Hosiya 10:1 - FỊAFỊA BAỊBỤLỤ

¹ Izirẹlịapụ ma kịkaye girepu mgbọlụ sụarị vaịnị sịn tẹ girepu sụa ḅinma wararị ye. Ịn lọkọlọkọ la ḅara anie ịn pịkị agbamịẹ-anga nama la ḅara. Ịna amakiri fịaị pakama sara la ḅara anie ịn pịkị kẹ ịn sunsin pịrịarị tọn-tọn ḍụḅarị ḅeriaị ma mịẹ iḅima la ḅara.

Hosiya 10:1 Iomraidhean Croise

1 Amadapụ 14:23

In gbala gele anga sọ nama ịna ḅụụ pịrịm, ịḅalị pike, Asịra fụḅara mịẹ koroma gele tẹ tụndụ ọgọnọ goyegoye ḅụ na, eleleinda-tọrụ ḅịa opu sịn suku goyegoye ḅụ;

Jerimaya 11:13

Juda ḅẹ opu ama ma kịẹn-ḅịḅị la ḅara mie ịna atamụnọ kịẹn-ḅịḅị sọ la ḅara, tẹ Jeruselemu ḅio angarị apụ ma opu ama mẹ etela mamgba ḅụ agbamịẹ-anga nama sịḅị-ngụngụnmarị Balị nwẹn-sịn tamụnọ ḅe pịrị tẹ.

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 2:28

Ọ́ ḅarana mịẹ ḅụụ pịrị atamụnọ ma ịn tọ-anga emi? Ọ́ ḅụụ-fụka ḅio sọ sakị yee ini ọ́ ḅọrọma — ini inetẹ ḅarị ḅẹḅẹ. Juda, ì opu ama ma kịẹn-ḅịḅị la ḅara mie pịkị ị́ nyana atamụnọ ma la ḅara.

Hosiya 12:11

Anịsọ ịn paa sunsin oru-afụḅara pịrịm Giliyadi ḅụ, tẹ sunsin arị pịrị apụ ma ịn fịị ḅa. Giliyadi ḅụ ịn nambulo-nambulo-nambulo kẹ agba mịẹm, tẹ anịanga ḅụ agbamịẹ-anga ma ḅo papaa kobiri-kobiri kirikiri ḅụ kpolima wararị aḍụḅarị sọ ḅa papaa finji sara wararị ḍụọ kọrị-a kiri ḅụ.”

Hosiya 12:8

Ịn ḅẹẹarị, ‘Wa ye-kọn tẹẹ, wa ye nyana sara tẹẹ. Tẹ gbọrụḅọ-sọ inetẹ wa kịnị-inoma ḅara kẹ ngọ-kọnm ḅẹ ye kẹ wamịna sịḅị-sẹịn ḅịa.’

Hosiya 13:15

Karakaraye Izirẹlị nwẹnị osuka berebere ḅara bereberearị sọ, àrị ịkpa mẹ ḅio ịrụa-saakịarị-anga ḅụ ọfịrịarị fẹrụ fịrịma mu tẹ ịna ngụngụḅa ma na suḅe ma na samụnọma ḅa. Anị yela ye goyegoye dogi-so ḅa, ịna ngọ-koko-aḅio ḅio.

Hosiya 13:2

Ịn paa si mịẹ-mịẹ-mịẹarị, kiri ḅio paka-ḅo aị kẹ tẹmẹ mḅudu tẹ in sunsin pịrịarị — seleḅa oru-afụḅara, tomina akuroma ḅụ tọn tẹ tomina aḅara kẹ mịẹ aị. Anị tẹso, ịn ḅẹẹarị, “Ọmịnị agbamịẹ arị pịrị.” Ndẹẹ wa arị oru-afụḅara ma ḅịḅị nọnjị ḅẹ ḅara — oru-afụḅara tẹ nambulo sime-ḅara simearị aị ḍiki-tọrụ ḅụ!

Hosiya 13:6

Kụma ọmịnị iḅi ama kiri ḅụ sọ-mu sakị, ọ́ fị furo ḅinmatẹ ye ọmịnị na-iḅim, anị tẹso, ọ́ ḅụụ-gelema tẹ ị̀ kẹ ḅioḅọrọmam.

Hosiya 2:10

Á ḅẹlẹmapụ ma tọrọkọ ḅụ àrị á paụma ḅa, tẹ gbọrụḅọ-sọ inetẹ ị̀ kụrọ ḅụ á ḅọrọma ḅịa.

Hosiya 2:8

Gbala-gbala á minini ḍụkụ-a mịnẹ yẹrị anie mgbọlị-fịye mẹ na, iru mẹ na, olivu-olo mẹ na, seleḅa mẹ na, golu mẹ na kẹ á pịrị tẹ á kẹ mu sunsin Balị pịrị ḅọ ḅee.

Hosiya 3:4

Paa mị gbọrụ ḅara mẹ Izirẹlịapụ ma sime tẹ ḍumo nyanam, mu alama lama, amadapụ anịanịa sịḅịdapụ nyana-a ḅara, agba ma anịanịa tọn-tọn aḍụḅarị ofori ḅara, oru-afụḅara anịanịa mḅudu amẹẹ tẹ kẹ ḅịrị ḅii ḅẹ aị ofori ḅara.

Hosiya 4:7

“Ọmịnị agbamịẹapụ ma kịẹn-ḅịḅị ḍụḅa tọrọkọ-tọrọkọ muarị ḅara anie ọ́ kẹ ị̀ mịẹarị asi ma pịkị ḅaka-ḅaka-ḅakarị ḅara, tẹ mie ḅụ à mịẹ tẹ ọmịna kụn ḅo tọrụ-tuu sọ ḅa.

Hosiya 8:11

“Izirẹlịapụ ma si siin ḅẹ agbamịẹ-anga nama-nama-namarị ḅara, anie ịn pịkị si mịẹ ayọ nyana-nyana-nyanarị ḅara.

Hosiya 8:4

“Ị̀ atomi amadapụ sẹlẹ pakama-ḅom, kụma ịna ḅiotọn ḅara mie ịn kẹ mịẹ ye. Ịn sịḅịdapụ tọnm, kụma ị̀ ḅịḅị-sọ-a ḅara. Ini ịna seleḅa na golu na ọkị tẹ kẹ oru-afụḅara mịẹm — kẹ ịna ḅụụ guluguluma ḅẹm.

Lẹvitikọsị 26:1

“Ọ́ sịḅị-tuu arị pịrị ḅẹ ḅara kẹ gbọrụ kpokobia sọ kara, anịanịa gbọrụ ye na kịkaye tẹmẹ anịanịa ịḅalị saakị sịẹma ọmịna aḅụụ pịrị ma, pịkị ye kịka ḅara sime ḍụḅarị tẹlẹma sịẹma ma; kẹ gotẹ ọkọ ḅẹẹarị, Yẹrị anie KỊNỊNYANAḄỌ ọmịna Tamụnọ ḅee.

Nahọmụ 2:2

(Kẹ gotẹ ọkọ ḅẹẹarị, KỊNỊNYANAḄỌ ḅe Jekọbụ ama-da opu mẹ pịkịma ḅoarị Izirẹlị ama-da opu mẹ sime-ḅara, gbala kụrọ-ḅara kẹ ngọ fọịn apụ ịn fọịn tẹ ịna ịkpangị ma sima sara tẹẹ.)

2 Kọrịntị 5:16

Ọkọẹrẹsị, wa ḅarị jen kẹ tomina tọrụ kẹ gbọrụḅọ-sọ ḍiki tẹ kọn ḅịa. Karakaraye gbọrụ sakị wa tomina tọrụ kẹ Kịrayịsị ḍiki tẹ ọ̀ kọn tẹ nwẹn ḅẹẹ sọ, wa ḅarị jen kẹ ọkọ mịẹ-a.

Filipayị 2:21

Kirikọn-apụ mamgba, ọrụḅọ-ọrụḅọ amịna ḅara-kuḅu ḅẹ ye kẹ ye-sịn tẹ Jizọsị Kịrayịsị ḅẹrẹ mẹ bala-a.