Hosiya 10:2 - FỊAFỊA BAỊBỤLỤ

² Amịna aḅioḅẹngbọ oḅori-kẹ-kịnịsịn ḅara sime wararị apụ ma mịọkụ ịna asi gotẹ tọrụsiẹrị ḅa. Tamụnọ ịna agbamịẹ-anga ma kan kiri lama tẹ pịkị ịna tọn-tọn ḍụḅarị ḅeriaị ma guluguluma ḅa.

Hosiya 10:2 Iomraidhean Croise

1 Amadapụ 18:21

Ịlayịja nwẹnị sọma-ḅo tomi mamgba kpeki tẹ ḅẹẹ, “ọmịnị ọmịna kuroma ḅụ maa warị kpọọ oḅori sọ mu tọ sakị la ḅẹ? KỊNỊNYANAḄỌ ḅe anie Tamụnọ ḅẹḅẹ, ọmịnị ò ḍuka mẹnjịị, ori-a, kụma Balị anie Tamụnọ ḅẹḅẹ, ọmịnị ò ḍukamẹnjịị.” Kụma tomi ma gbọrụ ẹkwẹn-ḅịḅị sọ kẹ ọ̀ pakịrị-a.

Paka-so 23:24

ọ́ sịḅị-tuu ịna oru-atamụnọ ma pịrị, anịanịa, fịrịmẹnjị ịn pịrị, anịanịa ini ịna akọrịnama kọrịarị ḅara kọrị ma, kụma ọmịnị ịkatakirikọn-a-ḅara kẹ ịn saakị sin, tẹ ịna ịḅalị ma kẹ pakịrị-pakịrị puu ḅa.

Egberima-Ẹkwẹn 11:18

Karakaramatẹ si-sịḅịḅio-sụapụ nyanarị gbọrụ sọye sọ ofori, kụma í kuraye mịẹ-mịẹ, nimi mịnẹ ị́ anị ḅẹ gbẹẹ-ye nyana ḅa.

Ayịzaya 44:18

Ọkọ sime apụ ma ini oḅori-sọ ḅụra tẹ ḅarị ịn mịẹarị ye nimi-a. Ini ịna atọrụngbọ na ịna akuroma na gbaịn karakara mẹ pịrịarị.

Jerimaya 43:13

Ijiputi ḅẹ Hẹlịyopolisi ḅụ simearị tẹ ịn kẹ tọn-tọn ḅara wẹrị wararị kịnị kẹ ḅiokoroma aḍụḅarị mamgba ò guluguluma ḅa, tẹ Ijiputi ḅẹ atamụnọ-awarị ma dọkịma kiri lama ḅa.”

Izikẹlị 14:5

Arị oru-afụḅara mamgba Izirẹlịapụ ma tọrụ da sikima ḅelema tẹẹ ị̀ ḅụ, kụma ị̀ pakịrị-ḅịḅị ḅụ à ḅiokpọ wararị à siin ịn nyana ọkị tẹ ịn sịḅị-tuu ị̀ pịrị ḅa.”

Hosiya 12:11

Anịsọ ịn paa sunsin oru-afụḅara pịrịm Giliyadi ḅụ, tẹ sunsin arị pịrị apụ ma ịn fịị ḅa. Giliyadi ḅụ ịn nambulo-nambulo-nambulo kẹ agba mịẹm, tẹ anịanga ḅụ agbamịẹ-anga ma ḅo papaa kobiri-kobiri kirikiri ḅụ kpolima wararị aḍụḅarị sọ ḅa papaa finji sara wararị ḍụọ kọrị-a kiri ḅụ.”

Hosiya 13:16

Sameriya fomu-ḅara da nyanam á kẹ kọngọ-kụrọma ị̀ pịrị ye ḅụ. Árị atomi fịị ḅa ọmụ ḅio; ḅara-ḅio dogiarị awọmẹ ma ini ịn sẹma-kiri-gbin ḅa, tẹ furatẹ-ereme furo puu-puu finji ḅa.

Hosiya 3:4

Paa mị gbọrụ ḅara mẹ Izirẹlịapụ ma sime tẹ ḍumo nyanam, mu alama lama, amadapụ anịanịa sịḅịdapụ nyana-a ḅara, agba ma anịanịa tọn-tọn aḍụḅarị ofori ḅara, oru-afụḅara anịanịa mḅudu amẹẹ tẹ kẹ ḅịrị ḅii ḅẹ aị ofori ḅara.

Hosiya 7:8

KỊNỊNYANAḄỌ ḅe ḍukoarị, “Izirẹlịapụ ma kịkarị ye anie iḅiọkụ fọị ḅịyama-a fịturu kpoo. Ini in gbori-ikelema wararị asịẹ ma ḅụ sịrẹrẹarị,

Lẹvitikọsị 26:30

Àrị ọmịna geletẹ ayeyọ ma sukuruma-gbin ḅa, tẹ ọmịna kụnụaị ebeka ma pẹlẹ, pẹlẹ-gbin, tẹ ọmịna fịtẹ oju ma saakị, saakị ọmịna fịtẹ akpokobịa ma ọgọnọ gbana ḅa, tẹ ọmịnị ị̀ ḅụụ si ḅa.

Mayịka 5:13

Àrị ọ́ kẹ ye kịkama mịẹ aị ma na, ọmịna fịafịa aḍụḅarị ịḅalị ma na pẹlẹ-siin ḅa ọmịna ogboku ḅụ, tẹ ọ́ ḅarị jen-maaịn kẹ sịḅị-tuu ọmịna aḅara ḅẹ kọrịnama pịrị ḅịa.

Zẹfanaya 1:5

Ḅẹḅọ-ḅẹḅọ tẹ warị-isun kpọlị tẹ sunsin ịrụa na, akalụ mẹ na, lolia ma na pịrịarị ḅọ, arị mḅọ ḅaa guluguluma ḅa. À pịkị sunsin ị̀ pịrịarị tẹ ye karị tẹ sịḅị-tuu ị̀ pịrịarị tẹ pịkị Mịlịkọmụ nwẹn-sịn oru-tamụnọ ḅe ẹrẹ kẹ ye karịarị ḅọ ḅaa guluguluma ḅa.

Zẹkaraya 13:2

Anị ene mẹ ḅụ, àrị amakiri mẹ ḅụ oru-afụḅara ẹrẹ ma saakị siin ḅa, tẹ gbọrụḅọ-sọ ḅarị jen kẹ ịn kẹ ḅiokoroma ḅịa. Ịkịankoroḅọ kẹ amịna ḅụụ ọkịarị ḅọ goḅọ-goḅọ, arị mḅọ na mịẹ ye nyana ḅịa, tẹ oru-afụḅara tẹkẹ ḅioḅẹngbọ mẹ ọkị so ḅa.

Matiyo 6:24

Gbọrụḅọ-sọ inetẹ gbọrụ sakị ḅụ omoni-sọ maa sịḅịdapụ pịrị ḅịa; ọ̀ gbọrụḅọ ḍiki-ḅioḅu tẹ osi-ḅọ ḅẹlẹma ḅa; ọ̀ sịḅị-tuu gbọrụḅọ pịrị tẹ osi-ḅọ ḍiki-sima ḅa. Ọmịnị inetẹ Tamụnọ na igbigi na kẹ pii-pii ḅẹẹ ḅara kẹ fịrịmẹnjị pịrị ḅịa.

Luku 16:13

“Gbọrụ fịrịmẹnjịḅọ sọ gbọrụ kiri maa apụ omoniḅọ sọ ḅịa, mḅọ gbọrụḅọ ḍiki-ḅioḅu tẹ osi-ḅọ ḅẹlẹma ḅa; mḅọ sịḅị-tuu gbọrụḅọ pịrị tẹ osi-ḅọ ḍiki-sima ḅa. Ọmịnị inetẹ gbọrụ kiri sunsin Tamụnọ na igbigi na pịrị gboloma ḅịa.”

Jemụsị 1:8

mḅọ anie maa ḅioḅẹngbọ sụa wararị tomḅọ, inetẹ gbọrụ kiri sịẹ-a ḅọ.

Jemụsị 4:4

Ọmịnị sunsin Tamụnọ pịrị sịkịtẹ atomi! Ó nimi-a mịnẹ ḅẹlẹma nyana tomikiri ḅẹ si-aị pịrị anie Tamụnọ na fịya-a? Tomikiri ḅẹ si-aị ḅẹlẹmaḅọ ḅẹlẹmaḅọ, mḅọ Tamụnọ na fịya-a ḅọ sọ tẹẹ.

1 Jọnị 2:15

Ó tomikiri mẹ ḅẹlẹma ma, anịanịa sime tomikiri mẹ pịrị aị ma ḅẹ gberie-sọ. Ó tomikiri mẹ ḅẹlẹmarị ḅẹḅẹ, ọ́ ḅarị Ḍaḅọ ḅe ḅẹlẹma-a.

1 Samụẹlị 5:4

Kụma jen ene ḅaa ḅụ dede-ḅio, dede-ḅio ịn saakị sakị, ḍikii, Degọnị pịkị ḅịkị tẹ, tẹ tọrụkuḅu kẹ KỊNỊNYANAḄỌ ḅe Ọḅọkụ-Igbe mẹ tọrọkọ kiri-ḅio iḅo tẹẹ, tẹ Degọnị sịḅị-o, ori aḅara-o, pẹlẹ-so tẹ mẹnjị warị mẹ sọarị ḅọkọ suku ḅụ emi, Degọnị ḅiri mẹ ngẹrị mie ọ̀ ḅụụ kọn wararị ye.