akụarị sịnmgbọlị sụa gbọrụ sịn-kuno ḅofa paka.

Ditẹrọnọmị 31:16

KỊNỊNYANAḄỌ ḅe nwẹnị Mozizi ḅẹẹ: Ḍikii, ị́ ị́ aḍapụ ma na mono gboloma ḅẹ tẹ, anịtẹso ọkụma mịna tomi ma saakị tẹ ama mẹ ḅẹ igoni oru-atamụnọ ḍukamẹnjị sẹfị mẹnjị kọn ḅa ịn mu ini ogboku sime ḅarị anga ḅụ, tẹ ini ị̀ sịkị ḅa, tẹ ị̀ ọḅọkụ mẹ tẹ arị ini na fị ye mẹ kan ḅa.

Ditẹrọnọmị 31:17

Anịtẹso ọkụma ị̀ ịganị anị ene mẹ ḅụ kẹngẹma ịn ọgọnọ sara ḅa, tẹ arị ịn sịkị ḅa, tẹ ịna aḅụụ ị̀ tọrụ ḅọị ḅa, tẹ ini ịn ḅaa ḅa, anịsakị tọnwa asi-aị na, ḅụụ-fụka na, ḅo ini ọgọnọ gbana ḅa, anieḅụ anị eneḅaka ḅụ ịn ḅẹẹ ḅa: Wamịna Tamụnọ ḅarị wamịna ogbo-ḅio ofori ẹrẹsị mie mịna asi-aị ma gotẹ ḅo wamịna ọgọnọ gbana tẹ ye ọkọ-a?

2 Timoti 3:3

ini iḅi ḅara kẹ kịnị na mịẹ ḅịa, ọkụrụkụrụ nyana-a, kịnị wori guluguluma, kụrọ kụrọ-ḅara kẹ kịnị na mịẹ tẹ ḅalafama ḅara sime; ini iḅi nwẹn-sịn ye ḍiki-ḅioḅu ḅa;

Hiburu 12:15

Ọmịnị ọḅụ pịkị Tamụnọ ḍiki-ḅụụjịrị mẹ gbin mẹ ẹbịị. Yee gbọrụḅọ-sọ akụarị sịn sọ tẹ so-paka tẹ anị ḅẹ akụ mẹ ḅo tọnwa-apụ sima ma.