Hosiya 10:3 - FỊAFỊA BAỊBỤLỤ

³ Mịna apụ ma ala-a ḅo ḅẹẹ ḅa, “Wa amadaḅọ nyana-a wa KỊNỊNYANAḄỌ ḅe ḍiki-ḅalafa-a ẹrẹsị. Kụma ye sime-ḅara sime-ḅara sọ amadaḅọ inetẹ mịẹ wa pịrị ḅẹ ye tiye?”

Hosiya 10:3 Iomraidhean Croise

Suku-saakị 49:10

Ama-da mkpara mẹ Juda ḅụ sikima ḅịa, anịanịa ḅẹrẹtọnḅọ ḅụụ da mkpara mẹ ò furo-ḅẹ-apụ ḅụ so, nwenii sịẹ, sịẹ igbigi oso-oso ọ̀ pịrị ḅa; anịsakị tomi-kụlọkụlọ ma ọ̀ ḅịḅị poki ḅa.

2 Amadapụ 15:13

Juda ḅẹ amadaḅọ Uziya ama-da tẹ gbọrụ kụra fa kụra amesi karama kụra ḅụụ Jabẹsị owiḅọtụḅọ Salumu saakị ama-dam, tẹ gbọrụ akalụ kẹ Sameriya ḅụ ama-dam.

Devidi-Anume 118:9

KỊNỊNYANAḄỌ ḅe kẹ ḅiokpọma, iḅi tomina sịḅịdapụ ḅụ sịrẹrẹ nẹngịm.

Devidi-Anume 12:4

“Wa ḅii-ye ḅii-ye wamịna ẹkwẹn ma ḅụ, wa nyana ḅa. Wamịna ḅụụ-ḅẹlẹ ye, wa ḍuko ḅa, tẹ gbọrụḅọ-sọ inetẹ wa kiki ḅịa.”

Ayịzaya 5:19

Ọ́ ḅẹẹarị, “Yee KỊNỊNYANAḄỌ ḅe fọnya ḅo tẹ ọ̀ ḅẹẹarị ọ̀ mịẹ ḅẹ ye mẹ mịẹ-mịẹ tẹ wa inetẹ tọrụngbọ kẹ anị ẹrị ḅẹ ḅara. Yee Izirẹlịapụ tẹkẹarị Tamụnọ ḅe ọ̀ tọn koroma tẹ aị ma mịẹẹ; yee wa ò kuroma simearị ye ẹrị.”

Hosiya 10:15

Anie paka ọ́ pịrị ḅarịye, Bẹtẹlị ḅẹ apụ, ḅalafama siye tẹ ọ́ mịẹ tẹ ye ẹrẹsị. Ọmụ mẹ saakị kirikiri, Izirẹlị ḅẹ amadaḅọ fịị ḅa.”

Hosiya 10:7

Árị amadaḅọ ḅe ini ò dogi-so ḅa, minji sịn pakịrị dogi-so ḅara.

Hosiya 11:5

Ịn ḍụkụ tẹ pịkị ị̀ ḍọkụma-ḅoa, tẹ mie ḅụ ịn pịkị Ijiputi mu nyanam, tẹ Asiriya ḅẹrẹtọn ịn pịrị ḅa.

Hosiya 13:10

Ọmịna amadaḅọ na sịḅịdapụ na ḅiim, kụma ndẹẹ ini inetẹ sịẹ mẹ ḅọrọma ḅẹ ḅara?

Hosiya 13:11

Ị̀ ịganị ḅụ àrị amadapụ kẹ ọ́ pịrị tẹẹ, tẹ ì owi-ịganị ḅụ àrị ini ọkị-so tẹẹ.”

Hosiya 3:4

Paa mị gbọrụ ḅara mẹ Izirẹlịapụ ma sime tẹ ḍumo nyanam, mu alama lama, amadapụ anịanịa sịḅịdapụ nyana-a ḅara, agba ma anịanịa tọn-tọn aḍụḅarị ofori ḅara, oru-afụḅara anịanịa mḅudu amẹẹ tẹ kẹ ḅịrị ḅii ḅẹ aị ofori ḅara.

Mayịka 4:9

Í tiegotẹ mịọkụ peema-peema oloku-oloku owuarị? Ị́ ḅarị amadaḅọ nyana-a? Nimi ẹkwẹn kọn í tolumarị apụ ma fịị fa tẹ ẹrẹsị, ị́ iyiarị ẹrẹḅọ iyi akụ da ḅara kẹ tọrụsiẹrị aro?

Jọnị 19:15

Ịn nwẹnị oloku saḅama, “Ọ̀ ḅaa! Ọ̀ ḅaa! Ọ̀ kẹ ẹngbẹsẹ-sịn ḅụ ḅakụụ!” Payịleti nwẹnị in gbela, “Ó ḅiiarị àrị ọmịna amadaḅọ kẹ ẹngbẹsẹ-sịn ḅụ ḅakụ?” Agbamịẹapụ ma nwẹnị pakịrị, “Romu tomikiri mẹ daarị ḅọ ḅe kịngẹ mie amadaḅọ tẹ wa nyana ḅọ!”

1 Samụẹlị 12:25

Kụma ọ́ nwẹnị paa si-sịḅịḅio-sụa ḅara kẹ ye mịẹ-mịẹ, ọmịnị-o, ọmịna amadaḅọ-o, ini ọmịnị ọfịn siin ḅa.”